Rü yugagu poraãcü ngúü̃ tingegü, ngẽmacaꞌ i Tupanaarü Ore rü uwanügu nanau i yu. (1 Corĩ́tiucü̃ãꞌ 15:26) Nhaa ngúeruü̃ 27wa, marü nüü̃ cucuaꞌ na Yeuwa tá nüü̃ narüporamaeü̃ nhaa uwanü. Notürü taꞌacü nangupetüü̃ tá ngẽma duü̃ü̃gümaã i marü yueü̃? Ngẽma ngúeruü̃wa yeera tá nüü̃ cucuaꞌ i ngẽma meẽtchiü̃ i unetatchiga, na Yeuwa tá wenaarü namaẽẽẽ bilhões i duü̃ü̃gü i marü yuegüü̃ nanayaugüãü̃caꞌ i maü̃ i taguma gúü̃. Eꞌna wenatáarü namaẽü̃ i duü̃ü̃gü i marü yueü̃? Ngetá namaẽü̃ tá? Rü dauü̃wa urü nhama i Naanewa?

1. Taꞌacü Yeuwa ãũrima nawaꞌeü̃ nanaüü̃ nacagü i tatanüü̃ rü tamücügü i marü yuegüü̃?

Yeuwa nawaꞌeü̃tchi na wenatáarü ínarüdagüü̃ i duü̃ü̃gü i marü yueü̃. Wüi ga yatü ga i aicumacü rü Yo niĩ ga naẽ́ga, rü nüma rü nagu nayaõ na ngẽgumatchi nayugu rü Tupana rü tama nüü̃ narüngüma. Rü nüma rü Tupanaü̃ nhanagürü: “Cuma tá tchaucaꞌ cuca rü cuü̃ tchangãü̃ tá [yéa namaü̃güwa].” — Nawa naugütae Jó 14:13-15.

2. Nhuãcü nüü̃ tacuaꞌgü na yueta wenaarü namaẽü̃ tá?

Yeguma Ngetchutchu nuã Naanewa nayemagu Tupana nüna naã i pora na yuetagüü̃ namaẽü̃caꞌ. Cuaꞌãtchiruü̃, ga Ngetchutchu wenaarü namaẽẽẽ ga wüi bucü ga 12 ga taunecü ngĩü̃́ yemaꞌcü rü yutearü tümane. (Marcu 5:41, 42 rü Luca 7:12-15) Nüma wenaarü namaẽẽẽ ga namücü ga Lázaru na marü ãgümücü i nguneü̃ ga na nayuü̃. Rü Ngetchutchu ga Tupanacaꞌ nayumüẽ rü yemawena nhanagürü: ‘Pa Lázaru, ínaũü̃ i ngẽma! Rü ínaũü̃ ga Lázaru.’ Lázaru wenaarü namaẽ! (Juã́ũ 11:43, 44) Meã nagu narüĩnü nhuãcü ga Lázaruarü natanüü̃ rü ta namücügü ãũrima nataãẽü̃!

3. Taꞌacü i uneta nüü̃ nangẽma tá i tatanüü̃gü rü tamücügü i marü yueü̃?

Rü Tupanaarü Ore nüü̃ niu: “Rü tá wena na namaẽü̃ i ngẽma yueü̃.” (Puracügü 24:15) Nũcümaü̃tchi i duü̃ü̃gü ga Ngetchutchu wenaarü maẽẽẽü̃ tama dauü̃guü̃ i naanewa ínatchoũ. (Juã́ũ 3:13) Ngẽma duü̃ü̃gü ga nataãẽgü erü wenaarü namaẽ nhama i Naanewa. Ngẽgumarüü̃ paa Ngetchutchu tá wenaarü namaẽ bilhões i duü̃ü̃gü na namaẽü̃caꞌ guü̃gütáma i natchica i meẽtchiü̃ nhaa i Naanewa. Ngetchutchu nüü̃ niu guü̃ma i duü̃ü̃gü marü yueü̃ “rü tá ínarüdagü”. (Juã́ũ 5:28, 29) Nhaü̃tchiga niĩ guü̃ma i duü̃ü̃gü Tupanaarü ĩnüwa na ngẽmagüü̃ wenatáarü namaẽ, woo togü i duü̃ü̃gü tama nüna nacuaꞌãtchie.

 YEERA NÜÜ̃ CUCUAꞌ

4. Ngetchutchu nanaweꞌ na nüma tá ínarüdagüẽü̃ i yueü̃

Yeera nüü̃ nacuaꞌ i taꞌacütchiga ga Ngetchutchu naüü̃ namücügu ga Lázaru. Nawa naugütae Juã́ũ 11:14, 38-44. Yicama pegümaã pideagü ngẽmatchiga:

• Nhuãcü nüü̃ icuaꞌgü na Lázaru rü marü yutchirecü yiĩü̃? — Nüü̃ nadau i wetchicuru 39.

• Ngetchutchu Lázaruü̃ ínarüdaẽẽ na nhama i Naanewa namaü̃ü̃caꞌ. Tchi Lázaru dauü̃wa naṹgu, taꞌacüruü̃ ga Ngetchutchu nüü̃ ínarüdaẽẽ?

Nüü̃ cudau i VÍDEO.

5. Muü̃tchi i duü̃ü̃gü wenaarü namaẽ tá!

Nawa naugütae Salmos 37:29. Yicama pegümaã pideagü ngẽmatchiga:

• Bilhões i duü̃ü̃gü rü wenaarü namaẽ tá. Ngetá namaẽ tá?

Ngetchutchu tá wena nanamaẽẽẽ i aicuma Yeuwaarü duü̃ü̃gü rü ta togü duü̃ü̃gü. Puracügü 24:15wa nhanagürü: “Rü narüü̃ tchayaõ na wena tá ínarüdagüü̃ i ngẽma yueü̃ i weꞌguü̃ rü tama weꞌ.” Yicama pegümaã pideagü ngẽmatchiga:

• Teé cunawaꞌe wenaarü nüü̃ cudau ínarüdagu?

• Ngẽma uneta i wenatáarü ínarüdagütchiga, nhuãcü Phelicityarü papagüü̃ nataãẽẽẽ?

 TAꞌACÜ MARÜ NÜÜ̃ CUCUAꞌ?

Rü Bíblia nüü̃ niu na bilhões i duü̃ü̃güü̃ marü nayuü̃ rü wenaarü namaẽ tá. Yeuwa nanawaꞌe na ngẽma duü̃ü̃gü wenaarü namaẽ tá rü ngẽmacaꞌ nüma i Ngetchutchuna nanaã i pora na ngẽma naüü̃caꞌ.

Ngeü̃rüüü̃ i curü ngãü̃?

• Taꞌacü Yeuwa rü Ngetchutchu naügütchaü̃ü̃ nacaꞌ i duü̃ü̃gü i marü nayueü̃?

• Ngẽma bilhões i duü̃ü̃gü na wenaarü namaẽ tá, ngetá namaẽ tá? Rü dauü̃wa urü nhama Naanewa? Tüꞌcüü̃?

• Ngẽma duü̃ü̃gü i cungetchaü̃ü̃ i marü yueü̃, rü nagu cuyaõ na wenatáarü namaẽü̃? Tüꞌcüü̃?