AISISIAET NA 30
Epedorete Ikonitunga Lukatwak Aijar Bobo!
Eyauni atwanare akuudian naepol keda aiturur. Kanuangun, enyarit Ebaibuli atwanare lokasurup. (1 Ikorinton 15:26) Kotoma aisisiaet na 27, apotu oni esisiautu ebe ebeit Yawe aipikor lokasurup ngol. Do bo do ngul luadautu atwakare? Ibuni bobo oni aisisiaun kotoma aisisiaet kana nuikamunitos aisumunet ace naitegelikina naeinakinit Yawe. Itunga luipu luitajaruni ngesi epote alelakin aijar ikar kere. Eebo, itajaruni ngesi kes! Epedoros kereka ngun? Ai bo ejaunos kesi kitajarun, toma akuj arai bo akwap?
1. Anyoika bo nuekoto Yawe aiswamakin ipajan ka ipaperowok luatwakata?
Imiela Yawe aitajarun itunga luatwak. Amuno Yob etunganan lokaiyuun ebe, karaida ketwana ngesi, mam Edeke ebuni aimurwokin nges. Abu ngesi kotema atiar: “tikiinyarau, eong da eii [kotoma ates].”—Kosiom Yob 14:13-15.
2. Epone ani ijenunia oni ebe itajarunio lukatwak?
Naajaar Yesu toma akwap abu Edeke kijaik nges apedor naka aitajarunun itunga. Abu Yesu kitajaru ipese yenikikar 12 keda esapat loka apuserut. (Marako 5:41, 42; Luka 7:12-15) Ekaulo, abu Lasaro epapero loka Yesu kotwana. Karaida adaunit Lasaro apaarasia aongon kates, abu Yesu kitajaru nges. Kedau Yesu ailip, abu ngesi kiworo keporoto loepol ebe: “Lasaro, kolom”! Kosodi do etunganan “lokatwan” alomun kinga—ejari! (Yokana 11:43, 44) Koomoom ber ijo epone loapotu ipajan ka ipapero luka Lasaro kopupunioto!
3. Ani bo amun naejai kanuka ipajan ka ipaperokon luatwakata?
Isumunit Ebaibuli ebe: “ejaun ajarun.” (Aswamisio 24:15) Kotunga luetajarunit Yesu, emamei kakesi yenabu kodokarite toma akuj. (Yokana 3:13) Eyalamasi kesi aitajarunio kanu aijar bobo kane kotoma akwap. Kwape kwangin da, ebuni bobo Yesu aitajarun itunga luipu alelakin aijar ikar kere koparadais kakwap. Abu ngesi kisumun ebe “itunga kere luejaas toma atesin”—aimoriarit ngul da luesubitos bala imurwokinitai konye kiitunite Edeke, itajaruni ngesi kes.—Yokana 5:28, 29.
KISISIAU NUIPU
Kisisiau kotoma Obaibuli nuitogogongitos ebe epedoros ido ebunio aitajarun lukatwak. Kojenu epone loepedoria ajarun naka lukatwak aitalakaar ka aijaikin ijo amun.
4. Abu Yesu kitodu ebe epedori ngesi aitajarun lukatwak
Kisisiau kaidules nuabu Yesu kiswamak Lasaro opaperoke. Kosiom Yokana 11:14, 38-44, kosodete aimor aingiseta nuta:
-
Epone ani ijenunia oni ebe atwanit cut Lasaro?—Koany ikokoron 39.
-
Arai kodokarite Lasaro toma akuj, iwomit kereka ijo ebe ti Yesu itajarunit nges kanu aijar bobo kotoma akwap?
5. Epote itunga luipu ajarun!
Kosiom Isabulin 37:29, kosodete aimor aingiset nata:
-
Ai bo epote itunga luipu luitajarunio ajaun?
Ebuni Yesu aitajarun itunga luipu mere ngul bon luijaanakinitos Yawe. Kosiom Aswamisio 24:15, kosodete aimor aingiset nata:
-
Ingai bo ikoto jo aanyun itajarunio?
Koomoom ber ijo: Epedori Yesu aitajarun itunganan kapatan kwape epedoria papa aitwekenyun ikokuke yenejotoi
6. Epedori ajarun ainakin ijo aitalakaario ka amun
Nuiwadikatai Obaibuli nuikamunitos atwanare naka akoku naka Yairo etalakaasi ido esinyikokisi itunga luipu luibworosi. Kosiom abeit naikamunit ngun kotoma Luka 8:40-42, 49-56.
Eringa Yesu kitajarunia akoku naka Yairo, abu ngesi kolimok Yairo ebe: “Sirikikurianar; konye kiyuu aiyuun.” (Koany ikokoron 50.) Epone ani epedoria amun naka ajarun aingarakin ijo . . .
-
naetwania ikonitunganan?
-
naejaar aijarakon oitelesit?
Koboliak EBIDIO, kosodete aimor aingiset naetupakini.
-
Epone ani abu amun naka ajarun koinakinia auriak luka Phelicity aitalakaario keda aisinyikokinio?
EBAKASI ICETUNGA EBE: “Elosete lukatwak toma akuj.”
-
Iwomit ijo biai?
-
Ani bo ekokoro loipedori ijo aitwasam kanu aitodun ebe itunga luipu luatwakata itajarunio kanu aijar kotoma akwap?
NUIDAU AISISIAUN
Isumunit Ebaibuli ebe eponio aitajarun itunga luipu luatwakata. Ekoto Yawe lukatwak aijar bobo ido einakinit ngesi Yesu apedor naka aitajarun kesi.
Ainyogoor
-
Epone ani epupioto Yawe ka Yesu kanuikamunitos aitajarun lukatwak?
-
Ai bo ebeit itunga luipu luitajarunio ajaun, toma akuj arai bo toma akwap? Kanuinyo ibalar ijo kwangin?
-
Kanuinyo icamunitor ijo ebe epedorete ikonitunga ajarun?
ISISIAU BOBO NUTA
Kisisiau nuipedori ijo aswam kanu atitingikin apipil naidumuni ijo kotoma atwaniar ikonitunganan.
“Aingarakinio Kanuka Ngul Luepupete Apipil Naka Atwaniar Itunganan” (Awake! No. 3 2018)
Epedorete kereka ikokoron luka Ebaibuli aingarakin itunganan yenibworo?
Epone ani epedoriata idwe adumun aitalakaario ketwakiasi kesi ikecetunganan?
Itajarunio kereka ice alosit toma akuj? Lu bo angai mam itajarunio?
