CHIIYO 30
Babbululu Besu Bakafwa Bazoopona Lubo!
Lufu lulachisa. Nzizyo zipa kuti Bbayibbele lyaambe kuti lufu ngusinkondoma. (1 Bakorinto 15:26) Muchiiyo 27, twakayiya kuti Jehova uyoomunyonyoona sinkondoma ooyu lufu. Pesi niinzi chitazoochitike kubantu bakafwa kale? Muchiiyo eechi, tulayiya atala achisyomezyo chaJehova chakuti uzoobusya mabbiliyoni aabantu kuti bazoopone lubo kukabe kutamani. Ziyoochitika na choonzyo eezi? Bantu aabo bayoobusigwa, bayookkala kujulu na naakuti aanyika?
1. Jehova uyanda kuzoobachitilaanzi babbululu besu bakafwa?
Jehova uyanda kuzoobusya bantu bakafwa. Jobu wakali aalusyomo lwakuti Leza wakali kuzoomubusya naakali kuzoofwa. Wakabuzya Leza kuti: “Uyakwiita, eelyo mebo ndiyookuvwiila” kuzwa mukabanda.—Bala Jobu 14:13-15.
2. Tuzizi biyeni kuti bafwide bazoobusigwa?
Jesu naakali aanyika, Leza wakamupa manguzu aakuti abusye bantu bakafwide. Jesu wakabusya kasimbi kakali aaminyaka iili 12 amwana wamukamufu. (Marko 5:41, 42; Luka 7:12-15) Mukuya kwachiindi, Lazaro mweenzinyina waJesu wakafwa. Nikuba kuti Lazaro wakali waba aamazuba aali 4 kafwide pesi Jesu wakamubusya. Naakazwa aakukomba kuli Leza, Jesu wakoompolola akwaamba kuti: “Lazaro, kozwa oomo! Imuntu ooyo iwakafwide wakazwa” kali muumi. (Johane 11:43, 44) Yeeyela kuti bakabotelwa biyeni bamumpuli yaLazaro abeenzinyina.
3. Mbuubuli bulangilizi mbutulaabo atala ababbululu besu bakafwa?
Bbayibbele lyaamba kuti: “Kuyooba bubuke bwabantu.” (Milimo 24:15) Bantu Jesu mbaakabusya teebakali kujulu pe. (Johane 3:13) Wakababusya kuti bakkale aanyika. Munzila iikozyenie, Jesu uzoobusya mabbiliyoni aabantu kuti bazoopone kukabe kutamani muparadayizi aanyika. Jesu wakati, “aabo boonse ibali muzyuumbwe” kuswaanizya abantu bakafwa chiindi loko bayoobusigwa.—Johane 5:28, 29.
YIYA ZYIINGI
Langa-langa bumwi bukamboni butondeezya kuti bafwide bazoobusigwa chachoonzyo. Bona bubuke mbubukonzya kukuumbulizya akukupa bulangilizi.
4. Jesu wakatondeezya kuti ulakonzya kubusya bafwide
Bona nzyaakachita Jesu chiindi mweenzinyina Lazaro naakafwa. Bala Johane 11:14, 38-44, mpawo musandule mibuzyo iitobela:
-
Tuzizi biyeni kuti Lazaro wakalifwide choonzyo? (Langa vesi 39.)
-
Kuti kakuli Lazaro wakali waya kujulu, ubonaanga zyakali kunoochita na kuti Jesu amubusizye aanyika?
5. Kuzoobusigwa bantu biingi!
Bala Intembauzyo 37:29, mpawo musandule mubuzyo uutobela:
-
Mabbiliyoni aabantu batazoobusigwe bazookkala kuli?
Jesu uzoobusya bantu biingi loko kuswaanizya abantu bakatali kukomba Jehova. Bala Milimo 24:15, mpawo musandule mubuzyo uutobela:
-
Ngwani nguyanda kuzoobona kalikubusigwa?
Jesu ulakonzya kubusya muntu uufwide mbuli muzyali mbakonzya kubusya mwanaakwe uulikoona
6. Bubuke bulakonzya kukuumbulizya akukupa bulangilizi
Nkani iili muBbayibbele yamwana musimbi waJayiro ilikuumbulizya bantu biingi loko bakafwidwa. Bala lwaano luli muli Luka 8:40-42, 49-56.
Jesu wakabuzya Jayiro kuti: “Utayoowi pe, kosyoma buyo.” (Langa vesi 50) Bulangilizi bwabubuke kujana bwakugwasya biyeni . . .
-
kuti wafwidwa bbululu wako?
-
kuti buumi bwako bwaba mumapenzi?
Mweebele KAVIDIYO, kuzwa waawo, musandule mubuzyo uutobela.
-
Bulangilizi bwabubuke bwakabawumbulizya biyeni bazyali baPhelicity?
BAMWI BAAMBA KUTI: “Tazichiti pe kuti bantu bafwide bazoobusigwe.”
-
Aniwe uyeeyaanzi?
-
Kujana wabelesya lugwalo luli lutondeezya kuti bafwide bazoobusigwa?
CHIFWIINSYO
Bbayibbele litondeezya kuti mabbiliyoni aabantu bazoobusigwa. Jehova uyanda kuti bantu aabo bazoopone lubo, wakapa Jesu manguzu aakuti azoobabusye.
Mibuzyo Yakwiindulula
-
Jehova aJesu bayanda kuzoobachitilaanzi bantu bakafwa?
-
Mabbiliyoni aabantu batakabusigwe bazookkala kujulu na naakuti aanyika? Nkamboonzi nuwaamba oobo?
-
Niinzi chipa kuti ubaachoonzyo chakuti babbululu bako bakafwa bazoobusigwa?
YANDUULISISYA
Bona zintu zikonzya kukuumbulizya chiindi nwaafwidwa.
“Zikonzya Kugwasya Bantu Bali Mubuumba” (Amubuke! No. 3 2018)
Bbayibbele lilakonzya na kugwasya muntu wafwidwa?
Niinzi chikonzya kuumbulizya bana chiindi nibafwidwa bbululu naakuti mweenzinyina?
Bantu batazoobusigwe bazooya kujulu na? Mbaani batazooleke kubusigwa?
“Kubusigwa Nkuchitaanzi?” (Chiiyo chijanika aaIntaneti)
