MATAUPU 30
E Mafai o Toe Ola Mai Ou Tino Pele!
A te mate e fai ei ke fanoa‵noa malosi tatou. Tenā te pogai e taku ei i te Tusi Tapu me se fili. (1 Kolinito 15:26) I te Mataupu 27, ne tauloto koe me ka fakaseai atu ne Ieova a te fili tenā. Kae ne a mea ka ‵tupu ki tino kolā ko oti ne ‵mate? I te mataupu tenei ka tauloto ne koe a mea e uke atu e uiga ki te suā folafolaga gali a Ieova—ka toe faka‵foki mai ne ia te fia piliona o tino ke mafai o ola ki te se-gata-mai. Ka faka‵tu mai ne ia latou! E a, e mafai o tupu se mea penā? E mata, ka faka‵tu aka latou ke ola i te lagi io me i te lalolagi?
1. Se a te mea e manako a Ieova ke fai ki ‵tou tino pele kolā ko oti ne ‵mate?
E manako malosi a Ieova ke toe fakaola a tino ‵mate. Ne loto talitonu a te tagata fakatuanaki e fakaigoa ki a Iopu me ka se mafai o puli a ia ne te Atua māfai ko mate. Ana muna ki te Atua: “Ka kalaga mai koe, kae ka tali atu au ki a koe [mai te Tanuga].”—Faitau te Iopu 14:13-15.
2. E iloa pefea ne tatou me ka toe faka‵tu aka a tino ‵mate?
I te taimi ne nofo ei a Iesu i te lalolagi, ne tuku atu ne te Atua a te ‵mana ki a ia ke mafai o toe faka‵tu aka a tino. Ne fakatu aka ne Iesu mai te mate se tamaliki fafine ko 12 ana tausaga mo te tamaliki tagata a se fafine ko mate tena avaga. (Maleko 5:41, 42; Luka 7:12-15) Fakamuli ifo, ne mate te taugasoa o Iesu ko Lasalo. E tiga loa ko oti ne mate kae tanu foki a Lasalo i aso e fa, ne toe fakatu aka ne Iesu a ia ki te ola. I te otiga ne ‵talo ki te Atua, ne ‵fuli atu a Iesu ki te tanuga kae kalaga atu: “Lasalo, vau ki tua!” Kae “ne vau ki tua te tagata telā ne mate”—ko ola! (Ioane 11:43, 44) Mafaufau ki te fia‵fia o kāiga mo taugasoa o Lasalo i te taimi tenā!
3. Se a te fakamoemoega mō ou tino pele kolā ko oti ne ‵mate?
E folafola mai te Tusi Tapu: “Ka toe‵tu mai a tino.” (Galuega 24:15) A tino kolā ne faka‵tu aka ne Iesu i aso mua ne seki olo ki te lagi. (Ioane 3:13) Ne fia‵fia latou ke toe faka‵tu mai ki te ola i te lalolagi nei. I se auala tai ‵pau, ko pili o faka‵tu aka ne Iesu a te fia piliona o tino ke mafai o ola ki te se-gata-mai i te lalolagi palataiso. Ne fai mai a ia me i tino katoa kolā e masaua ne te Atua, ka toe faka‵tu aka, faitalia me ko seai se tino koi masaua ne ia latou.—Ioane 5:28, 29.
KELI MALOSI IFO
Iloilo aka ki fakamaoniga mai te Tusi Tapu me e mafai eiloa o toe‵tu aka a tino ‵mate. Sukesuke ki te auala e mafai ei o maua ne tatou mai te toetuga a fakamafanafanaga mo se fakamoemoega.
4. Ne fakamaoni mai ne Iesu me e mafai o toe faka‵tu aka ne ia a tino ‵mate
Tauloto ki mea e uke atu ne fai ne Iesu ki tena taugasoa ko Lasalo. Faitau te Ioane 11:14, 38-44, ko sau‵tala ei ki fesili konei:
-
E iloa pefea ne tatou me ne mate eiloa a Lasalo? —Onoono ki te fuaiupu 39.
-
Moi ne nofo atu a Lasalo i te lagi, se a tau faka‵tau, e mata, ka toe fakafoki mai a ia ne Iesu ki te ola i te lalolagi nei?
5. E tokouke a tino ka toe‵tu mai!
Faitau te Salamo 37:29, ko sau‵tala ei ki te fesili tenei:
-
Tefea te koga ka ola i ei a te fia piliona o tino kolā ka toe‵tu mai?
Ka faka‵tu aka ne Iesu a nisi tino e tokouke i tafa o tino tapuaki ki a Ieova. Faitau te Galuega 24:15, ko sau‵tala ei ki te fesili tenei:
-
Ko oi e fia fetaui koe ki ei māfai ko toetu mai?
Mafaufau ki te mea tenei: E faigofie ke fakatu aka ne Iesu se tino e pelā loa mo te faigofie ke ‵fagu ne se tamana tena tama telā e moe
6. E mafai o maua ne koe a fakamafanafanaga mo se fakamoemoega e auala i te toetuga
A te tala i te Tusi Tapu e uiga ki te tamaliki fafine a Iailo ne fakamafanafana kae fakamalosi atu ki tino loto fanoa‵noa e tokouke. Faitau ki te tala tonu tenā i te Luka 8:40-42, 49-56.
A koi tuai o fakatu aka ne ia te tamaliki fafine a Iailo, ne fai atu a Iesu ki te tamana o tou fafine: “Sa mataku, fakatuanaki fua.” (Onoono ki te fuaiupu e 50.) E fesoasoani atu pefea ki a koe a te fakamoemoega ki te toetuga . . .
-
māfai ko mate se tino pele?
-
māfai ko tu tou ola i se tulaga fakamataku?
Pei te VITIO, ko sau‵tala ei ki te fesili tenei.
-
Ne fakamafanafana kae ne fakamalosi atu pefea ki mātua o Phelicity a te fakamoemoega ki te toetuga?
MEA E FAI MAI NE NISI TINO: “Ko tō gali katoa te manatu ki te toetuga ke talitonu ki ei.”
-
Se a tau faka‵tau ki te mea tenā?
-
Se a te tusi faitau e mafai o fakaaoga ne koe ke fakaasi atu me ka isi eiloa se toetuga?
MANATU AOGA
E folafola mai te Tusi Tapu me ka toe faka‵tu aka a te fia piliona o tino kolā ko oti ne ‵mate. E manako a Ieova ke ‵toe ola latou kae ko oti ne tuku ne ia te ‵mana ki a Iesu ke faka‵tu mai latou.
Fesili
-
E pefea lagonaga o Ieova mo Iesu e uiga ki te ‵toe faka‵tumaiga o tino ‵mate?
-
Tefea te koga ka toe faka‵tu ki ei a te fia piliona o tino—i te lagi io me i te lalolagi? Kaia e tali mai ei koe penā?
-
Se a te mea e fakatalitonu atu ki a koe me ka mafai eiloa o toe ola mai ou tino pele?
NISI FAKAMATALAGA
Onoono ki nisi auala aoga kolā ka fesoasoani atu ke mafai ne koe o fa‵ki i te loto fanoanoa.
“Fesoasoani mō Latou Kolā e Fanoa‵noa” (Ala Mai! Napa 3 2018)
E mata, e mafai o aoga a akoakoga mai te Tusi Tapu ki se tino telā e fanoanoa?
E mafai pefea o fakafesagai atu a tama‵liki ki te mate o se tino pele?
E mata, e mafai o fakatu aka se tino ki te lagi? Ko oi a tino kolā ka se faka‵tu aka?