YOOSOMA 30
Atthu yaale munaasivelaanyu anootthikela okhala akumi!
Okhwa onnanooniha ovoreya ni onnaniwiihera ohaawa, Ti yeeyo Biblya oneraawe okhwa ti mwiittani. (1 Akorinto 15:26) Mwa yoosoma 27, Nyuwo mooxuttera weera Yehova onoorowa ommaliha mwiittani owo. Mene eheeni enkela weereya ni atthu yaale akhwiiye? Mwa yoosomeene yeela, munkela oxuttera voohima sa soolaihera sooreera seiyo Yehova opankaawe—owo onimwaatthikihera okumi atthu a ibiliyahu sintxipale, weera ekhaleke mahuku ootheene valaponi, atthu awo anoovinyererihiwa. Neereke eyo enimweereya tthiri? Awo ankela ovinyererihiwa weera yakhaleke woowini? Wiirimu naari elapo ya vathi?
1. Eheeni Yehova ontthunaawe waapakela amusi ahu ni asinthamwene ahu akhwiiye?
Yehova onnatthuna vantxipale waavinyereriha atthu yaale akhwiiye. Mulopwana mmoha oororomeleya, eeriwa Yobi annaroromela weera Muluku khakela omuttiwala owo akhwa vale. Mene nto owo, aamweerela Muluku weera: “Vavale wamukitthana ni miyo kamwakhula [mmahiye].”—Mmusome Yobi 14:13-15.
2. Nninsuwela hayi weera atthu akhwiiye anootthikela okhala akumi?
Emaara Yesu aaraawe elapo ya vathi, Muluku anvaha owera woowavinyereriiha atthu. Mwa ntakihero, Yesu anvinyereriha mwaamwali a iyaakha 12 ni mwaana a namukhweli mmoha. (Marko 5:41, 42; Luka 7:12-15) Owo-tho, anvinyereriha nthamwene awe Lazaro, naamwera Lazaro akhwiiye ni avithinweene moovira mahuku maxexe, Yesu amuttikihera okumi. Yesu anvekela Muluku ni aakhuwela “Lazaro okhumele vaate.” “Mulipa òkhwa àkhumela vate” Avinyererihiwakuru Lazaro aakhala—mukumi! (Yohani 11:43, 44) Muupuwele moota asinthamwe ni amusi awe Lazaro yahakalanlaaya!
3. Yooweherera heeni ekhanle wa asinthamwene anyu ni amusi anyu akhwiiye?
Biblya oolaihera weera: “enekhale evinyerero.” (Miteko 24:15) Atthu yaale yaavinyererihinwe ni Yesu khalayi, khayakenle wiirimu. (Yohani 3:13) Awo yaahakalala otthikela okhala valaponi, vamoharu, moohipisa Yesu onrowa waavinyereriha atthu ibiliyawu sintxipale weera ekhaleke mahuku ootheene mparadiso valaponi. Owo enre “otheene yale ari mmahiyeni” anovinyererihiwa. (Yohani 5:28, 29) Eyo entaphulela weera, ootheene yaale anuupuweliwa ni Muluku anootthikela okhala akumi. Naari atthu yaale ahinuupuweliwa weera yaakhala.
WEERA MUXUTTERE SINTXIPALE
Moone mBiblyani itthu sinoonihera weera atthu ookhwa anoovinyerera tthiri ni eyo enimweereya. Ni moonetho moota ovinyerera onoomaalihaayani ni onoovahayani yoowehera.
4. Yesu aahoonihera weera onimwaavinyereriha atthu ookhwa
Muxuttere sintxipale niile Yesu ampakenlaawe nthamwene awe Lazaro. Mmusome Yohani 11:14, 38-44, avinyaka mutthekule ni ipontu sintharelana:
-
Ninsuwela hayi weera mweekhaikhai Lazaro aahookhwa?—Moone eversu 39.
-
Yesu anvinyereriha Lazaro weera atthikeleke okhala veeli valaponi. Waakhanle weera Lazaro aari wiirimu, Neereke Yesu anpaka eyo?
5. Atthu antxipale anoovinyererihiwa
Musome Nsalmu 37:29, avinyaka mutthekule ni epontu enttharelana:
-
Atthu ibiliyawu sintxipale anoovinyererihiwa. Mene nto ankela okhalaka woowiini?
Ohiya waavinyereriha arumeyi oororomeleya a Yehova, Yesu onkela waavinyereriha atthu antxipale akina. Musome Miteko 24:15, avinyaka mutthekule ni epontu enttharelana:
-
Taani nyuwo mwaatthunaanyu omoona avinyererihinweene?
Paapa onnamukhweela onvenxa mwanawe onkona, etthu emoharu tho, onoomukhweela Yesu oonvinyereriha mutthu okhwiiye
6. Yoolaihera ya ovinyererihiwa pooti woomalihani ni woovahani yooweherera
Osoma mBiblyani yooweereya ya mwaana a Jairo, yoohaakhavihera ni waalipiha atthu antxipale yaawo akhwelinwe. Musome yooweereya ya ekhaikhai eri va Luka 8:40-42, 49-56.
Ahinaakuve onviyereriha mwaana a Jairo, Yesu aahaaleela apapawe mwaana ole: ‘Ohoove mene ororomele paahi.’ (Moone eversikulu 50.) Moota heeni yooweherera yoovinyererihiwa enookhaviheraayani wakhala weera . . .
-
Moomuyeleela mookhwani ole mwamusivelaanyu?
-
Ankha wakhala weera ekumi anyu eri moowoopopihiwani?
Moone EVIIDIYU, avinyaka mutthekule ni epontu enttharelana.
-
Moota heeni yooweherera yoovinyererihiwa yaamaalinhaaya ni waalipiha asipapawe Phelicity?
ATTHU AKINA ANEERA: “Yooweereya ela ya ovinyererihiwa ti yooreeraxa weera ekhale ekhaikhai.”
-
Nyuwo munoonela hayi?
-
Yoolepa heeni nyuwo mweeraanyu nvarele muteko weera mmoonihere mutthu weera oviyererihiwa onimweereya tthiri?
NYAHA SOOTTHUNEYA
Biblya oolaihera weera ibiliyawu sintxipale saatthu akhwiiye, anoovinyererihiwa. Yehova ontthuna weera atthu akhwiiye etthikele okhala akumi, ni owo, onvaha oweera Yesu weera aavinyererihe atthu.
Wuuluula
-
Eheeni Yehova ni Yesu antthunaaya waapakela atthu ale akhwiiye?
-
Ibiliyawu sintxipale saatthu sinkela ovinyererihiwa, sinkela okhalaka woowi—wiirimu naari elapo ya vathi? Heeni nyuwo enweerihani ohima hiiho?
-
Neereke nyuwo munnaroromela weera atthu munasivelaanyu onotthikela okhala nokumi? Eheeni enoororomelihani?
WEERA MUSUWELE ITTHU SINTXIPALE
Moone miruku sooreera seiyo sinrowa wookhaviherani ovilela okhweliwa.
“Itthu Sinaakhaliherya Ale Akhweliwe” (Nvenye! N.º 3 a 2018)
Neereke miruku sa mBiblyani pooti omukhavihera mutthu onhaawa mwaha wookhweliwa?
Munkela omukhavihera hayi mwaana ovilela ovoreya wookhweliha?
Neereke aakhala atthu ankela ovinyererihiwa weera yakhaleke wiirimu? Atthu heeni ahinkela ovinyererihiwa?
