ღურას დიდ გურჭუა მოუღ. ათეშენ, თის ბიბლია მიშინუანს, მუჭოთ ნტერს (1 კორინთელები 15:26). 27-ა დუდშე ქიგებგით, ნამდა იეჰოვა ბოლოს მუღენს თე ნტერს. მარა მუშ რაგად შილებე თინეფშე, მით უკვე ღურელ რე? თე დუდის უმოს მეტის ქიგეგენთ იეჰოვაშ მოჩამილ ძვირფას იმენდშე. თინა მილიარდობით ადამიანს გათელენს, ნამდა მარადიულო გეხარან ცხოვრებათ! მართალო მოხვადუნო თენა? თინეფ ზეცას ოცხოვრებელო გეთელებნა დოვარ დედამიწას?

1. მუშ კეთებაშ სურვილ უღჷ ღორონთის ჩქინ საჸოროფო ადამიანეფშო, მიდგაქ მიღურეს?

იეჰოვას დიდ სურვილ უღჷ, სიცოცხლე დურთინუას ღურელეფს. იობი, ნამდგას დიდ რწმენა უღუდ, დარწმუნებულ რდჷ, ღორონთ ვა გიჭყოლიდუანდჷ თის ღურაშ უკულ. იობიქ ღორონთის უწუ: „ქუდომძახუქ დო მა ხოლო პასუხის ქიმერჩანქ [სამარეშე]“ (წეკითხით იობიშ 14:13—15).

2. სოვრეშე მიჩქნა, ნამდა ღურელეფ გეთელებნა?

დედამიწას ცხოვრებაშ დროს, ღორონთიქ იესოს ღურელეფიშ გათელებაშ ძალა მეჩჷ. იესოქ გათელ 12 წანერ ძღაბ დო ქომონჯღურელ ოსურკოჩიშ სქუა (მარკოზი 5:41, 42; ლუკა 7:12—15). ჭიჭე ხანშა იესოშ მეგობარქ, ლაზარექ, დოღურ. თიშ უმკუჯინუო, ნამდა ლაზარე ოთხ დღაშ ნაღურა დო დასაფლებურ რდჷ, იესოქ სიცოცხლე დურთინუ თის. ქილოც დო უკულ ხონარმაღალო ქიდიძახ: „ლაზარე, გეგმორთჷ!“ დო „კოჩიქ, ნამუთ ღურელ რდჷ, . . . გეგმორთჷ“. ლაზარექ გეთელ! (იოანე 11:43, 44). წერმიდგინით, მუ ხიოლ აღვენუდეს ლაზარეშ ოჯახიშ წევრეფ დო მეგობრეფს!

3. მუ იმენდ არსებენს ჩქინ საჸოროფო ადამიანეფშო, მიდგაქ მიღურეს?

ბიბლია მოპირნა: „იჸუაფ ღურელეფიშ გათელება“ (საქმეები 24:15). თინეფ, მით იესოქ ულირს გათელ, ღურელეფ რდესინ თიმწკუმა ზეცას ვა ჸოფენა (იოანე 3:13). თე ადამიანეფ გახარებულ რდეს, იესოქ თინეფს დედამიწას ოცხოვრებელო სიცოცხლე დურთინუნ. თეშნერო, მალას იესო მილიარდობით ადამიანს გათელენს, ნამდა გეხარან მარადიულ ცხოვრებათ დედამიწას. მუჭოთ თიქ თქუ „არძა, მით სასაფლას რე“, გეთელებ, თინეფ შქას თიცალ ადამიანეფ ხოლო, მით შილებე მითინს ვა შუდას, მარა ღორონთიშ მეხსიერებას რენა (იოანე 5:28, 29)

 ქიგეგით უმოს

4. იესოქ დამტკიც, ნამდა შეულებ ღურელეფიშ გათელება

ქიგეგით უმოს, მუ აკეთ იესოქ მუშ მეგობარ ლაზარეშო. წეკითხით იოანეშ 11:14, 38—44 დო უკულ გარჩით თუდო მოჩამილ კითხვეფ:

• სოვრეშე მიჩქნა, ნამდა ლაზარე მართალო ღურელ რდჷ? (ქოძირით მუხლ 39)

• მუჭო ფიქრენთ, ლაზარეს ღურაშ უკულ ზეცაშა მიდურთუმუდკონ, დართინუანდუო იესო თის კინ დედამიწაშა, ნამდა თაქ გაგრძელკო სიცოცხლე?

ქოძირით ვიდეო.

5. ბრელ გეთელებ!

წეკითხით ფსალმუნიშ 37:29 დო უკულ გარჩით თუდო მოჩამილ კითხვა:

• სო იცხოვრენს თი მილიარდობით ადამიან, მით გეთელებ?

იესო იეჰოვაშ მსახურეფწკუმა ართო შხვა ბრელ პიროვნებას ხოლო გათელენს. წეკითხით საქმეეფიშ 24:15 დო უკულ გარჩით თუდო მოჩამილ კითხვა:

• არძაშ უმოსო მიშ გათელებას ელუთ?

• მუჭო ელუკინ გურშა გათელებაშ იმენდიქ ფელისიტიშ მშობლეფს?

დასკვნა

ბიბლია მოპირნა, ნამდა მილიარდობით ადამიან გეთელებ. იეჰოვას ოკო, ღურელეფქ კინ დართან სიცოცხლეს დო ათეშენ იესოს მეჩჷ ძალა თინეფიშ გათელებერო.

გამეორებელ კითხვეფ

• სოვრეშე მიჩქნა, ნამდა იეჰოვა დო იესოს ოკონა, გათელან ღურელეფ?

• სო იცხოვრენს მილიარდობით გათელებურ ადამიან — ზეცას დოვარ დედამიწას? მუშენ პასუხენთ თაშ?

• მუ გარწმუნენა, ნამდა თქვან საჸოროფო ადამიანეფ გეთელებნა?