CAWN DINGMI 31
Pathain Pennak Cu Zeidah A Si?
Baibal chung i a biapi bikmi kong cu Pathian Pennak a si. Jehovah nih vawlei ca i a hramthawk tein aa tinhnak tlinter awkah mah Pennak kha a hman lai. Pathian Pennak cu zeidah a si? Atu ah mah Pennak nih a uk cang ti kha zeitindah kan hngalh? Zei hna dah a liim cang? Hmailei ah tah zeidah a tuah lai? Hi cawn dingmi le a hnu cawn dingmi pahnih ah mah biahalnak a phi kha a fianter lai.
1. Pathian Pennak cu zeidah a si, Siangpahrang cu ahodah a si?
Mah Pennak cu Jehovah Pathian nih a dirhmi cozah a si. Siangpahrang cu Jesuh Khrih a si i vancung in a uk. (Matthai 4:17; Johan 18:36) Baibal nih Jesuh kong he aa tlaiin hitin a ti: “Siangpahrang zungzal in a si lai.” (Luka 1:32, 33) Pathian Pennak Siangpahrang in Jesuh nih vawleicung pumpi kha a uk lai.
2. Jesuh he ahote dah uktu a ṭuanṭi lai?
Jesuh nih amah lawngin a uk lai lo. “Hrinkip le chungkip le holhkip le phunkip chung in . . . siangpahrang phun ah na ser hna i annih nih vawlei cu an uk lai.” (Biathlam 5:9, 10) Khrih he minung pa zeizat dah uktu a ṭuanṭi lai? Jesuh vawleicung i a rat thawkin Khrihfa nuai tampi cu a zultu an hung si. Asinain Jesuh he uktu ṭuanṭi awkah minung 144,000 lawng vancung ah an kai lai. (Biathlam 14:1-4 rel.) A dang Khrihfa dihlak cu Pennak rammi an hung si lai.—Salm 37:29.
3. Pathian Pennak cu minung cozah nakin zeicah a ṭhat deuh?
Minung cozah nih thil ṭha tuah awkah an i zuam ko nain an duhmi thil paoh tuah awkah ṭhawnnak an ngei lo. Cun anmah hnuah uktu a ṭuanmi hna cu anmah zawnlawng an i ruat men lai i mi kha bawmh an duh men hna lai lo. Asinain Pathian Pennak Uktu a simi Jesuh cu ahohmanh nih a uknak kha an airolh lai lo. Pathian nih ‘cu pennak cu zeitikhmanh ah a hrawk lai lo.’ (Daniel 2:44) Jesuh nih vawleicung pumpi kha a uk lai i duhdanhnak a ngei lai lo. Anih cu dawtnak, zaangfahnak le dinnak a ngei i mi pawl zong kha pakhat le pakhat dawtnak, zaangfahnak le dinnak he i pehtlaih awkah a cawnpiak hna lai.—Isaiah 11:9 rel.
TAM DEUH IN HLATHLAI
Pathian Pennak cu minung cozah nakin zeicah a ṭhat deuh timi kong kha hlathlai.
4. Pathian Pennak nih vawlei pumpi a uk lai
Jesuh Khrih cu tuanbia chung i zei bantuk uktu nakhmanh in a ṭhawng deuhmi a si. Matthai 28:18 rel law mah biahalnak hi i ruah u:
-
Minung uktu hna nakin Jesuh nawlngeihnak cu zeitindah a ṭhat deuh?
Minung cozah cu aa thleng lengmang i uktu pakhat cio zong nih vawleicung i hmun pakhat lawng kha an uk khawh. Pathian Pennak kong he aa tlaiin tah zeitin? Daniel 7:14 rel law mah biahalnak hna hi i ruah u:
-
“Hrawh khawh lomi” Pathian Pennak cu zeicah a ṭhat?
-
Vawleicung pumpi a uk lai timi cu zeicah a ṭhat?
5. Minung cozah cu airolh a si lai
Pathian Pennak nih minung cozah kha zeicah a airolh lai? VIDEO kha piah, cun a tanglei biahalnak hi i ruah u.
-
Minung uknak i a phichuak cu zeidah a si?
Phungchimtu 8:9 rel law mah biahalnak hna hi i ruah u:
-
Pathian Pennak nih minung cozah kha a airolh awk a si tiah na ruat maw? Zeicah?
6. Pathian Pennak i uktu pawl cu a kan hngalthiammi an si
Kan Siangpahrang, Jesuh cu minung pakhat in a rak nun bal caah “kan santlaihlonak” kha a hngalh. (Hebru 4:15) Jehovah nih Jesuh he uktu ṭuanṭi awkah “hrinkip le chungkip le holhkip le phunkip chung” i zumhfekmi nu le pa, 144,000 kha a thim hna.—Biathlam 5:9.
-
Jesuh le amah he uktu a ṭuanṭi dingmi hna nih kan intuarnak le kan tonmi buaibainak hna an hngalh timi nih hnemhnak aan pe maw? Zeicah?
Jehovah nih Jesuh he uktu ṭuanṭi dingin hnulei sining a phunphun a ngeimi nu le pa pawl kha a thim hna
7. Pathian Pennak upadi cu minung cozah upadi nakin a ṭha deuh
Cozah pawl nih an rammi pawl caah a ṭha lai i a kilven hna lai tiah an ruahmi upadi hna kha an ser. Pathian Pennak zong nih rammi pawl nih an zulh awk a simi upadi kha a ser ve. 1 Korin 6:9-11 rel law mah biahalnak hna hi i ruah u:
-
Mikip nih Pathian upadi kha an zulh tikah vawlei cu zeidah a lawh lai tiah na ruah? a
-
Jehovah nih mah upadi kha Pennak rammi hna nih an zulh lai tiah aa ruahchanmi cu aa tlak tiah na ruat maw? Zeicah?
-
Mah upadi a zul lomi hna zong an i thleng kho ti kha zeinihdah a langhter?—Caang 11 ah zoh.
Cozah pawl nih an rammi pawl kilven awk le ṭhatnak hmuh awkah upadi hna kha an ser. Pathian Pennak zong nih rammi pawl kilven awk le ṭhatnak hmuh awkah a ṭha deuhmi upadi kha a ser ve
MI PAKHAT HALMI: “Pathian Pennak cu zeidah a si?”
-
Zeitindah na leh lai?
A TAWINAK
Pathian Pennak cu vawleicung pumpi a uk dingmi a um taktakmi vancung cozah a si.
I Ruahṭi Ṭhannak
-
Pathian Pennak i uktu cu ahote dah an si lai?
-
Pathian Pennak cu minung cozah nakin zeitindah a ṭhat deuh?
-
Jehovah nih Pennak rammi hna sinin aa ruahchanmi thil cheukhat cu zei hna dah an si?
HLATHLAI CHAP
Pennak dirhnak hmun kong he aa tlaiin Jesuh cawnpiakmi kha hlathlai.
“Pathian Pennak Cu Lungthin Chungah A Ummi A Si Maw?” (Website capar)
Jehovah Tehte Hna nih minung uknak cungah zumhfek tein um nakin Pathian Pennak cungah zumhfek tein um awkah zeicah an i thim?
Jehovah nih Jesuh he uktu ṭuanṭi dingah a thimmi hna 144,000 kong he aa tlaiin Baibal chimmi kha hlathlai.
Thong a tlami nu pakhat kha Pathian lawng nih a dingmi vawlei a siter khawh tiah zeinihdah a zumhter?
“Dinlonak He Aa Tlaiin A Phi Ka Hmuh Ning” (2011, November, I Hlau!)
Mah Kong Hna Zong Hi Na Duh Khawh Men
ATU LE ATU AN HALMI BIAHALNAK
Jehovah Tehte Hna Tuahmi Baibal Cawnnak Program Cu Zeidah A Si?
Jehovah Tehte Hna nih man loin an tuahmi Baibal kong i ruahceihṭinak program ah zei bantuk Baibal lehnak paoh kha na hman khawh. Na chungkhar dihlak asiloah na hawile ahopaoh nangmah he cawn dingin na sawm khawh hna.
