Topẽ Vĩ Rã vỹ Topẽ Pãꞌi to kãmén kamã tĩ, nén ũꞌũ ag kãfór, Topẽ Vĩ Rá vỹ ẽg kanhrãnrãn tĩ, Jeová vỹ ti Pãꞌi tỹ, ti vẽjykre han kãn ke mũ, Ga há ki. Hã ra ne nỹ Topẽ Pãꞌi ti? Ẽg hã ren kỹ ki kanhró nỹtĩ, ti vỹ nĩ ha? Ti ne hyn han huri? Kar ti ne hyn han ke mũ? Lição tag ki kar lição ũn régre kãtĩg ẽn ag vỹ ẽg mỹ tag to kãmén ke mũ.

1. Ne nỹ Topẽ Pãꞌi ti, kar ũn tỹ ne nỹ ti Pãꞌi ti?

Kanhkã tá, Jeová governo ũ han mũ, ti governo tag vỹ tỹ Topẽ Pãꞌi ti nĩ. Topẽ Pãꞌi kãmĩ, Jesus Cristo vỹ tỹ Pãꞌi mág nĩ, kar ti tỹ kanhkã tỹ rĩr nĩ ha. (Mateus 4:17; João 18:36) Topẽ Vĩ Rá vỹ ẽg mỹ ke tĩ, Jesus to “ti tỹ tỹ pãꞌi mág nĩ tag vỹ tũꞌ henh ke tũ nĩ”. (Lucas 1:32, 33) Jesus vỹ vẽnh kar tỹ rĩr ke mũ, Ga kri.

2. Ũ nẽ Jesus mré Ga tỹ rĩr ke mũ?

Jesus pi pir mỹ vẽnh kar tỹ rĩr ke mũ. “Vẽnh vĩ kar tó tĩ ag kãmĩ, nação kar ag kãmĩ, povo kar ag kãmĩ . . . Ag tóg ẽprã ke ag krĩ tỹ ũn mág nỹtĩnh mũ” ti mré. (Nén venh ke 5:9, 10) Ũn tỹ hã re kanhkã ra jãgprynh ke mũ, Cristo mré nĩ jé? Jesus tỹ Ga ra kãtĩg ke kar, ũn e ag vỹ vẽsỹ Jesus nón mũnh fã han mũ. Hã ra Jesus mré ke ag kar mỹ Jesus mré Ga tỹ rĩr ke mũ ke mũ hẽn? Vaꞌ. Ũn tỹ 144 mil ke ag tãvĩn vỹ kanhkã tá Jesus mré Ga tỹ rĩr ke mũ. (Nén venh ke 14:1-4 le kem nĩ.) Jesus mrẽ ke ũ ag kar vỹ Topẽ povo kãmĩ nỹtĩnh kenh ke mũ, Ga kri. — Salmo 37:29.

3. Topẽ Pãꞌi ne tugnĩn ẽprã ke pãꞌi ag há kãfór nĩ?

Kejẽn ẽprã ke pãꞌi ag tỹ nén ũ há ag hyn han sór kỹ, ag pi tar nỹtĩ, ag tỹ nén to jykrén ja ẽn hã hyn han kãn jé. Kar sir prỹg kar ki ag pi ũn ag tỹ rĩr hã ki mũ tĩ. Hã ra Jesus Pãꞌi pi tỹ tũꞌ kenh mũ. Topẽ Pãꞌi vỹ “tũg kenh ke tũ nĩ”. (Daniel 2:44) Jesus vỹ ẽmã kar mĩ tỹ rĩr ke mũ kar ti tỹ vẽnh kar ki rĩr há ke mũ. Ti tỹ tỹ ũn fe há nĩ kar ũn jykre kuryj nĩ, ti tỹ ũn ag kanhrãnrãn ke mũ, ag tỹ jagnẽ to há kar jykre kuryj nỹtĩnh ke mũ jé. — Isaías 11:9 le kem nĩ.

7. Topẽ Pãꞌi vỹ lei ag vỹ tỹ ẽprã ke pãꞌi lei ag há kãfór nĩ

Governo ag vỹ lei ag hyn han tĩ, ag povo ajũna ke kar ag jy nĩgãn nỹtĩ jé. Topẽ Pãꞌi vỹ lei ag nĩ gé. 1 Corinto 6:9-11 le kem nĩ. Kar jagnẽ mré vẽmén nĩ, nén ũ tag ag to:

• Ã hã mỹ, vẽnh kar tỹ Topẽ lei ag jẽmẽ há kỹ, ne nỹ hãn ri kenh ke mũ vẽ? a — Ha vé vẽnh rá sĩ ti.

• Jeová vỹ vẽnh kar tỹ ti lei ag jẽmẽ há ve sór tĩ. Ã hã mỹ, ti mỹ ki hã nĩ hãn? Mỹ ne tugnĩn?

• Ne nỹ ẽg mỹ ven tĩ, kejẽn ũn tỹ lei ag jẽmẽ há tũ tĩ ẽn vỹ ti vẽjykre ki han tĩ? — Ha vé nũmro 11 sĩ ti.

 Ã NE KANHRÃN JA TI

Topẽ Pãꞌi vỹ tỹ governo ũn ri ke nĩ, kanhkã tá kar ti tỹ Ga kar tỹ rĩr ke mũ.

Jykrinkrén mũ

• Ũn tỹ ne nỹ pãꞌi ag Topẽ Pãꞌi to?

• Topẽ Pãꞌi vỹ tỹ ẽprã ke pãꞌi ag há kãfór nĩ, mỹ ne tugnĩn?

• Jeová ne ũn ag vỹ han ve sór tĩ, ag tỹ ti Pãꞌi krẽm ke nỹtĩ jé?