31-ساباق
قۇداي پاتشالىعى دەگەن نە؟
قۇداي پاتشالىعى — كيەلى جازبالاردىڭ باستى تاقىرىبى. ەحوبا وسى پاتشالىق ارقىلى ٶزىنىڭ اۋەل باستاعى جەرگە بايلانىستى نيەت-قالاۋىن ورىندايدى. ولاي بولسا، پاتشالىق دەگەن نە؟ ونىڭ ٴقازىر بيلىك ەتىپ جاتقانىن قايدان بىلەمىز؟ ول وسى ۋاقىتقا دەيىن نەنى جۇزەگە اسىردى؟ ال بولاشاقتا نە ىستەيدى؟ وسى جانە كەلەسى ەكى ساباقتا بۇل سۇراقتاردىڭ جاۋابىن تابامىز.
1. قۇداي پاتشالىعى دەگەن نە جانە ونىڭ پاتشاسى كىم؟
قۇداي پاتشالىعى دەگەن — ەحوبا قۇداي ورناتقان ۇكىمەت. ونىڭ پاتشاسى — يسا ٴماسىح. ول كوكتەن بيلىك جۇرگىزەدى (ماتاي 4:17؛ جوحان 18:36). كيەلى كىتاپتا يسا تۋرالى: «ماڭگىلىك بويى پاتشا رەتىندە بيلىك ەتەدى»،— دەلىنگەن (لۇقا 1:32، 33). قۇداي پاتشالىعىنىڭ پاتشاسى رەتىندە يسا جەرجۇزىندەگى بارلىق ادامزاتتىڭ ۇستىنەن بيلىك ەتەدى.
2. يسامەن بىرگە كىمدەر بيلىك ەتەدى؟
يسا جالعىز بيلىك ەتپەيدى. «ٵربىر رۋدان، تىلدەن، حالىقتان جانە ۇلتتان شىققان ادامدار» جەر بەتىنە بيلىك جۇرگىزەدى (ايان 5:9، 10). سوندا ماسىحپەن بىرگە بيلىك ەتەتىندەردىڭ سانى قانشا؟ يسا جەرگە كەلگەننەن باستاپ، ميلليونداعان ادام ونىڭ ٸزباسارى بولدى. ٴبىراق ولاردىڭ 144000-ى عانا كوككە بارىپ، يسامەن بىرگە بيلىك ەتەدى (ايان 14:1—4 وقىڭىز). ال قالعان ماسىحشىلەر سول پاتشالىقتىڭ جەردەگى ازاماتى بولادى (ٴزابۇر 37:29).
3. قۇداي پاتشالىعى ادامداردىڭ ۇكىمەتتەرىنەن قاي جاعىنان اسىپ تۇسەدى؟
ۇكىمەت بيلەۋشىلەرى يگى ىستەر جاساعىسى كەلەدى-اق، ٴبىراق سونىڭ ٴبارىن ىستەۋگە ولاردىڭ شامالارى جەتپەيدى. بۇدان قالسا، ەرتە مە، كەش پە، ولاردىڭ ورنىن باسقا ادامدار باسادى. ال بۇل بيلەۋشىلەر حالىقتىڭ مۇددەسىن ويلاعىسى كەلمەۋى مۇمكىن. قۇداي پاتشالىعىنىڭ بيلەۋشىسى يسانى بولسا ەشكىم، ەشقاشان الماستىرمايدى. ويتكەنى قۇداي «ەشقاشان جويىلمايتىن پاتشالىق ورناتادى» (دانيال 2:44). يسا بۇكىل جەرجۇزىنە بيلىك ەتەدى جانە ول بىرەۋدى بىرەۋدەن ارتىق كورمەي، بارىنە بىردەي قارايدى. ونىڭ سۇيىسپەنشىلىگى، مەيىرىمى مەن ادىلدىگى مول. ول ادامدارعا دا ٴبىر-بىرىنە سۇيىسپەنشىلىكپەن، مەيىرىممەن، ادىلدىكپەن قاراۋدى ۇيرەتەدى (يشايا 11:9 وقىڭىز).
تەرەڭىرەك ٷڭىلىڭىز
قۇداي پاتشالىعى نەلىكتەن ادامداردىڭ ۇكىمەتتەرىنەن ارتىق ەكەنىن قاراستىرايىق.
4. قۇداي پاتشالىعى بۇكىل جەر بەتىنە بيلىك ەتەدى
يسا ٴماسىحتىڭ قولىندا وراسان زور بيلىك بار. تاريحتا وعان تەڭ كەلەتىن ەشقانداي بيلەۋشى بولماعان. ماتاي 28:18 وقىپ، مىنا سۇراقتى تالقىلاڭىزدار:
-
يسانىڭ بيلىگى ادامداردىڭ بيلىگىنەن قاي جاعىنان اسىپ تۇسەدى؟
ادامداردىڭ ۇكىمەتتەرى ٴجيى اۋىسىپ وتىرادى، ٵرى ولار جەردىڭ بەلگىلى ٴبىر اۋماعىنا عانا بيلىك ەتەدى. ال قۇداي پاتشالىعى جايىندا نە دەۋگە بولادى؟ دانيال 7:14 وقىپ، كەلەسى سۇراقتاردى تالقىلاڭىزدار:
-
قۇداي پاتشالىعىنىڭ «ەشقاشان جويىلمايتىنى» نەگە جاقسى؟
-
ال ونىڭ بۇكىل جەر بەتىنە بيلىك جۇرگىزەتىنى نەسىمەن جاقسى؟
5. ادامداردىڭ بيلىگى الماستىرىلۋ كەرەك
نەگە قۇداي پاتشالىعى ادامداردىڭ ۇكىمەتتەرىن اۋىستىرماسا بولمايدى؟ بەينەروليكتى كورىپ، كەلەسى سۇراقتى تالقىلاڭىزدار:
-
ادامدار بيلىگىنىڭ ناتيجەسى قانداي بولدى؟
ۋاعىزداۋشى 8:9 وقىپ، مىنا سۇراقتاردى تالقىلاڭىزدار:
-
قۇداي پاتشالىعى ادامداردىڭ ۇكىمەتتەرىن الماستىرۋ كەرەك دەپ ويلايسىز با؟ نەگە؟
6. قۇداي پاتشالىعىنىڭ بيلەۋشىلەرى ٴبىزدى جاقسى تۇسىنەدى
پاتشامىز يسا ادام بولىپ ٶمىر ٴسۇرىپ كورگەندىكتەن، «ٴبىزدىڭ السىزدىكتەرىمىزگە جانى اشيدى» (ەۆرەيلەرگە 4:15). يسامەن بىرگە بيلىك ەتەتىن 144000 ادال ەر مەن ايەل ادامداردى ەحوبا «ٵربىر رۋدان، تىلدەن، حالىقتان جانە ۇلتتان» تاڭداپ العان (ايان 5:9).
-
يسا جانە ونىمەن بىرگە بيلىك ەتەتىندەر ٴبىزدىڭ جان-دۇنيەمىزدى، قيىندىقتارىمىزدى تۇسىنەتىنىن ٴبىلۋ ٴسىزدى قۋانتا ما؟ نەگە؟
ەحوبا يسامەن بىرگە بيلىك ەتۋ ٷشىن ٵرتۇرلى ورتادان شىققان ەر مەن ايەلدەردى تاڭدادى
7. قۇداي پاتشالىعىنىڭ زاڭدارى الدەقايدا جاقسى
ۇكىمەتتەر ازاماتتارىنىڭ پايداسىنا اساتىن، ولاردى قورعايتىن زاڭدار شىعارىپ جاتادى. قۇداي پاتشالىعى دا ٶز ازاماتتارى ٷشىن زاڭدار ورناتقان. قورىنتتىقتارعا 1-حات 6:9—11 وقىپ، مىنا سۇراقتاردى تالقىلاڭىزدار:
-
قالاي ويلايسىز، ادامداردىڭ ٴبارى قۇدايدىڭ زاڭ-تالاپتارىنا ساي ٴجۇرىپ-تۇرسا، ٶمىر قانداي بولادى؟ a
-
پاتشالىقتىڭ ازاماتتارى وسى زاڭ-تالاپتاردى ورىندايدى دەپ كۇتۋگە ەحوبانىڭ قۇقى بار ما؟ نەگە؟
-
وسى زاڭ-تالاپتارمەن جۇرمەيتىن ادامدار وزگەرە الاتىنى نەدەن كورىنەدى؟ (11-تارماقتى قاراڭىز.)
ۇكىمەت ٶز ازاماتتارىن قورعايتىن، ولاردىڭ پايداسىنا اساتىن زاڭدار شىعارادى. ال قۇداي پاتشالىعىنىڭ ٶز ازاماتتارىن قورعايتىن ٵرى پايداسىنا اساتىن زاڭدارى الدەقايدا جاقسى
بىرەۋ سۇراسا: «قۇداي پاتشالىعى دەگەن نە ٶزى؟»
-
ٴسىز قالاي جاۋاپ بەرەر ەدىڭىز؟
تۇيىندەمە
قۇداي پاتشالىعى — كوكتە ورنالاسقان ۇكىمەت، ٵرى ول بۇكىل جەرجۇزىنە بيلىك ەتەدى.
قايتالاۋ
-
قۇداي پاتشالىعىنىڭ بيلەۋشىلەرى كىمدەر؟
-
قۇداي پاتشالىعى ادام ۇكىمەتتەرىنەن قاي جاعىنان اسىپ تۇسەدى؟
-
ەحوبا قۇداي پاتشالىعىنىڭ ازاماتتارىنان نە كۇتەدى؟
قوسىمشا ىزدەنىڭىز
پاتشالىقتىڭ قايدا ەكەنىنە قاتىستى يسانىڭ نە دەپ ۇيرەتكەنىن قاراستىرىڭىز.
«قۇداي پاتشالىعى ادامنىڭ جۇرەگىندە مە؟» (jw.org تور بەكەتىندەگى ماقالا) (حانزۇشا)
نەگە ەحوبا كۋاگەرلەرى ادام ۇكىمەتتەرىنە ەمەس، قۇداي پاتشالىعىنا ادال بولۋدى شەشەدى؟
يسامەن بىرگە بيلىك ەتەتىن 144000 تۋرالى كيەلى كىتاپتا نە ايتىلعانىن وقىپ كورىڭىز.
«كىمدەر كوككە بارادى؟» (jw.org تور بەكەتىندەگى ماقالا) (حانزۇشا)
تۇرمەدە وتىرعان ايەلدى دۇنيەدە قۇداي عانا ادىلدىك ورناتا الاتىنىنا نە سەندىردى؟
«مەن ادىلدىكتىڭ جەڭىپ شىعاتىنىن ٴبىلدىم» («ويانىڭدار!» (حانزۇشا)، قاراشا، 2011)
a ٴجۇرىس-تۇرىسقا قاتىستى وسى زاڭ-تالاپتاردىڭ كەيبىرى 3-بولىمدە قاراستىرىلادى.
قىزىقتى بولار مالىمەتتەر
ٴجيى قويىلاتىن سۇراقتار
كيەلى كىتاپتى زەرتتەۋ ساباعى دەگەن نە؟
كيەلى كىتاپتى اقىسىز زەرتتەۋ ساباعىنا قاتىستى سۇراقتارىڭىزعا جاۋاپ الىڭىز.
