SOMO 31
Mungu dhó Pidhinga ká kʉ addu?
Bbo djo Biblia tilo nari kʉ Mungu dhó Pidhinga. Yova si njínji fø Pidhinga na ndiro ndi pɨngʉe dz’ djo ná lo njini d’e. Nde, Mungu dhó Pidhinga ká kʉ addu? Fø Pidhinga pinyo njʉ ni nari ká ko chu ngbaribbai? B’lo ká ri nji ngbá lo? Ndirigoti gosi ná saa na ká ri si ngbá lo nji? I somo ma, aluti ro kʉ aro ná somo ma na si fø logoti ngʉ.
1. Mungu dhó Pidhinga ká kʉ addu, ndirigoti ri nǎ Pi ká kʉ ie?
Fø Pidhinga kʉ Yova Mungu li ná guvernema. Ri nǎ Pi kʉ Yesu Kristo, ná ke pinyo ra nǎ ro. (Matayo 4:17; Yohana 18:36) Yesu djo Biblia ripo ɨ: “Ke si pinyo . . . cho ró nŭnŭ.” (Luka 1:32, 33) Mungu dhó Pidhinga nǎ Pi, Yesu si pinyo dz’ djó krʉ kʉ ná ndrŭ djo.
2. Yesu ma ká si pinyo ie ma na?
Yesu nzɨ si pinyo ddiro ri. “Krʉ ndrŭ bbu kana ro si ná ndrŭ ma, krʉ dha ti ná ndrŭ ma, ndirigoti krʉ ndrŭ tsɨ . . . kana ro si ná ndrŭ ma na si pinyo dz’ djo.” (Ufunuo 5:9, 10) Kristo ma ká si pinyo thɨ kʉ ná ndrŭ ma na? Yesu singʉe dz’ djo ná nga djó ro mamilioni kʉ ná ndrŭ ngʉrie Yesu dyø ná ndrŭ. Nde fø ndrŭ krʉ ká si pinyo Yesu ma na? Nzɨ. Yesu ma si pinyo ra nǎ ro 144 000 kʉ ná ndrŭ ma na dhé. (Azø Ufunuo 14:1-4.) Nja kʉ ná Wakristo krʉ sie fø Pidhinga nǎ raia.—Zaburi 37:29.
3. Mungu dhó Pidhinga ká kʉ ndrŭ dhó guvernema djolu bblo pli addudho?
Ni mai ndrŭ dhó pidhinga adi riji ndima njí bblo lo ro, ri adi kpa tso ri gʉgʉ. Ndirigoti pikpa thika le ø ø ma ró, kpa thika le ø na ná kpa ma nzɨ ddi adi ndima thí ro li ndrŭ dhó lo djo ri. Ro Mungu dhó Pidhinga nǎ Pi Yesu thika ro nzɨ le si ø ie na maddi ri. Mungu “li nari kʉ nzɨ ro si sani ngba dyi ma ddi ná Pidhinga.” (Danieli 2:44) Yesu si pinyo dz’ lu djo ndirigoti ke nzɨ si ndrŭ nanga ro krø ri. Ke kʉ jidha na, bblo kʉ ná ke ndirigoti chølo dhi ke nari dho, ke si longaddi ndrŭ dho ndiro ndrŭ ma si njini ndima kana føri bbai ddi d’e.—Azø Isaya 11:9.
ANE LONANGA BBO
Anja addudho ma Mungu dhó Pidhinga kʉ bblo pli ndrŭ dhó guvernema djolu nari.
4. Kpakpa kʉ ná ddikpa guvernema si pinyo dz’ lu djo
Yesu dhó kpakpanga dada krʉ kʉ ná pikpa dhó kpakpanga djolu. Azø Matayo 28:18, ndirigoti anitilo i ngadhudha djo:
-
Yesu dhó bbonga ká da nja kʉ ná pikpa krʉ dhó bbonga djolu ngbaribbai?
Ndrŭ dhó guvernema nǎ lo thika adi øni bí ina, ndirigoti ri nzɨ adi pinyo dz’ djolu gble ri. Nde Mungu dhó Pidhinga djo ká le ka le po ngbá lo? Azø Danieli 7:14, ndirigoti anitilo i ngadhudha djo:
-
Mungu dhó Pidhinga ro “nzɨ si sani sa ri” ná føri ká kʉ bblo addudho?
-
Mungu dhó Pidhinga si pinyo dz’ djolu gble ná føri ká kʉ bblo addudho?
5. Ndrŭ dhó pidhinga dho ringani ndi thí øni ø
Mungu dhó Pidhinga dho ká ringani ndi ø ndrŭ dhó guvernema thika addudho? Aninja VIDEO, ndirigoti anitilo i ngadhudha djo.
-
Ndrŭ dhó guvernema ká bbʉ ngbá kpakpalo ndrŭ dho?
Azø Muhubiri 8:9, ndirigoti anitilo i ngadhudha djo:
-
Ni ká riddi Mungu dhó Pidhinga dho ringani ndi ø ndrŭ dhó pidhinga thika ø? Ká addudho?
6. Mungu dhó Pidhinga nǎ sie ngbà ka ndima famu kodhó lo ná pikpa
Kodhi Pi Yesu ro dingʉe dz’ djó maddi nari dho, ke ka ndi “be zø kodhó uzaifu djo ngba.” (Waebrania 4:15) Yesu ma si pinyo na ná 144 000 kʉ ná chí tøni ná kpetsi kpa ma, isɨ ndrŭ ma na Yova vʉ “krʉ ndrʉ bbu kana ro, krʉ dha ti ná ndrŭ kana ro, ndirigoti krʉ ndrŭ tsɨ kana ro.”—Ufunuo 5:9.
-
Yesu ma, pi ke ma si nyo na ná kpa ma na kʉ nì si ndrŭ dhó lo famu ná kpa, ná føri ká ka ndi li le kpakpa nzá? Ká addudho?
Yova vʉ kpetsi kpa ma, isɨ ndrŭ ma na dz’ djó krʉ kʉ ná nga lu ro ndima si pinyo Yesu ma na d’e
7. Mungu dhó Pidhinga nǎ yadha kʉ bblo pli ndrŭ dhó yadha djolu
Guvernema adi sheria li ndiro ri bbʉ faida raia dho ndirigoti ri b’o raia ronga b’o d’e. Føri bbai Mungu dhó Pidhinga nǎ raia dho ringani ndima dyø ná sheria ma kʉ ddi. Azø 1 Wakorinto 6:9-11, ndirigoti anitilo i ngadhudha djo:
-
Ni ká riddi dz’ djó nga ka ndi sie ngbaribbai njati ndrŭ krʉ si njínji Mungu dhó sheria na ró? a
-
Yova riji ndidhó Pidhinga nǎ raia rrnga ndidhó sheria dho ná føri ká thonga tho? Ká addudho?
-
Nzɨ ngarr fø sheria dho ná ndrŭ ka ndima ø ndima dhó lo thika ngba nari ká ngba lo dho?—Anja verse 11.
Guvernema adi sheria li ndiro ri bbʉ bblonga raia dho ndirigoti ri b’o raia ronga b’o d’e. Føri bbai Mungu dhó Pidhinga nǎ raia dho ringani ndima dyø ná sheria ma kʉ ddi
NJA LE KA NDI DHURI: “Mungu dhó Pidhinga ká kʉ addu?”
-
Ni ká ka ni ngʉ fø logoti ngbaribbai?
LO DZÁ DɄNGA
Mungu dhó Pidhinga kʉ bbʉbbʉ kʉ ra nǎ ná guvernema dz’ djo ndi si pinyo ro.
Lo djolu le ngʉ nari
-
Mungu dhó Pidhinga nǎ pikpa ká sie ie ma?
-
Mungu dhó Pidhinga ká kʉ ndrŭ dhó guvernema djolu bblo pli addudho?
-
Yova ká ngba lo nzi ndidhó Pidhinga nǎ raia tso?
NI KA NI CHU NÁ NJA LO
Anja Mungu dhó Pidhinga ká kʉ ngbaga ma nari djo Yesu d’rangʉe ná lo.
“Ufalme wa Mungu Uko mu Moyo Wako?” (Jw.org djó kʉ ná lo)
Yova dzá Dimu ká adi rivʉ ndima tøni chí Mungu dhó Pidhinga dho, ndrŭ dhó pidhinga dho ndima tøeni chí nari rɨngana addudho?
Yova vʉ Yesu ma, 144 000 kʉ ná kpa ma na ndima si pinyo, ná kpa djo aneri ni chu Biblia d’ra ná lo.
“Nani Njo Wataenda Mbinguni?” (Jw.org djó kʉ ná lo)
Addui ká kongʉe prizo nǎ ngʉe ná ddikpa le tsotso ndi uri nari kʉ Mungu dhó Pidhinga dhé ka ndi ngʉ chølo i dz’ djo?
“Nilifikia Kujua Mwenye Anaweza Kuleta Haki ku Dunia” (Amuka, Mwezi wa 11, 2011)
a Fø sheria dzá njari djo ko si loti sehemu ya tatu nǎ.
