Chuʼnchel iruqʼor i Santo Laj Huuj irukʼam riibʼ ruukʼ i runimaal rajaawriik i Dios. Ruukʼ i ajaawriik reʼreʼ, reʼ Jehová narubʼanam chi reʼ wach akʼal xa holohik chik jeʼ rukabʼ naq iraaj pan rutohqʼiik cho i kʼacharik. ¿Chajariik i runimaal rajaawriik i Dios? ¿Chaaj woʼ reet qehtʼal chi taqʼanik chik irubʼan? ¿Chajariik taqeh i rubʼanam? ¿Eh chajariik narubʼanam pan taqeh qʼiij chalik reh? Chupaam i tijinik wilih naqilom chi riij taqeh pahqanik wilih eh chupaam taqeh kiʼibʼ chi tijinik chalik reh.

1. ¿Chajariik i runimaal rajaawriik i Dios, eh ajwach i ruRey?

Reʼ runimaal rajaawriik i Dios jenaj taqʼanik rukojom i Jehová ar pan taxaaj. Reʼ Jesucristo i rey reh i ajaawriik reʼreʼ (Mateo 4:17; Juan 18:36). Reʼ Santo Laj Huuj iruqʼor chi reʼ Jesús: «naa woʼ ruwihiik chi Reyil chi juneliik» (Lucas 1:​32, 33). Ruum chi Rey reh i runimaal rajaawriik i Dios, narutaqʼaniik chi naah chuʼnchel taqeh kʼachareel wach akʼal.

2. ¿Ajwach taqeh i nakitaqʼaniik chi rucheel i Jesús?

Re Jesús narutaqʼaniik ruchʼihiil taqeh kʼachareel «aj panimaq tinamit, i aj pankokʼ tinamit, [eh ruchʼihiil taqeh i] xa reh reh wach kiqʼorik wiiʼ» (Apocalipsis 5:​9, 10). ¿Jaruubʼ taqeh i nakitaqʼaniik ruukʼ i Cristo? Noq reʼ Jesús xwihʼik nah akʼal kʼihaal chi kʼachareel xitahqanik reh, eh xkibʼan chi ajnimaneel taqeh reh i Cristo. Xa reʼ laʼ, xa 144.000 chi ajnimaneel nakitaqʼaniik ruukʼ i Jesús ar pan taxaaj (chawil Apocalipsis 14:​1-4). Chuʼnchel taqeh ajnimaneel ayuʼ wach akʼal nakiwihʼiik riʼsil runimaal rajaawriik i Dios (Salmo 37:29).

3. ¿Chaaj woʼ reet reʼ runimaal rajaawriik i Dios qʼeʼ holohik chuwach i kitaqʼanik taqeh winaq?

Atoobʼ ta reʼ kitaqʼanik wach akʼal inkaaj kibʼanam i holohik, maʼxta pan kiqʼabʼ rubʼanariik chuʼnchel i inkaaj kibʼanam. Eh noq inikʼik taqeh haabʼ injalarik kiwach eh reʼ chik i kiʼokik chi taqʼanik maʼ inkaaj ta kitobʼeem i tinamit. Xa reʼ laʼ, reʼ Jesús reʼ Rey reh i runimaal rajaawriik i Dios, maʼ ajwach ta ne injalwik reh. Reʼ Dios xupahbʼaaʼ jenaj ajaawriik eh «maʼ jaruuj naa rusachariik wach» (Daniel 2:​44). Reʼ Jesús narutaqʼaniik chi jun suut i akʼal eh maʼ ajwach ta tokoom narilom. Reʼ Jesús chaqʼlaam, korik wach i rubʼanooj eh na woʼ rukʼuhtaam keh taqeh kʼachareel chi ne inkikʼuhtaaj i chaqʼlamiil eh i korik wach bʼanooj keh i tokoom (chawil Isaías 11:9).

7. Reʼ taqeh rukʼuhbʼaal i runimaal rajaawriik i Dios qʼeʼ holohik chuwach taqeh i rukʼuhbʼaal i winaq

Reʼ taqeh kitaqʼanik inkikorsaj taqeh kʼuhbʼaal reh rutobʼjiik eh rukʼaxariik taqeh tinamit. Reʼ runimaal rajaawriik i Dios wilik woʼ taqeh rukʼuhbʼaal eh reʼ taqeh ajnimaneel ko ruman chi ne inkinimaj. Chawil taq 1 Corintios 6:​9-11 eh tiqʼoroq taq chi riij:

• ¿Nikʼwach chik i kʼacharik narubʼanam inaqʼor i hat noq chuʼnchel ne inkinimaj i rukʼuhbʼaal i Dios? a

• ¿Holohik na chi ne inqanimaj taqeh i rukʼuhbʼaal i Jehová wilaʼ inqaaj wihʼik riʼsil rutaqʼaniik? ¿Chaaj woʼ reet jeʼ reʼ inaqʼor?

• ¿Chaaj woʼ reet qehtʼal chi reʼ taqeh maʼ inkinimaj ta i rukʼuhbʼaal i Dios ne irubʼan chi ne inkijal i kikʼachariik? (Chawil taq i versículo 11).

 KʼOLOQ PAN AKʼUX

Reʼ runimaal rajaawriik i Dios jenaj taqʼanik wilik pan taxaaj eh narutaqʼaniik chi jun suut i akʼal.

Reʼ xkahnik pan akʼux

• ¿Ajwach taqeh i nakitaqʼaniik pan runimaal rajaawriik i Dios?

• ¿Chaaj woʼ reet reʼ runimaal rajaawriik i Dios qʼeʼ holohik chuwach i taqʼanik inkibʼan i winaq?

• ¿Chajariik iraaj i Jehová chi ne inkibʼan taqeh inkikoj kikʼux ruukʼ i runimaal rajaawriik?