Te poroi faufaa roa ˈˈe o te Bibilia, o te Faatereraa arii ïa a te Atua. E faaohipa Iehova i tera Faatereraa arii no te faatupu i ta ˈna opuaraa matamua no te fenua. Eaha te Faatereraa arii? Nafea tatou e ite ai e te faatere ra teie Faatereraa arii i teie nei? E eaha ta ˈna i faatupu aˈena? E eaha ta ˈna e rave i mua nei? E pahono teie haapiiraa e na haapiiraa e piti i muri mai i teie mau uiraa.

1. Eaha te Faatereraa arii a te Atua e o vai te Arii?

Te Faatereraa arii, o te hoê ïa faatereraa ta Iehova i haamau e o Iesu Mesia te Arii e te faatere ra oia mai te raˈi mai. (Mataio 4:17; Ioane 18:36) Te parau ra te Bibilia no Iesu: “E faatere oia ei Arii . . . e a muri noa ˈtu.” (Luka 1:32, 33) Ei Arii no te Faatereraa arii a te Atua, e faatere Iesu i nia i te fenua taatoa.

2. O vai te faatere e o Iesu?

E ere o Iesu anaˈe te faatere mai. Te vai atoa ra te tahi mau taata “no te mau opu e reo e nunaa atoa, . . . e . . . faatere mai ratou ei arii i te fenua.” (Apokalupo 5:9, 10) Ehia o ratou o te faatere e te Mesia? Mai te taime a haere mai ai o Iesu i te fenua nei, e mirioni Kerisetiano tei riro mai ei pǐpǐ na ˈna. Tera râ, 144 000 noa o ratou te haere i te raˈi no te faatere e o Iesu. (A taio i te Apokalupo 14:1-4.) Area te taatoaraa o te mau Kerisetiano i te fenua nei, e riro ïa ratou ei huiraatira o te Faatereraa arii.—Salamo 37:29.

3. Mea nafea te Faatereraa arii a te Atua i hau ê ai i te mau faatereraa a te taata?

Noa ˈtu e tamata te mau faatereraa taata i te rave i te mea maitai, aita râ to ratou e mana no te rave i te mau mea atoa mai ta ratou e hinaaro. E monohia ratou e te tahi atu mau taata faatere o tei ore e rave i te mea maitai no to ratou mau taata. Area o Iesu, te Faatere o te Faatereraa arii a te Atua, eita roa oia e monohia e te tahi atu taata. “E haamau te Atua . . . i te hoê faatereraa arii o te ore roa e haamouhia.” (Daniela 2:44) E faatere Iesu i te fenua taatoa e eita oia e maitiiti i te taata. E Arii oia o te faaite i te here, te hamani maitai e te parau-tia e e haapii oia i te taata ia faaite i te hoê â mau huru maitatai, oia hoi, te here, te hamani maitai e te parau-tia.—A taio i te Isaia 11:9.

7. Mea hau ê te mau ture a te Faatereraa arii a te Atua

Ua haamau te mau faatereraa i te mau ture no te maitai e no te paruru i to ratou mau taata. E ture atoa ta te Faatereraa arii a te Atua o ta to ˈna mau taata e titauhia ia pee. A taio i te Korinetia 1, 6:9-11, e a aparau i teie mau uiraa:

• No oe, eaha te huru o te ao ia pee anaˈe te taata atoa i ta te Atua mau ture? a

• No oe, mea tano anei ia titau Iehova i te feia o ta ˈna Faatereraa arii ia faatura ratou i teie mau ture? No te aha?

• Na te aha e faaite e e nehenehe te feia aita ratou e auraro ra i teie mau ture e taui?—A hiˈo i te irava 11.

 HAAPOTORAA

Mea mau te Faatereraa arii a te Atua i te raˈi o te faatere i nia i te fenua taatoa.

Haamanaˈoraa

• O vai te faatere i roto i te Faatereraa arii a te Atua?

• Mea nafea te Faatereraa arii a te Atua i hau ê ai i te mau faatereraa a te taata?

• Eaha te tahi mau mea ta Iehova e tiai ra i te feia o ta ˈna Faatereraa arii?