LECCIÓN 31

Nobí Yelarnhebheʼ ki Dios

BZENAGA LEN DIDZA

Derha tan rtzalaj lo Biblia naka tzaxhen lhen Yelarnhebheʼ ki Dios. Lheʼ xhlhen Yelarnhebheʼ ni, Jeobá gonhe na ichhin gaka tan rzelachhie ki Lichhileyo ni. Nobí Yelarnhebheʼ ki Dios. Nákaʼ nezerha chi rnhebheʼ. Nobí chi bhen lhen nobí gon gxhewidzaj. Derha taní yochhirha lo lecciónni lhen rhopathe ta ziʼ zaa.

1. Nobí Yelarnhebheʼ ki Dios, lhen nonoʼ rnhebheʼ

Yelarnhebheʼ ki Dios naka ta chi glheki Jeobá. Beneʼ rnhebheʼ naka Jesucristo na rnhebeʼ yibathe (Mateo 4:17; Juan 18:36). Katiʼ Biblia rtzalaj ki Jesús rnhe: «Leʼ inhebeʼ [...] tzalasa» (Lucas 1:32, 33). Tan leʼ nake Beneʼ rnhebheʼ lo Yelarnhebheʼ ki Dios, inhebeʼ yogothe benachi dzake Lichhileyo.

2. Nonoʼ rnhebheʼ lhen Jesús

Jesús be rnhebeʼ towalaze. «Beneʼ ki yogothe didzaʼ, yechhi [...] inhebhekeʼ» (Apocalipsis 5:9, 10). Nobalakeʼ inhebheke lhen Cristo. Katiʼ Jesús bideʼ Lichhileyo, millonne beneʼ btobilachhike gonkeʼ kaʼ bhen Cristo, sanlhe zelozi 144.000 beneʼ inhebhekeʼ yiba lhen Jesús (blaba Apocalipsis 14:1-4). Yezikalha beneʼ nookeʼ Cristo gákake beneʼ yechhi ki Yelarnhebheʼ kieʼ lo Lichhileyo ni (Salmo 37:29).

3. Bixhkieʼ Yelarnhebheʼ ki Dios naka másrhe chhiaʼ kasla yelarnhebheʼ ki ka benachi

Nikla dzaʼ benachi rheenkene gonke tawen, be rzekekene gonke derha tan rzelachhike. Rdezi tochiʼ beneʼ yobla rhezuake lazakeʼ, yebalakeʼ nakalha bezuake kuenda bi rkinhe beneʼ yechhi kieke. Sanlhe Jesús, beneʼ rnhebheʼ lo Yelarnhebheʼ ki Dios, benho seke yezua lazeʼ. Dios glhekie «to yelarnhebheʼ ta bebata yiniti» (Daniel 2:44). Jesús inhebeʼ doxhenthe Lichhileyo na tozi kaʼ ilenhe benachi. Leʼ nakeʼ beneʼ rheke, beneʼ wen lhen beneʼ chhiaʼ lhezekan gluekseediene beneʼ, na gákake: beneʼ rheke, beneʼ wen, beneʼ chhiaʼ lhen yezikalha beneʼ (blaba Isaías 11:9).

KSEEDIRHA MÁSRHE KI TANÍ

Ni kseedirha bixhkieʼ Yelarnhebheʼ ki Dios naka másrhe chhiaʼ kasla yelarnhebheʼ ki benachi.

4. Yelarnhebheʼ banachhi inhebheʼ doxhenthe Lichhileyo

Jesucristo napeʼ másrhe yelarzeke kuenda inhebeʼ, kasla yogothe ka benachi rnhebhekeʼ Lichhileyo. Le ulaba Mateo 28:18 na le ktzalaj ki taní:

Bixhkieʼ yelarzeke ki Jesús zaakarhe kasla ki yogokathe benachi rnhebhekeʼ Lichhileyo.

Benachi lhetiga yelarzeke napakeʼ lawe Lichhileyo ni, wachhin katiʼ yiyochhi yelarnhebheʼ kieke. A wachhin gaka kan lhen Yelarnhebheʼ ki Dios. Le ulaba Daniel 7:14 na le ktzalaj ki taní:

Bi banheza siʼrha tan bebata yeniti Yelarnhebheʼ ki Dios.
Bi banheza siʼrha tan Yelarnhebheʼ ki Dios inhebheʼ doxhenthe Lichhileyo.

5. Yelarnhebheʼ ki benachi rhala yitzaʼ

Bixhkieʼ Yelarnhebheʼ ki Dios rhala yezua walaze yelarnhebheʼ ki benachi. Le uyo VIDEO na le ktzalaj ki taní:

VIDEO: Nobí Yelarnhebheʼ ki Dios (fragmento) (1:41)

Bi tazeedi chi glheki yelarnhebheʼ ki benachi.

Le ulaba Eclesiastés 8:9 na le ktzalaj ki taní:

A rnhelhoʼ Yelarnhebheʼ ki Dios rhala yezua walaze yelarnhebheʼ ki benachi. Bixhkieʼ.

6. Beneʼ rnhebhekeʼ lo Yelarnhebheʼ ki Dios rheajnikene kaʼ rhaka kierha

Tan Jesús gokeʼ to benachi lhen gzueʼ lo Lichhileyo lhen naʼ chi nake beneʼ rnhebheʼ, rzekene «rheajniene kaʼ rhaka kierha» (Hebreos 4:15). Jeobá chi gleaje 144.000 beneʼ lhen nigolha lilhachhiʼ kuenda inhebheke lhen Jesús. Beneʼ ni zaake ki «yogothe yechhi lhen didzaʼ» (Apocalipsis 5:9).

A rheyakaxhen yikiajlolhoʼ katiʼ rhonloʼ kuenda Jesús lhen yogothe beneʼ inhebheke lhen leʼ, nezekeneʼ lhen rheajnikene chhiaʼ nobí nuanacheʼ suarha lo lichhileyo. Bixhkieʼ.

Jeobá chi gleaje beneʼ lhen nigolha, lazalazake ga zaakeʼ, kuenda inhebhekeʼ lhen Jesús.

7. Tan rnaba Yelarnhebheʼ ki Dios gonrha naka másrhe chhiaʼ kasla tan rnaba yelarnhebheʼ ki benachi

Beneʼ rnhebhekeʼ lichhileyo rchhiabhekeʼ ta rhala gon beneʼ yechhi kieke kuenda gonke lhekeʼ yodarhi lhen gonchiʼke lhekeʼ. Kanteka naka lhen Yelarnhebheʼ ki Dios na leʼ rbezeʼ beneʼ yechhi kieʼ gonke tan rnabe. Le ulaba 1 Corintios 6:9-11 na le ktzalaj ki taní:

Nákaʼ rhekelho suarha katiʼ yogothe benachi gzenagake lhen gonke tan rnaba Dios. a
A rhekelho tan rnaba Jeobá ki beneʼ yechhi kieʼ naka ta wazekekene gonke. Bixhkieʼ rhochhilhoʼ kan.
Nákaʼ nezerha beneʼ bi rzenagake tan rnaba Dios wazeke yotzaakeʼ kaʼ rhonke (le uyo versículo 11).

Beneʼ rnhebhekeʼ lichhileyo rchhiabhekeʼ ta rhala gon beneʼ yechhi kieke kuenda gonke lhekeʼ yodarhi lhen gonchiʼke lhekeʼ. Yelarnhebheʼ ki Dios lhezekan dia ta rnaba ki beneʼ yechhi kieʼ, kuenda gákake sigorha lhen gon lhekeʼ yodarhi.

BALAKEʼ RNHEKE: «Yelarnhebheʼ ki Dios yooʼ lo lexhdorha».