ENUKPLAKPLA 32
Mawu Fyɔɖuxu lɔ le acɛ kpakɔ yɛ!
Mawu Fyɔɖuxu lɔ tɔ acɛ kpakpa le exwe 1914 mɛ. Hwenɔnu lɔ ke yí vɔvɔnu vaɖo nɔ agbetɔwo cɛkpakpa can nɛ. Lé mìwɛ yí nyaɔ? Mìakpɔ enyɔ ci Bibla nu ɖɛ, lé enuwo yikɔ do le xexeɛ mɛ koɖo lé amowo wakɔ nu do so xwe 1914 mɛ.
1. Enyɔ ci Bibla nu ɖɛɔ?
Daniɛli wema dre mɛ nɔ mì mɔ Mawu Fyɔɖuxu lɔ atɔ acɛ kpakpa le vɔvɔnu nɔ hwenu ɖeka ci Bibla yɔ mɔ “hwenu amadrɛ.” (Daniɛli 4:16, 17) Exwe sanŋdi nɛniɖewo goduɔ, Yesu yɔ hwenu cɛ mɔ “jukɔnwo gaxoxo,” yí enu so nu mɔ yi devɔ hɔɖo o. (Luiki 21:24) Shigbe lé mìakpɔɛ yɛ nɛɔ, hwenu amadrɛ lɔwo vɔ so exwe 1914 mɛ.
2. Lé enuwo yikɔ do le xexeɛ mɛɔ, yí lé amowo wakɔ nu do so xwe 1914 mɛɔ?
Yesu nukplaviwo biɔɛ se mɔ: ‘Nyi yí avanyi jeshidu nɔ ao trɔtrɔgbɔ koɖo xexe lɔ vɔvɔnuɔ?’ (Matie 24:3) Ci Yesu aɖo ŋci nɔ woɔ, éxo nuxu so enu sugbɔ nu mɔ woajɔ hwenu atɔ acɛ kpakpa le jeŋkwi mɛ shigbe Mawu Fyɔɖuxu lɔ Fyɔ hannɛ godu. Enu lɔwo ɖowo yí nyi ahwawawawo, ejutotwiwo koɖo nyigbanhunhunhunwo. (Hlɛn Matie 24:7.) Bibla gbedre mɛ mɔ lé agbetɔwo awawa nu do le “ŋkeke vɔvɔwo mɛ” adɔ yí “cukaɖa sugbɔ a va” amowo ji. (2 Timɔte 3:1-5) So xwe 1914 mɛ koŋ yí ŋciwo jɔjɔ le xexeɛ mɛ koɖo adɛn ciwo agbetɔwo wuwuɔ vanyinakɔ doji.
3. Nyi yí taɖo enuwo gbevanyinakɔ doji so hwenu Mawu Fyɔɖuxu lɔ tɔ acɛ kpakpaɔ?
Ci Yesu tɔ acɛ kpakpa le Mawu Fyɔɖuxu lɔ mɛ de jinjin ɔ, éwa ahwa koɖo Satana koɖo yi gbɔngbɔnvwinwo le jeŋkwi mɛ. Satana deɖu ji o. Bibla nu mɔ “wo dɔ edan lɔ koɖo yi dɔdɔlawo ɖaɖa nyigban ji.” (Enyɔdasɛ 12:9, 10, 12) Satana le dɔmɛzi ji keke, ɖo énya mɔ woagu ye si sabaɖe yɛ. Eyi taɖo ena yí amowo seseɛ vevi yí gbekpekpeɛ fun le nyigban lɔ keŋkeŋ ji. Edɔ mìmɔŋje ŋci yí taɖo enuwo fɔn yí dɔndɔn doji le xexegbɛ lɔ mɛ! Mawu Fyɔɖuxu avakpɔ cukaɖa cɛwo pleŋ gbɔ.
JI DWI NI KPƆ DOJI
Kpɔ lé mìwɛ yí nya mɔ Mawu Fyɔɖuxu lɔ tɔ acɛ kpakpa so xwe 1914 mɛ koɖo lé mìɖo awa nu do.
4. Kɔnŋta ciwo wosɔ Bibla mɛ nyɔnuɖɛwo wa dasɛ mɔ so xwe 1914 mɛ yí Mawu Fyɔɖuxu tɔ acɛ kpakpa
Mawu xo drɔ Nabukodonosɔ ci yí nyi blema Babiloni Fyɔ yí dasɛ enu ciwo yí avajɔ le esɔ mɛ ni. Edrɔ ci eku lɔ koɖo gɔnmɛsese ci Daniɛli na so nu dasɛ mɔ Nabukodonosɔ cɛkpakpa koɖo Yehowa cɛkpakpa nu edrɔ lɔ kudo.—Hlɛn Daniɛli 4:17. a
Hlɛn Daniɛli 4:20-26, yí azan dakavi lɔ asɔ ɖo nyɔbiɔse ciwo yí gbɔgbɔ ŋci:
-
(A) Nyi Nabukodonosɔ kpɔ le edrɔ ci eku mɛɔ?—Kpɔ kpukpui 20 koɖo 21.
-
(B) Nyi yí avajɔ do aci lɔ jiɔ?—Kpɔ kpukpui 23.
-
(C) Nyi yí avajɔ le vɔvɔnu nɔ “hwenu amadrɛ” lɔwoɔ?—Kpɔ kpukpui 26.
Ekacaca ci yí le gblamɛ nɔ edrɔ ci yí kudo aci lɔ koɖo Yehowa cɛkpakpa nu
ENYƆNUÐƐ (Daniel 4:20-36)
Mɛ ci yí kpakɔ acɛ
(A) Aci gangan ɖeka
Woɖo te acɛkpakpa lɔ
(B) “So aci lɔ xwin,” yí atashi nɔ “hwenu amadrɛ avayi”
Wotrɔ yí ɖo acɛkpakpa lɔ
(C) “Wo trɔ ao fyɔɖuxu jo nɔ eo”
Hwenu enyɔnuɖɛ lɔ jɔ ŋkɔtɔ ɖe, . . .
-
(D) Mi aci lɔ le dumɛ nɔɔ?—Kpɔ kpukpui 22.
-
(E) Hwenu woɖo te yi cɛkpakpa lɔɔ?—Hlɛn Daniɛli 4:29-33.
-
(F) Nyi yí jɔ do Nabukodonosɔ ji le “hwenu amadrɛ” lɔ vɔvɔnuɔ?—Hlɛn Daniɛli 4:34-36.
LÉ ENYƆNUÐƐ LƆ JƆ DO ŊKƆTƆ
Mɛ ci yí kpakɔ acɛ
(D) Nabukodonosɔ ci yí nyi Babiloni Fyɔ
Woɖo te acɛkpakpa lɔ
(E) Le exwe 606 D.Y.H. goduɔ, Nabukodonosɔ je suku yí degbetɛnŋ kpa cɛ na nɔ exwe amadrɛ o
Wotrɔ yí ɖo acɛkpakpa lɔ
(F) Suku lɔ mi nɔ Nabukodonosɔ yí egbetɔ acɛ kpakpa ke
Hwenu enyɔnuɖɛ lɔ jɔ zevetɔ ɖe, . . .
-
(G) Miwo yí aci lɔ le dumɛ nɔɔ?—Hlɛn 1 Kronika 29:23.
-
(H) Hwenu woɖo te wowo cɛkpakpa lɔɔ? Lé mìwɛ yí nya mɔ wodegbele acɛ kpakɔ hwenu Yesu le nyigban jiɔ?—Hlɛn Luiki 21:24.
-
(I) Hwenu wotrɔ yí ɖo acɛkpakpa lɔɔ, yí fini wotrɔ yí ɖui doɔ?
LÉ ENYƆNUÐƐ LƆ JƆ DO ZEVETƆ
Mɛ ci yí kpakɔ acɛ
(G) Izraɛli fyɔ ciwo yí nɔ dumɛ nɔ Mawu cɛkpakpa
Woɖo te acɛkpakpa lɔ
(H) Wogban Ʒerusalɛmu, yí ɖo te Izraɛli kannu fyɔwo na nɔ exwe 2 520
Wotrɔ yí ɖo acɛkpakpa lɔ
(I) Wosɔ Yesu ɖo Fyɔ nɔ Mawu Fyɔɖuxu lɔ yí etɔ acɛ kpakpa le jeŋkwi mɛ
Hwenu nɛni yí nyi hwenu amadrɛ lɔwoɔ?
Bibla kpaxwe ɖewo kpenɔdo mì nu mìmɔnɔŋje ebuwo mɛ. Le kpɔwɛ mɛ, Bibla wema ci yí nyi Enyɔdasɛ nu mɔ hwenu amɛtɔn koɖo fan nyikɔ ŋkeke 1 260. (Enyɔdasɛ 12:6, 14) Hwenu amadrɛ lɔ nyinyiɛ hlɛnhlɛnmɛ cɛ donu amɛve alo ŋkeke 2 520. Hweɖewonuɔ, Bibla yɔnɔ ŋkeke ɖeka mɔ, exwe ɖeka. (Ezekiɛli 4:6) Eyi lɔ yí nyi hwenu amadrɛ lɔwo nyɔ ci wonu le Daniɛli wema lɔ mɛ. Hwenu amadrɛ cɛwo le dumɛ nɔ ŋkeke 2 520.
5. Xexe lɔ trɔ bu so exwe 1914 mɛ
Yesu nu lé xexe lɔ avanɔ do hwenu avanyi Fyɔ godu daɖɛ. Hlɛn Luiki 21:9-11, yí agbeje biɔse cɛ mɛ:
-
Enujɔjɔ lɔwo ciwo tɔxu èkpɔkɔ alo ciwo nu woxokɔ nuxu so yí èsekɔɔ?
Apotru Pɔlu dre adɛn ciwo amowo awukɔ hwenu agbetɔwo ale acɛ kpakɔ le ŋkeke vɔvɔɛ lɔwo mɛ. Hlɛn 2 Timɔte 3:1-5, yí agbeje biɔse cɛ mɛ:
-
Èkpɔ amowo wuwuɔ adɛn ŋtɔ́ hanwo le egbɛ mɛ nyaoa?
6. Ele mɔ Mawu cɛkpakpa lɔ ado ŋsɛn mì
Hlɛn Matie 24:3, 14, yi godu nagbeje biɔse cɛwo mɛ:
-
Edɔ vevi ci yí dadasɛ mɔ Mawu Fyɔɖuxu lɔ kpakpa cɛ kakayɛɔ?
-
Lé àwɛ ado alɔ edɔ cɛɔ?
Mawu Fyɔɖuxu lɔ kpakpa cɛ kakayɛ, yí hwenu akpa cɛ nɔ nyigban lɔ keŋkeŋ gogo. Hlɛn Ebretɔwo 10:24, 25, yí agbeje biɔse cɛ mɛ:
-
Ci “mì kpɔ mɔ ŋkeke lɔ gogo” ɖe, nyi mɛɖekaɖeka le mì mɛ ɖo awaɔ?
Nɔ èjeshi ŋci yí akpedo amɛwo nu yí agbehwlɛn wowo gbe gan ɖe, nyi àwaɔ?
MƐÐOWO TƐNŊ BIƆ SE MƆ: “Nyi yí taɖo Yehowa Kunuɖetɔwo xonɔ nuxu so exwe 1914 nu ahan ma?”
-
Lé àɖo ŋci doɔ?
ENU CI ÈKPLA
Lé Blibla mɛ nyɔnuɖɛwo jɔjɔ do, koɖo ŋciwo yí jɔkɔ le xexeɛ mɛ dasɛ mɔ Mawu Fyɔɖuxu lɔ le acɛ kpakɔ yɛ. Mìadasɛ mɔ mìkando nyɔ cɛ ji nɔ mìɖenɔ kunu so nu yí gbeyinɔ bɔbɔwo.
Enumɛtoto
-
Nyi yí jɔ le vɔvɔnu nɔ hwenu amadrɛ lɔwo ci nu Daniɛli nyɔnuɖɛ lɔ xo nuxu soɔ?
-
Nyi yí taɖo èkando ji mɔ Mawu Fyɔɖuxu lɔ tɔ acɛ kpakpa le exwe 1914 mɛɔ?
-
Lé àdasɛ do mɔ yekando ji mɔ Mawu Fyɔɖuxu lɔ le acɛ kpakɔ kakayɛɔ?
KPƆ ŊCƐWO KPƆ
Kpɔ nyɔ ciwo yí exolɔlɔ ŋwlɛtɔwo koɖo mɛbuwo nu so lé nuwo vatrɔ do le xexeɛ mɛ so exwe 1914 mɛ nu.
Kpɔ lé enyɔnuɖɛ ci yí le Matie 24:14 trɔ ŋsu ɖeka gbe do.
“Baseball xoxo jɔnɔ ji nɔŋ sɔwu ŋɖekpokpui!” (Jutakpɔxɔ No. 3 2017)
Lé mìwɛ yí nya mɔ Mawu Fyɔɖuxu lɔ nu yí enyɔnuɖɛ ci yí le Daniɛli wema eta 4 tɔ lɔ mɛ kudoɔ?
“Hwenu Mawu Fyɔɖuxu lɔ tɔ acɛ kpakpaɔ? (Akpaxwe 1)” (Jutakpɔxɔ 1er octobre 2014)
Nyi yí dasɛ mɔ “hwenu amadrɛ” ci nu Daniɛli eta 4 tɔ lɔ xo nuxu so vɔ le exwe 1914 mɛɔ?
“Hwenu Mawu Fyɔɖuxu lɔ tɔ acɛ kpakpaɔ? (Akpaxwe 2)” (Jutakpɔxɔ 1er novembre 2014)
a Kpɔ nyɔci amɛve kpɛtɛkpɛtɛtɔwo nɔ Kpɔ ŋcɛwo kpɔ kpaxwe ci yí le enukplakpla cɛ mɛ.
Découvrez aussi…
ENYƆ CIWO AMƐWO BIƆNƆ SE BLAŊBLAŊ
Nyi Bibla nukplakpla ci Yehowa Kunuɖetɔwo sɔ ɖokɔ ŋmɛ nɔ amowo nyiɔ?
To seŋkankan toto ehomana ci Yehowa Kunuɖetɔwo sɔ ɖokɔ ŋmɛ nɔ amowo jiɔ, àtɛnŋ azan Bibla gɔnmɛɖeɖe ɖekpokpui. Vo faa ayɔ ao xomu lɔ pleŋ alo ao xlɔwo nɔ woava bɔdo eo nu le nukplakpla lɔ mɛ.
