Ala ka Masaya ye mara daminɛ sankolo la san 1914. O waati de la fana Hadamadenw ka mara laban donw daminɛna. An b’o dɔn cogo di? Bibulu kiraya kumaw ani ko minnu kɛra kabini san 1914 ni olu bɛ o sɛmɛntiya, an ka olu sɛgɛsɛgɛ.

1. Bibulu kiraya kumaw bɛ mun de jira?

Daniɛl ka kitabu y’a jira ko Ala ka Masaya bɛna mara daminɛ waati dɔ laban na min bɛ wele “waati wolonwula”. (Daniɛl 4:16, 17) San kɛmɛ caman tɛmɛnnen o kɔ, Yesu ye o waati kelen in wele “siyaw ka waati”. (Luka 21:24) Iko an bɛna a ye cogo min na, waati wolonwula ninnu banna san 1914.

2. Ko jumɛnw kɛra kabini san 1914 ni olu bɛ o sɛmɛntiya?

Yesu ka kalandenw y’a ɲininka ko: Mun “na kɛ i nali taamashyɛn ye, ani diɲɛ laban taamashyɛn?” (Matiyu 24:3) Walasa ka u ka ɲininkali jaabi, Yesu y’a jira u la ko ni ale kɛra Ala ka Masaya masakɛ ye sankolo la, ka mara daminɛ, fɛn caman bɛna kɛ o kɔfɛ. Kɛlɛw, kɔngɔbaw ani dugukolo yɛrɛyɛrɛw sen bɛ o fɛnw na. (Matiyu 24:7 kalan.) Bibulu fana kɔnna k’a fɔ ko “laban donw na,” mɔgɔw taamacogo bɛna a to ɲɛnamaya kɛcogo bɛ ‘gɛlɛya.’ (2 Timote 3:1-5) O kow dara kɛnɛ kan kɛrɛnkɛrɛnnenya la kabini san 1914.

3. Mun na kow juguyara nin cogo la diɲɛ kɔnɔ kabini Ala ka Masaya ye mara daminɛ?

Tuma min na Yesu kɛra Ala ka Masaya masakɛ ye, waati dɔɔnin o kɔ, a ye Sitanɛ ni a ka jinɛw kɛlɛ sankolo la. Sitanɛ ma se sɔrɔ kɛlɛ la. Bibulu b’a fɔ ko: Sitanɛ “ni a ka mɛlɛkɛw kerunna dugukolo kan ɲɔgɔn fɛ.” (Jirali 12:9, 10, 12) Sitanɛ diminnenba don bawo a b’a dɔn ko a bɛna halaki. O de la, a bɛ ka bɔnɛ ani tɔɔrɔw lase dugukolo bɛɛ ma. O de la, a tɛ bali an na k’a ye ko kow juguyara nin cogo la diɲɛ kɔnɔ! Nka Ala ka Masaya bɛna o gɛlɛyaw bɛɛ bɔ yen.

 DƆ FARA I KA DƆNNIYA KAN

4. Jatew kɛra ka kɛɲɛ ni Bibulu ka fɔtaw ye, o y’a jira ko Ala ka Masaya ye mara daminɛ san 1914

Nin kiraya kuma tiimɛni fɔlɔ la  . . .

• (D) Jirisun tun bɛ jɔni de jira? —Tilayɔrɔdennin 22 lajɛ.

• (E) A ka masaya jɔra fɔlɔ cogo jumɛn na? —Daniɛl 4:29-33 kalan.

• (F) Mun de kɛra Nebukadnezar la “waati wolonwula” laban na? —Daniɛl 4:34-36 kalan.

Nin kiraya kuma tiimɛni filanan na  . . .

• (G) Jirisun tun bɛ jɔni de jira? —1 Tilew Kibaru 29:23 kalan.

• (H) U ka masaya jɔra fɔlɔ cogo jumɛn na? An b’a dɔn cogo di ko u ka masaya tun jɔra fɔlɔ hali tuma min na Yesu tun bɛ dugukolo kan? —Luka 21:24 kalan.

• (I) Tuma jumɛn de la ani yɔrɔ jumɛn de la o masaya sigira sen kan kokura?

 6. Ala ka Masaya ka mara ka kan ka an bila ka wale kɛ

Matiyu 24:3, 14 kalan, o kɔ aw ka baro kɛ nin ɲininkaliw kan:

• Baara nafamaba jumɛn de b’a jira ko Ala ka Masaya ye mara daminɛ?

• I bɛ se ka i sen don o baara kɛli la cogo jumɛn na?

Ala ka Masaya ye mara daminɛ, wa sɔɔni a bɛna dugukolo bɛɛ mara. Heburuw 10:24, 25 kalan, o kɔ aw ka baro kɛ nin ɲininkali kan:

• An bɛɛ kelen-kelen ka kan ka mun de kɛ ni ‘an y’a ye ko Matigi ka don surunyara?’

 BAKURUBAFƆLI

Bibulu kiraya kumaw, jate minnu kɛra ka kɛɲɛ ni Bibulu ka fɔtaw ye ani ko minnu bɛ ka kɛ nin diɲɛ kɔnɔ, olu b’a jira ko Ala ka Masaya ye mara daminɛ. An b’a jira ko an dalen bɛ o la an kɛtɔ ka waajuli kɛ ani ka lajɛw taali matarafa.

Seginnkanni

• Daniɛl ka sɛbɛn tun kɔnna ka waati wolonwula minnu ko fɔ, mun de kɛra olu laban na?

• Mun de la e dara a la ko Ala ka Masaya ye mara daminɛ san 1914?

• I bɛ se k’a jira cogo di ko i dalen b’a la ko Ala ka Masaya ye mara daminɛ?