NSUNZO 32

Omwene wa Mulugu Onolamulela!

Orumiha dhovuruwana obe Vidiyu dhisakuliwe na Elogeloya

Omwene wa Mulugu oromile olamulela yaka ya 1914. Tti nsakanene ntto niromile masiku omariha a olamulela wa attu. Ninziwa dhavi ejoya? Ndowe none yabazile ologa Bibilia sabwa ya makani aba vina mwaha wa mikalelo dhili mwilaboni oromana yaka ya 1914.

1. Bibilia wabazile ologa eni?

Nivuru na Daniyel ninonikamihedha ononelamo wi Omwene wa Mulugu ogaromile olamulela omamalelo wa ‘masaka matanu na meli.’ (Daniyel 4:16, 17) Nvirele vyaka dhinji, Yezu wahisunziha wi ‘masaka apimeliwe alamuleli,’ ali ahinatti omalawo. (Luka 21:24) Masaka aba matanu na meli agamalile yaka ya 1914.

2. Dhilobo gani dhimpadduwa mwilaboni ovenyana yaka ya 1914?

Anamafwara a Yezu ahinvuza: “Munaddele nsaka ninapadduwe dhilobo eso vina ezinddiyelo enoniha odha wenyu na ogoma wa elabo?” (Mateu 24:3) Awakulaga Yezu wahiloga wi dhilobo dhinji dhigahipadduwa venevo vagaromiliye olamulela ninga Mwene wirimu. Dhilobo dhina dhalogile Yezu dhigakalile koddo, orameya wa dhoja na ottekenyeya wa mattaka. (Kengesa Mateu 24:7.) Bibilia wahibaza ologa mweddelo wa attu a “masaka omariha” vina sabwa ya ejuwene okalawo ‘ogakalile worutxa.’ (2 Timóteo 3:1-5) Oromana yaka ya 1914 dhilobodha esi dhinottabwavi.

3. Elabo ekalelini yowopiha ovenyana mudhidhi oromile olamulela Omwene wa Mulugu?

Mudhidhi mung’onovi mumaleli Yezu okala Mwene wa Omwene wa Mulugu, wahiraba koddo na Satana vina na adomonyo aye wirimu. Satana wahipemberiwa. Bibilia onloga wi ‘iyene ohivokeliwa mwilaboni, vamodha na anju aye.’ (Ovuhulela 12:9, 12) Satana oli wosilidhiwene, sabwani ohiziwa wi onele otolotxiwa. Nona, agatotela goi mwilaboni mwetemwene. Dhilobodha kadhinttabwela yovi! Mbwenye Omwene wa Mulugu, onele ogomiha makattamiho otene.

KASUNZAVI

Kasunza, ninziwa dhavi wi Omwene wa Mulugu oromile olamulela yaka ya 1914. Oziwa eji, enanittukulele okosa eni.

4. Mavuhulo a Bibilia antonya yaka ya 1914

Karumiha VIDIYU.

VIDIYU: O Reino de Deus Começou a Governar em 1914 (5:02)

Mulugu wahimurowiha Mwene wo Babilónia Nabukodonosor, murohani mwaye Yehova wahimutonyihedha dhigapadduwile musogorho. Daniyel wahimwaddela yatapulela yorohaya, etonyaga olamulela wa Nabukodonosor vina Omwene wa Mulugu.—Kengesa Daniyel 4:17. *

Kengesa Daniyel 4:20-26, mugamala mulabihedhe kwaduru ya nikuku 133 wi mwakule mavuzo aba:

(A) Txini yonile Nabukodonosor murohani mwaye?—Koona maversu 20 na 21.
(B) Txini egapadduwile na muri wonile Nabukodonosor?—Koona versu 23.
(C) Txini egapadduwile omamalelo wa “masaka matanu na meli”?—Koona versu ya 26.

Yoroha ya muri eniwanana dhavi na Omwene wa Mulugu

NIVUHULO (Daniyel 4:20-36)

Olamulela

(A) Muri munddimuwa

Agahiroma ottiya olamulela

(B) “Kagwihani muriya” mpaka ovira wa “masaka matanu na meli”

Agahiyelela olamulela

(C) “Agahiyihedhiwa omwene waye”

Wakwanihedheya woroma wa nivuhulona . . .

(D) Muri onimutonya ani? —Koona versu 22.
(E) Mudhidhi gani ottiyiliye olamulela? —Kengesa Daniyel 4:29-33.
(F) Txini empadduweli Nabukodonosor omamalelo wa “masaka matanu na meli”? —Kengesa Daniyel 4:34-36.

WAKWANIHEDHEYA WOROMA

Olamulela

(D) Nabukodonosor, Mwene wo Babilónia

Agahiroma ottiya olamulela

(E) Omagomelo wa yaka ya 606 Kristu ahinabaliwa, Nabukodonosor wahitaduwa vina kawodhile olamulela mpaka vyaka tanu na bili

Agahiyelela olamulela

(F) Nabukodonosor wahivulumuwa vina baroma olamulela wili

Wakwanihedheya wanawili wa nivuhulona . . .

(G) Muri onimutonya ani? —Kengesa 1 Mapadduwo 29:23.
(H) Mudhidhi gani ottiyilani olamulela? Ninziwa dhavi wi awene ahittiya olamulela nsaka nali Yezu velaboni ya vati? —Kengesa Luka 21:24.
(I) Omwene wa Mulugu oromile olamulela wuvi vina mudhidhi gani?

WAKWANIHEDHEYA WANAWILI

Olamulela

(G) Amwene a mu Izrayeli emelela Omwene wa Mulugu

Agahiroma ottiya olamulela

(H) Ogujuliwa wa Jeruzalemi, amwene a mu Izrayeli anottiya olamulela mwari mwa vyaka 2,520

Agahiyelela olamulela

(I) Yezu ohiroma olamulela wirimu ninga Mwene wa Omwene wa Mulugu

Masaka matanu na meli antapulela vyaka ngasi?

Dhipaddi dhina dha Bibilia, dhinonikamihedha oziwa ejuwene. Motagiha, nivuru na Ovuhulela ninloga wi masaka mararu na meya antapulela malabo owakwana 1,260. (Ovuhulela 12:6, 14) Nona, masaka matanu na meli antapulela Malabo owakwana 2,520. Dila dhina, Bibilia onolabihedha labo addagana yaka. (Ezekiyel 4:6) Mbwenye masaka aba matanu na meli anlogiwa va nivuruni na Daniyel—anaddiwana vyaka dhowakwana 2,520.

5. Mwilaboni dhilobo dhihitxinja vaddiddi oromana yaka ya 1914

Karumiha VIDIYU.

VIDIYU: O Mundo Mudou Desde 1914 (1:10)

Yezu wahibaza ologa mapadduwo agoniyele mwilaboni mudhidhi ogakaliliye Mwene. Kengesa Luka 21:9-11, mugamala mutanaalele nivuzo ntti:

Mwari mwa mapadduwo aba, dhilobo gani dhinoonetxa weyo masaka abano?

Murumiwi Paulo wahibaza ologa mweddelo wa attu a masaka omariha. Kengesa 2 Timóteo 3:1-5, mugamala mutanaalele nivuzo ntti:

Masaka abano onowawonaga attu alagihaga esi dhimalile ologiwa vanivuruni ntti?

6. Ninofuna okamihedha Omwene wa Mulugu

Kengesa Mateu 24:3, 14, mugamala mutanaalele mavuzo aba:

Mabasa gani a makamaka anoniha wi Omwene wa Mulugu onolamulela?
Onakose elobo gani wi okamihedhe mabasa aba?

Omwene wa Mulugu onolamulela wirimu vina siku nolamulela elabo ya vati ninowaddamela. Kengesa Ahebreu 10:24, 25, mugamala mutanaalele nivuzo ntti:

Muttu-muttu wa iyo, onakose eni venevo “vanoniye waddamela wa labo ntto”?

Weyo koziwa elobo egadhile wavuna vina wakamihedha attu ena, txini egakosiliwe?

MUTTU AGAWUVUZA: “Yaka ya 1914 ekaleleni yamakamaka mwa Anamoona a Yehova?”

Ogamwakulile dhavi?

OGWADDELA

Mavuhulo a Bibilia na mapadduwo a mwilaboni anowooniha wi Omwene wa Mulugu onolamulela. Nigalaleyaga vina nigatugumanaga ninolagiha wi ninorumeela ejuwene.

Kobuwela Dhisunziliwe

Nivuru na Daniyel ninologa mwaha wa masaka matanu na meli, txini epadduwile omamalelo wa masaka aba?
Txini enuttukulela orumela wi Omwene wa Mulugu oromile olamulela yaka ya 1914?
Weyo ononihe dhavi wi onorumela wila Omwene wa Mulugu onolamulela?

Nsunzo ntti ddigomihile siku:

Yogana

Kattukula ttarho dhinaukosihe okala namalaleya wa miselu dhapama.

Yina:

Your other goal