PIÖÖC 32

Bääny de Nhialic Akuum ë Mannë!

PLAY

Bääny de Nhailic aa jɔk kuum cöök paannhial ë ruɔ̈ɔ̈n 1914. Ku ee yen jɔɔk nïn ke thök ë kuum ë mɛnh ë raan rɔ̈t. Yeku ŋic këdi? Tïŋ kä cïï Baibol ke lueel bï rɔ̈t tiɛŋ ku kä bï rɔ̈t looi ku jɔl ya ciɛɛŋ kɔc cï rɔt nyuɔɔth mïn ruɔ̈ɔ̈n 1914.

1. Yeŋö ye kä cïï Baibol ke lueel bï rɔ̈t tiɛŋ nyuɔɔth?

Aye buŋ ë Danyel nyuɔɔth nɔn nadɛ̈ ke Bääny de Nhialic abï kuum jɔɔk cöök të thök ë dhaman ye cɔɔl “run kadhorou.” (Danyel 4:16, 17) Wään cïï run juëc lɔ, Yecu acï bɛ bɛ̈n jam ë biäk ye dhaman kënë ke ye “thöökë run ke Juöör” ku acï piɔ̈ɔ̈c nɔn nadɛ̈ ke ŋoot ke kën thök. (Luk 21:24) Cït man bïï ɣook ye tïŋ, run kadhɔrou acï bën thök ë ruɔ̈ɔ̈n 1914.

2. Ye käŋö cï rɔ̈t looi ku ye ciɛɛŋ yïndï cï rɔt nyuɔɔth mïn ruɔ̈ɔ̈n 1914?

Dutuucke Yecu aa ke cï ye thiëëc: “Lɛ̈kë wook, bï kake röt looi nɛn? Ku kë bï kɔc bɛ̈ndu ŋic ee käŋö, ayï thök de piny?” (Mathayo 24:3) Wën cïï Yecu ye bɛ̈ɛ̈r, acï bɛ̈n jam ë biäk käjuëc bï rɔ̈t looi ë pinynɔm të jɔɔk en kuum paannhial ke ye Meliŋ ë Bääny de Nhialic. Kɔ̈k ye käke yiic ee tɔŋtɔɔŋ, cɔŋdït, ku nieŋ ye piny rot niɛŋ. (Kuen Mathayo 24:7.) Baibol aa cï jam ayadäŋ nɔn nadɛ̈ ke ciɛɛŋ ë kɔc ë “akööl ciëën” aabï ya “akööl rac bï kɔc dhal.” (2 Timotheo 3:1-5) Kä cï keek lueel bï rɔ̈t looi kä aa ke go rɔ̈t nyuɔɔth mïn ruɔ̈ɔ̈n 1914.

3. Ye wɛ̈tŋö cïi käŋ rɛ̈ɛ̈c apɛi mïn ë jɔɔk ë Bääny de Nhialic kuum cöök?

Wään cïï Yecu jä ya Meliŋ ë Bääny de Nhialic yic, acï toŋ bɛ̈n jɔ̈t Cetän ke jakrɛc paannhial. Cetän acï bën tiaam. Aye Baibol lueel acï bën “ciɛɛc biic le ë piny nɔm, ku ciec tuuckɛnnhial në yen ëtök.” (Nyuuth 12:9, 10, 12) Cetän acï puɔ̈u riääk apɛi wɛ̈tŋö aŋic ke bï riɔ̈ɔ̈k. Ke yen wɛ̈t ye yen arɛɛm ku mɛɛmdït arëët bɛ̈i ë pinynɔm ëbën. Ke yen cïï yen ɣook ë gɔ̈i të tïŋ ɣok kärɛc ke loi rɔ̈t ë pinynɔm yeköölë! Bääny de Nhialic abï käkë cɔ̈k piny ëbën.

YÄP DÏT

Tïŋ të ye ɣook ye ŋiɛc thïn nɔn nadɛ̈ ke Bääny de Nhialic aa jɔk kuum mïn ruɔ̈ɔ̈n 1914 ku kë bï ya wɛ̈t de yic tënë ɣook.

4. Käk ke cïï Baibol ke lueel ke mac kɔ̈ɔ̈th bï rɔ̈t looi aye nyuɔɔth nɔn nadɛ̈ ke Bääny de Nhialic acï kuum jɔɔk ë ruɔ̈ɔ̈n 1914

Puɔl ë BIDEO.

BIDEO: Bääny de Nhialic aa Jɔk Kuum ë Ruɔ̈ɔ̈n 1914 (5:02)

Nhialic aa cï Nebukadnedhar Meliŋ thɛɛr mac paan ë Babilon looi bï nyuöth. Nyuöth kënë acïï Danyel bɛ̈n waaric ke ye kë bï rɔt tiɛŋ tënë kuum Nebukadnedhar ku Bääny de Nhialic.—Kuen Danyel 4:17. a

Kuen Danyel 4:20-26, ku jälkë thanduk jäämic bï thiëc bɔ̈ dhuknïïm:

(A) Yeŋö ë cïï Nebukadnedhar tïŋ ë nyuöthde yic?—Tïŋ cöök 20 ku 21.
(B) Yeŋö bï rɔt looi tënë tim?—Tïŋ cöök 23.
(C) Yeŋö bï rɔt looi të cïï “run kadhɔrou” thök?—Tïŋ cöök 26.

Kë ye Nyuöth ë Tim Nyuɔɔth ë Biäk ë Bääny de Nhialic

KË CÏ LUEEL BÏ RƆT TIƐŊ (Danyel 4:20-36)

Kuum

(A) Timdït apɛi

Kuum acï cɔl akääc

(B) “Yɛp ë tim piny,” ku cɔl “run kadhɔrou lɔ”

Kuum acï bɛ̈n dhuök ciëën

(C) “Bäänydu abï bɛ gäm yïn”

Kë bï rɔt looi tueŋ ye nyuöth kënë yic . . .

(D) Yeŋa ye tim nyuɔɔth?—Tïŋ cöök 22.
(E) Ye këdi cïï kuumde rɔt bɛ̈n riir?—Kuen Danyel 4:29-33.
(F) Yeŋö cï rɔt bɛ̈n looi tënë Nebukadnedhar wään cï “run kadhɔrou” thök?—Kuen Danyel 4:34-36.

KË BÏ RƆT LOOI TUEŊ

Kuum

(D) Nebukadnedhar, Meliŋde paan ë Babilon

Kuum acï cɔl akääc

(E) Wään cïï ruɔ̈ɔ̈n 606 B.C.E. lɔ, Nebukadnedhar acï nɔm bɛ̈n riɛr ku cïï kuum bɛ lëu ë run kadhɔrou

Kuum acï bɛ̈n dhuök ciëën

(F) Nebukadnedhar acï nɔm bɛ̈n bɛ piath ku bɛ kuum

Ë kë däŋ ë rou cï rɔt bɛ̈n looi . . .

(G) Yeŋa ye tim nyuɔɔth?—Kuen 1 Lëk de Akööl 29:23.
(H) Ye këdi cïï kuumden rɔt bɛ̈n riir? Yeku ŋic këdï nɔn nadɛ̈ ke Bääny de Nhialic aa cïï kuum wään ŋoot Yecu ke tɔ̈u ë pinynɔm?—Kuen Luk 21:24.
(I) Ye nɛn ku ye tëno cïï bääny kënë bɛ̈n dhuök ciëën?

KË DE ROU CÏ RƆT TIƐŊ TËDE

Kuum

(G) Meliik ke Yithrɛɛl ke tɔ̈u nyin ë Bääny de Nhialic yic ë pinynɔm

Kuum acï cɔl akääc

(H) Jeruthalɛm acï bɛ̈n riɔ̈ɔ̈k, ku acï kuum ë meliik ke Yithrɛɛl bɛ̈n riiric ë run ka 2,520

Kuum acï bɛ̈n dhuök ciëën

(I) Yecu acï kuum jɔɔk paannhial ke ye Meliŋ ë Bääny de Nhialic

Ye këdï ë bɛ̈ɛ̈r run kadhɔrou yiic?

Baŋ töŋ ë Baibol ee ɣook kuɔny buk baŋ däŋë deetic. Cït man, aye buŋ ë Nyuuth lueel run kadiäk ku abak aa thöŋ ke nïn 1,260. (Nyuuth 12:6, 14) Ka run kadhɔrou aa nïnkä dhuökiic ayic rou, awu nïn 2,520. Ë dhaman däŋ Baibol ee kööl tök cɔɔl ruɔ̈ɔ̈n. (Edhekiel 4:6)

5. Pinynɔm acï rɔt geer mïn ruɔ̈ɔ̈n 1914

Puɔl ë BIDEO.

BIDEO: Pinynɔm Acï Rɔt Geer Mïn Ruɔ̈ɔ̈n 1914 (1:10)

Yecu aa cï kä bï rɔ̈t looi lueel kä bï yen nyuɔɔth nɔn cïï yen ya Melik. Kuen Luk 21:9-11, ku jälkë thiëc kënë jäämic:

Ye töŋ no ye kä cï keek lueel kä yiic yen ca tïŋ awu ca piiŋ ke loi rɔt?

Dutuc Paulo aa cï jam ë biäk të bïï kɔc cieeŋ thïn ë nïn ciëën ke kuum ë mɛnh ë raan. Kuen 2 Timotheo 3:1-5, ku jälkë thiëc kënë jäämic:

Ye ceŋ rɛɛc yïndï ca tïŋ ke ciëŋ ë kɔc yeköölë?

6. Kuum ë Bääny de Nhialic alëu bï ɣook miɛɛt piɔ̈ɔ̈th

Kuen Mathayo 24:3, 14, ku jälkë thiëc kä jäämiic:

Ye lon thiekic no ye nyuɔɔth nɔn nadɛ̈ ke Bääny de Nhialic akuum ë mannë?
Ye këdi lëu bïï yïn rɔt mat ye lon kënë yic?

Bääny de Nhialic akuum ë mannë, ku kööl bɛn pinynɔm kuum acï thiɔ̈k. Kuen Ɣeberuu 10:24, 25, ku jälkë thiëc kënë jäämic:

Yeŋö buk looi ɣodhie të tïŋ ɣok “kööl kënë ke cï ɣëët tëthiɔ̈k”?

Na piɔ̈ɔ̈cë ke lëu bï kɔc kɔ̈k kuɔny ku luɛ̈k ke bei, ke yeŋö lëu ba looi?

RAAN DÄŊ ALËU BÏ THIËC: “Ye wɛ̈tŋö ye Ciëëtke Yekoba jam apɛi ë biäk ë ruɔ̈ɔ̈n 1914?”

Lëu ba dhuknɔm këdi?

JAM CIEKIC

Kä cïï Baibol ke lueel, ke mac kɔ̈ɔ̈th bï rɔ̈t tiɛŋ, ku kä loi rɔ̈t ë mannë aye nyuɔɔth nɔn nadɛ̈ ke Bääny de Nhialic akuum. Ayeku nyuɔɔth nɔn cïï ɣook ye gam yen kënë ë biäk ye ɣok lɔ piööc ku yeku lɔ amɛtmɛɛtiic.

Bëër Yic

Yeŋö cï rɔt bɛ̈n looi wään cïï run kadhɔrou cï ke lueel ë buŋ ë Danyelic thök?
Yeŋö yï kuɔny ba gam nɔn nadɛ̈ ke Bääny de Nhialic acï kuum jɔɔk ë ruɔ̈ɔ̈n 1914?
Ye këdi lëu bïï yïn ye nyuɔɔth ke ca gam nɔn kuum ë Bääny de Nhialic ë mannë?

Piööc cï thɔ̈l ë köölë:

Kë ca tääu yïnɔm ba looi

Cɔ̈k rɔt piny ba ya dupiöny ë wël piɛth.

Kɔ̈k:

Your other goal