SHIRONGWA 32
Uhompa waKarunga kuna kupangera!
Uhompa waKarunga kwa valikire kupangera muliwiru mumwaka 1914. Mwaka ngogho, mpo gha varekire mayuva ghauhura ghamapangero ghavantu. Weni tuna vi yiva? Konakona uporofete wamuBibeli namaukaro nankalito odo da karo po kutunda 1914.
1. Nke wa negheda uporofe wamuBibeli?
Mbapira yamuBibeli yaDaniel kwa negheda ashi Uhompa waKarunga ngau vareka kupangera kuuhura waruvede va twenya ashi “virugho ntaviri.” (Daniel 4:16, 17) Jesus a ghambire kuhamena shirugho osho ashi ‘shirugho shadimuhoko’ ntani a shongire ashi shimpe kapi shashagha shirugho osho. (Lukas 21:24) Momo ngatu ka vi konakona, shirugho osho kwa shaghire mumwaka 1914.
2. Maukaro nankalito munke da shoroko kutunda 1914?
Varongwa vaJesus kwa mu pulire ashi: “Nke shiyivito sha likaro po lyoye nashauhura waudjuni?” (Matheus 24:3) Jesus kwa va limbwilire pakuvatantera vininke ovyo ngavi shoroko opo nga vareka kupangera muliwiru muUhompa waKarunga. Vininke vimwe a twenyine kwa kwatera mo vita, lirumbu nalikinko lyalivhu. (Varura Matheus 24:7.) MuBibeli kwa pumba mo ashi nkalito yavantu “pamayuva ghapauhura” ngayi ‘ditopita’ liparu. (2 Timotheus 3:1-5) Maukaro nankalito odo kwa donapa ngudu, shinene po kutundilira 1914.
3. Morwanke maukaro muudjuni ghadonapa ngudu kutunda opo wa vareka kupangera Uhompa waKarunga?
Tupu va mu tumbire Jesus a kare Hompa waUhompa waKarunga, ghuye kwa rwire vita naSatana navandemone. Satana va mu fundire. Bibeli kwa ghamba ashi “kwa mu vhukumine palivhu ntani vaengeli vendi navo kwa va vhukumine kumwe naye.” (Lishorwero 12:9, 10, 12) Satana ana garapa ngudu, mbyovoshi ana yiva ashi ngava mu djonaghura po. Uye ndje ana kuyito maudito narunyando udjuni nauntje. Mbyo ngoli maukaro ghana donapere ngudu muudjuni. Uhompa waKarunga ngau ya ghupapo maudito naghantje ghano.
TEDA KO
Konakona u kenge omo twa vi yiva ashi Uhompa kwa valikire kupangera mu 1914 ntani ovyo vina karere namulyo kwetu.
4. Vishorokwa vyamuBibeli kututwara kumwaka 1914
Karunga kwa renkitire Hompa Nebukadenesar waBabylon a rote ndjodi yapauporofete. Ndjodi oyo ntani nalitontonono a tapire Daniel kwa negheda ashi kwa tamba kuupangeli waNebukadenesar ntani kuUhompa waKarunga.—Varura Daniel 4:17. a
Varura Daniel 4:20-26, makura rughanita karata u limburure mapuro ghano:
-
(A) Nke a monine mundjodi Nebukadenesar?—Kenga velise 20 ntani 21.
-
(B) Nke ngavi shorokero shitondo? —Kenga velise 23.
-
(C) Nke ngavi shoroko kulishaghero ‘lyavirugho ntaviri’?—Kenga velise 26.
Omo ndjodi yashitondo yakukwatakana naUhompa waKarunga
UPOROFETE (Daniel 4:20-36)
Upangeli
(A) Litondo lyalinene
Upangeli ava u shaghikita
(B) “Teta shitondo” ntani “papite virugho ntaviri’”
Upangeli ava u vyutidire po
(C) “Uhompa ngava u kuvyutidira nka”
Litikiliro mo lyakutanga lyauporofete uno . . .
-
(D) Are sha fanikitire shitondo? —Kenga velise 22.
-
(E) Weni upangeli wendi wa shaghire? —Varura Daniel 4:29-33.
-
(F) Nke vya shorokiliro Nebukadenesar kulishaghero ‘lyavirugho ntaviri’? —Varura Daniel 4:34-36.
LITIKILIROMO LYAKUTANGA
Upangeli
(D) Nebukadenesar, Hompa waBabilon
Upangeli ava u shaghikita
(E) Muruku yamwaka 606 kumeho Jesus a ye palivhu, Nebuchadnezzar a tanauka mutwe ntani kapi a vhulire kupangera mwaka ntaviri dene-dene
Upangeli ava u vyutidire po
(F) Nebukadenesar aya kara nka nandunge makura a vareke kupangera nka
Litikiliro mo lyauviri lyauporofete uno . . .
-
(G) Vare sha fanikitire shitondo? —Varura 1 Kronieke 29:23.
-
(H) Weni upangeli wavo va u shaghikitire? Weni tuna vi yiva ashi upangeli wavo kwa u shaghikitire po nampiri opo Jesus a ya kalire palivhu?—Varura Lukas 21:24.
-
(I) Ruvede munke ntani kuni nko va u vyutidilire po upangeli uno?
LITIKILIROMO LYAUVIRI
Upangeli
(G) Vahompa vaIsraeli ovo va kareliro po upangeli waKarunga
Upangeli ava u shaghikita
(H) Jerusalem ava yi djonaghura po nakushaghekita po lipangero lyavahompa vaVaisraeli ure wamwaka 2 520
Upangeli ava u vyutidire po
(I) Jesus a vareke kupangera muliwiru nakukara Hompa muUhompa waKarunga
Pani vya tika virugho ntaviri?
Maruha ghamwe ghaBibeli kutuvatera tu kwate lighano maruha ghapeke. Shihonenito, mbapira Lishorwero yamuBibeli kughamba ashi virugho vitatu naharufa kuna kara mayuva 1 260. (Lishorwero 12:6, 14) Virugho ntaviri kutanta ashi kuwederera nomora oyo paruviri makura kuyakara mayuva 2 520. Pamaruvede ghamwe, Bibeli kurughanita mayuva mukufanikita mwaka. (Esegiel 4:6) Ovyo mbyo vatamba virugho ntaviri mumbapira yaDaniel, vyavyo kwa fanikita mwaka 2 520.
5. Udjuni wa kutjindja kutunda mu 1914
Jesus a pumbire maukaro ghamuudjuni ogho a monikiro muruku rwakumutumba a kare Hompa. Varura Lukas 21:9-11, makura timwitirenu lipuro lino:
-
Maukaro munke ghano vanatwenya wa mona ndi wa yuvha?
Mupostoli Paulus a shingonwine nkalito yavantu pamayuva ghapauhura ghamapangero ghavantu. Varura 2 Timotheus 3:1-5, makura timwitirenu lipuro lino:
-
Nkalito munke wa mona muvantu mayuva ghano?
6. Upangeli waUhompa waKarunga wa hepa kututumangeda
Varura Matheus 24:3, 14, makura timwitirenu mapuro ghano:
-
Shirughana munke shamulyo shina kuneghedo ashi Uhompa waKarunga kuna kupangera weno?
-
Weni u kuhamitira mo mushirughana osho?
Uhompa waKarunga kuna kupangera ntani ntantani tupu ngau ya pangere pano palivhu. Varura Heberi 10:24, 25, makura timwitirenu lipuro lino:
-
Nke a hepa kurughana kehe umwe wetu “pakumona ashi liyuva pepi lina kara”?
Ntjene una yiva vininke ovyo vi vhuro kuvatera nakuparura vantu, nke ngau rughana?
UMWE KUVHURA A KUPURE ASHI: “Morwanke Mbangi daJehova da hora kughamba ngudu kuhamena 1914?”
-
Weni u limburura?
LIKAMO
Uporofete navishorokwa vyamuBibeli ntani maukaro ghamuudjuni kutapa umbangi ashi Uhompa waKarunga kuna kupangera. Atwe kunegheda ashi twa vi pura pakuyuvhita kuhamena Uhompa ntani kukara mumapongo ghamumbungakriste.
Livyukuruko
-
Nke vyashorokiro kulishaghero lyavirugho ntaviri ovyo va pumba mumbapira yaDaniel?
-
Nke vina kukupo umbangi ashi Uhompa waKarunga kwa valikire kupangera mu 1914?
-
Weni u negheda ashi wa vi pura ashi Uhompa kuna kupangera?
YIVAKO VYAVINGI
Konakona ovyo va ghamba vanahistoli navamwe kuhamena makutjindjo muudjuni kutunda mu 1914.
Varura u yive omo uporofete waMatheus 24:14 wa kundamine liparu lyamurume umwe.
“Ame kwa holire unene udano wabaseball kupita navintje!” (Ruhungu No. 3 2017)
Weni tuna yiva ashi uporofete va tjanga mwaDaniel ligaununo 4 kwa tamba kuUhompa waKarunga?
“Ruvede munke wa valikire kupangera Uhompa waKarunga? (Ruha 1)” (Ruhungu, Mangundu-Sindimba 2014)
Nke vina kuneghedo ashi “virugho ntaviri” va twenya mwaDaniel ligaununo 4 kwa ya shaghire mu 1914?
“Ruvede munke wa valikire kupangera Uhompa waKarunga? (Ruha 2)” (Ruhungu, 1 Murongagona 2015)
a Kenga virongwa viviri vyakuuhura muruha Yivako vyavingi mushirongwa shino.
