TOLI 32

Gadu Kownukondee e tii kaba!

PEE

Gadu Kownukondee bigin tii aini a yali 1914. Aini aseefi yali ya den lasiti dei fu a goontapu ya bigin. Faw du sabi a sani ya? Wo luku wantu Beibel polofeititoli, wantu sani di e pasa nownow, anga fa sama tyai denseefi fanafu 1914. Di wo luku den sani ya, wo si taki na a yali de a Kownukondee fu Gadu bigin tii tuu.

1. San Beibel be taki o pasa?

A Beibel buku Daniyeli be taki a Kownukondee fu Gadu o bigin tii na a kaba fu ‘seibin ten’ (Daniyeli 4:16, 17). Baka omen ondoo yali, Yesesi be kai a pisiten ya ‘a ten fu den taakondee sama’. A be soi tu taki a ten ya á be pasa ete (Lukasi 21:24). Wo si aini a pisi ya taki den ‘seibin ten’ di Daniyeli be e taki, kaba aini 1914.

2. San pasa fanafu 1914? Fa sama bigin tyai denseefi fanafu a ten de?

Den bakaman fu Yesesi be akisi en taki: ‘Fa wo du sabi taki i kon? San o soi taki a kaba fu a goontapu ya de koosube?’ (Mateyesi 24:3) Yesesi taigi den omen sani di be o pasa baka te a be o bigin tii enke Kownu a hemel. A be taigi den taki feti be o go e feti a omen kondee, angiiten anga seke-doti be o de a omen peesi tu. (Leisi Mateyesi 24:7.) Beibel e soi tu taki a fasi fa sama be o tyai denseefi aini den lasiti dei be o meke ‘a libi taanga’ (2 Timotiyesi 3:1-5). Fanafu 1914 sani kon moo ogii a goontapu.

3. Saide sani kon moo ogii a goontapu fanafu di a Kownukondee fu Gadu bigin tii?

Di Yesesi toon Kownu fu Gadu Kownukondee, neen a feti anga Saatan anga den ogii yeye. Saatan lasi a feti ya. Beibel taki: ‘Den fiingi en go a goontapu. Den fiingi den engel fi en go a goontapu tu’ (Openbaring 12:9, 10, 12). Saatan sabi taki den o kii en dyonson. Neen meke ná pikin boon en ati e boon. Ai meke ogii miti sama na ala se fu goontapu. Na a sani ya meke a goontapu tan so. Ma Gadu Kownukondee o puu ala den polobelema di wi abi nownow.

LUKU A TOLI YA MOO FINI

Wo luku faw du sabi taki aini a yali 1914 Gadu Kownukondee bigin tii, anga san a sani ya wani taki gi u.

4. Den polofeititoli aini Beibel e soi taki Gadu Kownukondee bigin tii aini 1914

Pee a FELON.

FELON: Gadu Kownukondee bigin tii aini 1914 (5:02)

Gadu be meke Kownu Nebukadnesar deen wan deen di e soi san be o pasa aini a ten fi en. Ma aseefi deen ya e soi san be o pasa aini a ten fu uya tu. Beibel e soi san a deen ya wani taki. A Daniyeli be puu a deen gi a kownu. A deen be e soi san be o pasa anga a kownukondee fu Nebukadnesar, anga san be o pasa anga a Kownukondee fu Gadu.—Leisi Daniyeli 4:17. a

Leisi Daniyeli 4:20-26, baka dati luku a faki a bladzijde 133, da i luku efii poi piki den akisi ya:

(A) San Nebukadnesar be si aini a deen?—Luku vers 20 anga 21.
(B) San be o pasa anga a bon? —Luku vers 23.
(C) San be o pasa na a kaba fu den ‘seibin ten’?—Luku vers 26.

San a deen fu a bon e leli u fu a Kownukondee fu Gadu?

A POLOFEITITOLI (Daniyeli 4:20-36)

Ai tii

(A) Wan gaan bon

A nai tii moo

(B) ‘Faa a bon towe’, da u fika en ‘te enke seibin ten pasa’

Ai tii baka

(C) ‘Yo tii enke kownu baka’

A fosi leisi di a polofeititoli kon tuu . . .

(D) Sama a be a bon?—Luku vers 22.
(E) Saide aa be e tii moo?—Leisi Daniyeli 4:29-33.
(F) San pasa anga Nebukadnesar na a kaba fu den ‘seibin ten’?—Leisi Daniyeli 4:34-36.

A FOSI LEISI DI A POLOFEITITOLI KON TUU

Ai tii

(D) Nebukadnesar, a Kownu fu Babilon

A nai tii moo

(E) Baka a yali 606 Fosi Kelestesi, Nebukadnesar lasi en fusutan. Seibin yali langa aa be poi tii moo

Ai tii baka

(F) Nebukadnesar kisi enseefi, neen a bigin tii baka

Du fu tu leisi di a polofeititoli kon tuu . . .

(G) Sama a be a bon?—Leisi 1 Koloniki 29:23.
(H) On ten den á be e tii moo? Faw du sabi taki den Islayelisama á be abi kownu moo a ten di Yesesi be de a goontapu?—Leisi Lukasi 21:24.
(I) On ten Gadu Kownukondee bigin tii baka? Pe a Kownukondee ya de?

DU FU TU LEISI DI A POLOFEITITOLI KON TUU

Ai tii

(G) Den kownu fu den Islayelisama be e holi peesi gi Gadu Kownukondee

A nai tii moo

(H) Di Yelusalem booko, a 2520 yali langa kownu á be de di be e holi peesi gi Gadu Kownukondee

Ai tii baka

(I) Yesesi bigin tii a hemel enke Kownu fu Gadu Kownukondee

On langa den seibin ten be de?

Son pisi fu Beibel e yeepi u fu fusutan wan taa pisi. Te i luku a Beibel buku Openbaring, da ai soi taki dii anga afu ten, na aseefi enke 1260 dei (Openbaring 12:6, 14). Ala anga ala, den seibin ten e kon 2520 dei. Son leisi wan dei aini Beibel wani taki wan yali (Eseikiyeli 4:6). A letiso a de anga a polofeititoli fu a buku fu Daniyeli tu. Den seibin ten a 2520 yali.

5. A goontapu kengi fanafu a yali 1914

Pee a FELON.

FELON: A goontapu kengi fanafu a yali 1914 (1:10)

Yesesi be taki san be o pasa a goontapu baka di a be o toon Kownu. Leisi Lukasi 21:9-11, da i luku efii poi piki a akisi ya:

Sowtu wan fu den sani di u leisi aini a tekisi ya e pasa nownow?

Apostel Pawlesi be taki fa sama be o tyai denseefi aini den lasiti dei fu a goontapu ya. Leisi 2 Timotiyesi 3:1-5, da i luku efii poi piki a akisi ya:

Sowtu wan fu den manii ya i si sama abi aini a ten ya?

6. Soi taki ye biibi taki Gadu Kownukondee e tii kaba

Leisi Mateyesi 24:3, 14, da i luku efii poi piki den akisi ya:

Sowtu pelensipali wooko e du nownow di e soi taki a Kownukondee fu Gadu e tii kaba?
Fai sa yeepi anga a wooko ya?

Gadu Kownukondee e tii nownow. Dyonson moo ao tii a hii goontapu. Leisi Hebrewsama 10:24, 25, da i luku efii poi piki a akisi ya:

San u mu du ‘o moo we si a dei e koosube’?

Efii be sabi wan sani di be o yeepi sama fu tan a libi, sai be o du?

KANDE WAN SAMA AKISI I TAKI: ‘Saide meke den Yehofa Kotoigi e si 1914 enke wan pelensipali yali?’

Sai be o piki?

SAI LELI?

Den Beibel polofeititoli anga den sani di e pasa nownow e soi taki Gadu Kownukondee e tii kaba. U mu e peleiki ala yuu. U mu e go a den komakandaa tu. Te we du den sani ya, da we soi taki we biibi taki a Kownukondee fu Gadu e tii kaba.