UKPEPN̄KPỌ 32
Obio Ubọn̄ Abasi Ama Ọtọn̄ọ!
Abasi ama ọtọn̄ọ Obio Ubọn̄ esie ke heaven ke 1914. Ini oro ke mme akpatre usen emi osụhọde ọnọ ukara owo ọkọtọn̄ọ. Inam didie idiọn̄ọ? Se nte prọfesi Bible emi osude, nte n̄kpọ etiede, ye nte edu-uwem mme owo owụtde ke se iketịbede edi oro ke 1914.
1. Nso ke prọfesi Bible owụt?
Prọfesi emi odude ke n̄wed Daniel ke Bible ama owụt ke Obio Ubọn̄ Abasi editọn̄ọ ke utịt ini emi Bible okotde “ini itiaba.” (Daniel 4:16, 17) Ini itiaba oro ke Jesus okokot “edimek ini mme idụt” ini enye osụk odude mi ke isọn̄, onyụn̄ ọdọhọ ke ini oro ikụreke kan̄a. (Luke 21:24) Nte nneme emi akade oyokụt ke ini itiaba oro eketre ke 1914.
2. N̄kpọ etie didie toto ke 1914, mme owo ẹnyụn̄ ẹdu uwem didie?
Mbet Jesus ẹma ẹbụp Jesus isan̄ kiet ẹte: “Nso idinyụn̄ idi idiọn̄ọ edidu fo ye eke akpatre ini editịm n̄kpọ emi?” (Matthew 24:3) Jesus ama etịn̄ se iditịbede ẹma ẹmek imọ Edidem Obio Ubọn̄ Abasi ke heaven. Enye ama asiak ekọn̄ ye akan̄ ye unyekisọn̄ esịn ke otu mme n̄kpọ oro. (Kot Matthew 24:7.) Bible ama etịn̄ ke nte mme owo ẹdidude uwem ke “mme akpatre usen” ayanam uwem ‘ọsọn̄ ndiyọ.’ (2 Timothy 3:1-5) Mme n̄kpọ Jesus ọkọdọhọde do ke eyetịbe, ye nte ẹkedọhọde ke mme owo ẹdidu uwem, ọkọtọn̄ọ ndinen̄ede ntịbe ke 1914.
3. Nso inam edi ukara Abasi ọkọtọn̄ọ ke heaven n̄kpọ ọdọdiọk akan akpa ke ererimbot?
Ke ẹma ẹkemek Jesus Edidem Obio Ubọn̄ Abasi ke heaven, enye ama an̄wana ekọn̄ ye Satan ye mme demon esie. Ekọn̄ oro ama ọsọn̄ akan Satan. Bible ọdọhọ ke ẹma “ẹsio enye ẹduọk ke isọn̄, ẹnyụn̄ ẹsion̄o mme angel esie ẹduọn̄ọ ye enye.” (Ediyarade 12:9, 10, 12) Satan ayat esịt etieti sia enye ọdiọn̄ọ ke eke imọ okokụre ama. Ifụtesịt oro ke enye akada ọtọn̄ọ ndinam mfịna ye ufen ọyọhọ ererimbot. Omokụt do se inamde n̄kpọ ọdiọk ntem ke ererimbot! Edi ukara Abasi eyedinam kpukpru n̄kpọ afiak ọfọn ama.
SỊN IDEM KPEP
Se nte isan̄ade idiọn̄ọ ke Obio Ubọn̄ Abasi ama ọtọn̄ọ ke 1914, ye se oro akpanamde nnyịn inam.
4. Ini oro Bible akasiakde ọkọduọ ke 1914
Abasi ama anam Edidem Nebuchadnezzar ke Babylon adaba ndap emi okowụtde se iditịbede ke ini iso. Se Daniel eketịn̄de aban̄a ndap oro owụt ke ndap oro akaban̄a ukara Edidem Nebuchadnezzar ye Obio Ubọn̄ Abasi.—Kot Daniel 4:17. a
Kot Daniel 4:20-26, ekem da se idude ke page oro etienede bọrọ mme mbụme emi:
-
(A) Nso ke Nebuchadnezzar okokụt ke ndap?—Se ufan̄ikọ 20 ye 21.
-
(B) Nso ke ẹkedọhọ ẹnam eto oro?—Se ufan̄ikọ 23.
-
(C) Ẹkedọhọ ke nso iditịbe ke utịt “ini itiaba” oro?—Se ufan̄ikọ 26.
Nte Ndap Oro Asan̄ade N̄kpọ ye Obio Ubọn̄ Abasi
PRỌFESI (Daniel 4:20-36)
Akara
(A) Akamba eto
Etre ndikara
(B) “Ẹkek eto oro ẹduọk,” ẹnyụn̄ ẹyak “ini itiaba ebe”
Afiak ọtọn̄ọ ndikara
(C) “Obio ubọn̄ fo oyosụk ana ọnọ fi”
Akpa ini prọfesi oro okosude . . .
-
(D) Eto oro akada aban̄a anie?—Se ufan̄ikọ 22.
-
(E) Ini ewe ke enye eketre ndikara?—Kot Daniel 4:29-33.
-
(F) Nso iketịbe inọ Nebuchadnezzar ke utịt “ini itiaba” oro?—Kot Daniel 4:34-36.
AKPA INI PRỌFESI ORO OKOSUDE
Akara
(D) Nebuchadnezzar, Edidem Babylon
Etre ndikara
(E) Ke 606 B.C.E. ama ekebe, ibuot ama ebe Nebuchadnezzar, enye ama onyụn̄ etre ndikara ke ata ata isua itiaba
Afiak ọtọn̄ọ ndikara
(F) Ibuot ama afiak ọfọn Nebuchadnezzar, enye onyụn̄ afiak ọtọn̄ọ ndikara
Ini prọfesi oro akafiakde osu . . .
-
(G) Eto oro akada aban̄a mmanie?—Kot 1 Chronicle 29:23.
-
(H) Ini ewe ke mmọ ẹketre ndikara? Nso iwụt ke mmọ ikafiakke itọn̄ọ ndikara, idem ke ini Jesus okodude ke isọn̄?—Kot Luke 21:24.
-
(I) Ini ewe ke ukara oro akafiak ọtọn̄ọ? Akafiak ọtọn̄ọ ke m̀mọ̀n̄?
INI PRỌFESI ORO AKAFIAKDE OSU
Akara
(G) Ndidem Israel emi ẹkekarade ke ibuot Abasi
Etre ndikara
(H) Ẹma ẹsobo Jerusalem ẹnyụn̄ ẹnam ndidem Israel emi ẹkekarade ke ibuot Abasi ẹtre ndikara ke isua 2,520
Afiak ọtọn̄ọ ndikara
(I) Ẹmek Jesus Edidem Obio Ubọn̄ Abasi ke heaven, enye onyụn̄ ọtọn̄ọ ndikara
Ini itiaba oro ọkọniọn̄ didie?
Ndusụk itie Bible esinam itie Bible en̄wen an̄wan̄a. Ke uwụtn̄kpọ, n̄wed Ediyarade ọdọhọ ke ini ita ye ubak edi usen 1,260. (Ediyarade 12:6, 14) Oro owụt ke ini itiaba edi usen 1,260 dian usen 1,260, ndien oro ọnọ nnyịn usen 2,520. Ke ndusụk itie Bible, usen kiet esida ọnọ isua kiet. (Ezekiel 4:6) Ukem ntre ke onyụn̄ edi ye ini itiaba oro ke n̄wed Daniel—usen 2,520 oro ada ọnọ isua 2,520.
5. Ererimbot okpụhọde toto ke 1914
Jesus ama etịn̄ nte ererimbot editiede enye ama ọtọn̄ọ ukara. Kot Luke 21:9-11, ekem ẹbọrọ mbụme emi ẹnyụn̄ ẹneme ẹban̄a enye:
-
Ewe ke otu n̄kpọ ẹbatde do ke afo okụt m̀mê okop aban̄a?
Apostle Paul ama etịn̄ nte mme owo ẹditiede ke mme akpatre usen emi osụhọde ọnọ ukara owo. Kot 2 Timothy 3:1-5, ekem ẹbọrọ mbụme emi ẹnyụn̄ ẹneme ẹban̄a enye:
-
Ewe ke otu n̄kpọ ẹbatde do ke afo enen̄ede okụt?
6. Ọfọn iwụt ke imọdiọn̄ọ ke Obio Ubọn̄ Abasi ama ọtọn̄ọ ke heaven
Kot Matthew 24:3, 14, ekem ẹbọrọ mbụme emi ẹnyụn̄ ẹneme ẹban̄a mmọ:
-
Ewe akpan utom ke ẹnam mfịn, emi owụtde ke Obio Ubọn̄ Abasi ama ọtọn̄ọ?
-
Nso ke akpanam man etiene esịne ke otu mbon emi ẹnamde utom oro?
Ukara Abasi ama ọtọn̄ọ ke heaven, ndien ibịghike ukara oro eyedisịm ofụri isọn̄. Kot Mme Hebrew 10:24, 25, ekem ẹbọrọ mbụme emi ẹnyụn̄ ẹneme ẹban̄a enye:
-
Nso ke nnyịn owo kiet kiet ikpanam nte ikụtde ke “usen oro ke asan̄a ekpere”?
Ọkpọdiọn̄ọ se ikemede ndin̄wam mme owo nnyụn̄ nnyan̄a mmọ, nso ke akpanam?
NDUSỤK OWO ẸKEME NDIBỤP: “Nso isinam Mme Ntiense Jehovah ẹdọhọ ke 1914 edi ata akpan isua?”
-
Nso ke ọkpọbọrọ utọ owo oro?
SE IKPEPDE
Prọfesi Bible, ini emi Bible asiakde, ye nte n̄kpọ etiede ke ererimbot owụt ke Obio Ubọn̄ Abasi ama ọtọn̄ọ ke heaven. Edieke isinamde mme owo ẹdiọn̄ọ emi inyụn̄ idụkde mbono esop, iwụt ke imenịm ke Obio Ubọn̄ Abasi ama ọtọn̄ọ.
Se M̀mê Emeti
-
Nso iketịbe ke utịt ini itiaba emi Bible etịn̄de aban̄a ke n̄wed Daniel?
-
Nso inam fi enen̄ede enịm ke Obio Ubọn̄ Abasi ama ọtọn̄ọ ke heaven ke 1914?
-
Nso ke akpanam man owụt ke imenịm ke ukara Abasi ama ọtọn̄ọ?
KPEP N̄KPỌ EN̄WEN
Se se mme ẹkpep n̄kpọ mban̄a mbụkeset ye se mbon en̄wen ẹtịn̄de ẹban̄a nte ererimbot okpụhọrede tọn̄ọ ke 1914.
Se se prọfesi emi odude ke Matthew 24:14 akanamde ete kiet anam.
“Idụhe Se N̄kamade Nte Baseball!” (Enyọn̄-Ukpeme No. 3 2017)
Nso iwụt ke prọfesi emi odude ke Daniel ibuot 4 asan̄a n̄kpọ ye Obio Ubọn̄ Abasi?
“Ini Ewe ke Obio Ubọn̄ Abasi Ọkọtọn̄ọ Ndikara? (Akpa Ikpehe)” (Enyọn̄-Ukpeme, October 1, 2014)
Nso iwụt ke “ini itiaba” oro ke Daniel ibuot 4 eketre ke 1914?
“Ini Ewe ke Obio Ubọn̄ Abasi Ọkọtọn̄ọ Ndikara? (Ọyọhọ Ikpehe Iba)” (Enyọn̄-Ukpeme, November 1, 2014)
a Se akpatre ibuotikọ iba ke Kpep N̄kpọ En̄wen eke ukpepn̄kpọ enye emi.