AYÈGÈ 32
Édzoé Zamba é nteleya!
Édzoé Zamba é nga kèè na ya dzoé a yob a mbu 1914. A tarigi abog té, bidzoé ya si bi nga nyii a melu ya memana maba. Bia yem nala ai dzé? Ai zen ya minkulen medzo ya Bibel ai é mam bia yen a si mu a kèègè a mbu 1914.
1. Minkulen medzo ya Bibel mia lere dzé?
Kalara Daniel a nga béndé na Édzoé Zamba ya yi kèè na ya dzoé a memana ya abog Bibel a loé na “mebog zamgba” (Daniel 4:16, 17). Amvus mintet mimbu, Yésus a nga loé abog té na “abog a nga veeben biku,” nde fe a nga lere na abog té a nga be ngene te man éyòng a nga be a si (Lukas 21:24). Bia yi yen na ‘mebog zamgbaʼ meté me nga man a mbu 1914.
2. Mam mefé bia yen a si a kèègè a mbu 1914?
Beyègè be Yésus be nga sili nyè na: “Dzé ya yi bò ndem ya mesò moé ai amana si?” (Matéus 24:3). Nde Yésus a nga yalen bò na, éyòng a yi tòbò Nkukuma ya Édzoé Zamba a yob, abui mam ma yi loren a si ane bita, zié ai mimfongʼen mi si (Langʼa Matéus 24:7). Bibel a nga dzo fe na mimbòen mibot “ya melu ya memana” mia yi bò na ‘énying é bò ndzugʼ (2 Timotéus 3:1-5). Mam meté mese ma yené a ngeng a kèègè a mbu 1914.
3. Asu dzé mindzug mi ne abui a si a kèègè éyòng Édzoé Zamba é nga tebe?
Man abog amvus yi na Yésus a telébeneya Ndzoé ya Édzoé Zamba, a nga bò Satan ai béngeles boé bita. Satan a nga dzèè bita bité. Bibel a dzo na “a nga woaben a si mu ban béngeles boé fufulu ai nyè” (Akuli mam 12:9, 12). Satan a wog olun amu a mbe yem na a zu dzang. Asu té nde a bondé abui bebé bemam ai mindzug a si ése. Bia wog hm amu dzé abé la nemen a si! Ve, Édzoé Zamba ya yi man kom mam meté mese.
TUENE FAG
Bi tam yen é mam ma lere bia na Édzoé Zamba é nga tebe yob a mbu 1914 ai dzé nala a tilen asu daan.
4. Metang ma vòli na bi kui a mbu 1914
Abui mimbu ana, Nébukadnetsar, nkukuma ya Babilon, a nga yem biyeyem bi sò abe Zamba. Biyeyem bité ai ntimen ya Daniel a nga ve ma lere na mam meté me mbe bebege Nébukadnetsar émen ai fe Édzoé Zamba (Langʼa Daniel 4:17). a
Langʼa Daniel 4:20-26, ai belen ai tafélé asu yi na o yalen minsili mi tsaa mi:
-
(A) Dzé Nébukadnetsar a nga yen a biyeyem bié? (Bebege bifus 20 ai 21).
-
(B) Dzé ya kui élé Nébukadnetsar a nga yen? (Bebege éfus 23).
-
(C) Dzé ya kui a memana ya “mebog zamgba”? (Bebege éfus 26).
Nkalena a ne a zang élé ya biyeyem ai Édzoé Zamba
NKULEN ADZO (Daniel 4:20-36)
Édzoé
(A) Moro élé
Édzoé é ne nteben
(B) “Bâni élé,” ai mi dzogè na “mebog zamgba me lot”
Édzoé ya bare teleben
(C) “Édzoé dzoé ya yi dugen abe wò”
A ndzalen osu ya nkulen adzo té . . .
-
(D) Élé é ne ndem za? (Bebege éfus 22).
-
(E) Akia afé édzoé dzié é nga tebe? (Langʼa Daniel 4:29-33).
-
(F) Dzé é nga kui Nébukadnetsar amvus “mebog zamgba”? (Langʼa Daniel 4:34-36).
NDZALEN OSU YA NKULEN ADZO
Édzoé
(D) Nébukadnetsar, nkukuma ya Babilon
Édzoé é ne nteben
(E) Amvus mbu 606 O.A.D., Nébukadnetsar a nga vengʼen akut, tegè fe ai feg ya dzoé a tang mimbu zamgba
Édzoé ya bare teleben
(F) Nébukadnetsar a bare bi feg dzié ai a bare kèè na a dzoé
A ndzalen bèè ya nkulen adzo té . . .
-
(G) Élé é ne ndem za? (Langʼa 1 Kronika 29:23).
-
(H) Akia afé édzoé té é nga tebe? Akia afé bia yem na Édzoé té é nga be nteben tò éyòng Yésus a nga be a si mu? (Langʼa Lukas 21:24).
-
(I) Abog afé ai vom mbé édzoé té é nga bare teleben?
NDZALEN BÈÈ YA NKULEN ADZO
Édzoé
(G) Minkukuma ya Israel a be nga be bifòlega ya Édzoé Zamba
Édzoé é ne nteben
(H) Yérusalem a ne ntsamen, nkas minkukuma ya Israel o nga tebe a tang mimbu 2 520
Édzoé ya bare teleben
(I) A yob, Yésus a ne Nkukuma ya Édzoé Zamba
Akia afé o ne bò metang asu yi na o yem tang ‘mebog zamgbaʼ?
Mefola me Bibel mezing ma vòli bia na bi tuene wog é ma mevòk. Mvulna é ne na, kalara Akuli Mam a dzo na ‘mebog melè ai étunʼ ma toben ai melu 1 260 (Akuli Mam 12:6, 14). ‘Mebog zamgbaʼ me nga kui hm melu 2 520. Biyòng bivòk, a Bibel mmos mbòk o ne nguma mbu (Ézékiel 4:6). Dzam té la yené a nkulen adzo ya kalara Daniel o bebege tang ‘mebog zamgbaʼ: “mebog zamgba” meté me nga ve hm mimbu 2 520.
5. Si é nga tséndé a kèègè a mbu 1914
Yésus a nga lere akia si ya yi tòbò éyòng a yi nòng étoa nkukuma. Langʼa Lukas 21:9-11 ai yalen a nsili hi:
-
Mam mefé me ne é bifus Bibel bi a wò yen ane ma toben?
Apostel Paul a nga lere akia ya bot ba yi nying a memana bidzoé bibot. Langʼa 2 Timotéus 3:1-5 ai yalen a nsili hi:
-
É mimbòen mise mi, mifé wò yen a ngòra dzoé?
6. Mbol Édzoé Zamba é nteleya, bia yeane bò é mam ma sili
Langʼa Matéus 24:3, 14 ai yalen minsili mi tsaa mi:
-
Ngul ésié éfé ya lere na Édzoé Zamba é nteleya?
-
Akia afé o ne dzam nòng ngab ésié té?
Édzoé Zamba é nteleya a yob, abog a ntòya babi na é zu dzoé si ése. Langʼa Hébréa 10:24, 25 ai yalen a nsili hi:
-
‘Ane amos té wò subu babi naʼ, dzé mot ose ya abe bia a yeane bò?
MOT A NE WÒ DZAM SILI NA: “Asu dzé Beboala be Yéhova ba dang kòbò adzo ya mbu 1914?”
-
Wò yi yalen ya?
OBALBAS
Minkulen medzo ya Bibel ai é mam ma loren a si ése melu me ne ndem yi na Édzoé Zamba é nteleya a yob. Bia lere na bi bele ndi té éyòng bia kat mbembe foé ai éyòng bia tòbò mban a bikoen.
Dzé bia baala
-
Dzé é nga bòben amvus ‘mebog zamgbaʼ ya kalara Daniel a dzo?
-
Dzé ya lere wò na Édzoé Zamba é nga tebe a yob a mbu 1914?
-
Akia afé o ne lere na wò yebe na Édzoé Zamba é nteleya?
O NE FE BEBE
Abui beyem mam ba lèè é mam me nga tséndé a si ése a kèègè a mbu 1914.
“Depuis quand ce déclin brutal” (Réveillez-vous!, avril 2007)
Énying mot zing é nga tséndé éyòng a nga lang nkulen adzo o ne a kalara Matéus 24:14.
“Jʼaimais le baseball plus que tout au monde!” (La Tour de Garde no 3 2017)
Bia yem ai dzé na nkulen adzo o ne a kalara Daniel kaptel 4 wò bebe Édzoé Zamba?
Dzé ya lere na ‘mebog zamgbaʼ kalara Daniel kaptel 4 a dzo me nga man a mbu 1914?
“Quand le Royame de Dieu a-t-il commencé à régner? (2e partie)” (La Tour de Garde, 1er octobre 2014)
a Bebege fe benkum mòmbo bebè be ne a memana ya ngab ‘‘O ne fe bebeʼʼ ya ayègè di.