Nyankopɔn n’Ahendzi no hyɛɛ ase dɛ oridzi tum wɔ sor wɔ 1914 mu. Dɛm ber no ara so na ewiei mber no hyɛɛ ase. Iyi kyerɛ dɛ nyimpa no tumdzi bɛba ewiei ndaansa yi ara. Yesi dɛn hu dɛm? Asɛm bi a Bible no aka ato hɔ no na ɔma yehu dɛm. Yɛrobɔhwɛ dɛm asɛm no, na yaasan so ahwɛ nsɛm bi a orisisi wɔ wiadze, nye suban ahorow bi a nyimpa ada no edzi ofi 1914 reba no.

1. Ebɛn asɛm na Bible no aka ato hɔ?

Daniel nwoma a ɔwɔ Bible mu no frɛ mfe dodow bi “[mber] esuon.” (Daniel 4:​16, 17) Kyerɛwnsɛm no ma yehu dɛ, sɛ dɛm mber esuon no ba n’ewiei a na Nyankopɔn n’Ahendzi no bɛhyɛ ase edzi tum. Mfe pii ekyir no, Jesus kaa dɛm mfe dodow yi ho asɛm dɛ ɔyɛ “amanaman aber.” Jesus rekasa no, ɔkaa dɛ nna dɛm aber no mmbaa n’ewiei. (Luke 21:​24) Adzesua yi bɛma yeehu dɛ dɛm mber esuon no baa ewiei wɔ 1914 mu.

2. Ofi 1914 reba no, ebɛn nsɛm na woesisi wɔ wiadze, na ebɛn suban ahorow so na nyimpa ada no edzi?

Da kor bi, Jesus n’esuafo no bisaa no dɛ: “Kyerɛ hɛn aber a yinom bɛyɛ hɔ, na wo ba nye wiadze ewiei ho asɛnkyerɛdze bɛyɛ dɛn?” (Matthew 24:3) Jesus kaa kyerɛɛ hɔn dɛ, sɛ ɔhyɛ ase dɛ oridzi Hen wɔ Nyankopɔn n’Ahendzi no do a, ndzɛmba bi tse dɛ akodzi, edzibankɔm, nye asaasewosow besisi. (Kenkan Matthew 24:7.) Bio so, Bible aka ato hɔ dɛ, osian suban ahorow bi a nkorɔfo bɛda no edzi wɔ “nda a odzi ekyir” no mu ntsi, asetsena mu bɛyɛ dzen paa. (2 Timothy 3:​1-5) Ofi 1914 reba no, dɛm ndzɛmba nye suban ahorow yi rokɔ do paa.

3. Ebɛnadze ntsi na ofitsi ber a wɔdze Nyankopɔn n’Ahendzi no sii hɔ no, wiadze no asɛɛ dɛm?

Jesus bɛyɛɛ Nyankopɔn n’Ahendzi no do Hen no, annkyɛr koraa na ɔnye Satan na n’abɔfoe no koe wɔ sor. Satan dzii ɔkogu, na Bible no ma yehu dɛ “wɔtoow no kyeen asaase [do], na wɔtoow n’abɔfoe kaa no ho gui.” (Nyikyerɛ 12:​9, 10, 12) Satan no bu efuw paa, osiandɛ onyim dɛ wɔrebɛsɛɛ no. Ɔhaw na amandzehu a woebu do wɔ wiadze nyina, ɔyɛ ɔno na ɔdze aba. Ntsi, ɔnnyɛ nwanwa dɛ wiadze no asɛɛ dɛm! Naaso, Nyankopɔn n’Ahendzi no beyi dɛm ɔhaw no nyina efi hɔ.

 PƐNSAPƐNSA MU KƆ EKYIR

4. Bible nkontaabu ma yehu dɛ 1914 na Nyankopɔn n’Ahendzi no hyɛɛ ase dzii tum

Wɔ nkɔnhyɛ yi ne mbamu a odzi kan no mu no, . . .

• (E) Nna dua no gyina hɔ ma woana?​—Hwɛ nyiyimu 22.

• (Ɛ) Ebɛn aber na wotwaa n’ahendzi no do?​—Ma yɛnkenkan Daniel 4:​29-​33.

• (F) Aber a “mber esuon” no baa ewiei no, ebɛn asɛm na ɔtoo Nebuchadnezzar?​—Ma yɛnkenkan Daniel 4:​34-​36.

Wɔ nkɔnhyɛ yi ne mbamu a otsia ebien no mu no, . . . 

• (G) Nna dua no gyina hɔ ma ebɛnadze?​—Ma yɛnkenkan 1 Mbermunsɛm 29:23.

• (H) Ebɛn aber na wotwaa ahendzi no do? Yesi dɛn hu dɛ aber a nna Jesus wɔ asaase do nyina, nna woetwa ahendzi no do?​—Ma yɛnkenkan Luke 21:24.

• (I) Ebɛn aber na wɔdze dɛm ahendzi yi sii hɔ bio, na wɔdze sii hɔ wɔ hen?

 6. Ɔsɛ dɛ Nyankopɔn n’Ahendzi a oridzi tum no kenyan hɛn ma yɛyɛ biribi

Ma yɛnkenkan Matthew 24:​3, 14, na yensusu nsɛmbisa yi ho:

• Edwuma tsitsir bi rokɔ do, na ɔno ma yehu dɛ Nyankopɔn n’Ahendzi no ridzi tum. Ɔyɛ ebɛn edwuma a?

• Ibesi dɛn ayɛ edwuma yi bi?

Nyankopɔn n’Ahendzi no ahyɛ ase ridzi tum. Ɔrennkyɛr koraa, obedzi asaase nyina do tum. Ma yɛnkenkan Hebrewfo 10:​24, 25, na yensusu asɛmbisa yi ho:

• Bible no se sɛ ‘yehu dɛ da no rebɛn’ a, ɔsɛ dɛ hɛn mu biara yɛ dɛn?

 DZA ESUA

Bible mu nkɔnhyɛ, no mu akontaabu, nye nsɛm a osisi wɔ wiadze no ma yehu dɛ Nyankopɔn n’Ahendzi no ridzi tum. Sɛ yɛka Ahendzi no ho asɛm kyerɛ nkorɔfo na yɛkɔ asafo nhyiamu a, ɔkyerɛ dɛ yɛgye dzi dɛ Ahendzi no ridzi tum.

Mbobɔdo

• Aber a mber esuon a Daniel nwoma no hyɛɛ ho nkɔm no baa ewiei no, ebɛn asɛm na osii?

• Ebɛnadze na ɔma egye dzi paa dɛ Nyankopɔn n’Ahendzi no hyɛɛ ase dzii tum wɔ 1914?

• Ebɛnadze na ibotum ayɛ dze akyerɛ dɛ, egye dzi dɛ Ahendzi no ahyɛ ase ridzi tum?