Na kamata agai le Puleʼaga o le Atua i selo i le fētuʼu 1914. Talu mei ai, ko le takitaki a le tagata la, kua pule nei i aso fakaʼoki. E tou iloa fefeʼaki? O tupu ko ni māsau fakapolofeta o le Tosi-Tapu ti mo neʼa alā e tou tio ki ai e soko i le mālamanei talu mei le fētuʼu 1914. E ta tioʼi loa a anoʼaga fuli anā.

1. Koleā e fakasā i māsau fakapolofeta o le Tosi-Tapu?

Na fakasā i le tosi o Taniela, e kamata agai loa le Puleʼaga o le Atua i le fakaʼoki o se temi e igoa ko ‘temi e fitu.’ (Taniela 4:16, 17, NWT) I ni sekulo ki muli mai, na fakaʼigoa e Sesu le temi lenā ko “le katoa o le temi o puleaga,” ti na pati aia e lekise ʼoki le temi lenā. (Luka 21:24) Ko ia o fai pe anoʼaga ka ta tioʼi, ko temi anā e fitu na fakaʼoki i le fētuʼu 1914.

2. Koleā e tou tio ki ai i le mālamanei talu mei le fētuʼu 1914?

Na fakalavelave feneʼeki e le kau tisipulo kia Sesu: “Kolea le fakamailoga o lau toe liliu mai ti mo le fakaoki o le malama nei?” (Mateo 24:3) Na tali Sesu kia lātou, ko le temi leia e Sau ai loa aia i le Puleʼaga o le Atua i selo, e lasi loa a anoʼaga ka soko i le kele o fai pe ni tau, ni oge ti mo ni mafuike. (Lau Mateo 24:7.) Ti na toe fakasā i le Tosi-Tapu, ko agaaga alā o le tagata la i “aso fakaoki,” e toe fakalasi ai loa a ‘faigataʼaʼia’ alā o le maʼuli. (2 Timoteo 3:1-5) Ti ko anoʼaga anā kua soko i le temi nei talu mei le fētuʼu 1914.

3. Koleā kua veli ʼai le maʼuli i le kele talu mei le agai o le Puleʼaga o le Atua?

I le ʼoki o le fakanofo Sau o Sesu i le Puleʼaga, na tau loa aia i selo kia Satana mo lana kau temonio ti na lavā loa Satana. E pati i le Tosi-Tapu: “Na ti loa a ia ki le kele, ti na ti foki ana kau aselo mo ia ki le kele.” (Apokalipisi 12:9, 10, 12) E iloa e Satana e maumauʼi loa aia. Ko ia i le lasi o lona ʼita, e fakasoko e ia ni malaʼia mo mamae i le kele, o tou matala ai pe koleā kua veli ʼai le maʼuli i le kele. Kae e ʼaga loa le Puleʼaga o le Atua o fakagato a mamae fuli anā.

 MANATU LOLOTO

4. Na fefeʼaki le maʼua o le fētuʼu 1914?

I le ʼuluaki fakasoko o le māsau fakakikite lenā . . .

• (4) Na fakatātā le laʼakau ki le ā?—Tioʼi le vaega 22.

• (5) Na fakagato fefeʼaki lona tuʼulaga sau?—Lau Taniela 4:29-33.

• (6) Koleā na soko kia Nepukatenesale i le ʼoki o ‘temi e fitu’?—Lau Taniela 4:34-36.

I le lua fakasoko o le māsau fakakikite lenā . . .

• (7) Ko ai leia e fakatātā ki ai le laʼakau?—Lau 1 Koloniko 29:23.

• (8) Na fakagato fefeʼaki a tuʼulaga sau anā? Ti e tou iloa fefeʼaki na leʼaise lotou pule i le temi na nofo ai Sesu i le kele?—Lau Luka 21:24.

• (9) Ko nāfea mo fea na toe fakanofo ai le sau?

 6. E ekenaki tātou e le Atua ke tou fakamuʼamuʼa lona Puleʼaga

Lau Mateo 24:3, 14, ti fai a vesili anei:

• Koleā le gaʼoi e fakasā ai kua kamata agai le Puleʼaga o le Atua?

• E fefeʼaki lakotou kau ki le gaʼoi lenā?

Kua kamata agai le Puleʼaga o le Atua ti kua vave lana ʼaga o takitaki le mālamanei. Lau Epeleo 10:24, 25, ti fai le vesili leinei:

• Koleā leia e tonu ke tou fai i latātou “tio kua ofi le aso”?

 MANATU TĀFITO

Ko māsau fakapolofeta o le Tosi-Tapu ti mo neʼa alā e soko i le mālamanei, e fakamāʼoki ai ku agai le Puleʼaga o le Atua. Ti e tou fakasā e tou tui papau ki ai i latātou faifakamafola ti mo kau ki fono.

Fakamanatu

• Koleā na soko i le fakaʼoki o ‘temi e fitu’ leia e tuʼu i le māsau fakapolofeta o Taniela?

• Koleā e ke tui māʼoki ai kua kamata agai le Puleʼaga o le Atua i le fētuʼu 1914?

• E ke fakasā fefeʼaki e ke tui ku agai le Puleʼaga o le Atua?