EISOMO LYA 32
Obukama bwa Katonda Bwabanza Kutwara!
Obukama bwa Katonda bukabanza kutwara omwiguru omwaka gwa 1914. Kwakwo n’ebiro by’enzindo eby’obutwazi bw’abantu bikabanza omu mwaka ogwo. Nitumanyisibwaki? Turahenjuza ebintu eby’Ebibulia yarangire, ehali ezilikugendelera omu nsi kany’aka, n’ebintu eby’abantu bagendeleire kukora kwema omwaka gwa 1914.
1. Ebibulia ekarangaki?
Ekitabo ky’Ebibulia ekya Danieli nikyolekya nk’okwo Obukama bwa Katonda, bwakubandize kutwara anzindo y’akanya akalikwetwa “amakiro mushanju.” (Danieli 4:16, 17) Omukarine zingi eza hondeireho, Yesu akagamba okwo akanya ako niketwa “amakiro g’amahanga,” kandi akegesa nk’okwo gakaba gakyagendelera. (Luka 21:24) Nk’okwo turabona, galinya amakiro mushanju gakahwa omwaka gwa 1914.
2. Kwema omwaka gwa 1914, ehali zibaire zitai na abantu nibagendelera kukoraki?
Abegesibwa bakabaza Yesu bati: “Otugambire ebi nibibaho maki n’akabonero k’okwija kwawe n’ekiro ky’amaheleruka ni kahai?” (Matayo 24:3) Omu kubahorora Yesu akaranga ebintu bingi ebyakubaireho omu kanya ako yakubandize kutwara omwiguru ali Mukama w’Obukama bwa Katonda. Omuli ebyo akagambaho endashana, eifa, n’emisisi y’ensi. (Shoma Matayo 24:7.) Kandi Ebibulia ekaranga nk’okwo, ebikorwa by’abantu be “ebiro by’enzindo” byakukozire abeho “amakiro g’enaku.” (2 Timoteo 3:1-5) Ehali n’ebikorwa ebyo byakuzokire kabutekire kubandiza omwaka gwa 1914.
3. Kubaki ehali zitamire muno kwema orw’Obukama bwa Katonda bwabandize kutwara?
Omukanya kagufi Yesu abaire Omukama w’Obukama bwa Katonda omwiguru, akarashana endashana na Sitani n’amasitanige. Omundashana ezo Sitani akasingwa. Ebibulia negamba eti: “[akakunturwa] ahansi, amohi n’abamalaikabe.” (Okushurulirwa 12:9, 12) Sitani aina ekiniga kingi muno, aha rw’enshonga namanya nk’okwo naija kusilikibwa. Kityo naleta amashasi, n’okuteseka omu nsi yona. Niyo nshonga elikukora ehali etame muno omu nsi! Obukama bwa Katonda buraiyaho ebyemba ebyo byona.
MANYURUZA
Enjuza omanye kubaki nitwesiga nk’okwo Obukama bwa Katonda bukabanza kutwara omwaka gwa 1914, n’okwo ekyo kitukweteho.
4. Omuhondejanyo gw’amatukio agali omu Bibulia agali kwebembera kwema omwaka gwa 1914
Katonda akakora Omukama Nebukadneza ow’ekigo ekyeira ekya Babiloni arote ekiroto ky’oburangi. Ekiroto ekyo n’obushoborozi bwa Danieli, bukwete abutwazi bwa Nebukadneza n’Obukama bwa Katonda.—Shoma Danieli 4:17. *
Shoma Danieli 4:20-26, oshube okozese echati kuhorora ebibazo ebili kuhonderaho:
-
(A) Nebukadneza akabonaki omu kurotakwe?—Leba orujuru orwa 20 na 21.
-
(B) Nikihai ekya kugwireho omuti?—Leba orujuru orwa 23.
-
(C) Nikihai ekyakubaireho orwo galinya “amakiro mushanju” gakuhoire?—Leba orujuru orwa 26.
Okwo Kilinya Ekiroto ky’Omuti Kikweteho Obukama bwa Katonda
OBURANGI (Danieli 4:20-36)
Obutwazi
(A) Omuti oguhango muno
Obutwazi nibulekezibwa
(B) “Muteme omuti ogwo gugwe” kandi muleke “amakiro mushanju garabeho”
Okugarurwa kw’obutwazi
(C) “Orashuba ogarulirwe Obukama bwawe”
Okugobeshelezwa kwambere okw’obutwazi obu . . .
-
(D) Omuti gukaba nigumanyisa ohai?—Leba orujuru orwa 22.
-
(E) Obutwazibwe bukalekezibwa butai?—Shoma Danieli 4:29-33.
-
(F) Nikihai ekya gwireho Nebukadneza orwo “amakiro mushanju” gahoire?—Shoma Danieli 4:34-36.
OKUGOBESHELEZIBWA OKWAMBERE
Obutwazi
(D) Nebukadneza, Omukama wa Babiloni
Obutwazi nibulekezibwa
(E) Orw’omwaka gwa 606 K.W.K. gwahoire, Nebukadneza akararuka n’okulemwa kutwara omu myaka mushanju
Okugarurwa kw’obutwazi
(F) Nebukadneza nakira nashuba nabanza kutwara
Okugobeshelezibwa kwa kabili okw’oburangi obu . . .
-
(G) Omuti ogwo gukaba nigumanyisa ohai?—Shoma 1 Amakuru 29:23.
-
(H) Obutwazi bwabo bukalekezibwa butai? Nitumanya tutai nk’okwo obutwazi bwabo bukaba bukyalekezibwe kugoba orwo Yesu yaizire omu nsi?—Shoma Luka 21:24.
-
(I) Obutwazi obwo bukagarurwa maki na nkahai?
OKUGOBESHELEZIBWA KWA KABILI
Obutwazi
(G) Abakama ba Israeli ababaire bemerereire Obukama bwa Katonda
Obutwazi nibulekezibwa
(H) Yerusalemu nesilikibwa n’obutwazi bwa Abakama Baisraeli nibulekezibwa omu myaka 2,520
Okugarurwa kw’obutwazi
(I) Yesu nabanza kutwara omwiguru ali Mukama w’Obukama bwa Katonda
Galinya amakiro mushanju gakaba gaina buraki?
Enjuru nanka omu Bibulia nizishobokage orw’olikuhenjuza enjuru ezindi ez’Ebibulia. Obulebero ni bwobu, ekitabo ky’Ebibulia eky’okushurulirwa nikigamba nk’okwo amakiro gashatu n’enusu nigaigana n’ebiro 1,260. (Okushurulirwa 12:6, 14) Amakiro mushanju, nigarugwamu amakiro gashatu n’enusu emirundi ebili yaani, ebiro 2,520. Omu kanya akandi ebibulia negamba ekiro kimoi, kumanyisa omwaka gumoi. (Ezekieli 4:6) Nikwo kili akikwete ali galinya amakiro mushanju agali kugambwa omu kitabo kya Danieli, nigamanyisa emyaka 2,520.
5. Ensi ehindukire kwema omwaka gwa 1914
Yesu akaranga okwo ehali za kubaire omu nsi orwo yakubandize kutwara. Shoma Luka 21:9-11, mushube mufumoreho ekibazo eki:
-
Wahulire anga kweboneraki omu bintu ebyo ebya rangirwe?
Entumwa Paulo ekashoborora okwo entwaza z’abantu zakubaire zili omu kanya k’enzindo ak’obutwazi bw’abantu. Shoma 2 Timoteo 3:1-5, mushube mufumoreho ekibazo eki:
-
Omuli ebi ni bikorwaki ebyo wayeboneire omu bantu?
6. Obutwazi bw’Obukama bwa Katonda nibwetagwa kutwinegeza kweihayo
Shoma Matayo 24:3, 14, mushube mufumoreho ebibazo ebi:
-
Ni mulimoki oguli gw’omugasho oguli kwolekya nk’okwo Obukama bwa Katonda nibutwara?
-
Nobasa otai kweihayo kukora omulimo ogwo?
Kany’aka Obukama bwa Katonda nibutwara, omu kanya akali hai buratwara omu nsi yona. Shoma Abaheburania 10:24, 25, mushube mufumoreho ekibazo eki:
-
Orwo ‘tulikubona okwo ekiro ekyo kyailira hai’ buli omoi omulichwe nayetagwa kukoraki?
Orw’olikwega ekintu ekyakubasa kujuna anga kurokora abandi, noyetagwa kukoraki?
RUNDI OMUNTU YAKUKUBAZA ATI: “Kubaki Abajulizi ba Yehova nibagamba okwo omwaka 1914 guli gw’omugasho muno?”
-
Iwe wakumuhorora otai?
OMUBIGUFI
Oburangi bw’Ebibulia, omuhondejanyo gw’amatukio, n’ehali ezili omu nsi nizolekya nk’okwo Obukama bwa Katonda nibutwara. Nitwolekya nk’okwo nitwesiga ekyo omu kurangilira ebikwete aha Bukama obwo n’okukika enkiiko.
Isi ebi wakubihorora otai?
-
Nikihai ekyabaireho orwo amakiro mushanju gahoire agarangirwe omu kitabo ky’Ebibulia ekya Danieli?
-
Nikihai ekili kukuha obwesige nk’okwo Obukama bwa Katonda bukabanza kutwara omwaka gwa 1914?
-
Nobasa kwolekya otai okwo olikwesiga nk’okwo Obukama bwa Katonda nibutwara?
ENJUZA MUNO
Enjuza omanye ebintu ebili kugambwa abana hisitoria n’abantu abandi, ebikwete aha kuhinduka kwe nsi kwema omwaka gwa 1914.
“Emyegendesheleze Ekahinduka Yaba Mibi” (Amkeni!, Omwezi gwa Kanai 2007)
Shoma omanye okwo oburangi obuli omuli Matayo 24:14 okwo bwahindwire emikalire y’omushaija nanka.
Nitumanya tutai nk’okwo oburangi obuli omuli Danieli omutwe gwa 4 bukwete aha Bukama bwa Katonda?
Nikihai ekili kwolekya nk’okwo amakiro mushanju agali kugambwa omu kitabo kya Danieli omutwe gwa 4 gakabanza omwaka gwa 1914?
^ Leba emakala ibili ez’enzindo omu kichweka kya enjuza muno omwisomo eli.
