ƐLĀ Ō NWU ƆMƐ 32
Ajɔɔcɛ Ku Ɔwɔico Yɔ I Lé Ɔcɛ́ Babanya!
Ajɔɔcɛ ku Ɔwɔico gbɔɔ ō lé ɔcɛ́ ŋma ihayi ku 1914. Eko ɔɔma nɛ eko amoomɛ ku ɔcɛ́ ō lé ku alɛɛcɛ gbɔɔ duu a. Ɛgɛnyá nɛ alɔ bi lé jé ɛnyā a? Alɔ leyi yɛ ɛlā nɛ Ubáyíbu kacɛ a, ɔdā nōo yɔ i ya ipu ɛcɛ nyā mla ɛgɛ nɛ ācɛ yɔ i lā oyeeyi ku uwa ŋmiifi ihayi ku 1914 a.
1. Ɔdi nɛ Ubáyíbu kacɛ a?
Ŋma ɔkpá ku Udánīyɛ̄lu, alɔ nwu ka Ajɔɔcɛ ku Ɔwɔico géē gbɔɔ ō lé ɔcɛ́ oŋmɛyi ku “iháyí ahāapa.” (Udánīyɛ̄lu 4:16, 17) Igbihi ihayi alɛwa, Ujisɔsi hi eko ɔɔma ka eko “nɛ̄ eko kú [aéwo a géē] mɛ,” ó klla nwu ka eko ku aéwo a i kē mɛ ŋ. (Ulúku 21:24) Alɔ géē nwu ka ihayi ahaapa a kē mɛ ipu ihayi ku 1914.
2. Ɔdi yɔ i ya ipu ɛcɛ nyā, ɛgɛnyá nɛ ācɛ yɔ i lā oyeeyi ku uwa ŋma ihayi ku 1914 a?
Ayikpo ku Ujisɔsi da ɔ ɔka kahinii: “Ɔdí géē wɛ ɔdōcābɔ̄ kú eko nɛ̄ a géē wā ā mɛ́mla eko nɛ̄ ɛcɛ nyā géē mɛ ā?” (Umátiyu 24:3) Ujisɔsi da uwa ɔdā alɛwa nōo géē gbɔɔ ō ya eko duuma nɛ ó gáā piya ɔcɛ́ ku Ajɔɔcɛ ku Ɔwɔico nōo yɔ ɔkpanco a. Aɔdā nɛ ó ka a lɛ ō ya mla ɛfu ō kpo, ɔkpɛta mla ajɛ ō jiliye klla hɛ wulu. (Jé Umátiyu 24:7.) Ubáyíbu klla da alɔ ka uce ō ya ka alɛɛcɛ “eko nɛ̄ ɛcɛ gáā mɛ” a géē ya ku “unwalu [kóō] yɔ.” (2 Utímōti 3:1-5) Auce ō ya nyā gáā kwu teyi peee ŋmiifi ihayi ku 1914.
3. Ɔdiya nɛ āhɔ̄ ku ɛcɛ nyā kwu bɔbi tōōtɔ̄ɔ̄ ŋma eko nɛ Ajɔɔcɛ ku Ɔwɔico gbɔɔ ō lé ɔcɛ́ a?
Eko kpii nɛ Ujisɔsi gáā piya ɔcɛ́ ku Ajɔɔcɛ ku Ɔwɔico a, ó nuunu ɔkpanco ta Usetan mla aalelekwu obɔbi ku nu a. Ujisɔsi kē lɛ Usetan yale. Ubáyíbu da alɔ kahinii: “É lɛ ɔ́ tá wāajɛ gā ipú ɛcɛ, mɛ́mla odúúdú aálelékwū-ōtɛ̄hɔ̄ nōó kpó trɛ̄yí ā.” (Ɔdā Nēé Mafú Lɛ Ujɔ́ni 12:9, 10, 12) Usetan yɔ i cɔnu nɛhi ohigbu ka ó jé ka é géē je anuɔ ŋmo. Ohigbu ɛnyā, ó gē ya ku alɛɛcɛ kéē jɔɔnɔ klla má owe ipu oduudu ɛcɛ. Ɛnyā ta alɔ abɔ jé ɔdā nōo ya ɛɛ nɛ āhɔ̄ ku ɛcɛ yɔ i bɔbi tōōtɔ̄ɔ̄ a! Ajɔɔcɛ ku Ɔwɔico géē bi ɛjɛɛji unwalu nyā wa oŋmɛyi.
JÉ GƆBU
Leyi yɛ ɛgɛ nɛ alɔ bi le jé ka Ajɔɔcɛ a gbɔɔ ō lé ɔcɛ́ ŋma ihayi ku 1914 mla ɛgɛ nōó cika ō lɛ abɔ kwu alɔ iyē a.
4. Akacɛ ku ɛgɛ nɛ odee ya ipu Ubáyíbu ɔgbɔɔgba a mafu ka Ajɔɔcɛ ku Ɔwɔico gbɔɔ ō lé ɔcɛ́ ihayi ku 1914
Ɔwɔico ya ku Unebukadinesa nōo wɛ ɔcɛ́ ku Ubabilɔn ikee a kóō lɛ ɔna na. Ipu ɔna ɔɔma Ɔwɔico le mafu lɛ ɔ ɔdā nōo géē ya ɛcɔbu. Ɔna ɔɔma mla ɛyi nu nɛ Udaniyɛlu ka a mafu ka ó lɛ ō ya mla ɔcɛ́ ō lé ku Unebukadinesa mla ɔcɛ́ ō lé ku Ajɔɔcɛ ku Ɔwɔico.—Jé Udánīyɛ̄lu 4:17. a
Jé Udánīyɛ̄lu 4:20-26, cɛɛ ku aa bi ucaati nyā le cila ohi ku aɔka nōo ba nyā:
-
(A) Ɔdi nɛ Unebukadinesa má ipu ɔna ku nu a?—Má ɔgba 20 mla 21.
-
(B) Ɔdi gáā ya ɔcí a?—Má ɔgba 23.
-
(C) Ɔdi gáā ya igbihi nɛ “iháyí ahāapa” a mɛ a?—Má ɔgba 26.
Ɔdā Nɛ Ɔna Lɛyikwu Ɔcí A Lɛ Ō Ya Mla Ajɔɔcɛ Ku Ɔwɔico A
AKACƐ A (Udánīyɛ̄lu 4:20-36)
Ɔcɛ́ ō lé
(A) Ɔcí nōo jɛ klla lɔfu nɛhi
Ɔcɛ́ ō lé a le cii
(B) “Lɛ ɔcí ā tú wā ajɛ,” ku “iháyí ahāapa” kóō le gla
Ɔcɛ́ ō lé a kwu cigbihi lɛ ɔ
(C) “A géē wɛ ɔcɛ́ kpɔ́ ɛɛ”
Ipu ō ya jila ku akacɛ nyā aflɛyi a . . .
-
(D) Ɔnyɛ nɛ ɔcí a kwɛyi nu a? —Má ɔgba 22.
-
(E) Eko nyá nɛ ɔcɛ́ ó lé ku nu je ci a? Jé Udánīyɛ̄lu 4:29-33.
-
(F) Ɔdi ya Unebukadinesa oŋmɛyi ku “iháyí ahāapa” a?—Jé Udánīyɛ̄lu 4:34-36.
Ō YA JILA AFLƐYI
Ɔcɛ́ ō lé
(D) Unebukadinesa, Ɔcɛ́ ku Ubabilɔn
Ɔcɛ́ ō lé a le cii
(E) Igbihi ku 606 gbɔbu lɛ eko ku Ukraist a, Unebukadinesa kwu piya ɛbɛ́ ku ipu ací. Ó kē cɔcɛ́ gla ŋ ihayi ahaapa
Ɔcɛ́ ō lé a kwu cigbihi lɛ ɔ
(F) Ohilipu ku ɔcɛ kwu cigbihi wa ɛgiyi Unebukadinesa. Ó gbɔɔ ō lé ɔcɛ́ kpɔ
Ipu ō ya jila ku akacɛ nyā ɔmpa . . .
-
(G) Ɔnyɛ nɛ ɔcí a kwɛyi nu a?—Jé 1 Úklɔ́ kú Aɔ́cɛ́ 29:23.
-
(H) Eko nyá nɛ ɔcɛ́ ó lé ku uwa je ci a? Ɛgɛnyá nɛ alɔ bi le jé ku ɔcɛ duuma i lé ɔcɛ́ ŋ jaa kwu eko nɛ Ujisɔsi yɔ ipu ɛcɛ nyā a?—Jé Ulúku 21:24.
-
(I) Eko nyá mla ɛga nyá nɛ ó gbɔɔ ō lé ɔcɛ́ kpɔ a?
Ō YA JILA ƆMPA
Ɔcɛ́ ō lé
(G) Aɔcɛ́ ku Isrɛlu nōo lé ɔcɛ́ kwɛyi Ɔwɔico
Ɔcɛ́ ō lé a le cii
(H) É lɛ Ujerusalɛm cataajɛ, ɔcɛ duu i lé ɔcɛ́ ku Isrɛlu ŋ ihayi ula ɛhiili ce ofu ɛhiili (2,520)
Ɔcɛ́ ō lé a kwu cigbihi lɛ ɔ
(I) Ujisɔsi gbɔɔ ō lé ɔcɛ́ ɔkpanco
Ɛgɛnyá nɛ ihayi ahaapa a likpo lɛ a?
Aya ōhī ku Ubáyíbu gē ta alɔ abɔ jɛyi ku aya ku Ubáyíbu ɔhá. Ocabɔ, ɔkpá ku Ɔdā Nēé Mafú Lɛ Ujɔ́ni ka ihayi ɛta ce ɔya ɛhilii wɛ ɛ̄cī ula ɛta ce ofu ɛta (1,260). (Ɔdā Nēé Mafú Lɛ Ujɔ́ni 12:6, 14) Abɔ ihayi ɛta ce ɔya ɛhilii wɛ ɛ̄cī ula ɛta ce ofu ɛta (1,260) a, ɔɔma lé ka ihayi ahaapa géē wɛ ihayi ɛta ce ɔya ɛhilii ba ɛga ɛpa amāŋ ɛ̄cī ula ɛhilii ce ofu ɛhilii (2,520). Ekoohi, Ubáyíbu gē bi ɛ̄cī éyi le yuklɔ kwɛyi ihayi éyi. (Isíkɛ̄lu 4:6) Abɔ Ubáyíbu gē bi ɛ̄cī éyi le yuklɔ kwɛyi ihayi ekoohi a, ɔɔma mafu ka olikpo ku ihayi ahaapa nōo yɔ ipu ɔkpá ku Udaniyɛlu a wɛ ihayi ula ɛhilii ce ofu ɛhilii (2,520).
5. Ɛcɛ a le piyabɔ ŋmiifi ihayi ku 1914 ɛ
Ujisɔsi le ka taajɛ lɛyikwu ɛgɛ nɛ āhɔ̄ ku ɛcɛ a géē lɛ igbihi nɛ ó kwu piya Ɔcɛ́ a. Jé Ulúku 21:9-11, cɛɛ ku aa kɔka lɛyikwu ɔka nyā:
-
Ɛnyá ŋma ipu āhɔ̄ ɛyɛɛyɛyi nōo yɔ ipu Ubáyíbu nyā nɛ a má amāŋ po yɔ i ya jila ɛ ma?
Ɔcocɛhɔ Upɔlu ka ɛgɛ nɛ uce ō ya ku ācɛ géē wɛ eko nɛ eko ku ɔcɛ́ ō lé ku alɛɛcɛ gáā mɛ a. Jé 2 Utímōti 3:1-5, cɛɛ ku aa kɔka lɛyikwu ɔka nyā:
-
A yɔ i má ācɛ yɔ i ma ɛdɔ uce ō ya ɛgɛnyā fu icɛ?
6. Ɔcɛ́ ō lé ku Ajɔɔcɛ ku Ɔwɔico cika ō ya ku alɔ lɛ ɔtu caca
Jé Umátiyu 24:3, 14, cɛɛ ku aa kɔka lɛyikwu aɔka nōo ba nyā:
-
Uklɔ ō cɛgbá nyá mafu ka Ajɔɔcɛ Ku Ɔwɔico yɔ i lé ɔcɛ́ babanya a?
-
Ɛgɛnyá nɛ a lɔfu lɛ abɔ ipu uklɔ nyā a?
Ajɔɔcɛ Ku Ɔwɔico yɔ i lé ɔcɛ́ babanya, ɛ̄cī nōó kē i miyɛ oduudu ɛcɛ nyā tabɔ a le ba ɛ. Jé Ācɛ Uhíbru 10:24, 25, cɛɛ ku aa kɔka lɛyikwu ɔka nyā:
-
Ɔdi nɛ eyeeye ku alɔ cika ō ya abɔ “ɛ̄cī ā le bá ɛɛ́ mā”?
Ɔdaŋ ku a lɛ odee nwu nōo géē ta uwɔ abɔ klla nyā oyeeyi ku ācɛ ɔhá ta, ɔdi nɛ a cika ō ya a?
ƆCƐ LƆFU DA ƆKA KA: “Ɔdiya nɛ Ācɛ Ocijali Ku Ujehofa gē kɛla nɛhi lɛyikwu ihayi ku 1914 a?”
-
Ɔdi nɛ a gáā ka a?
ƆDI NƐ A NWU A?
Akacɛ ku Ubáyíbu, ɛgɛ nɛ odee ya ɔgbɔɔgba mla āhɔ̄ ku ɛcɛ a mafu ka Ajɔɔcɛ Ku Ɔwɔico yɔ i lé ɔcɛ́ babanya. Alɔ gē mafu ku alɔ kpɔtuce ɛnyā ŋma lɛ ō tɔɔna lɛyikwu ɔ mla ō gā ōjila ku ujɔ.
Aɔka ō tu alɔ ɛlá kwu ɔdā nɛ alɔ nwu
-
Ɔdi ya oŋmɛyi ku ihayi ahaapa néē ka taajɛ ipu ɔkpá ku Udánīyɛ̄lu a?
-
Ɔdi cɛ gā uwɔ kpɔtuce ka Ajɔɔcɛ Ku Ɔwɔico gbɔɔ ō lé ɔcɛ́ ŋmiifi 1914 a?
-
Ɛgɛnyá nɛ a géē mafu ku a kpɔtuce ku Ajɔɔcɛ a yɔ i lé ɔcɛ́ babanya a?
JILA ƐLĀ NYĀ MÁ TŌŌTƆ̄Ɔ̄
Leyi yɛ ɔdā nɛ ācɛ ō jé ɔ̄kā ku igble mla ācɛ ɔhá ka lɛyikwu opiyabɔ nōo ya ŋmiifi ihayi ku 1914 a.
Nwu ɛgɛ nɛ akacɛ nōo yɔ ipu ɔkpá ku Umátiyu 24:14 a lɛ abɔ kwu oyeeyi ku adā éyi a.
“I Loved Baseball More Than Anything!” (The Watchtower No. 3 2017)
Ɛgɛnyá nɛ alɔ jé ka akacɛ nōo yɔ ipu ɔkpá ku Udánīyɛ̄lu ɛyi 4 a tɛɛma kwu Ajɔɔcɛ Ku Ɔwɔico a?
“When Did God’s Kingdom Begin Ruling? (Part 1)” (The Watchtower, October 1, 2014)
Ɔdi mafu ka “iháyí ahāapa” nōo yɔ ipu ɔkpá ku Udánīyɛ̄lu ɛyi 4 a ŋmɛyi ihayi ku 1914 a?
“When Did God’s Kingdom Begin Ruling? (Part 2)” (The Watchtower, November 1, 2014)
a Má ikpɛyi ɛlā ɛpa amoomɛ nōo yɔ aya ku Jila Ɛlā Nyā Má Tōōtɔ̄ɔ̄ ipu ɛlā ō nwu nyā.
