AKANKAMU 32

Jehová Jesusan uunt anaik ekentsaiti

ANTUKTIN, IISTIN

1914 uwitin Jesús uunt anaikiamu ajas ekemsamiayi. Nu uwitinia juarki aents anaikiamu eketainiana nuka ni tsawantri amuukatin nuntumsayi. Nusha itiur nekajia? Yuusa chichame aarma nu nekaattame. Tura 1914 uwitinia juarki aents urukainia nusha nekaattame.

1. Yuusa chichamen yaunchuk warintia aarmauya?

Daniel papiinium Yuus anaikiamuka siete uwi nankaamasmatai uuntri ajastatui tu aarmauyayi (Taniar 4:16, 17). Tura nu tsawanka “Chikich nunkanmania aents tsawan tesaramu” ainis tutainti. Nuya nu tsawanka amukachuiti timiayi (Lucas 21:24 TNM). 1914 uwitin siete uwikia amukamia nu nekaatai.

2. 1914 uwitinia juarki aents urukainia?

Jesusan nemariarmia nu junis aniasarmiayi: “Tura yamai irunna nu amuukatin jeakuisha itiura nekaataj?” (Mateo 24:3 TNM). Jesús chichaak wi nayaimpiniam uuntri ajasmatainkia ju nankaamastatui timiayi. Mesetcha, tsukasha nuya ti uurmasha atatui timiayi (Matéu 24:7 aujsata). Amuukatin nuntumsamunam aents yajauchin najanainia asarmatai ti itiurchat atatui tawai Yuus papii (2 Timiutéun 3:1-5). 1914 uwitinia juarki ti itiurchat ajaki weawai.

3. 1914 uwitinia ashi nunkanam ti itiurchat ajaki weawai urukamtai taji?

Yuus Jesusan uunt anaik ekentsamiania nui nayaimpiniam meset amiayi. Jesuska Iwianchin nuya Iwianchi suntarincha maanik nupetkarmiayi. Tuma asamtai Yuus papii tawai: “Núnisaṉ Ti Kajen Yajasma ashí ni suntari̱ji̱a̱i̱ nuṉká akupnakmai” (Apukarípsis 12:9, 10, 12). Satanaska jakatniuri ishichik ajasu asa ti kajekuiti. Tuma asamtai ashi nunkanam waitiainiawai. Tumaitkiusha Jesuska itiurchatnaka amuktatui.

PENKER NEKAATAI

1914 uwitin Jesús uuntri ajas ekemsaiti urukamtai taji nu nekaatai tura iisha wari najanamniaitiaj nusha nekaatai.

4. Yuus papiinium 1914 uwitiniun aujmatui

VIDEO iistarum.

VIDEO: 1914 uwitin Jesuska uunt ajas ekemsaiti (5:02)

Babilonia uuntri Nabucodonosor naartin uuntri anaikiamu ajastiniuya nuna mesekrampramiayi. Tura Jesús uunt anaikiamu atiniuya nunasha mesekrampramiayi. Yuus nunaka mesekramtikramiayi (Taniar 4:17 aujsatarum). a

Taniar 4:20-26 aujsatarum. Anintramu irunna nu nakumkamu ana nujai aimkiatarum:

A) Nabucodonosor mesekranam warinia wainkiamia? (Akantramuri 20 tura 21 iistarum).
B) Nayaimpinmaya wainniusha numincha itiurkatarum timia? (Akantramuri 23 iistarum).
C) Siete uwi amukamtai wari nankaamastiniuya? (Akantramuri 26 iistarum).

Numi mesekranam wainkiamuka Yuus uunt anaikiana nuna tawai

WARI TURUNATNIUYA (Taniar 4:20-36)

Uunt ajas pujamu

A) Numi ti naya

Uunt ajasmanka iniaisamu

B) Numi ajaktarum nuya turuna siete uwi pujusti

Ataksha uunt ajas pujamu

C) Ataksha uunt anaikiamu ajastatme

Emka uminkiamu:

D) Nu numisha yakiya? (Akantramuri 22 iistarum).
E) Urutain uunt ajasmancha iniaisamia? (Taniar 4:29-33 aujsatarum).
F) Siete uwi amukamtai wari urukamia? (Taniar 4:34-36 aujsatarum).

EMKA UMINKIAMU

Uunt ajas pujamu

D) Nabucodonosor Babilonianmaya uunt anaikiamu

Uunt ajasmanka iniaisamu

E) Jesús taatsain 606 uwi nankaamasmatai Nabucodonosorka waurka ajasmiayi nuya ainis puja asa 7 uwi uunt ajasman iniaisamiayi.

Ataksha uunt ajas pujamu

F) Nabucodonosor waurka ajasman iniais ataksha uunt ajasmiayi

Ataksha uminkiamu:

G) Numisha ya armia? (1 Crónicas 29:23 TNM aujsatarum).
H) Urutaiya uunt ajasmancha iniaisarmia? Jesús ju nunkanam pujumiania nuinkia uunt ajasar pujucharmiayi urukamtai taji? (Rúkas [Lucas] 21:24 aujsatarum).
I) Urutain Yuus ni anaikiamun ekentsamia? Nusha tuin turunamia?

ATAKSHA UMINKIAMU

Uunt ajas pujamu

G) Israel aents uunt anaikiamu armiania nu

Uunt ajasmanka iniaisamu

H) Jesús taatsain 607 uwitin Jerusalennaka amukarmiayi. 2.520 timianu uwi Israel aentsnum uunt anaikiamuka atsumiayi

Ataksha uunt ajas pujamu

I) 1914 uwitin Jesuska uunt ajas ekemsamiayi

Siete uwi tana nusha urutma tsawanna taku ainis ta?

Yuusa chichame nekachkursha nui aarma irunna nu unuimiatrar nekaamniaitji. Apukarípsis papiinium 3 uwi tura 6 nantu tana nuka 1.260 tsawantan tawai (Apukarípsis 12:6, 14). Yuus papiinium chikichik uwi tana nuka 360 tsawantan tawai. Yuusa chichamen chikichik tsawan aujmatuk chikichik uwin tawai (Isekiár 4:4-8). Tuma asamtai siete uwikia 2.520 tsawantan tawai.

5. 1914 uwitin itiurchat ti nukap pampaarmiayi

VIDEO iistarum.

VIDEO: 1914 uwitin itiurchat ti nukap pampaarmiayi (1:10)

Ni uunt ajas ekemsamtai ju nunkanam wari nankaamastiniuya nuna Jesús timiayi. Rúkas [Lucas] 21:9-11 aujsarum juna aujmattsatarum:

Aujsajnia jui aujmateana aintsan wari itiurchata iisuitiam?

Aents anaikiamu eketainiana nu amuukatin ishichik ajasmanum aents uruku artiniuya nuna Pablo timiayi. 2 Timiutéun 3:1-5 aujsarum juna aujmattsatarum:

Aujsajnia jui aujmateana aintsan aentscha uruku ainia?

6. Jesús uunt anaikiamu ajasu asamtai Yuus umirkatniuitji

Matéu 24:3, 14 aujsarum juna aujmattsatarum:

Wari etserna asamtai Jesús nayaimpiniam uunt anaikiamu ajas eketeawai taji?
Amesha Yuusa chichame etserkattsam wari itiurkatniuitiam?

Jesús nayaimpiniam uunt ajas eketeawai. Jukerusan ashi nunkanam uunt ajas ekemsattawai. Israernum [Hebreos] 10:24, 25 aujsarum juna aujmattsatarum:

Amuukatin ishichik ajasu asamtai wari turatniuitji ta?

Aents itiura penker pujuarminiait nu nekakmeka wari itiurkatniuitiam?

CHIKICHKIA JUNIS TINIU AINIAWAI: Testigos de Jehovasha urukamtai 1914 nuna imia aujmatin ainia?

Amesha warintinmek?

WARI NEKAAM

Yuusa chichame tana nu nekaar tura itiurchat irunna nu wainiakur Jesuska nayaimpiniam uunt ajas eketeawai taji. Tu enentaimiu asar Yuusa chichame etsereaji tura iruntainmasha pachiniaji.