TIMEƔRI TIS 32

Yebda leḥkem n Tgelda n Ṛebbi!

SEL S

Leḥkem n Tgelda n Ṛebbi yebda deg igenni di 1914. Seg useggas-nni daɣen i d-bdan wussan ineggura n leḥkem n yemdanen. D acu i ɣ-iɛawnen a nefhem ayagi? D licaṛat n Wedlis Iqedsen akk-d wayen i neţwali iḍerru di ddunit seg useggas 1914 ar ass-a. A nwalit akteṛ ɣef wayagi meṛṛa.

1. D acu i d-nnant licaṛat n Wedlis Iqedsen?

Taktabt n Danyil tenna-d belli ad yebdu leḥkem n Tgelda n Ṛebbi ɣer taggara n yiwen n zzman yeţţusemman “sebɛa n lewqat” (Danyil 4:13, 14). Kra n leqrun mbeɛd, Ɛisa isemma i zzman-agi “lweqt n leǧnas”, yerna yenna-d belli mazal ur yekfi ara imir-nni (Luqa 21:24). Akken ara t-id-nwali, zzman-agi n sebɛa n lewqat yekfa di 1914.

2. D acu i neţwali di ddunit seg useggas 1914?

Inelmaden n Ɛisa steqsan-t nnan-as: “D acu ara yilin d limaṛa n tisin-ik akw-d taggara n ddunit?” (Matta 24:3). Ɛisa iǧaweb-asen-d belli asm’ara yuɣal d Agellid n Tgelda n Ṛebbi deg igenni, a d-ḍrunt waṭas n leḥwayeǧ ɣef lqaɛa, am lgirrat, laẓ akk-d zzelzlat (ɣer-ed Matta 24:7). Adlis Iqedsen yenna-d daɣen belli, deg “wussan ineggura”, lɛibad ad rren tudert tewɛeṛ akteṛ (2 Timutawus 3:1-5). D ayagi i neţwali abeɛda si 1914.

3. Ayɣer i terwi ddunit annect-agi yakk seg wasmi i gebda leḥkem n Tgelda n Ṛebbi?

Akken kan i guɣal Ɛisa d Agellid n Tgelda n Ṛebbi, yessker lgirra deg igenwan akk-d Cciṭan d leǧnun-is. D Cciṭan i gxesṛen di lgirra-yagi. Adlis Iqedsen yenna-d “iţwanefḍ-ed ɣer lqaɛa, yerna ula d lmuluk-is ţwanefḍen-d yid-es” (Aweḥḥi 12:9, 10, 12). Cciṭan yeẓra belli ad yuɣal ad yenger. Ɣef wayagi i gezɛef mliḥ yerna izerreɛ tixessaṛin akk-d lemḥayen di ddunit kamel. Nefhem ihi acuɣer i terwi ddunit! Meɛna Tagelda n Ṛebbi aţ-ţekkes akk ayagi.

A NNADI A NEFHEM AKTEṚ

A nwali d acu i d-yeţbegginen belli Tagelda n Ṛebbi tebda leḥkem di 1914, a nwali daɣen deg wacu i ɣ-yeɛna wayagi.

4. Leḥsab ara ɣ-iɛiwnen akken a d-naweḍ ɣer useggas 1914

Walit BIDYU-YAGI.

BIDYU: Leḥkem n Tgelda n Ṛebbi yebda di 1914 (5:02)

Zik-nni, Nabuxadnuẓur, agellid n tmurt n Babil, yurga yiwet n targit yellan d licaṛa i s-d-iweḥḥa Ṛebbi. Targit-agi akk-d wamek i ţ-id-yessefra Danyil sbegginen-d belli d ayen i geɛnan Nabuxadnuẓur, d ayen i geɛnan daɣen Tagelda n Ṛebbi a (ɣret-ed Danyil 4:14).

Ɣret-ed Danyil 4:17-23, mbeɛd ssexdmet ţţeswiṛat yellan ukessar-a akken a d-tǧawbem ɣef yesteqsiyen-agi:

A) D acu i gwala Nabuxadnuẓur di targit-is? (walit ifyar 17 akk-d 18).
B) D acu i s-yeḍran i ttejṛa-nni? (walit afir 20).
C) D acu i geḍran ɣer taggara n “sebɛa n lewqat”? (walit afir 23).

Lɛalaqa yellan ger Tgelda n Ṛebbi akk-d ttejṛa i d-yeţwabedren di targit-nni

LICAṚA (Danyil 4:17-33)

Leḥkem

A) Yiwet n ttejṛa tameqrant

Yeḥbes leḥkem

B) “Sseɣlit ttejṛa [...] alamma ɛeddan fell-as sebɛa n lewqat”

Yuɣal-ed leḥkem

C) “Tagelda-k a k-d-tuɣal”

Asmi i d-teḍra licaṛa-yagi tikkelt tamezwarut...

D) Anwa i d-teţmettil ttejṛa-nni? (walit afir 19).
E) Amek i geḥbes leḥkem-ines? (ɣret-ed Danyil 4:26-30).
F) D acu i s-yeḍran i Nabuxadnuẓur mi kfan “sebɛa n lewqat-nni”? (ɣret-ed Danyil 4:31-33).

AMEK I D-TEḌRA LICAṚA-YAGI TIKKELT TAMEZWARUT

Leḥkem

D) Nabuxadnuẓur, agellid n Babil

Yeḥbes leḥkem

E) Mi gɛedda useggas 606 uqbel Ɛisa (qb.Ɛ.), Nabuxadnuẓur yuɣal d amehbul yerna sebɛa iseggasen neţţa ur yezmir ad yeḥkem

Yuɣal-ed leḥkem

F) Nabuxadnuẓur yuɣal-it-id leɛqel yerna yuɣal ɣer leḥkem

Asmi i d-teḍra licaṛa-yagi tikkelt tis snat...

G) Anwa i d-teţmettil ttejṛa-nni? (ɣret-ed 1 Amezruy 29:23).
H) Amek i geḥbes leḥkem-agi? Amek i neẓra belli leḥkem-agi mazal ur d-yuɣal ara asmi i gella Ɛisa ɣef lqaɛa? (ɣret-ed Luqa 21:24).
I) Melmi i d-yuɣal leḥkem-agi, yerna anda?

AMEK I D-TEḌRA LICAṚA-YAGI TIKKELT TIS SNAT

Leḥkem

G) Igelliden n wat Isṛayil i d-yeţmettilen leḥkem n Ṛebbi

Yeḥbes leḥkem

H) Tamdint n Yarucalim tenger, yerna deg 2 520 n sna i d-itebɛen, ulac agellid seg wat Isṛayil i gḥekmen

Yuɣal-ed leḥkem

I) Deg igenni, Ɛisa yuɣal d Agellid n Tgelda n Ṛebbi

Acḥal n iseggasen i ṭṭfen sebɛa n lewqat-nni?

Kra n yeḥricen n Wedlis Iqedsen ţɛawanen-aɣ akken a nefhem iḥricen nniḍen. Ɣef lemtel, taktabt n Uweḥḥi tessefham-ed belli tlata n lewqat d wezgen ţţaṭṭafen 1 260 n wussan (Aweḥḥi 12:6, 14). Ihi, sebɛa n lewqat ţţaṭṭafen 2 520 n wussan. Deg Wedlis Iqedsen, yiwen wass yeţmettil-ed tikwal aseggas (Ḥizqiyal 4:6). Ihi, di licaṛa-yagi yellan di tektabt n Danyil, sebɛa n lewqat ṭṭfen 2 520 iseggasen.

5. Ddunit tbeddel seg useggas 1914

Walit BIDYU-YAGI.

BIDYU: Ddunit tbeddel seg useggas 1914 (1:10)

Ɛisa yenna-d amek ara tili ddunit asm’ara yuɣal d Agellid. Ɣret-ed Luqa 21:9-11, mbeɛd hedṛet ɣef westeqsi-yagi:

Ger wayen akk i d-yeţwabedren deg yefyar-agi, d acu i teţwaliḍ la iḍerru ass-a?

Amceggeɛ Bulus yenna-d amek ara ilin lɛibad deg wussan ineggura n leḥkem n wemdan. Ɣret-ed 2 Timutawus 3:1-5, mbeɛd hedṛet ɣef westeqsi-yagi:

Ger wayen akk i d-yeţwabedren deg yefyar-agi, d acu i teţwaliḍ ɣer lɣaci i k-d-yezzin?

6. Leḥkem n Tgelda n Ṛebbi yeţţawi-yaɣ a nexdem lefɛayel yelhan

Ɣret-ed Matta 24:3, 14, mbeɛd hedṛet ɣef yesteqsiyen-agi:

D acu-t leqdic yesɛan azal i d-yesskanayen belli yebda leḥkem n Tgelda n Ṛebbi?
Amek i tzemreḍ aţ-ţţekkiḍ di leqdic-agi?

Tagelda n Ṛebbi tebda leḥkem, yerna ur teţɛeṭṭil ara aţ-ţeḥkem lqaɛa meṛṛa. Ɣret-ed Iɛebṛaniyen 10:24, 25, mbeɛd hedṛet ɣef westeqsi-yagi:

D acu i glaqen a t-nexdem skud i ‘neţwali a d-yeţqerrib wass’?

Lukan aţ-ţɛelmeḍ s lḥaǧa i gzemren a d-tsellek lɣaci, d acu ara txedmeḍ?

MA YELLA WIN I K-ID-YESTEQSAN: “Ayɣer i d-heddṛen akk annect-a Inagan n Yahwa ɣef 1914?”

D acu ara s-tǧawbeḍ?

AYEN I D-NELMED

Licaṛat n Wedlis Iqedsen akk-d wayen iḍerrun di ddunit sskanayen-d belli yebda leḥkem n Tgelda n Ṛebbi. Neţbeggin-ed belli neţţuqenneɛ s wayagi m’ara neţberriḥ yerna nḥeddeṛ i inejmuɛen.

A d-nesmekti

D acu i geḍran ɣer taggara n sebɛa n lewqat iɣef i d-tehdeṛ licaṛa n Danyil?
Ayɣer i teţţuqennɛeḍ belli leḥkem n Tgelda n Ṛebbi yebda di 1914?
Leḥkem n Tgelda n Ṛebbi yebda. Amek i tzemreḍ a d-tbeggneḍ belli tumneḍ s wayagi?

Fukkeɣ timeɣri-yagi ass n:

Lmeqsud-iw

Ad ssexdameɣ di temɛict-iw ayen i d-yecreḍ Wedlis Iqedsen akken ad uɣaleɣ d aberraḥ n lexbaṛ n lxiṛ.

Lmeqsud nniḍen:

Lmeqsud nniḍen