Karai Kasang a Mungdan gaw, 1914 hta sumsing lamu kaw uphkang hpang sai. Dai gaw masha uphkang lam a hpang jahtum nhtoi byin hpang wa ai aten mung re. Gara hku chye lu ai kun? 1914 kaw na mu lu nga sai mungkan a masa lam ni hte masha ni a myit jasat hpe tau hkrau tsun da ai Chyum Laika myihtoi ga hpe hkaja yu ga.

1. Chyum Laika myihtoi ga gaw hpa hpe madun dan ai kun?

Karai a Mungdan gaw, “aten sanit” htum ai shaloi hta, uphkang hpang na ngu Daniela Laika hta tsun da ai. (Daniela 4:​16, 17) Tsa ban shaning ni na ai hpang, Yesu gaw, dai aten hpe “maigan amyu ni a nhtoi” ngu tsun wa ai. Dai nhtoi gaw, garai n htum shi ai ngu nna mung tsun dan ai. (Luka 21:24) Dai aten sanit gaw, 1914 hta htum ai hpe anhte chye lu na re.

2. 1914 kaw nna gara masa ni, gara myit jasat ni hpe mu lu nga sai kun?

Yesu a sape ni gaw, shi hpe ndai hku san ai: “Nang bai du na hte mungkan ga a htum wa na kumla gaw, hpa kumla rai na ra ta?” (Mahte 24:3) Karai a Mungdan a Hkawhkam hku nna sumsing lamu kaw uphkang ngut ai hpang, hpa ni byin wa na hte seng nna, Yesu tau hkrau tsun dan wa ai. Dai hta, majan ni, hku hku ai lam ni, nnang nawn ai lam ni lawm ai. (Mahte 24:7 hpe hti u.) “Hpang jahtum na nhtoi ni” na masha ni a myit jasat a majaw, prat gaw yak na ngu Chyum Laika hta tau hkrau tsun da ai. (2 Timohti 3:​1-5) Dai zawn masa ni, myit jasat ni gaw, laksan hku nna 1914 kaw nna grau dan dawng wa ai.

3. Karai a Mungdan uphkang hpang ai aten kaw na masa ni gaw hpa majaw grau sawng wa ai kun?

Yesu gaw Karai a Mungdan a Hkawhkam byin ai hte kalang ta, sumsing lamu hta, Satan hte nat ni hpe gasat wa ai. Satan sum mat ai. “Shi gaw, le ga de jahkrat kau hkrum ai rai nna, shi a ali ama ni mung shi hte rau jahkrat kau ai hkrum ma ai” ngu Chyum Laika hta tsun da ai. (Shingran 12:9, 10, 12) Satan gaw jahten hkrum na hpe chye ai majaw, grai masin pawt nga ai. Dai majaw, mungkan ting hta hkra machyi ai lam ni hte yakhkak ai lam ni byin hkra galaw nga ai. Mungkan a masa lam ni grai sawng nga ai hpe anhte n mau ga ai. Karai a Mungdan gaw dai manghkang yawng hpe yeng seng kau ya na re.

 Kahtap Hkaja

4. Chyum Laika myihtoi ga ni gaw 1914 hpe madun dan

Myihtoi ga shawng nnan hpring tsup ai lam . . .

• (D) Hpun gaw kadai hpe malai tsun ai kun?​—Daw kaji 21 hpe yu u.

• (E) Uphkang lam gara hku hkring mat ai kun? ​—Daniela 4:​29-33 hpe hti u.

• (F) “Aten sanit” htum ai shaloi, Nebuhkadneza hpa byin wa ai kun?​—Daniela 4:34-36 hpe hti u.

Nambat lahkawng lang myihtoi ga hpring tsup ai lam . . .

• (G) Hpun gaw kadai hpe malai tsun ai kun?​—1 Hkawhkam Labau 29:23 hpe hti u.

• (H) Shanhte a uphkang lam gara hku hkring mat ai kun? Yesu mungkan ga kaw nga ai aten laman hta mung, uphkang lam naw hkring nga ai hpe gara hku chye lu ai kun?​—Luka 21:24 hpe hti u.

• (I) Dai uphkang lam hpe gara aten hte gara shara hta bai lu la wa ai kun?

 6. Karai a Mungdan uphkang ai lam gaw anhte hpe shadut ya ging

Mahte 24:​3, 14 hpe hti nna, ndai ga san ni hpe bawngban u:

• Karai a Mungdan uphkang nga sai hpe gara ahkyak ai bungli gaw madun dan nga ai kun?

• Dai bungli hta, nang gara hku shang lawm mai na kun?

Karai a Mungdan ya uphkang nga nna, mungkan ting hpe uphkang na aten mung ni wa sai. Hebre 10:​24, 25 hpe hti nna, ndai ga san hpe bawngban u:

• “Dai nhtoi du magang ra ai” hpe anhte chye ai majaw, langai hpra hpa galaw ging ai kun?

 Kadun Dawk

Chyum Laika myihtoi ga ni hte mungkan a masa lam ni gaw, Karai a Mungdan ya uphkang nga sai hpe sakse madun ai. Dai hpe anhte kam ai lam, hkaw tsun ai, nawku zuphpawng ni lung ai hku nna madun ai.

Bai Maram

• Daniela Laika hta tau hkrau tsun da ai aten sanit htum ai shaloi, hpa byin wa ai kun?

• Karai a Mungdan gaw, 1914 hta uphkang hpang sai hpe gara lam gaw nang hpe kam shangun ai kun?

• Karai a Mungdan ya, uphkang nga sai hpe nang kam ai lam, gara hku madun na kun?