Pasɩ Ɛsɔ Kewiyaɣ ɛsɔdaa pɩnaɣ 1914 taa nɛ kapaɣzɩ ka-tʋmɩyɛ labʋ. Pɩnaɣ ŋga ka-taa ɖɔɖɔ ɛyaa kewiyitu tɔɔʋ kɛdɛzaɣ kɩyakɩŋ paɣzaa. Ɛzɩma ɖɩlaba nɛ ɖɩna? Iyele nɛ ɖɩtazɩ Bibl taa natʋ tɔm taa, pɩsɩɣnɩ-ɖʋ nɛ ɖicosi tɔm ndʋ tɩ-yɔɔ. Ðɩkaɣ tazʋʋ ɖɔɖɔ mbʋ mbʋ pɩwɛɛ nɛ pɩlakɩ ɛjaɖɛ yɔɔ yɔ nɛ wɛtʋ ndʋ ɛyaa paɣzɩ wɛnʋʋ kpaɣnɩ pɩnaɣ 1914 yɔ pɩ-taa.

1. Ɛbɛ Bibl taa natʋ tɔm wɩlɩɣ?

Bibl taa takayaɣ ŋga payaɣ se Danɩyɛɛlɩ yɔ, kɔyɔɔdaa se alɩwaatʋ ndʋ payaɣ se «alɩwaatʋ 7» yɔ tɩtɛŋ lɛ, Ɛsɔ Kewiyaɣ paɣzɩɣ ka-tʋmɩyɛ. (Danɩyɛɛlɩ 4:16, 17) Pɩnzɩ mɩnɩŋ sakɩyɛ wayɩ Yesu yɔɔdaɣ alɩwaatʋ ndʋ tɩ-tɔm lɛ, ɛya-tʋ se «ajɛɛ tɛ alɩwaatʋ ndʋ paɖʋwa yɔ» nɛ ɛyɔɔdɩ se tɩtaatɩɩtɛmta. (Luka 21:24) Ðɩkaɣ naʋ nɛ ɛsɩndaa se alɩwaatʋ 7 ndʋ tɩtɛm pɩnaɣ 1914 taa.

2. Ɛbɛ wɛɛ nɛ pɩlakɩ ɛjaɖɛ yɔɔ kpaɣnɩ pɩnaɣ 1914?

Yesu tɔmkpɛlɩkɩyaa pɔzɩ-ɩ se: «Heyi-ɖʋ nɛ ɖɩnɩɩ, ɛzɩmtaa pɩkaɣ labʋ mbʋ, nɛ ɛbɛ kaɣ kɛʋ ñɛ-wɛʋ alɩwaatʋ nɛ ɛjaɖɛ tɛm alɩwaatʋ yʋsaɣ?» (Maatiyee 24:3) Yesu cosaɣ-wɛ lɛ, ɛyɔɔdɩ wɛtʋ ndɩ ndɩ ndʋ tɩkaɣ wɛʋ ɛjaɖɛ yɔɔ alɩwaatʋ ndʋ ɛpaɣzɩɣ kewiyitu tɔɔʋ ɛsɔdaa yɔ tɩ-tɔm. Wɛtʋ ndʋ tɩ-taa natʋyʋ lɛ, yoŋ, ñɔɔsɩ nɛ tɛtʋ ñamsʋʋ. (Kalɩ Maatiyee 24:7.) Bibl kaayɔɔdaa ɖɔɖɔ se ɛyaa kaɣ yebu nɛ «kɛdɛzaɣ kɩyakɩŋ» kɛ alɩwaatʋ ndʋ «tɩ-lʋbɩnʋʋ [wɛɣ] kaɖɛ» yɔ. (2 Timootee 3:1-5) Wɛtʋ ndʋ tɩpaɣzɩ tɔyʋʋ kpaɣnɩ pɩnaɣ 1914.

3. Ɛbɛ yɔɔ ɛjaɖɛ wɛɛkɩ kpem kpaɣnɩ alɩwaatʋ ndʋ Ɛsɔ Kewiyaɣ paɣzɩ ka-tʋmɩyɛ yɔ?

Yesu paɣzɩ kewiyitu tɔɔʋ nɛ pɩla pazɩ lɛ, eyooni Sataŋ nɛ aleewaa ɛsɔdaa; nɛ pawa Sataŋ you ŋgʋ kɩ-taa. Bibl yɔɔdʋʋ se «pɔlɔ-ɩ tɛtʋ yɔɔ, nɛ pɛkpɛndɩ ɛ nɛ e-tiyiyaa nɛ pɔlɔ.» (Natʋ 12:9, 10, 12) Sataŋ kɔ pana siŋŋ mbʋ pʋyɔɔ yɔ ɛnawa se pakaɣ-ɩ ɖɩzʋʋ. Pʋyɔɔ ɛkɔŋnɩ wɩzasɩ nɛ kʋñɔmɩŋ ɛjaɖɛ kpeekpe yɔɔ. Ye mbʋ ɖɩnɩɣ mbʋ pʋyɔɔ ɛjaɖɛ yɔɔ wɛtʋ wɛɛkɩ siŋŋ yɔ pɩ-taa. Ɛsɔ Kewiyaɣ kaɣ ñɔɔzʋʋ mbʋ payɩ pɩwɛɛkaa yɔ.

 TAZƖ NƐ PILIMI

4. Bibl taa akɔnta ŋgʋ kɩwɩlɩɣ se Ɛsɔ Kewiyaɣ paɣzɩ ka-tʋmɩyɛ pɩnaɣ 1914 yɔ

Alɩwaatʋ ndʋ natʋ ndʋ tɩlabɩ kajalaɣ ɖeɖe yɔ . . .

• (D) Anɩ tɩʋ sɩŋnaa?—Cɔnɩ kalɩtʋ 22.

• (E) Ɛzɩma e-kewiyitu tɔɔʋ sɩ tɩnaɣ?—Ɩkalɩ Danɩyɛɛlɩ 4:29-33.

• (F) «Alɩwaatʋ 7» tɛma lɛ, ɛbɛ talɩ Nabukodonozɔɔrɩ?—Ɩkalɩ Danɩyɛɛlɩ 4:34-36.

Alɩwaatʋ ndʋ natʋ ndʋ tɩlabɩ nabʋlɛ ɖeɖe yɔ . . .

• (G) Anɩ tɩʋ sɩŋnaa? —Ɩkalɩ 1 Kroniiki 29:23.

• (H) Ɛzɩma kewiyitu tɔɔʋ mbʋ pɩsɩ tɩnaɣ? Ɛzɩma ɖɩlaba nɛ ɖɩna se kewiyitu tɔɔʋ mbʋ pɩɩsɩ tɩnaɣ mbʋ alɩwaatʋ ndʋ Yesu kaawɛ tɛtʋ yɔɔ yɔ? —Ɩkalɩ Luka 21:24.

• (I) Ɛzɩmtaa nɛ le kewiyitu ndʋ tɩɖaɣnɩ paɣzʋʋ?

 6. Pɩwɛɛ se Ɛsɔ kewiyitu tɔɔʋ eseɣti-ɖʋ nɛ ɖɩla mbʋ pɩpɔzʋʋ yɔ

Ɩkalɩ Maatiyee 24:3, 14; nɛ pʋwayɩ lɛ ɩtazɩ tɔm tʋnɛ tɩ-taa:

• Tʋmɩyɛ sɔsɔɖɛ nɖɩ peɖiɣni labʋ sɔnɔ nɛ pɩwɩlɩɣ se Ɛsɔ Kewiyaɣ ɖiɣni labʋ ka-tʋmɩyɛ?

• Ɛzɩma ŋpɩzɩɣ nɛ ŋɖʋ nesi tʋmɩyɛ nɖɩ?

Ɛsɔ Kewiyaɣ ɖiɣni ka-tʋmɩyɛ labʋ sɔnɔ nɛ pɩkazɩ pazɩ lɛ, kakaɣ ɖiyuu tɛtʋ kpeekpe. Ɩkalɩ Ebree mba 10:24, 25; nɛ pʋwayɩ lɛ ɩtazɩ tɔm tʋnɛ tɩ-taa:

• Ɛbɛ pɩwɛɛ se ɖa-taa paa weyi ɛla, ɖɩwɛɣ nɛ «[ɖɩnaɣ] se kɩyakʋ ɖiɣni ñɔtʋʋ» lɛ?

 TOBI LƐ

Bibl taa natʋ tɔm, akɔntanaa nɛ wɛtʋ ndʋ tɩwɛ ɛjaɖɛ yɔɔ yɔ tɩwɩlɩɣ se Ɛsɔ Kewiyaɣ ɖiɣni ka-tʋmɩyɛ labʋ sɔnɔ. Ye ɖisusuu Kewiyaɣ ŋga kɔ-tɔm nɛ ɖiwoki kediɣzisi yɔ, ɖɩwɩlɩɣ se ɖitisiɣ tɔm ndʋ tɩ-yɔɔ.

Tɔm taa tazʋʋ

• Alɩwaatʋ 7 ndʋ tɩ-tɔm Danɩyɛɛlɩ takayaɣ yɔɔdaa yɔ tɩtɛma lɛ, ɛbɛ laba?

• Ɛbɛ yeba nɛ ña-taa tɛ se Ɛsɔ Kewiyaɣ paɣzɩ labʋ ka-tʋmɩyɛ pɩnaɣ 1914 taa?

• Ɛzɩma ŋpɩzɩɣ nɛ ŋwɩlɩ se ŋtisiɣ se Ɛsɔ Kewiyaɣ ɖiɣni labʋ ka-tʋmɩyɛ sɔnɔ?