Prỹg tỹ 1914 kã, Topẽ Pãꞌi vỹ tỹ rĩr tĩ, kanhkã tá. Tag tugnĩn, ẽprã ke pãꞌi ag vỹ kurã tỹ ẽgno ag nỹtĩ. Ẽg hã ren kỹ tag ki kanhró nỹtĩ? Ẽg tỹ venh ke mũ, Topẽ Vĩ Rá ne tó ja ti tag to, kar nén ũ ag tỹ ne hãn ri ke ke ti, ẽprã ke ag mỹ.

1. Topẽ Vĩ Rá ne tó ja ti?

Vẽnh rá tỹ Daniel ẽg ajũna ke tĩ, ẽg tỹ ki kanhró nỹtĩ, Topẽ Pãꞌi vỹ tỹ rĩr rã ke mũ vẽ, “prỹg tỹ 7” ke kãn kỹ. (Daniel 4:16, 17) Sir há sir, Jesus vỹ tó ja ti to, “fóg ag tỹ tũꞌ henh ke kurã” kar ti vỹ kanhrãn ja, kurã tag ag pi kãn mũ ver. (Lucas 21:24) Hã ra prỹg tỹ 7 ke kãn mũ, prỹg tỹ 1914 kã.

2. Prỹg tỹ 1914 kã, nén ũ tỹ ne ẽprã ke ag mỹ hãn ri ke ke?

Jesus nón mũnh fã ag vỹ Jesus mỹ ki jẽmẽg mũ: “Ẽg tỹ ne ve kỹ ẽg ti kurã ki kanhró nỹtĩnh mũ, ã kãtĩg mãn ke kurã ẽn ti, nén kar tũg ke kurã ẽn ti?” (Mateus 24:3) Jesus vỹ tó ja, ti tỹ kanhkã tỹ rĩr rã ke kar, vẽnh e ag tỹ jagnẽ kato tẽgtẽ tĩ, vẽnh kar pi vãjãn nỹtĩ kar ga tỹ ragrag ke tỹ hãn ri ke tĩ. (Mateus 24:7 le kem nĩ.) Topẽ Vĩ Rá vỹ ẽg mỹ kãmén tĩ, kurã tỹ ẽgno “to hã” ũn e ag vẽjykre to, kar tag tugnĩn, “vẽnh kar tỹ vẽjykre pãno han mũ ve jé ẽg tóg ke mũ”. (2 Timóteo 3:1-5) Prỹg tỹ 1914 kã, nén ũ tag ag hãn ri ke kãfór nỹtĩ.

3. Jesus tỹ kanhkã tỹ rĩr rã ke kar, nén ũ jagy e kafór ne tugnĩn Ga ki hãn ri ke tĩ?

Jesus tỹ vẽsỹ Pãꞌi mág han ke kar, Topẽ Pãꞌi kãmĩ, ti vỹ kanhkã tá Satanás kutẽm mũ, ti mré ke kar ag mré, Jesus tỹ nén han vén ja hã vẽ. Topẽ Vĩ Rá vỹ ẽg mỹ ke tĩ “ag tỹ kanhkã tá ti kutẽm kỹ ag tóg ga kri ti fón mũ sir, ti krẽm ke kar ag mré hã”. (Nén venh ke 12:9, 12) Satanás tỹ jũ kamã nĩ, ti tỹ ki kanhró nĩ, kãnhmar Topẽ tỹ ti tỹ tũꞌ kãn ke mũ. Hã kỹ Ga kar mĩ, ti tỹ ũn ag mỹ vẽsỹrinhrénh hyn han tãvĩ nỹtĩ. Tag tugnĩn, nén ũ ag tỹ jagy nỹtĩ! Hã ra Topẽ Pãꞌi vỹ nén ũ vẽnh mỹ ag tỹ tũꞌ kenh ke mũ.

 VẼNH KANHRÃN KÃFÓR NĨ

4. Topẽ Vĩ Rá vỹ ẽg mỹ kãmén mũ, prỹg tỹ 1914 ti to

Topẽ tỹ nén tó ja tag hẽn ri ke vén ke . . .

• (D) Ũn tỹ ne nỹ ka ti? — Ha vé nũmro 22 sĩ.

• (E) Ti hã re kã tỹ rĩr krỹg ke ke? — Daniel 4:29-33 le kem nĩ.

• (F) Nabucodonosor ne nỹ ti mỹ hãn ri ke ke, “prỹg tỹ 7” ke kar? — Daniel 4:34-36 le kem nĩ.

Topẽ tỹ nén tó ja tag hẽn ri ke mãn ke . . .

• (G) Ũ nẽ tỹ ka ti? — 1 Crônicas 29:23 le kem nĩ.

• (H) Ag hã re kã tỹ rĩr krỹg ke ke? Jesus tỹ Ga kri tĩg nĩn kã, ag vỹ tỹ rĩr tũ nỹtĩ vã. Ẽg hã ren kỹ tag ki kanhró nỹtĩ? — Lucas 21:24 le kem nĩ.

• (I) Hã re kã kar hã tá pãꞌi tag vỹ tỹ rĩr mãn ke?

 6. Ẽg tỹ Topẽ Pãꞌi mỹ rãnhrãj sór tĩ

Mateus 24:3, 14 le kem nĩ. Kar jagnẽ mré vẽmén nĩ, nén ũ tag ag to:

• Topẽ Pãꞌi vỹ kanhkã tá nén ũ ag tỹ rĩr nĩ ha, rãnhrãj tỹ ne tag ẽg mỹ ven tĩ?

• Ã ne han ke nĩ, ã tỹ rãnhrãj tag han jé?

Topẽ Pãꞌi vỹ kanhkã tá nén ũ ag tỹ rĩr nĩ ha kar kãnhmar ti tỹ Ga kar tỹ rĩr ke mũ. Hebreu 10:24, 25 le kem nĩ. Kar jagnẽ mré vẽmén nĩ, tag to:

• ‘Kurã vỹ kakó nĩ’ kỹ ẽg ne han ke nỹtĩ?

 Ã NE KANHRÃN JA TI

Topẽ ne tó ja ag kar ẽmã kar mĩ, nén ũ jagy vỹ hãn ri ke tĩ ẽn vỹ ẽg mỹ ven tĩ, Topẽ Pãꞌi vỹ kanhkã tá nén ũ ag tỹ rĩr nĩ ha. Ẽg tỹ Topẽ vĩ to kãmén tĩ kar vẽnhmãn ag ve kỹ, ẽg tỹ ũn ag mỹ ven tĩ, ẽg tỹ tag kri fi tĩ.

Jykrinkrén mũ

• Vẽnh rá tỹ Daniel vỹ ẽg mỹ kãmén tĩ, prỹg tỹ 7 to. Prỹg tỹ 7 kãn ke kar, ne nỹ hãn ri ke ke?

• Ã hã mỹ, ne nỹ ã mỹ ven tĩ, Topẽ Pãꞌi vỹ kanhkã tá nén ũ ag tỹ rĩr nĩ ha, prỹg tỹ 1914 kã?

• Ã ne han ke nĩ, ã tỹ ũn ag mỹ ven tĩ, ã tỹ Topẽ Pãꞌi vỹ kanhkã tá nén ũ ag tỹ rĩr nĩ ha?