32-ساباق
قۇداي پاتشالىعى ٴقازىر بيلىك ەتۋدە!
قۇداي پاتشالىعى كوكتە بيلىك ەتۋىن 1914-جىلى باستادى. سونداي-اق سول كەزدەن باستاپ ادام ۇكىمەتتەرىنىڭ سوڭعى كۇندەرى باستالدى. بۇنى قايدان بىلەمىز؟ ٴقازىر كيەلى كىتاپتا الدىن الا نە ايتىلعانىن جانە 1914-جىلدان باستاپ الەمدەگى جاعداي مەن ادامداردىڭ مىنەز-قۇلقى قالاي وزگەرگەنىن قاراستىرايىق.
1. كيەلى كىتاپ پايعامبارلىعىندا نە دەلىنگەن؟
دانيال كىتابىنان كورەتىنىمىزدەي، قۇداي پاتشالىعى «جەتى ۋاقىت» دەپ اتالاتىن كەزەڭ اياقتالعان كەزدە ٶز بيلىگىن باستاۋ كەرەك ەدى (دانيال 4:16، 17). عاسىرلار وتە يسا ٴدال سول كەزەڭدى «باسقا ۇلتتارعا بەلگىلەنگەن ۋاقىت» دەپ اتاعان، ٵرى ونىڭ سول كەزدە ٵلى بىتپەگەنىن كورسەتكەن (لۇقا 21:24). الدا كورەتىنىمىزدەي، سول جەتى ۋاقىت 1914-جىلى اياقتالدى.
2. 1914-جىلدان بەرى الەمدەگى جاعداي مەن ادامداردىڭ مىنەز-قۇلقى قالاي وزگەردى؟
يسانىڭ شاكىرتتەرى ودان: «ٴسىزدىڭ وسىندا بولۋىڭىز بەن وسى زاماننىڭ اياقتالىپ قالعانىن قانداي بەلگى بىلدىرمەك؟»— دەپ سۇرادى (ماتاي 24:3). ول قۇداي پاتشالىعىنىڭ پاتشاسى رەتىندە بيلىك ەتە باستاعاندا، كوپتەگەن جايتتاردىڭ بولاتىنىن ايتىپ كەتكەن. سولاردىڭ كەيبىرى — سوعىس، اشارشىلىق جانە جەر سىلكىنىسى (ماتاي 24:7 وقىڭىز). سونداي-اق كيەلى جازبالاردا «سوڭعى كۇندەرى» ادامداردىڭ مىنەز-قۇلقى وزگەرىپ، سودان ٶمىر «ەرەكشە قيىن» بولىپ كەتەتىنى الدىن الا ايتىلعان (تىموتەگە 2-حات 3:1—5). وسىنىڭ ٴبارى اسىرەسە 1914-جىلدان باستاپ بولىپ جاتىر.
3. قۇداي پاتشالىعى بيلىك ەتە باستاعالى بەرى نەگە دۇنيەدەگى جاعداي ناشارلاپ كەتتى؟
يسا قۇداي پاتشالىعىنىڭ پاتشاسى بولعاننان كەيىن كوپ ۇزاماي كوكتە شايتان مەن جىن-پەرىلەرىمەن سوعىستى. وسى سوعىستا شايتان جەڭىلىپ قالدى. كيەلى كىتاپتا ايتىلعانداي، ول «جەرگە لاقتىرىلدى، ونىمەن بىرگە پەرىشتەلەرى دە لاقتىرىلدى» (ايان 12:9، 10، 12). ٶزىنىڭ جويىلاتىنىن بىلگەندىكتەن، شايتان قاتتى اشۋلى. دۇنيەدەگى بۇكىل قاسىرەتكە سول جاۋاپتى. سوندىقتان الەمدەگى جاعدايلاردىڭ نەلىكتەن ناشارلاپ كەتكەنىنە تاڭعالماساق بولادى! وسى قيىنشىلىقتاردىڭ ٴبارىن قۇداي پاتشالىعى شەشەدى.
تەرەڭىرەك ٷڭىلىڭىز
قۇداي پاتشالىعى بيلىگىن 1914-جىلى باستاعانىن قايدان بىلەتىنىمىزدى قاراستىرايىق جانە بۇل ٴبىزدى نە نارسەگە تالپىندىرۋ كەرەكتىگىن كورەيىك.
4. 1914-جىلعا نۇسقايتىن كيەلى كىتاپتاعى وقيعالار حرونولوگياسى
بىردە ەجەلگى بابىلدىڭ پاتشاسى ناۆۋحودونوسور ٴتۇس كورەدى. سول تۇسىندە قۇداي وعان بولاشاقتا نە بولاتىنىن كورسەتەدى. وسى ٴتۇس تۋرالى جانە دانيال پايعامبار ونى قالاي جورىپ بەرگەنى تۋرالى ٴبىز كيەلى كىتاپتان وقىپ بىلەمىز. بۇل تۇستىڭ ناۆۋحودونوسوردىڭ پاتشالىعىنا دا، قۇداي پاتشالىعىنا دا قاتىسى بار ەدى (دانيال 4:17 وقىڭىز). a
دانيال 4:20—26 وقىپ، كەستەنىڭ كومەگىمەن مىنا سۇراقتارعا جاۋاپ بەرىڭىز:
-
ا) ناۆۋحودونوسور تۇسىندە نە كوردى؟ (20، 21-تارماقتاردى قاراڭىز).
-
ٵ) اعاشپەن نە بولۋ كەرەك ەدى؟ (23-تارماقتى قاراڭىز).
-
ب) «جەتى ۋاقىت» اياقتالعاندا نە بولۋ كەرەك ەدى؟ (26-تارماقتى قاراڭىز).
اعاش تۋرالى تۇستىڭ قۇداي پاتشالىعىمەن بايلانىسى
پايعامبارلىق (دانيال 4:20—36)
بيلىك
ا) ٴزاۋلىم اعاش
بيلىك توقتاتىلدى
ٵ) «اعاشتى شابىڭدار»، «ٴسۇيتىپ، جەتى ۋاقىت ٶتسىن»
بيلىك قالپىنا كەلتىرىلدى
ب) «پاتشالىعىڭىز وزىڭىزگە تيەسىلى بولىپ قالا بەرەدى»
پايعامبارلىقتىڭ ٴبىرىنشى ورىندالۋى
-
ۆ) اعاش كىمدى بەينەلەگەن؟ (22-تارماقتى قاراڭىز).
-
گ) ونىڭ بيلىگى قالاي توقتاتىلدى؟ (دانيال 4:29—33 وقىڭىز).
-
ع) «جەتى ۋاقىت» اياقتالعاندا ناۆۋحودونوسورمەن نە بولدى؟ (دانيال 4:34—36 وقىڭىز).
ٴبىرىنشى ورىندالۋى
بيلىك
ۆ) بابىل پاتشاسى ناۆۋحودونوسور
بيلىك توقتاتىلدى
گ) ب.ز.ب. 606-جىلدان كەيىن ناۆۋحودونوسور اقىل-ەسىنەن ايىرىلىپ، جەتى جىل بويى بيلىك ەتە الماي قالدى
بيلىك قالپىنا كەلتىرىلدى
ع) ناۆۋحودونوسوردىڭ اقىل-ەسى كىرىپ، قايتادان بيلىك ەتە باستادى
پايعامبارلىقتىڭ ەكىنشى ورىندالۋى
-
د) اعاش كىمدى بەينەلەگەن؟ (شەجىرەلەر 1-جازبا 29:23 وقىڭىز).
-
ە) ولاردىڭ بيلىگى قالاي توقتادى؟ يسا جەردە بولعاندا ولاردىڭ بيلىگى ٵلى توقتاپ تۇرعانىن قايدان بىلەمىز؟ (لۇقا 21:24 وقىڭىز).
-
ج) بۇل بيلىك قاشان جانە قايدا قالپىنا كەلدى؟
ەكىنشى ورىندالۋى
بيلىك
د) قۇدايدىڭ بيلىگىن بەينەلەگەن يسرايلدىك پاتشالار
بيلىك توقتاتىلدى
ە) يەرۋساليم كۇيرەدى. 2520 جىل بويى يسرايلدىك پاتشا اۋلەتىنىڭ بيلىگى توقتاپ تۇردى
بيلىك قالپىنا كەلتىرىلدى
ج) قۇداي پاتشالىعىنىڭ پاتشاسى رەتىندە يسا كوكتە بيلىك ەتۋىن باستادى
«جەتى ۋاقىت» دەگەن قانشا؟
كيەلى كىتاپتىڭ ٴبىر جەرى ونىڭ باسقا جەرىن تۇسىنۋگە كومەكتەسەدى. مىسالى، ايان كىتابىنان ٷش جارىم ۋاقىت 1260 كۇنگە تەڭ ەكەنىن بىلەمىز (ايان 12:6، 14). جەتى ۋاقىت ودان ەكى ەسە كوپ بولعاندىقتان، ول 2520 كۇنگە تەڭ. كيەلى كىتاپتا كەيدە ٴبىر كۇن دەگەن ٴسوز ٴبىر جىلدى بىلدىرەدى (ەزەكيەل 4:6). وسىنى ەسكەرسەك، دانيال كىتابىندا ايتىلعان «جەتى ۋاقىت» 2520 جىلعا تەڭ.
5. 1914-جىلدان باستاپ الەم وزگەردى
يسا پاتشا بولعاننان كەيىن الەمدەگى جاعدايدىڭ قانداي بولاتىنىن ايتىپ كەتكەن. لۇقا 21:9—11 وقىپ، مىنا سۇراقتى تالقىلاڭىزدار:
-
ٴسىز وسىلاردىڭ قايسىسىن كورىپ يا ەستىپ ٴجۇرسىز؟
ال ەلشى پاۋىل ادام بيلىگىنىڭ سوڭعى كۇندەرى ادامداردىڭ مىنەز-قۇلقى قانداي بولاتىنىن ايتىپ كەتكەن. تىموتەگە 2-حات 3:1—5 وقىپ، كەلەسى سۇراقتى تالقىلاڭىزدار:
-
ادامداردىڭ بويىنان وسىلاردىڭ قايسىسىن كورىپ ٴجۇرسىز؟
6. قۇداي پاتشالىعىنىڭ بيلەپ جاتقانىنا سەنەتىنىڭىزدى كورسەتىڭىز
ماتاي 24:3، 14 وقىپ، كەلەسى سۇراقتاردى تالقىلاڭىزدار:
-
قۇداي پاتشالىعىنىڭ ٴقازىر بيلىك ەتىپ جاتقانى قانداي ماڭىزدى ىستەن كورىنەدى؟
-
ٴسىز بۇل ىسكە قالاي قاتىسا الاسىز؟
قۇداي پاتشالىعى ٴقازىر بيلىك ەتىپ جاتىر. ونىڭ بۇكىل جەر بەتىنە بيلىك جۇرگىزەتىن كۇنى دە جاقىنداپ قالدى. ەۆرەيلەرگە 10:24، 25 وقىپ، مىنا سۇراقتى تالقىلاڭىزدار:
-
سول كۇننىڭ «جاقىن قالعانىن بىلگەندىكتەن» ٵرقايسىسىمىز نە ىستەۋىمىز كەرەك؟
بىرەۋگە كومەگى ٴتيىپ، ٶمىرىن قۇتقاراتىن ٴبىر نارسە ٴبىلىپ جاتساڭىز، نە ىستەر ەدىڭىز؟
بىرەۋ سۇراسا: «نەگە ەحوبا كۋاگەرلەرى 1914-جىلدى ەلەۋلى جىل دەپ اتايدى؟»
-
ٴسىز نە دەپ جاۋاپ بەرەر ەدىڭىز؟
تۇيىندەمە
كيەلى كىتاپ پايعامبارلىعى، حرونولوگياسى جانە دۇنيەدەگى جاعدايلار قۇداي پاتشالىعىنىڭ ٴقازىر بيلىك ەتىپ جاتقانىن دالەلدەيدى. بۇعان سەنەتىنىمىزدى ۋاعىزداۋمەن جانە كەزدەسۋلەرگە بارۋىمىزبەن كورسەتەمىز.
قايتالاۋ
-
دانيال كىتابىندا ايتىلعان «جەتى ۋاقىت» اياقتالعاندا نە بولدى؟
-
قۇداي پاتشالىعىنىڭ 1914-جىلى بيلىك ەتە باستاعانىنا ٴسىزدىڭ كوزىڭىزدى نە جەتكىزدى؟
-
قۇداي پاتشالىعىنىڭ ٴقازىر بيلىك ەتىپ جاتقانىنا سەنەتىنىڭىزدى قالاي كورسەتە الاسىز؟
قوسىمشا ىزدەنىڭىز
1914-جىلدان باستاپ الەمدە بولىپ جاتقان وزگەرىستەر جايلى تاريحشىلار مەن باسقالار نە دەيتىنىن كورىڭىز.
«مورالدىق قۇلدىراۋدىڭ باسى» («ويانىڭدار!» (حانزۇشا)، ٴساۋىر، 2007)
ماتاي 24:14-تەگى پايعامبارلىق ٴبىر ەر كىسىنىڭ ٶمىرىن قالاي وزگەرتكەنىن وقىپ كورىڭىز.
(«ەسىل-دەرتىم بەيسبول ەدى!» «كۇزەت مۇناراسى» (حانزۇشا)، 3-ٴنومىر، 2017)
دانيال كىتابىنىڭ 4-تاراۋىنداعى پايعامبارلىق قۇداي پاتشالىعىنا قاتىسى بار ەكەنىن قايدان بىلەمىز؟
دانيال كىتابىنىڭ 4-تاراۋىندا ايتىلعان «جەتى ۋاقىت» 1914-جىلى اياقتالعانىن نە دالەلدەيدى؟
a وسى ساباقتىڭ «قوسىمشا ىزدەنىڭىز» بولىمىندەگى سوڭعى ەكى ماقالانى قاراڭىز.
قىزىقتى بولار مالىمەتتەر
ٴجيى قويىلاتىن سۇراقتار
كيەلى كىتاپتى زەرتتەۋ ساباعى دەگەن نە؟
كيەلى كىتاپتى اقىسىز زەرتتەۋ ساباعىنا قاتىستى سۇراقتارىڭىزعا جاۋاپ الىڭىز.
