ILINNIAGASSAQ 32
Guutip kunngeqarfia maanna naalakkersuivoq!
Guutip kunngeqarfia qilammi 1914-imi naalakkersuilerpoq. Aamma ukiumi tamatumani inuit naalakkersuiffiisa ullui kingulliit aallartipput. Tamakku qanoq nalunngilagut? Siulittuut Biibilimeersoq kiisalu 1914-imiilli nunarsuarmi pissutsit qanoq issimanersut sammeriartigit.
1. Biibilimi qanoq siulittuuteqarpa?
Siulittuummi Biibilimeersumi ‘piffissarititaasut arfineq-marluk’ eqqartorneqarput. (Danieli 4:13, 14) Paasivarput taakku naappata Guutip kunngeqarfia naalakkersuilissasoq. Ukiorpassuit tamatuma kingorna Jiisusip piffissarititaasut taakku ataatsimut ima taavai: ‘Inuiaqatigiinnut piffissarititaasoq.’ Aamma oqarpoq piffissarititaasoq tamanna suli naanngitsoq. (Lukkarsi 21:24) Piffissarititaasut arfineq-marluk 1914-imi naapput, tamannalu samminerujumaarparput.
2. 1914-imiilli nunarsuarmi pissutsit qanoq issimappat, inuillu qanoq pissuseqarsimappat?
Jiisusi ilinniartitaminit ima aperineqarpoq: “Najuunnissannut naggatissallu nalaanut suna ilisarnaataassava?” (Matiusi 24:3) Jiisusip oqaluttuuppai Guutip kunngeqarfiani kunnginngoreeruni qanoq pisoqassasoq – ilaatigut sorsuttoqartassasoq, nerisassaaleqisoqartassasoq nunalu sajuttassalluni. (Matiusi 24:7 atuarsiuk). Aamma allassimaffimmi allami siulittuutigineqarpoq inuit pissusipalaaqarnerat pissutigalugu “ulluni kingullerni pissutsit anigoruminaallutillu erloqinassasut”. (Timuutiusimut 2. 3:1-5) Tamakku tamarmik 1914-imiilli takussaalerput.
3. Guutip kunngeqarfiata naalakkersuilernerata kingorna sooq pissutsit taama ajorsitigisimappat?
Jiisusi Guutip kunngeqarfiani kunnginngorami Saatanimut anersaapilunnullu qilammi sorsuppoq. Saatanilu ajorsarami “nunarsuarmut iginneqarpoq. Aamma inngilii ilanngullugit iginneqarput”. (Saqqummersitat 12:9, 10, 12) Saatanip nalunnginnamiuk suujunnaarsitaasussaalluni kamattorsuuvoq. Taamaattumillu tupinnanngitsumik nunarsuarmi naalliuuterpassuaqarpoq. Guutilli kunngeqarfiata ajornartorsiutit tamakku tamaasa aaqqissavai.
ITISILIINEQ
Kunngeqarfiup 1914-imi naalakkersuilernera qanoq nalunngikkipput aamma tamanna uagutsinnut qanoq sunniuteqartariaqarnera misissukkit.
4. Biibilimi siulittuutigineqarpoq Guutip kunngeqarfia 1914-imi naalakkersuilissasoq
Guutip itsaq Babylonnimi kunngi Nebukadnesari siulittuutaasumik sinnattortippaa. Sinnattumit Daanialillu nassuiaataanit paasivarput Nebukadnesarip naalakkersuinera aamma Guutip kunngeqarfiata naalakkersuinera siulittuutigineqartut. – Danieli 4:14 atuarsiuk. a
Danieli 4:17-23 atuarsigit titartakkallu atorlugit apeqqutit uku eqqartorlugit:
-
(A) Nebukadnesarip suna sinnattoraa? – Versit 17 aamma 18 takukkit.
-
(B) Orpik suneqassava? – Versi 20 takuuk.
-
(C) ‘Piffissarititaasut arfineq-marluk’ naappata qanoq pisoqassava? – Versi 23 takuuk.
Orpimmik sinnattoq Guutip kunngeqarfianut qanoq attuumassuteqartoq
SIULITTUUT (Danieli 4:17-33)
Naalakkersuineq
(A) Orpissuaq
Naalakkersuiunnaarneq
(B) “Orpik kipillugu uppitissiuk … piffissarititat arfineq-marluk qaangiutserlugit”
Naalakkersueqqilerneq
(C) ‘Naalagaaffik kingumut pigilissavat’
Siulittuutip eqquunnerani siullermi …
-
(D) Orpik kimut assersuutaava? – Versi 19 takuuk.
-
(E) Sooq naalakkersuiunnaarpa? – Danieli 4:26-30 atuarsigit.
-
(F) ‘Piffissarititaasut arfineq-marluk’ naammata Nebukadnesari sua? – Danieli 4:31-33 atuarsigit.
SIULITTUUTIP EQQUUNNERA SIULLEQ
Naalakkersuineq
(D) Nebukadnesari, Babylonnimi kunngi
Naalakkersuiunnaarneq
(E) Kr.in.si. 606-ip kingorna Nebukadnesari silaaruppoq ukiunilu arfineq-marlunni naalakkersuisinnaanani
Naalakkersueqqilerneq
(F) Nebukadnesari silattoqqippoq naalakkersueqqilerlunilu
Siulittuutip eqquunnerata aappaani …
-
(G) Orpik kikkunnut assersuutaava? – Nalunaarsuutit 1. 29:23 atuarsiuk.
-
(H) Sooq naalakkersuiunnaarpat? Qanoq nalunngilarput Jiisusip nunarsuarmiinnerata nalaani suli naalakkersueqqilersimanngitsut? – Lukkarsi 21:24 atuarsiuk.
-
(I) Qanga sumilu naalakkersuisoqaqqilerpa?
SIULITTUUTIP EQQUUNNERATA AAPPAA
Naalakkersuineq
(G) Israalimi kunngit, Guutip naalakkersuineranut sinniisuusut
Naalakkersuiunnaarneq
(H) Jerusalemmip suujunnaarsinneqarnerata kingorna ukiuni 2.520-ni Israalimi Jehovap sinniisuutitaanik kunngeqanngilaq
Naalakkersueqqilerneq
(I) Jiisusi qilammi Guutip kunngeqarfiani kunnginngorpoq
Piffissarititaasut arfineq-marluk qanoq sivisutigippat?
Biibilimi allassimasut paasinerujumallugit ilaannikkut Biibilimi allassimasut allat atuartariaqartarpagut. Assersuutigalugu Saqqummersitani allassimavoq piffissat pingasut affarlu tassaasut ullut 1.260-it. (Saqqummersitat 12:6, 14) Taamaattumik taakkua marloriaataat piffissat arfineq-marluk tassaasimassapput ullut 2.520-t. Ilaannikkullu Biibilimi ulloq ukiumik naleqartinneqartarpoq. (Ezekieli 4:6) Taamaattumik piffissarititaasut arfineq-marluk Danielimik allakkani eqqaaneqartut tassaapput ukiut 2.520-t.
5. 1914-imiilli nunarsuarmi pissutsit allanngorsimapput
Jiisusi kunnginngoreeruni nunarsuarmi pissutsit qanoq innissaannik siulittuivoq. Lukkarsi 21:9-11 atuarsigit apeqqullu una eqqartorlugu:
-
Pissutsit taakkua ilaannik takunnissimavit tusagaqarlutilluunniit?
Apustilip Paulusip allaatigaa inuit naalakkersuinerisa ulluini kingullerni qanoq pissuseqartoqartassasoq. Timuutiusimut 2. 3:1-5 atuarsigit apeqqullu una eqqartorlugu:
-
Pissusilersornerit taamaattut ilisarnarpat?
6. Guutip kunngeqarfia naalakkersuimmat iliuuseqartariaqarpugut
Matiusi 24:3, 14 atuarsigit apeqqutillu uku eqqartorlugit:
-
Suliaq pingaarutilik suna Guutip kunngeqarfiata naalakkersuineranut ersiutaava?
-
Suliaq tamanna qanoq peqataaffigisinnaaviuk?
Guutip kunngeqarfia maanna naalakkersuivoq, qanittukkullu nunarsuarmut tamarmut naalakkersuilissaaq. Hebræerit 10:24, 25 atuarsigit apeqqullu una eqqartorlugu:
-
“Ulloq nalliutilermat” tamatta susariaqarpugut?
Allat iluaqutigisinnaasaannik annassutigisinnaasaannillu paasisaqaravit sunissannut kajumississutigaajuk?
APERISOQARTARPOQ: “Jehovap Nalunaajaasuisa sooq ukioq 1914 taama pingaartitsigaat?”
-
Qanoq akissavit?
EQIKKAANEQ
Biibilimi siulittuutit nunarsuarmilu pissutsit ersersippaat Guutip kunngeqarfia maanna naalakkersuisoq. Tamanna upperalugu ersersittarparput oqaluussisarnitsigut ataatsimiigiartarnitsigullu.
Uteqqiineq
-
Piffissarititaasut arfineq-marluk Danielimik allakkani siulittuutigineqartut naaneranni qanoq pisoqarpa?
-
Guutip kunngeqarfiata 1914-imi naalakkersuilersimanera sooq upperaajuk?
-
Kunngeqarfiup maanna naalakkersuinera upperalugu qanoq ersersissinnaaviuk?
NAMMINEQ MISISSUGASSATIT
Oqaluttuarisaanermik ilisimatuut allallu 1914-imi pissutsit allanngornerat pillugu allaatigisaat atuakkit.
Angutip siulittuut Matiusi 24:14-imiittoq qanoq sunnerneqaatigigaa atuaruk.
“Baseballi nuannarinerpaavara!” (Napasuliaq Alapernaarsuiffik-mi allaaserisaq)
Qanoq nalunngilarput Danieli kapitali 4-mi allassimasut Guutip kunngeqarfia pillugu siulittuutaasut?
‘Piffissarititaasut arfineq-marluk’ Danieli kapitali 4-mi eqqaaneqartut 1914-imi naasimanerannut suna uppernarsaataava?
a “Nammineq misissugassatit”-mi allaaserisat innersuussutigineqartut kingulliit marluk takukkit.
Soqutigisinnaasatit allat
APEQQUTIGINEQARTARTUT
Jehovap Nalunaajaasuisa Biibilimik pikkorissartitsinerat suugami?
Jehovap Nalunaajaasuisa Biibilimik pikkorissartitsinerat akeqanngilaq, Biibilimillu nutsigaq sunaluunniit atorsinnaavat. Aamma ilaquttatit ikinngutitilluunniit pikkorissarnermut ilaserisinnaavatit.
