LONGI DIA 32
Kintinu kia Nzambi mu Yala se Kina
Kintinu kia Nzambi kiayantika yala kuna zulu muna mvu wa 1914. Muna mvu wauna mpe e lumbu yambaninu ya ayadi a nza yayantika. Aweyi tuzayidi wo? Yambula twazaya mana masakulwa muna Bibila, mana mevangamanga mu nza ye una wina e fu ya wantu tuka muna mvu wa 1914.
1. Nkia mambu masakulwa muna Bibila?
O nkand’a Daniele wasakula vo e Kintinu kia Nzambi kiyantika yala kuna mfoko a “kolo nsambwadi.” (Daniele 4:16, 17) Muna mvu mialanda, Yesu wayikila e kolo yayi vo ‘ntangwa yasikidiswa ya zula’ ye walonga vo e kolo yayi ke yakifokokela ko. (Luka 21:24) Nze una tulongoka mu longi diadi, e kolo nsambwadi yafokoka muna mvu wa 1914.
2. Nkia mambu mevangamanga mu nza ye aweyi wina e fu ya wantu tuka muna mvu wa 1914?
Alongoki a Yesu banyuvula vo: “Nkia sinsu kisonga e ngiz’aku ye mbaninu a tandu?” (Matai 24:3) Muna mvutu zandi, Yesu wayika mambu mayingi mevangama vava keyantika yala se Ntinu a Kintinu kia Nzambi kuna zulu. Mankaka muna mambu mama i vita, mvengele ye nzakama za ntoto. (Tanga Matai 24:7.) Bibila kiasakula mpe vo, muna “lumbu yambaninu,” e zingu kia wantu ‘kiampasi’ kikala mu kuma kia fu yambi ya wantu. (2 Timoteo 3:1-5) E mambu mevangamanga mu nza ye fu yambi ya wantu yayantika wokela tuka muna mvu wa 1914.
3. E mpasi ova nza ekuma zasakila tuka Kintinu kia Nzambi kiayantikila yala?
Vava Yesu kayantika yala se Ntinu a Kintinu kia Nzambi, ke vavioka kolo ko, wanuana vita kuna zulu yo Satana ye nkuya miandi. Satana kasunda ko. Bibila kivovanga vo: “Ovetelo ova nza, e mbasi zandi zivetelo yandi kumosi.” (Lusengomono 12:9, 10, 12) Satana makasi mayingi kena mau kadi ozeye wo vo fwaswa kefwaswa. Muna kuma kiaki, otwasanga lukendalalu ye mpasi kwa wantu mu nza yawonso. E mambu mama mekutusadisanga mu bakula e kuma e mpasi zisakidi ova nza. E Kintinu kia Nzambi kifokola e mpasi zazi zawonso.
ZAYA DIAKA MANKAKA
Tala una tuzayidi wo vo Kintinu kia Nzambi kiayantika yala muna mvu wa 1914. Tala mpe una tulenda songela vo tukwikilanga vo Kintinu mu yala se kina.
4. Ungunza wa Bibila usonganga vo Kintinu kiayantika yala muna mvu wa 1914
Nzambi walotesa ndozi kwa Nebukandesa wa Ntinu a Babele. Muna ndozi yayi wansonga mambu mevangama kuna sentu. Mana tutanganga muna Bibila mu kuma kia ndozi yayi ye una Daniele kasasila yo, mesonganga vo e ndozi yayi kintinu kia Nebukandesa ye Kintinu kia Nzambi iyikanga. —Tanga Daniele 4:17. a
Tanga Daniele 4:20-26, i bosi, sadila e babu mu vana e mvutu za yuvu ilende:
-
(A) Nkia mambu Nebukandesa kamona muna ndozi kalota?—Tala e tini kia 20, 21.
-
(B) Nkia diambu dibwila o nti? —Tala e tini kia 23.
-
(C) Nkia diambu divangama kuna mfoko a “kolo nsambwadi”?—Tala e tini kia 26.
Nkia Ngwizani ina Vana Vena e Ndozi mu Kuma kia Nti ye Kintinu kia Nzambi?
UNGUNZA (Daniele 4:20-36)
Kintinu
(A) Nti wampwena
Kintinu kiyambwidi yala
(B) “Nukesa nti,” yavana “kivioka kolo nsambwadi”
Kintinu kivutulwisu
(C) “Kintinu kiaku kivutuka diaka kwa ngeye”
Muna ndungana yantete ya ungunza wau . . .
-
(D) O nti nani usunzulanga?—Tala e tini kia 22.
-
(E) Nkia ntangwa kayambula yala?—Tanga Daniele 4:29-33.
-
(F) Nkia diambu diavangama kwa Nebukandesa vava “kolo nsambwadi” yafokoka?—Tanga Daniele 4:34-36.
NDUNGANA YANTETE
Kintinu
(D) Nebukandesa, wa Ntinu a Babele
Kintinu kiyambwidi yala
(E) Kuna nima mvu wa 606 V.T.K., Nebukandesa olaukidi, oyambwidi yala mu mvu nsambwadi
Kintinu kivutulwisu
(F) Nebukandesa osasukidi ye ovutukidi yala
Muna ndungana yazole ya ungunza wau . . .
-
(G) O nti aki nani usunzulanga?—Tanga 1 Tusansu 29:23.
-
(H) Nkia ntangwa bayambula yala?
Aweyi tuzayidi wo vo yamuna kolo kina Yesu kakala ova ntoto, atinu awaya ke bayalanga ko?—Tanga Luka 21:24.
-
(I) E Kintinu kiaki, nkia ntangwa ye akweyi kiavutulwisilwa?
NDUNGANA YAZOLE
Kintinu
(G) Atinu a Isaele ana basunzulanga Kintinu kia Nzambi
Kintinu kiyambwidi yala
(H) Yerusaleme ifwasilu, atinu a Isaele bayambwidi yala mu mvu 2.520
Kintinu kivutulwisu
(I) Yesu oyantikidi yala kuna zulu se Ntinu a Kintinu kia Nzambi
E kolo nsambwadi mvu nkwa yazingila?
E sono yankaka ya Bibila ikutusadisanga mu bakula sono yankaka. Muna bonga e nona, o nkand’a Lusengomono uvovanga vo e kolo [mvu] tatu ye ndambu i 1.260 ma lumbu. (Lusengomono 12:6, 14) Ediadi disongele vo e kolo kimosi yovo mvu mosi muna ungunza, una ye lumbu 360. Ozevo, e kolo yovo mvu nsambwadi i 2.520 ma lumbu. Ezak’e ntangwa, Bibila kisadilanga o mvovo lumbu mu yika mvu. (Yezekele 4:6) Idiau nkand’a Daniele uyikanga mu kuma kia kolo nsambwadi. E kolo nsambwadi yayi, mvu 2.520 isunzulanga.
5. Tuka muna mvu wa 1914 e nza mu soba kaka ina
Yesu wasakula mambu mevangama mu nza vava kekituka se Ntinu. Tanga Luka 21:9-11, i bosi, vana e mvutu za kiuvu eki:
-
Muna mambu Yesu kasakula, nkia mambu owanga yovo mona?
Paulu wa ntumwa wayika una ukala e fu ya wantu muna lumbu yambaninu ya tuyalu twa wantu. Tanga 2 Timoteo 3:1-5, i bosi, vana e mvutu za kiuvu eki:
-
Muna fu Paulu kayika, nkia fu omonanga kwa wantu o unu?
6. Songa vo okwikilanga vo Kintinu mu yala se kina
Tanga Matai 24:3, 14, i bosi, vana e mvutu za yuvu eyi:
-
Nkia salu kiamfunu kisonganga vo Kintinu kia Nzambi mu yala se kina?
-
Aweyi olenda yikamena e salu kiaki?
Kintinu kia Nzambi mu yala se kina, fioti fisidi kiyala e nza yawonso. Tanga Ayibere 10:24, 25, i bosi, vana e mvutu za kiuvu eki:
-
Nkia diambu konso muntu mu yeto kafwete vanga e kolo ‘e lumbu kifinamanga’?
Avo ozeye diambu dilenda sadisa akaka yo kubavuluza, adieyi ofwete vanga?
AVO MUNTU UYUVUIDI VO: “Ekuma Mbangi za Yave bevovelanga vo mvu wa 1914 wamfunu?”
-
Nkia mvutu okumvana?
MAMBU MASINA MA LONGI DIADI
Ungunza wa Bibila ye mambu mevangamanga mu nza mesonganga vo Kintinu kia Nzambi mu yala se kina. Tusonganga vo tukwikilanga muna mambu mama vava tusamunanga e nsangu za Kintinu kiaki yo lungananga muna tukutakanu.
Nkia Mambu Olongokele?
-
Wauna wasakulwa muna nkand’a Daniele, nkia mambu mavangama kuna mfoko a kolo nsambwadi?
-
Nkia ziku una kiau vo Kintinu kia Nzambi kiayantika yala muna mvu wa 1914?
-
Aweyi olenda songela vo okwikilanga vo Kintinu mu yala se kina?
TALA MPE OMA MALENDE
Tala mana asoneki a tusansu ye wantu ankaka bevovanga mu kuma kia nsobani zivangamanga tuka muna mvu wa 1914.
“O Tempo em Que a Moral foi Corrompida Drasticamente” (Sikama! Abidi 2007)
Tala una ungunza wasonama muna Matai 24:14, wasobela zingu kia muntu mosi.
Aweyi tuzayidi wo vo ungunza wasonama muna kapu kia 4 kia nkand’a Daniele, Kintinu kia Nzambi uyikanga?
Adieyi disonganga vo e “kolo nsambwadi” iyikwanga muna nkand’a Daniele kapu kia 4, yafokoka muna mvu wa 1914?
a Tala malongi mole mansuka vana fintu a diambu Tala Mpe oma Malende mu longi diadi.
Nanga Oyangalela Mpe Malongi Mama
YUVU ITOMA YUVULWANGA
Ameyi Mevangamanga Muna Longi dia Bibila ye Mbangi za Yave?
Muna programa yayi ya ngovo ya longokela isadilwanga kwa Mbangi za Yave, olenda sadila kwaku konso nsekola ya Bibila. Olenda kwaku bokelesa esi nzo aku yawonso yovo akundi aku ana ozolele.
