TIMOKO 32

Timfumu tia Nzambi yâla tita yâla!

WÂ MU

Timfumu tia Nzambi mu 1914 tiabatika mu yâla ku zulu. Buna, bilumbu bia mansukina bia tuyalu twa bantu biabatika. Bwe tuzabiri wo? Tatala mbikululu, misamu na ndiatulu zisongelaka ti musamu wo wa matieleka wena.

1. Nti mbikululu za Bibila zisongelaka?

Mukanda wa Daniele wasongela ti Timfumu tia Nzambi mbo tiaketi batika mu yâla ha nsuka ya ntangu yi batâka “ntangu nsambwari.” (Daniele 4:16, 17) Ntangu yayingi ha manina, Yezu watâ ntangu yo “ntangu yi bakubikila makanda,” mpe walongesa ti ntangu yango ka yatiwila ko. (Like 21:24) Ntiana bu tukwizi wa mona, ntangu nsambwari zo zayizi wâ mu 1914.

2. Ntia misamu na ntia ndiatulu zimonekaka tûka 1914?

Milongoki mia Yezu miamuyula: “Ntia tidimbu tisongela ti nge ni hô wena na tisongela nsukunu ya nza?” (Matie 24:3, NWT) Mu hana mvutu, Yezu wazonzela misamu miaketi tûla ha manima ma ntangu yi kaketi batika mu yâla, bu kaketi bâ Mutinu wa Timfumu. Mu misamu miango mwe na mizingu, nsatu na midikutulu mia mutoto. (Tanga Matie 24:7.) Bibila mpe diatâ ti ndiatulu ya bantu mu “bilumbu bia mansukina” mbo yaketi sa ti luzingu lwabâ “mpasi mu korela.” (2 Timote 3:1-5, NWT) Misamu mio na ndiatulu yo biatomo moneka tûka 1914.

3. Mu bungu dia nti nza ye ya mbi tûka bwa batika mu yâla Timfumu tia Nzambi?

Yezu bu kayizi bâ Mutinu, ha manima, wanwana muzingu na Satana na bademo. Satana walembana muzingu. Bibila ditêle ti “bamulosa ha mutoto, mbazi zandi mpe balosa zo ha timosi na yandi.” (Nzabukusu 12:9, 10, 12, NWT) Satana nkesi ze nandi mu bungu ti zebi ti mbo bamufukisa. Ntiangu katulumunaka mpasi na mbi mu nza. Ka wena wa nzitukulu ko ti misamu miabâ mia mbi mu nza! Timfumu tia Nzambi mbo timanisa misamu mio.

YIKA NDILU

Taluzula bwe tuzabiri ti Timfumu tia Nzambi mu 1914 tiabatika mu yâla mpe bwe wuta zolo tâ mu bungu dia beto.

4. Mpila ya yôkela misamu mia Bibila, muvu wa 1914 yisongelaka

Taleno VIDEO.

VIDEO: Timfumu tia Nzambi mu 1914 tiabatika mu yâla (5:02)

Mutinu wa Babilone ya ntama, Nebukadenezare, Nzambi wamulotoso ndozi. Ndozi yango na mbangululu ya hana Daniele yisongele ti luyalu lwa Nebukadenezare na lwa Timfumu tia Nzambi yita tarila.—Tangeno Daniele 4:17. a

Tangeno Daniele 4:20-26, mpe sarila tablo mu hana mvutu mu biyuvu bita landa:

(A) Nebukadenezare nti kamona mu ndozi?—Tala verse 20 na 21.
(B) Nti biaketi tûrila muti?—Tala verse 23.
(C) Nti biaketi tûla ku nsuka ya “ntangu nsambwari”?—Tala verse 26.

Bwe ndozi ya muti yita zonzela Timfumu tia Nzambi

MBIKULULU (Daniele 4:20-36)

Luyalu

(A) Muti wa wunene

Luyalu lukabakane

(B) “Bwiseno muti,” mpe yôkeseno “ntangu nsambwari”

Luyalu bakârisi lo

(C) “Timfumu tiaku mbo tikukârila”

Mu ndungananu ya ntete ya mbikululu yo . . .

(D) Muti nani weri monekesaka?—Tala verse 22.
(E) Ntia ntangu kabika mu yâla?—Tangeno Daniele 4:29-33.
(F) Nti biatûrila Nebukadenezare ha manima ma “ntangu nsambwari”?—Tangeno Daniele 4:34-36.

NDUNGANANU YA NTETE

Luyalu

(D) Nebukadenezare, mutinu wa Babilone

Luyalu lukabakane

(E) Ha manima ma 606 N.M.B., Nebukadenezare wizi lawuka mpe mu mvula nsambwari, ka siri’â na lenda ko dia yâla

Luyalu bakârisi lo

(F) Nebukadenezare kasiri’â wa lawuka ko mpe kâriri timfumu tiandi

Mu ndungananu ya nzole ya mbikululu . . .

(G) Muti nani weri monekesaka?—Tangeno 1 Ntangu 29:23.
(H) Ntia ntangu babika mu yâla? Bwe tuzabiri ti ka beri’â yâlaka ko Yezu bu kabâ ha mutoto?—Tangeno Like 21:24.
(I) Ntia ntangu luyalu lwango bakârisa lo, mpe ntia kûma?

NDUNGANANU YA NZOLE

Luyalu

(G) Mitinu mia Israele luyalu lwa Nzambi mimonekesaka

Luyalu lukabakane

(H) Yerusaleme bamwangase yo, luyalu lwa mitinu mia Israele lukabakane mvula 2520

Luyalu bakârisi lo

(I) Yezu weka mutinu wa Timfumu tia Nzambi mpe batikiri mu yâla ku zulu

Ntangu nsambwari, ntangu zikwa zasa?

Verse zakaka za mu Bibila mbo zitubakisaka mu bakula verse zakaka. Mu tifwani, mukanda wa Nzabukusu wutêle ti ntangu zitatu na ndambu zifwanane na bilumbu 1 260. (Nzabukusu 12:6, 14) Ntangu nsambwari ni bikunku biole bia bilumbu 1 260, wuzololo tâ bilumbu 2 520. Ntangu zakaka, Bibila mbo disarillaka ntêlo ya tilumbu mu zonzela muvu. (Ezekiele 4:6) Buna ntangu nsambwari za mukanda wa Daniele zifwanane na mivu 2 520.

5. Nza yayizi soba tûka 1914

Taleno VIDEO.

VIDEO: Nza yayizi soba tûka 1914 (1:10)

Yezu wabikula misamu miaketi moneka ha manima ma ntangu yi kaketi kwizi bâ Mutinu. Tangeno Like 21:9-11, mpe zonzeleno tiyuvu eti:

Ntia misamu wayizi wâ peleko wayizi mona?

Ntumwa Paulo watâ bwe bantu baketi bâ mu bilumbu bia mansukina bia lutumu lwa bantu. Tangeno 2 Timote 3:1-5, mpe zonzeleno tiyuvu eti:

Ntia ndiatulu monaka kwe bantu lumbu ti?

6. Luyalu lwa Timfumu tia Nzambi lufweti tu tuma mu sa tima

Tangeno Matie 24:3, 14, mpe zonzeleno biyuvu ebi:

Ntia tisalu tia mfunu tisongelaka ti Timfumu tia Nzambi yâla tita yâla?
Bwe lendi sarila tisalu tiango?

Timfumu tia Nzambi yâla tita yâla, mpe tilumbu ti tituma mutoto wawansoni tieka penepene. Tangeno Bahebre 10:24, 25, mpe zonzeleno tiyuvu eti:

Muna muntu mu beto nti wufweti sa, bu tuta “mona tilumbu tieka penepene”?

Tala ti tima walongoka tilendi bakisa bantu bakaka peleko tilendi ba vûkisa, nti tifweti ku tuma wasa?

TALA TI BAKUYURIRI: “Mu bungu dia nti Mbangi za Yehova zivulu zonzelaka muvu wa 1914?”

Ngano bwe lwendi tâ?

MU BUKUFI

Mbikululu za Bibila, mpila ya yôkela misamu na misamu mia mu nza, mbo bita songela ti Timfumu tia Nzambi yâla tita yâla. Lukwikulu tusongelaka mu musamu wo, bu tusamunaka wo na bu tukwendaka ku tukutakanu twa timvuka.