KJOAʼMIYA 32

Je Chjotaxále Niná jetíbatéxoma

TINÓʼYALAI NGA ÉN

Je Chjotaxále Niná kʼiaa tsakʼétsʼiakaoni nga tsakatéxoma ya ngʼajmi nga nó 1914. Kʼoa kʼoati kʼia kitsʼiani nga tokʼoatjínsa nichxin tjíobatéxoma je chjotaxá sonʼnde. Toje tífikjetʼa nichxinle. Jómani ʼyaa. I̱ kjoaʼmiya jebi kui jchaa jmeni xi tongini kitso je Biblia, jokjimachon jngo tjíjtsa Sonʼnde kʼoa jokjimakjoan je chjota tjen nó 1914.

1. Jmeni xi tongini kitso je Biblia

Je libro xi tsʼe Daniel tongini kʼoakitso nga kʼia kʼoetsʼiakao nga koatexoma je Chjotaxále Niná nga jekjoaʼato xi “ñato nichxin” tsole Biblia (Daniel 4:16, 17). Tikuini je xi “nichxinle je chjota xi li judíojin” kitsole Jesús kʼianga tsakʼejna i̱ Sonʼnde, kʼoa kʼoakitso nga kjesa fetʼajin nichxin jebi (Lucas 21:24). Tojosʼin jchaa je xi ñato nichxin tínchja̱ni kʼiaa jetʼa nga nó 1914.

2. Jókjimachon sonʼnde kʼoa jókjimakjoan chjota saʼnda tjen nó 1914

Je chjotatjenngile Jesús i kitso: “Jmé choa̱ xi koako nga jetijnai kʼoa nga jekuichokjetʼa xi chon sonʼnde” (Mateo 24:3, TNM). Kʼoa je Jesús nkjín koya jmeni xi kisikʼaxki̱ xi koa̱n kʼianga jekoatexoma ya ngʼajmi. Tobʼelañá, kʼoakitso nga sʼe̱ kjoajchán, kjinrá kʼoa kao cháonnʼio (tʼexkiai Mateo 24:7). Je Biblia tongini kʼoakitso “nga je nichxin xi kjoetʼa kjoaʼaíná kjoañʼai xi tse” xi totʼatsʼe jmeni xi sʼin je chjota (2 Timoteo 3:1-5). Saʼnda tjen nó 1914 tíʼyale nga ñaki kʼoakjima kjoaixi.

3. Ánni sa chʼao sa chʼao kjimachonni sonʼnde josaʼnda nga tíbatéxoma je Chjotaxále Niná

Kʼianga je Rey sʼin tsakʼejna je Jesús, jngoo kjoajchán kisʼejna ya ngʼajmi. Je Jesús kiskan kao je Na̱i kʼoa kao je sénnichxin xi chʼao kjoan. Je Na̱i kisicha, je Biblia itso: “Kinikʼatjenngi ya sonʼnde, kʼoa ánkjele kitsaokao” (Apocalipsis 12:9, 10, 12). Je Na̱i nʼio jtile nga̱ be nga tojeme tjóxin. Kuinga kʼoasikji kjoañʼai tíbajngini i̱ Sonʼnde. Kʼoa kuinga kʼoasikji chʼao kjimachonni. Tonga je Chjotaxále Niná kjoaʼaxin ngayeje kjoa jebi.

KATAʼYASAI JME XI TÍNCHJA̱NI

Kataʼyala ánni kʼoabixónñá nga kʼia kitsʼiani nga tsakatéxoma je Chjotaxále Niná nga nó 1914 kʼoa jméni xi tjínnele sʼiaan nga jeʼyaa xi tʼatsʼe jebi.

4. Nga chʼasjengiaa kuentale je nó xi faʼaitʼa ya Biblia kʼoasʼin ʼyañá nga nó 1914 tsakatéxoma je Chjotaxále Niná

Chótsenlao VIDEO.

VIDEO: Je Chjotaxále Niná kʼiaa tjen tsakatéxomani nga nó 1914 (5:02)

Je nijñá xi tsakʼaile je rey Nabucodonosor, xi tsakatéxoma ya Babilonia, tjín xi kitsoyanile. Jmeni xi kitso je Daniel nga kitsoya je nijñá jebi, kui kinchja̱ni jmeni xi koan nga tsakatéxoma rey Nabucodonosor kʼoa nga koatexoma je Chjotaxále Niná. Tʼexkiao Daniel 4:17. a

Tʼexkiao Daniel 4:20-26. Xijekoa̱n, chótsenlao je sén jñani faʼaitʼa je nijñá xi tsakʼaile Nabucodonosor, kʼoa cho̱bayaño jebi:

A) Jméni je xi kisinijñále je rey Nabucodonosor (chótsenlao versículo 20 kao 21).
B) Jónikao je yá xi sínijñále (chótsenlao versículo 23).
C) Jméni xi ma nga jefetʼa xi “ñato nichxin” (chótsenlao versículo 26).

Yá xi kisinijñále Nabucodonosor kʼoa kao je Chjotaxále Niná

ÉN XI TONGINI KINOKJOA (Daniel 4:20-36)

Nga tsakatéxoma

A) Jngo yá xi síxkónkji

Nga tsín titsakatéxomani

B) “Ticháo je yá kʼoa ñato nichxin katafaʼato”

Nga tsakatéxoma ijngokʼa

C) “Tjoé ijngokʼanili xáli”

Josʼin kitjoson títjon:

D) ʼYá xi kitsoyanile je yá (chótsenlao versículo 22).
E) Kʼiá tjen tsín titsakatéxomani (tʼexkiao Daniel 4:29-33).
F) Jmé xi koanle je Nabucodonosor kʼianga jejaʼato xi “ñato nichxin” (tʼexkiao Daniel 4:34-36).

JOSʼIN KITJOSON TÍTJON

Nga tsakatéxoma

D) Nabucodonosor, reyle Babilonia

Nga tsín titsakatéxomani

E) Kʼianga jejaʼato nó 606 t. nó 1, b je Nabucodonosor koanskáyale kʼoa ñato nó nga tsín titsakatéxomani

Nga tsakatéxoma ijngokʼa

F) Je Nabucodonosor koanndayani kʼoa ijngokʼa tsakatéxomani

Josʼin kitjoson nga koanjaoni kʼa:

G) ʼYá xi kitsoyanile je yá (tʼexkiao 1 Crónicas 29:23).
H) Kʼiá tjen tsín titsakatéxomani. Jómani ʼyaa nga tsín tije tjíobatéxomani kʼianga jaʼai je Jesús i̱ Sonʼnde (tʼexkiao Lucas 21:24).
I• ) Kʼiáni tsakatéxoma ijngokʼa chjotaxá jebi.

JOSʼIN KITJOSON NGA KOANJAONI KʼA

Nga tsakatéxoma

G) Je chjota israelita xi rey sʼin tsakatio jé kitsoyanile Chjotaxále Niná

Nga tsín titsakatéxomani

H) Nga nó 607 t. nó 1, kinikjeson Jerusalén kʼoa 2,520 nó nga tsín tije ntje̱le rey xi tsakatio ya Israel tsakatéxomani

Nga tsakatéxoma ijngokʼa

I) Kʼiaa tsakʼétsʼiakaoni Jesús nga tsakatéxoma ya ngʼajmi

Jókji tse tínchja̱ni xi “ñato nichxin”

Tijé Biblia tsoyaniná nga majinná. Tobʼelañá, ya Apocalipsis kʼoatso nga 1,260 nichxin tínchja̱ni je xi jan nichxin basen (Apocalipsis 12:6, 14). Xi tsonile, je xi ñato nichxin 2,520 nichxin tínchja̱ni. Kʼoa je én xi jngo nichxin tsole Biblia, sakʼoa jngo nó tínchja̱ni (Ezequiel 4:6). Kʼoa kʼoasʼin maxki̱ je én xi tongini kinchja̱ je Daniel tʼatsʼe xi ñato nichxin: 2,520 nó bichóni.

5. Tjen nó 1914 tsʼantjaiya jokoanchon

Chótsenlao VIDEO.

VIDEO: Tjen nó 1914 tsʼantjaiya jokoanchon (1:10)

Je Jesús tongini kʼoakitso jokoa̱nchon kʼianga jekoatexoma. Tʼexkiao Lucas 21:9-11 kʼoa cho̱bayaño jebi:

Jmeni xi kitso Jesús, jñánile xi tiʼyani xkuin kʼoa jñánile xi totinoʼyai nga tíbitjoson.

Kʼianga toje tífikjetʼa nichxin nga tjíobatéxoma je chjotaxá sonʼnde, jókitso je pastro Pablo, jólakoa̱nkjoan je chjota. Tʼexkiao 2 Timoteo 3:1-5 kʼoa cho̱bayaño jebi:

Tojo tso texto jebi jñánile xi tiʼyai nga kʼoakjimakjoan je chjota.

6. Nga ʼyaa nga jetíbatéxoma je Chjotaxále Niná jmé xi tjínnele sʼiaan

Tʼexkiao Mateo 24:3, 14 kʼoa cho̱bayaño jebi:

Jmé xá xi kjima xi bakó nga jetíbatéxoma je Chjotaxále Niná.
Jmé xi tjínnele sʼiain nga kʼoati koa̱n kʼuínyasuin tsanda ji.

Jetíbatéxoma je Chjotaxále Niná kʼoa tochoasa chale nga je koanentsja je sonʼnde. Tʼexkiao Hebreos 10:24, 25 kʼoa cho̱bayaño jebi:

Jméni xi tjínnele sʼiaan nga ʼyaa nga jenroachrian nichxin.

Tsa ʼyalani jmeni xi koasenkao chjota nga tsín jme xi katamale, jmé xi sʼiain

TJÍNKʼA XI I̱ TSO: “Ánni nga nʼio síkʼaxki̱ni 1914 je testigole Jeobá”.

Jósí tsa ʼya xi kʼoakuitsoli.

XI KACHOTʼAYÁ

Je én xi tongini kinokjoa kao jmeni xi chon sonʼnde, kui bakó nga jetíbatéxoma je Chjotaxále Niná. Kʼianga ʼmiyasoán kʼoa kʼianga mangián kjoajtín bakoñá nga makjainná nga jetíbatéxoma je Chjotaxále Niná.

Jmé xi kamajinli

Jmé xi koan nga jejetʼa je xi ñato nichxin tínchja̱ni ya libro xi tsʼe Daniel.
Jómani ʼyai nga kʼianga nó 1914 tsakʼétsʼiakao nga tsakatéxoma je Chjotaxále Niná.
Jósʼin koakui nga makjainli nga jetíbatéxoma je Chjotaxále Niná.

Tʼetʼai kʼiáni kichotʼayai kjoaʼmiya jebi:

Kʼoatʼiain jebi

Kʼoatʼiain jmesa xi chali ánni nga koa̱n kʼuínyasonni Énle Niná.

Jmesa xi koa̱n sʼiain:

Jmesa xi koa̱n sʼiain