PƐ MƐDÃPIA 32

Wala La Tomiala Lɛ Gbaa Liesipia!

À DA YƐƁO PÍÉ

Wala la Tomiala e gbɛ̃ aa liesi lɛi sɛlɛ yi kɛɛ 1914 ka. A luoa lɛ miagbunu zi dɔ lie e nyɛɛ. Zi kpɛɛ lɛ kɔa yidɔa? E wɛlɛ kɛɛ 1914 mɔɔ, ko wɔ̃ lɛ Baabo a gee mɔ, zi wɔ̃ kɛkɔ lɛ a ka, ɛ̃ɛ̃ mia yiikɔ lɛ a ka pɛnɛɛ gɛ̃.

1. Mɛɛ wɔ̃ lɛ Baabo a gee mɔ lɛɛ lo kɛɛ?

Baabo kii lɛ e Danya kaa, a zɔ̃ɔ̃ kelɛ Wala la Tomialaa gã lɛɛ lo gbɛ̃ɛ̃, ye luo lɛ o si “luo salapeelɛ” aa nyɛɛ ka. (Danya 4:16, 17) Lɛ kɛɛ bunuzɛ e diea, Zizɛ a zɔ̃ɔ̃ kelɛ luo nɔ doo e kilia lɛ e “sɛlɛ gbɛɛ yimia zi luoa” kaa, ɛ̃ɛ̃ a zɔ̃ɔ̃ kelɛ luoa lɛɛ́ nyɛ nɛi. (Luu 21:24) Lɛ zi ko lo a gɛ̃ɛ a kaa, luo salapeelɛ e kilia e nyɛ kɛɛ 1914 yi.

2. E wɛlɛ kɛɛ 1914 mɔɔ, zi kpɛɛ lɛ wɔ̃ kɛkɔ wa mia yiikɔ lɛ a ka?

Zizɛ la toapiemia wa wɛĩlɔɔ kɛ: “Mɛ e lo a zɔ̃ɔ̃ kelɛ i nu luo ɛ̃ɛ̃ luo ko yaaa lienyɛ luo aa ɓɔ kɔɛ.” (Mafiu 24:3) Zizɛ a yiɓo kelɛ, wɔ̃ bunuzɛ lɛɛ lo kɛɛ, ye aa gbɛ̃ aa liesi Wala la Tomialaa ka lɛi sɛlɛ yia ka. Wɔ̃ nia do lɛ o kelɛ gele wa lɔɔ lɛɛ lo daa, ɛ̃ɛ̃ kpoula aa kã aa lo gie. (Mafiu 24:7 gee.) Baabo a gee mɔ zeĩ kelɛ mia yiikɔ lɛɛ lo kɛɓe kɛɛ mia mɔ gaga “luo leĩto luo ka.” (2 Temɔte 3:1-5) E wɛlɛ kɛɛ 1914 mɔɔ, koo wɔ̃ kɛkɔ wa mia yiikɔ nia gɛ̃ lɛ seĩ mɔ.

3. Mɛ e kɛ lɛ wɔ̃ aa kɛ yɔɔ kpokpo ɓo kpoula, e wɛlɛ luo lɛ Wala la Tomiala e gbɛ̃ aa liesia mɔ?

Lɛ Zizɛ e gbɛ̃ aa liesi Tomialaa kaa, nɔ zalea e gele ya Setɔ̃ wa la gɛɛ yɔɔ vɔ mɔ lɛi sɛlɛ yi. Zizɛ kɔ e die Setɔ̃ la. Baaboa laa gee “o wa la vɔmia seĩ kpɔ a mɔ o o duo tãã zee.” (Wɛlɛvelesɔ̃ 12:9, 10, 12) Wɔ̃ a Setɔ̃ waaa lɛ kpokpo ɓo ɓii laa yidɔ kelɛ oo lo a yisie. A mɔɔ wɔ̃ mɔɔ, laa kɛ mia waa wàa wa wɔ̃ nyɔɔ gɛ̃ kpoula lɛ seĩ mɔ. Lɛɛ gbũ ko mɔ kɛɛ ko pɛ e kɛ lɛ kpoulaa aa kɛ yɔɔ kpokpo ɓoa yima! Kɛɛ, Wala la Tomialaa lɛɛ lo wɔ̃ nia seĩ yibɛii.

A PIE FOO

Zi lɛ kɔa yidɔa kelɛ Tomialaa e gbɛ̃ aa liesi kɛɛ 1914 yi ɛ̃ɛ̃ zi lɛ laa mɔ a pie e toa ko mɔɔ gɛ̃.

4. Wɔ̃ Baabo a gee mɔɔ gã e gbɛ̃ kɛɛ 1914 yi

Ko VILOA gɛ̃.

VILO: Wala La Tomialaa E Gbɛ̃ Aa Liesi Kɛɛ 1914 Yi (5:02)

Wala e wɔ̃ lɛ e lo kɛɛ tooliezaaa zɔ̃ɔ̃ Babɛlɔu Sɛlɛ Liesimi Nibokenaza lɛɛ mɛi zɛɛ yi. Zi lɛ Danya e mɛi ɓɛ yiɓo a kaa laa zɔ̃ɔ̃ kelɛ a gbɛ̃ɛ̃ lɛ Nibokenaza la dɔ wa Wala la Tomialaa mɔ.—Danya 4:17 gee. a

Ko Danya 4:20-26 gee, ɛ̃ɛ̃ ko bĩĩa gɛ̃ kɛɛ ko wɛĩlɔɔ ni lɛ o to a piea yiɓo:

(A) Mɛɛ Nibokenaza a gɛ̃ mɛi a zɛɛ yi?—A lonipia 20 wa 21 gɛ̃.
(B) Mɛɛ wɔ̃ lɛ e lo kɛɛ yilia ka?—A lonipia 23 gɛ̃.
(C) Mɛɛ wɔ̃ lɛ e lo kɛɛ “luo salapeelɛɛ” lienyɛpia?—A lonipia 26 gɛ̃.

Mɛi Lɛ a Gbɛ̃ɛ̃ Lɛ Yilia Mɔɔ, Zi Kpɛɛ Lɛ a Gbɛ̃ɛ̃ Laa Wala la Tomialaa Mɔ

TOOLIEZAA WƆ̃ (Danya 4:20-36)

Dɔ

(A) Yili gbuoa

La dɔ e gbĩĩ-gbĩĩ

(B) “Yilia kã tãã,” ɓa to “luo salapeelɛ e die”

E la dɔ sɔlɔɓo e mɛi

(C) “Ɓa tomialaa lɛɛ lo kɛɛ ɓa pɛ ka zeĩ”

Tooliezaa wɔ̃ɔ pie wɔ̃ beĩzɛ . . .

(D) Deĩ lɛ yilia lɛ a gɔ̃ã ka?—A lonipia 22 gɛ̃.
(E) Zi kpɛɛ lɛ la dɔ e gbĩĩ-gbĩĩ a ka?—Ko Danya 4:29-33 gee.
(F) Mɛɛ wɔ̃ lɛ e kɛ Nibokenaza ka lɛ “luo salapeelɛɛ” e nyɛɛ ka?—Ko Danya 4:34-36 gee.

A PIE WƆ̃ BEĨZƐ

Dɔ

(D) Nibokenaza, Babɛlɔu Sɛlɛ Liesimi

La dɔ e gbĩĩ-gbĩĩ

(E) Lɛ 606 B.C.E. e diea, Nibokenaza wũ yi e niɛ ɛ̃ɛ̃ bɛi lɛɛ́ gbaa kɛ a mɔ e liesi kɛɛ salapeelɛ die pie

E la dɔ sɔlɔɓo e mɛi

(F) Nibokenaza e nu gbaa e die pie ɛ̃ɛ̃ e gbɛ̃ aa liesi zeĩ

Tooliezaa wɔ̃ e kea tokomɔzɛ . . .

(G) Deĩ lɛ yilia lɛ a gɔ̃ã ka?—Ko 1 Kaneko 29:23 gee.
(H) Zi kpɛɛ lɛ wa dɔɔ e gbĩĩ-gbĩĩ a ka? Zi kpɛɛ lɛ kɔa yidɔa kelɛ wa dɔɔ e kɛ tĩã e gbĩĩ-gbĩĩ ka lɛ Zizɛ e kɛ kpoula zeea ka?—Ko Luu 21:24 gee.
(I) Luo kpɛɛ lɛ o wa dɔɔ sɔlɔɓoa e mɛi ɛ̃ɛ̃ lɛ kpɛɛ mɔ?

A PIE WƆ̃ TOKOMƆZƐ

Dɔ

(G) Eezɛlɛ sɛlɛ liesimia lɛ o kɛ Wala la liesimiaka gɔ̃ã kaa

La dɔ e gbĩĩ-gbĩĩ

(H) Lɛ Zulusalɛ yi e siea, Eezɛlɛ sɛlɛ liesimia wa lisimiaka e gbĩĩ-gbĩĩ kɛɛ 2,520 pie

E la dɔ sɔlɔɓo e mɛi

(I) Zizɛ e gbɛ̃ aa liesi lɛi Wala la Tomialaa Liesimi ka

Kɛɛ wɛɛ lɛ e luo salapeelɛɛ ka?

Baaboa lɛ gbũu lɛɛ gbũ ko mɔ kɛɛ ko a lɛ ye e toa yima. A gɔ̃ã gɛ̃, Baabo kii lɛ e Wɛlɛvelesɔ̃ kaa laa gee kelɛ luo yaaka wa e legbũa lɛ lɛkpɛi 1,260 ka. (Wɛlɛvelesɔ̃ 12:6, 14) Luo yaaka wa e legbũ dakiebazɛɛ lɛ luo salapeelɛ ka. Ɛɛ̃ luo salapeelɛ e kilia, lɛ lɛkpɛi 2,520 ka. Luo gbũu kaa, Baaboa lɛɛ lɛkpɛi si kɛɛ wɛĩ. (Izikiɛ 4:6) Le e kilia yia lɛ Danya kii e wɔ̃ gee e gbɛ̃a luo salapeelɛɛ mɔɔ. A mɔɔ wɔ̃ mɔɔ, luo salapeelɛ lɛ Danya e wee a kaa—lɛ kɛɛ 2,520 ka.

5. E wɛlɛ kɛɛ 1914 mɔɔ, kpoulaa mɛ aa vɔɔ

Ko VILOA gɛ̃.

VILO: E Wɛlɛ Kɛɛ 1914 Mɔɔ, Kpoulaa Mɛ Aa Vɔɔ (1:10)

Zizɛ e zi lɛ kpoulaa e lo kɛɛa ye aa kɛ Kĩĩ kaa wɔ̃ gee mɔ. Ko Luu 21:9-11 gee, ɛ̃ɛ̃ kɛ ko wɛĩlɔɔ e kea yiɓo:

Wɔ̃ ni o kea ye kpɛɛ lɛ ɓaa gɛ̃ ɛ̃ɛ̃ lɛ ɓaa wɔ̃ ma e gbɛ̃a mɔ?

Apɔsɔlɔ Pɔɔ e zi lɛ mia kɛkɔ e lo kɛɛ a ka luo leĩto luo kaa wɔ̃ gee. Ko 2 Temɔte 3:1-5 gee, ɛ̃ɛ̃ kɛ ko wɛĩlɔɔ e kea yiɓo:

Kea yiikɔ nia ye kpɛɛ lɛ ɓa gɛ̃ mia yi pɛnɛɛ?

6. Laa mɔ Wala la Tomialaa liesi wɔ̃ e pa ko mɔ ko wɔ̃ do kɛ

Ko Mafiu 24:3, 14 gee, ɛ̃ɛ̃ kɛ ko wɛĩlɔɔ ni o kea yiɓo:

Yɛɓo kpanazɛ kpɛɛ lɛ a zɔ̃ɔ̃ kelɛ Wala la Tomialaa lɛ gbaa liesipia?
Zi kpɛɛ lɛ i bɛi daa ka yɛɓo e kea ba?

Wala la Tomialaa lɛ gbaa liesipia, ɛ̃ɛ̃ luo wá gbaa gbeĩ kɛɛ e liesi kpoulaa ka. Ko Hiibulu 10:24, 25 gee, ɛ̃ɛ̃ kɛ ko wɛĩlɔɔ e kea yiɓo:

Mɛɛ wɔ̃ lɛ laa mɔ kɔa seĩ kɔa kɛ ye kɔaa kɔa Daami zi “luoa gɛ̃ nupia kɔɛɛ ka”?

Ye ɓaa pɛ do mɛdã lɛ e bɛi gbũu mia ye o toa mɔ kɛɛ o laa, mɛɛ wɔ̃ lɛ i loa kɛɛ?

MI DO LƐƐ BƐI WƐĨLƆƆ KƐƐ: “Mɛ e kɛ lɛ Zihova la Kelavɔ o gee kelɛ 1914 lɛ kɛɛ kpanazɛ kpokpo ka?”

Ii loa gee kpɛ?

WƆ̃Ɔ WŨ

Wɔ̃ lɛ Baabo a gee mɔ lɛɛ lo kɛɛɛ, zi e kɛa e kpaa yia, wa zi lɛ kpoulaa kɛkɔ lɛ a kaa laa zɔ̃ɔ̃ kelɛ Wala la Tomialaa lɛ gbaa liesipia. Koo zɔ̃ɔ̃ kelɛ koo si wana ka ye kɔaa kɛ wɔ̃laũ yiea geepia e gbɛ̃a mɔ ɛ̃ɛ̃ kɔaa lo nukiela mɔɔ pakiemɔ yia ka.