Юмын Кугыжаныш каваште 1914 ийыште вуйлаташ тӱҥалын. Ту ийыштак еҥ-влакын вуйлатымыштын пытартыш кечыже-влак тӱҥалыныт. Кушеч ме тидым палена? Айста библийысе ончылгоч каласымаш-влакым ончен лектына, тыгак пален налына, кузе, 1914 ий гыч тӱҥалын, еҥ-влак да тӱнямбалысе условий-влак вашталтыныт.

1. Библийысе ончылгоч каласымаш-влак мом ончыктат?

Даниилын возымо библийысе книга дене келшышын, Юмын Кугыжаныш «шым пагытын» мучашыштыже вуйлаташ тӱҥалеш (Даниил 4:16, 17). Икмыняр шӱдӧ ий эртымеке, тиде «шым пагытым» Иисус Христос «чын Юмым палыдыме-влак[ын]... жапышт» манын лӱмден (Лукан 21:24). Тудын каласымыже почеш тугодым тиде жап эше пытен огыл. Шым пагыт 1914 ийыште пытен манын, ме пален налына.

2. 1914 ий гыч тӱня ден еҥ-влак кузе вашталтыныт?

Иисусын тунемшыж-влак тудын деч йодыныт: «Тыйын толметым да кызытсе курымын пытымыжым могай палдарыше пале ончыкта?» (Матфейын 24:3). А Иисус нунылан ончылгоч каласен, могай событий-влак мландыште лийыт, кунам тудо Юмын Кугыжанышын Кугыжаже семын каваште вуйлаташ тӱҥалеш. Мутлан, тудо сар, шужымаш да мланде чытырналтмаш нерген ончылгоч каласен. (Матфейын 24:7 лудын лекса.) Тыгак Библийыште каласыме дене келшышын, пытартыш кечылаште еҥ-влак нравственный шотышто чот пужлат, сандене илыш моткочак неле лиеш (2 Тимофейлан 3:1—5). Раш коеш: 1914 ий гыч тӱня ден еҥ-влак чот вашталтыныт.

3. Юмын Кугыжаныш вуйлаташ тӱҥалмеке, тӱняште илыш молан чот йӧсӧ лийын?

Иисус Юмын Кугыжанышын Кугыжаже семын вуйлаташ тӱҥалмыж деч вара Сатана да демонжо-влак дене каваште сарым тӱҥалын. Сатана тиде сарыште сеҥыме лийын. Библийыште возымо дене келшышын, Сатана суксыж-влак дене пырля мланде ӱмбаке сӱмырал шуымо лийын (Почмаш 12:9, 10, 12). Сатана чот ажгына, вет тудо пеш вашке пытарыме лиеш манын пала. Сандене тудо еҥ-влаклан шукырак осалым ыштынеже да ойгым кондынеже. Теве молан илышна тынар шуко орланымаш дене темын! Но Юмын Кугыжаныш чыла нине нелылыкым пытара.

 КЕЛГЫНРАК ШЫМЛЕН НАЛЗА

4. Библийысе ончылгоч каласымаш-влак да нунын шукталтмышт 1914 ийым палдарат

Тиде ончылгоч каласымашын икымше шукталтмаште:

• Г. Пушеҥге кӧм ончыктен? (22 почеламутым ончыза.)

• Д. Тиде кугыжан вуйлатымыже кузе чарыме лийын? (Даниил 4:29—33 лудын лекса.)

• Е. «Шым пагыт» эртымеке, Навуходоносор дене мо лийын? (Даниил 4:34—36 лудын лекса.)

Тиде ончылгоч каласымашын кокымшо шукталтмаште:

• Ж. Пушеҥге кӧм ончыктен? (1 Летопись 29:23 лудын лекса.)

• З. Нине кугыжа-влакын вуйлатымышт кузе чарыме лийын? Кунам Иисус мландыште илен, нине кугыжа-влак эше вуйлатен огытыл манын, ме кушеч палена? (Лукан 21:24 лудын лекса.)

• И. Кунам да кушто тиде вуйлатымаш угыч шогалтыме лийын?

 6. Юмын Кугыжаныш вуйлаташ тӱҥалын. Таныклымаште вийым пыштыман!

Матфейын 24:3, 14 лудын лекса да вашмутым пуыза:

• Мланде мучко эртаралтше могай паша Юмын Кугыжанышын вуйлаташ тӱҥалмыжым ончыкта?

• Те тиде пашаште кузе тыршен кертыда?

Юмын Кугыжаныш вуйлаташ тӱҥалын, да вашке тыгай кече толын шуэш, кунам тудо уло мландым вуйлаташ тӱҥалеш. Еврей-влаклан 10:24, 25 лудын лекса да вашмутым пуыза:

• «Тиде кече лишеммым» ужын, мемнан гыч кажныже мом ыштышаш?

 ТӰҤ ШОНЫМАШ

Библийысе ончылгоч каласымаш-влак да тӱнямбалысе условий-влак Юмын Кугыжанышын вуйлаташ тӱҥалмыжым ончыктат. Тидлан ӱшанымынам ончыктена, кунам весе-влаклан тидын нерген каласкалена да вашлиймашыш коштына.

Ушештарымаш

• Даниил книгаште ончылгоч каласыме «шым пагыт» эртымеке, мо лийын?

• Юмын Кугыжаныш 1914 ийыште вуйлаташ тӱҥалын манын, те молан ӱшанеда?

• Юмын Кугыжанышын вуйлаташ тӱҥалмыжлан ӱшанымыдам те кузе ончыктен кертыда?