देवाचं राज्य १९१४ या वर्षी स्वर्गात सुरू झालं. मानवांच्या राज्याचे शेवटचे दिवसही तेव्हापासूनच सुरू झाले. आपल्याला हे कसं कळतं? हे समजून घेण्यासाठी आपण बायबलच्या काही भविष्यवाण्यांवर लक्ष देऊ या. तसंच १९१४ पासून जगाच्या परिस्थितीत आणि लोकांच्या वागण्या-बोलण्यात कोणते बदल झाले आहेत तेही पाहू या.

१. बायबलच्या भविष्यवाण्यांवरून आपल्याला काय कळतं?

बायबलमधल्या दानीएलच्या पुस्तकात ‘सात काळांबद्दल’ सांगितलं होतं. त्यात असं म्हटलं होतं, की त्या सात काळांच्या शेवटी देवाचं राज्य सुरू होईल. (दानीएल ४:१६, १७) कित्येक शतकांनंतर येशूही याच काळांबद्दल बोलला. त्याने या काळांना “विदेश्‍यांसाठी ठरवलेले काळ” असं म्हटलं. त्याच्या शब्दांवरून कळतं, की तो पृथ्वीवर होता तेव्हा हे सात काळ अजून सुरूच होते. (लूक २१:२४) हे सात काळ १९१४ मध्ये संपले. याबद्दल आपण या धड्यात शिकणार आहोत.

२. जगाच्या परिस्थितीत आणि लोकांच्या वागण्या-बोलण्यात १९१४ पासून कोणता फरक दिसून आला आहे?

येशूच्या शिष्यांनी त्याला विचारलं, “तुझ्या उपस्थितीचं आणि जगाच्या व्यवस्थेच्या समाप्तीचं चिन्ह काय असेल?” (मत्तय २४:३) या प्रश्‍नाचं उत्तर देताना येशूने अशा बऱ्‍याच घटनांबद्दल सांगितलं, ज्या भविष्यात घडणार होत्या. स्वर्गात त्याचं राज्य सुरू झाल्यावर या घटना घडतील असं त्याने सांगितलं. या घटनांपैकी काही घटना म्हणजे युद्ध, दुष्काळ आणि भूकंप. (मत्तय २४:७ वाचा.) बायबलमध्ये असंही सांगितलं होतं की “शेवटच्या दिवसांत” लोकांच्या वागणुकीमुळे जगणं खूप “कठीण” होईल. (२ तीमथ्य ३:१-५) या भविष्यवाण्यांमधले शब्द खासकरून १९१४ पासून पूर्ण होताना स्पष्टपणे दिसत आहेत.

३. देवाचं राज्य सुरू झाल्यापासून परिस्थिती इतकी का बिघडली आहे?

येशू स्वर्गात देवाच्या राज्याचा राजा बनल्यानंतर लगेचच सैतान आणि त्याच्या दुष्ट स्वर्गदूतांसोबत लढला. या लढाईत सैतान हरला. बायबलमध्ये म्हटलंय, की त्याला “पृथ्वीवर फेकून देण्यात आलं, आणि त्याच्यासोबत त्याच्या दूतांनाही फेकण्यात आलं.” (प्रकटीकरण १२:९, १०, १२) सैतान आज खूप संतापलेला आहे. कारण त्याला माहीत आहे की लवकरच त्याचा नाश होणार आहे. म्हणूनच तो पृथ्वीवर वेगवेगळी संकटं आणून लोकांना त्रास देतोय. आणि त्यामुळेच आज जगाची परिस्थिती इतकी बिघडली आहे. पण देवाचं राज्य या सगळ्या समस्या काढून टाकेल आणि त्यानंतर पृथ्वीवर खूप चांगली परिस्थिती असेल.

 आणखी जाणून घेऊ या

४. बायबलच्या भविष्यवाण्यांप्रमाणे राज्य १९१४ मध्ये सुरू झालं

या भविष्यवाणीच्या पहिल्या पूर्णतेत . . .

• (४) वृक्ष कोणाला सूचित करतो?—२२ वं वचन पाहा.

• (५) त्याचं राज्य काही काळासाठी कसं थांबलं?—दानीएल ४:२९-३३ वाचा.

• (६) “सात काळ” संपल्यावर नबुखद्‌नेस्सरसोबत काय घडलं?—दानीएल ४:३४-३६ वाचा.

या भविष्यवाणीच्या दुसऱ्‍या पूर्णतेत . . .

• (७) वृक्ष कोणाला सूचित करतो?—१ इतिहास २९:२३ वाचा.

• (८) त्यांचं राज्य काही काळासाठी कसं थांबलं? येशू पृथ्वीवर होता तेव्हासुद्धा ते राज्य पुन्हा सुरू झालं नव्हतं हे आपल्याला कसं कळतं?—लूक २१:२४ वाचा.

• (९) ते राज्य कुठे आणि कधी परत सुरू झालं?

 ६. देवाच्या राज्याबद्दल समजल्यावर आपण काय केलं पाहिजे?

मत्तय २४:३, १४ वाचा, आणि मग या प्रश्‍नांवर चर्चा करा:

• कोणत्या महत्त्वाच्या कामावरून दिसून येतं की देवाचं राज्य स्वर्गात सुरू झालंय?

• तुम्ही या कामाला कसा हातभार लावू शकता?

देवाचं राज्य स्वर्गात राज्य करत आहे आणि लवकरच ते संपूर्ण पृथ्वीवरही राज्य करायला सुरुवात करेल. इब्री लोकांना १०:२४, २५ वाचा, आणि मग या प्रश्‍नावर चर्चा करा:

• “तो दिवस जसजसा जवळ येत असल्याचं आपण पाहतो” तसतसं आपल्यापैकी प्रत्येकाने काय केलं पाहिजे?

 थोडक्यात

बायबलच्या भविष्यवाण्या आणि जगाच्या परिस्थितींवरून कळतं, की देवाचं राज्य आज राज्य करत आहे. प्रचारात भाग घेऊन आणि सभांना हजर राहून आपण यावर विश्‍वास असल्याचं दाखवतो.

उजळणी

• दानीएलच्या पुस्तकात सांगितलेले सात काळ संपल्यावर काय घडलं?

• देवाचं राज्य १९१४ मध्ये सुरू झालं हे तुम्ही खातरीने का म्हणू शकता?

• देवाचं राज्य सुरू झालंय यावर तुमचा विश्‍वास आहे हे तुम्ही कसं दाखवू शकता?