TLAMACHTILI 32
¡ToTeotsij iTlanauatijkayo ya pejki tekichiua!
Ipan xiuitl 1914 toTeotsij iTlanauatijkayo pejki tekichiua iluikak. Nopa kinextik maseualmej ayokmo uejkauaskiaj tlanauatisej ipan Tlaltipaktli. ¿Kenke kiampa tikijtouaj? Ma tikitakaj tlake kiijtojtoya Biblia panoskia, tlake tlamantli mochiua ipan ni tonali uan kenijkatsa pejkej monejnemiltiaj maseualmej ipan 1914.
1. ¿Tlake kiijtok Biblia panoskia?
Ipan Biblia, ipan pilamochtsi Daniel ipa kiijtojtoya toTeotsij iTlanauatijkayo peuaskia tlanauatis kema tlamiskia tlen kitokaxtiaj “chikome xiuitl” (Daniel 4:16, 17). Teipa, Jesús nojkia kitokaxtik “tonali tlen toTeko kitlalijtok para sejkoyok euanij” ma tlanauatikaj uan kiijtok nopa tonali nojua ayamo tlamiyaya (Lucas 21:24). Ipan ni tlamachtili tikitasej kenke tikijtouaj nopa chikome xiuitl tlanki ipan 1914.
2. ¿Tlake pejki pano ipan nochi Tlaltipaktli uan kenijkatsa pejkej monejnemiltiaj maseualmej ipan 1914?
Jesús itokilijkauaj kiiljuijkej: “Xitechiljui tlachke tlaneskayotl onkas kema timokuepas uan nechkatitos para tlamis ni tonali” (Mateo 24:3). Ya kiniljuik tlake panoskia kema peuaskia tekichiuas ipan toTeotsij iTlanauatijkayo uan kiijtok onkaskia tlauilankayotl, mayantli uan mojmoliniskia tlali (xijpoua Mateo 24:7). Biblia nojkia kiijtok maseualmej amo kuali monejnemiltiskiaj ipan “itlamia tonali”, yeka nochi tlauel tlaijiyouiskiaj (2 Timoteo 3:1-5). Miakej kiitstokej ni tlamantli pejki pano ipan 1914.
3. ¿Kenke pejki mochiua tlen tlauel amo kuali kema toTeotsij iTlanauatijkayo pejki tekichiua?
Kema Jesús ya pejtoya tekichiua ipan toTeotsij iTlanauatijkayo, onkak se tlauilankayotl ipan iluikak uan Jesús kinteuik Satanás uan iajakauaj. Satanás amo tlatlanki, yeka Biblia kiijtoua “kikuamajkajkej nopa dragón ininuaya nochi iajakauaj hasta ipan Tlaltipaktli” (Apocalipsis 12:9, 10, 12). Satanás tlauel kualantok pampa kimati nechka kitsontlamiltisej, yeka kichijtok miakej maseualmej tlauel ma tlaijiyouikaj. Maske nama tlauel ouij kej tiitstokej, toTeotsij iTlanauatijkayo kitlamiltis nochi ni tlamantli.
KUALI XIMOMACHTI
Ma tikitakaj se keski tlamantli tlen kinextia toTeotsij iTlanauatijkayo pejki tekichiua ipan 1914 uan tlake moneki tijchiuasej pampa tijmatij nopa.
4. Tlajtolpanextili tlen uala ipan Biblia kinextia toTeotsij iTlanauatijkayo pejki tekichiua ipan 1914
ToTeotsij kichijki Nabucodonosor, katli uejkajkia tlanauatiyaya ipan Babilonia, ma kitemiki tlen panoskia teipa. Tlen Nabucodonosor kitemijki uan tlen Daniel kiixtonki, kinextia tlake panoskia ika Nabucodonosor itlanauatijkayo uan ika toTeotsij iTlanauatijkayo (xijpouakaj Daniel 4:17). a
Xijpouakaj Daniel 4:20-26. Teipa xikitakaj kampa kiijtoua “Nopa kuauitl tlen Nabucodonosor kitemijki uan toTeotsij iTlanauatijkayo” uan xijnankilikaj ni tlajtlanili:
-
A) ¿Tlake kitemijki Nabucodonosor? (Xikitakaj versículos 20 uan 21).
-
E) ¿Tlake kipanoskia nopa kuauitl? (Xikitakaj versículo 23).
-
I) ¿Tlake panoskia kema tlamiskia nopa “chikome xiuitl”? (Xikitakaj versículo 26).
Nopa kuauitl tlen Nabucodonosor kitemijki uan toTeotsij iTlanauatijkayo
TLAJTOLPANEXTILI (Daniel 4:20-36)
Tlanauatijkayotl
A) Se kuauitl tlen tlauel ueyi
Ayokmo tlanauatik
E) “Xijtsontekikaj nopa kuauitl” uan ma pano “chikome xiuitl”
Sampa pejki tlanauatia
I) “Sampa tijpias motlanauatijkayo”
Kej achtoui moaxitik:
-
J) ¿Ajkia kiixnextiyaya nopa kuauitl? (Xikitakaj versículo 22).
-
K) ¿Kema ayokmo tlanauatik? (Xijpouakaj Daniel 4:29-33).
-
L) ¿Tlake panok kema tlanki nopa “chikome xiuitl”? (Xijpouakaj Daniel 4:34-36).
KEJ ACHTOUI MOAXITIK
Tlanauatijkayotl
J) Nabucodonosor, katli tlanauatik ipan Babilonia
Ayokmo tlanauatik
K) Kema panok xiuitl 606 a.u.J., b Nabucodonosor uiuitixki uan chikome xiuitl ayokmo uelki tlanauatia
Sampa pejki tlanauatia
L) Nabucodonosor ayokmo uiuitixki uan sampa pejki tlanauatia
Kej moaxitik teipa:
-
M) ¿Ajkia inijuantij kinixnextiyaya nopa kuauitl? (Xijpouakaj 1 Crónicas 29:23).
-
N) ¿Kema ayokmo tlanauatijkej? ¿Kenke tikijtouaj kema Jesús itstoya ipan Tlaltipaktli ayokmo tekichiuayayaj tlanauatianij tlen Jehová kintlapejpeniyaya? (Xijpouakaj Lucas 21:24).
-
O) ¿Kanke uan kema sampa pejki tekichiua nopa Tlanauatijkayotl?
KEJ MOAXITIK TEIPA
Tlanauatijkayotl
M) Tlanauatianij tlen Israel katli kiixnextiyayaj toTeotsij iTlanauatijkayo
Ayokmo tlanauatik
N) Jerusalén kitsontlamiltijkej ipan xiuitl 607 a.u.J. uan israeleuanij ayokmo kipixkej se inintlanauatijka katli eliyaya israelejketl ipan 2,520 xiuitl
Sampa pejki tlanauatia
O) Jesús pejki tekichiua iluikak ipan toTeotsij iTlanauatijkayo ipan 1914
¿Keski uejkaua nopa chikome xiuitl?
Se keski textos tlen Biblia techpaleuia ma tijkuamachilikaj sekinok textos. Tlen kiijtoua Apocalipsis kiampa kinextia pampa nopaya kiijtoua eyi xiuitl uan tlajko uejkaua 1,260 tonali (Apocalipsis 12:6, 14). Tlaj tikompauiaj eyi xiuitl uan tlajko, eli chikome xiuitl o 2,520 tonali. Kemantika ipan Biblia kiijtoua se tonali eli kejuak se xiuitl (Ezequiel 4:6). Uajka nopa chikome xiuitl tlen kiijtoua pilamochtsi Daniel eli 2,520 xiuitl.
5. Ipan 1914 mopatlak miak tlamantli ipan Tlaltipaktli
Jesús kiijtok tlake panoskia ipan Tlaltipaktli kema ya peuaskia tekichiuas. Xijpouakaj Lucas 21:9-11 uan xijnankilikaj ni tlajtlanili:
-
¿Tlake tlamantli tlen moijtok ipan ni texto tijkaktok o tikitstok ya mochiua?
Apóstol Pablo kiijtok kenijkatsa eliskiaj maseualmej kema nechka kintsontlamiltiskiaj tlanauatianij. Xijpouakaj 2 Timoteo 3:1-5 uan xijnankilikaj ni tlajtlanili:
-
Kej kiijtoua ni texto, ¿kenijkatsa tikitstok elij maseualmej?
6. Kema tijmatij toTeotsij iTlanauatijkayo ya tekichijtok, techyololinia ma tijchiuakaj se keski tlamantli
Xijpouakaj Mateo 24:3, 14 uan xijnankilikaj ni tlajtlanili:
-
¿Tlake tlamantli tlen nama mochiua kinextia toTeotsij iTlanauatijkayo ya pejki tekichiua?
-
¿Kenijkatsa ta nojkia uelis titlapaleuis?
ToTeotsij iTlanauatijkayo ya tekichijtok uan nechka tlanauatis ipan nochi Tlaltipaktli. Xijpouakaj Hebreos 10:24, 25 uan xijnankilikaj ni tlajtlanili:
-
¿Tlake moneki tijchiuasej pampa tijmatij “monechkauia” nopa tonali?
¿Tlake tijchiuaskia tlaj tijmatiskia se tlamantli ueliskia kinpaleuis uan kinmanauis sekinok?
TLEN SEKINOK KINEKIJ KIMATISEJ: “¿Kenke Jehová itlajtoltemakauaj kiijtouaj xiuitl 1914 eli tlauel ipati?”.
-
¿Tlake titlanankiliskia?
TLEN TIMOMACHTIJKEJ
Tlajtolpanextili tlen ya moaxitik uan tlen nama moaxitia, kinextia toTeotsij iTlanauatijkayo ya tekichijtok. Kema titlajtolmoyauaj uan tiauij tlanechikoli, tijnextiaj timotemachiaj ya pejki tekichiua nopa Tlanauatijkayotl.
¿Tlake tijyekok?
-
¿Tlake panok kema tlanki nopa chikome xiuitl tlen kiijtoua pilamochtsi Daniel?
-
¿Tlake tlamantli kichiua ximotemachi toTeotsij iTlanauatijkayo pejki tekichiua ipan 1914?
-
¿Kenijkatsa uelis tijnextis timotemachia toTeotsij iTlanauatijkayo ya pejtok tekichiua?
NOJKIA XIKITA NI
Xikita kenke katli kiijkuilouaj tlen panok uejkajkia uan sekinok ixtlamatinij kiijtouaj mopatlak miak tlamantli ipan xiuitl 1914.
“Ipan nopa xiuitl maseualmej pejkej tlauel amo kuali monejnemiltiaj” (¡Xitlachixtokaj!, abril 2007)
Xikita tlake kiyololinik ma kichiua se tlakatl kema kikuamachilik tlen kiijtoua Mateo 24:14.
“Tlauel nechpaktiyaya nimauiltis béisbol” (Tlen Tematiltia, tlamachtili)
¿Kenijkatsa tijmatij nopa tlajtolpanextili tlen uala ipan capítulo 4 tlen pilamochtsi Daniel kamanalti tlen toTeotsij iTlanauatijkayo?
“¿Kema pejki tekichiua toTeotsij iTlanauatijkayo? (Tlaxeloli 1)” (Tlen Tematiltia, octubre 1, 2014)
¿Tlake tlamantli kinextia nopa “chikome xiuitl” tlen kiijtoua pilamochtsi Daniel, capítulo 4 tlanki ipan 1914?
a Ipan ni tlamachtili, xikita kampa kiijtoua “Nojkia xikita ni” uan xijpoua nopa ome tlamachtili tlen ika tlami.
b Kema tijtlaliaj a.u.J. kiijtosneki kema ayamo ualayaya Jesús. Uan y.u.J. kiijtosneki kema ya ualajtoya Jesús.
Tlen nojkia mitspaktis tikitas
TLEN KINEKIJ KIMATISEJ
¿Kenijkatsa Jehová itlajtoltemakauaj tlamachtiaj ika Biblia?
Kema Jehová itlajtoltemakauaj mitsmachtisej ika Biblia amo mitsinamasej uan uelis tijtekiuis Biblia tlen ta tijnekis. Nojkia uelis tikintlaneuis sekinok kej mochampoyouaj o mouampoyouaj.
