CIJIJO 32
Umambo hwa Mwari Huri Kutonga!
Umambo hwa Mwari hwakatanga kutonga kudenga mugore ro 1914. Ndipona pakatanga njiku jokupejisira jo utongi hwo vandhu. Tingazvizivisa kudini izvi? Ngativone zvinonanga Bhaibheri ngo pamusoro po shwiro iyi no mugariro uri kuita nyika kuvhira mugore ro 1914.
1. Ngo zvapi zvinonangwa ngo Bhaibheri?
Bhuku ra Dhanyeri rinotibesera kuzwisisa kuti Umambo hwa Mwari hwaizotanga kutonga pamukuvo wokupejisira unodanijwaya kuti ‘mukuvo munomwe.’ (Danieli 4:13, 14) Pasure po mazana no mazana o makore, Jesu wakadanija mukuvo uwu kuti “mukuvo wakagajwa wo majinja.” Iyena wakajijisazve kuti mukuvo wondhowo wainga ucito wapera. (Ruka 21:24) Inga zvatinozovona, mukuvo munomwe yaizopera mugore ro 1914.
2. Ngozvapi zviri kuitika munyika kutangira mugore ro 1914?
Vajiji va Jesu vakamuvhunjisa kudari: “Ngocapi citatijo co kuvepo kwenyu no cokupera ko nyika ino?” (Mateu 24:3) Ecidavira vajiji vake, Jesu wakananga zviro zvakawanda zvaizoitika paaizotanga kutonga kudenga inga Mambo wo Umambo hwa Mwari. Zviro izvi zvaibatanija hondo, njara no kuzungunyika ko nyika. (Verenganyi Mateu 24:7.) Bhaibheri rakanangazve ngo mugariro jaizova no vandhu “mu njiku jo kupejisira,” ngo pamusoro pazvo upenyu waizova “unonesa kucungirira.” (2 Timoti 3:1-5) Kuvhira mu gore ro 1914, zviro izvi zviri kuenderera mberi zveciengejeka.
3. Ngenyi nyika iri kuenderera mberi yecishatisisa kuvhira pakatanga kutonga Umambo hwa Mwari?
Pa mukuvo mushoma Jesu naava Mambo wo Umambo hwa Mwari, iyena wakaita hondo na Sathana no madhimoni. Pa hondo iyi Sathana wakaruza. Bhaibheri rinonanga kuti: “Irona rakakhandihwa pasi pano no ngirozi jaro jakakhandihwavo pasi pano pondhopo nairona.” (Apokaripsi 12:9, 10, 12) Sathana wakazara maningi ngo ushungu ngokuti anozviziva kuti anozoparajwa. Ndiyo ndava iyena ari kuita kuti kuve no ushati no matambujiko mu nyika yese. Ngo kudaro, mucashamaisika ngo zviro izvi zvakashata zviri kuitika munyika! Asi Umambo hwa Mwari hunozopeja zvineso izvi zvese.
NASANYI KUPSAKISISA
Psakisisanyi kuti tingazvizivisa kudini kuti Umambo hwa Mwari hwakatanga kutonga mu gore ro 1914. Vonanyizve kuti izvi zvinotindundira kuti tiitenyi.
4. Zviporofita zvo Bhaibheri zvinokhombija kuti Umambo hwa Mwari hwakatanga kutonga mu gore ro 1914
Mwari wakaita kuti Nebhukadhinezari wo ku Bhabhironi rokare, arote hope ngo pamusoro po zviro zvaizoitika kumbeji. Dhanyeri wakasanangura zvaireva hope iji, perapo hope iji jaishanda kuna Nebhukadhinezari pamwepo no Umambo hwa Mwari.—Verenganyi Danieli 4:14. a
Verenganyi Danieli 4:17-23, shandisanyi kwadhru iri pa pheji 133 kuti mudavire muvhunjo jinotevera:
-
(A) Nebhukadhinezari wakavonenyi mu hope?—Vonanyi mavhesi 17 na 18.
-
(B) Zvicinyi zvaizoitika no muti? —Vonanyi vhesi 20.
-
(C) Zvicinyi zvaizoitika pakupera ko “mukuvo munomwe”?—Vonanyi vhesi 23.
Hope ngo Pamusoro po Muti, Jakabatana Papi no Umambo hwa Mwari?
CIPOROFITA (Danieli 4:17-33)
Utongi
(A) Muti wakakura maningi
Waizoima kutonga
(B) “Wisanyi muti” mbhera “ipinde mukuvo munomwe”
Waizotangazve kutonga
(C) “Umambo hwenyu hunozongwarihwa komuri”
Kukwanirisika ko ciporofita ici . . .
-
(D) Muti uwu waimirira ani? —Vonanyi vhesi 19.
-
(E) Wakaima kutonga rini? —Verenganyi Danieli 4:26-30.
-
(F) Zvicinyi zvakaitika na Nebhukadhinezari pakupera ko “mukuvo munomwe”? —Verenganyi Danieli 4:31-33.
KUKWANIRISIKA KO KUTANGA
Utongi
(D) Nebhukadhinezari, Mambo wo Bhabhironi
Waizoima kutonga
(E) Pasure po gore ro 606 Kristu Acito Aviya, Nebhukadhinezari wakatanga kurangarira inga benji perapo aazivi kuzokwanisa kutonga pa makore manomwe
Waizotangazve kutonga
(F) Nebhukadhinezari anohwirirazve ku mugariro wake wokare no kutangazve kutonga
Pa kukwanirisika ko cipiri ko ciporofita ici . . .
-
(G) Muti waiimirira ani? —Verenganyi 1 Kronike 29:23.
-
(H) Ivona vakaima rini kutonga? Tinozvizivisa kudini kuti ivona avazivi kuenderera mberi vecitonga Jesu paainga ari pasi pano? —Verenganyi Ruka 21:24.
-
(I) Umambo uhu hwakatangazve kutonga kwapi?
KUKWANIRISIKA KO CIPIRI
Utongi
(G) Majimambo o Vaiziraeri anoimirira utongi hwa Mwari
Waizoima kutonga
(H) Jerusarema rinoparajwa, majimambo o Vaiziraeri anoima kutonga ko makore anokwana 2.520
Waizotangazve kutonga
(I) Jesu anotanga kutonga mugore inga Mambo wo Umambo hwa Mwari
Mukuvo munomwe unoimirira makore mangana?
Mativi amweni o Bhaibheri anotibesera kuzwisisa mativi amweni aro. Inga muezaniso, bhuku ra Apokaripsi rinonanga kuti mukuvo mutatu no meya ndizvona zvondhozvo kunanga kuti 1.260 o njiku. (Apokaripsi 12:6, 14) Ngo kudaro, mukuvo munomwe ikupethwa kaviri ko numero iyi, kana 2.520 o njiku. Nguva jimweni Bhaibheri rinoshandisa njiku imwe kuda kunangira gore rimwe. (Ezekieli 4:6) Ndizvonavo zvondhozvo no mukuvo munomwe unonangwa mu bhuku ra Dhanyeri. Iwona unoimirira 2.520 o makore.
5. Nyika yakacinja maningi kuvhira mugore ro 1914
Jesu wakananga ngo zviro zvaizoitika munyika pasure po kugajwa kwake inga Mambo. Verenganyi Ruka 21:9-11, perapo bhuisananyi ngo muvhunjo unotevera:
-
Ngo zvapi zviro zvamuri kuvona nyamasi uno zviri kuitika?
Mupostori Pauro wakabhuya ngo mugariro jaizova no vandhu mu mazuva okupejisira o utongi hwo vandhu. Verenganyi 2 Timoti 3:1-5, perapo bhuisananyi ngo muvhunjo unotevera:
-
Imwimwi munorangarira kuti vandhu vanomugariro iji nyamasi uno?
6. Kuziva kuti Umambo hwa Mwari huri kutonga kunotipa simba
Verenganyi Mateu 24:3, 14, perapo bhuisananyi ngo muvhunjo jinotevera:
-
Ngo rapi basa rinosisira rinokhombija kuti Umambo hwa Mwari huri kutonga?
-
Mungaitenyi kuti muitevo basa iri?
Umambo hwa Mwari hwatanga kutonga. Cimwenizve, njiku yokuti iyena atonge nyika yese ya phedo. Verenganyi Vahebheru 10:24, 25, perapo bhuisananyi ngo muvhunjo unotevera:
-
Ngo zvapi zvinodikanwa kuithwa nga umwe na umwe wedu, patinonga tecivona kuti “njiku iri kukhwedera”?
Kudari mukaziva zviro zvamungaita kuti mubesere no kuponesa vamweni, ngozvapi zvamungaita?
VANDHU VAMWENI VANGAMUVHUNJISA KUDARI: “Ngenyi Zvapupu zva Jehovha zvinogara zvecibhuya ngo pamusoro po gore ro 1914?”
-
Imwimwi maizodavirisa kudini?
ZVOTAJIJA
Zviporofita zvo Bhaibheri no zviitiko zviri munyika, zviri kukhombija kuti Umambo hwa Mwari hwakatanga kutonga. Patinonga tecicumaera no kupinda musongano tinonga tecikhombija kuti tinotenda zviitiko izvi.
Kuhwirijira
-
Bhuku ra Dhanyeri rakabhuya ngo pamusoro po mukuvo munomwe. Asi zvicinyi zvakaitika pasure po mukuvo uwu?
-
Ngo zvapi zvinomukhohwesa kuti Umambo hwa Mwari hwakatanga kutonga mugore ro 1914?
-
Mungakhombijisa kudini kuti muno cokwadi cokuti Umambo hwa Mwari hwakatanga kutonga?
ZIVANYI ZVIMWENI
Verenganyi ngo pamusoro po vatari vo zviitiko pamwepo no vamweni kuti muzwe zvavanonanga ngo ndava yo zviro zviri kuitika munyika kuvhira mugore ro 1914.
“Tsika Padzakaderera Zvinooneka” (Mukai!, wa Julho wo 2007, Cishona)
Vonanyi uporofita uri pana Mateu 24:14 kuti wakacinjisa kudini upenyu wo mwanarume umweni.
“Hapana Chimwe Chandaida Kupfuura Baseball!” (Murindiri No. 3 wo 2017, Cishona)
Tinozvizivisa kudini kuti uporofita huri pana Danieli cipauko co 4 unobhuyavo ngo pamusoro po Umambo hwa Mwari?
“Umambo hwaMwari Hwakatanga Kutonga Riini? (Divi 1)” (Murindiri, No. 1 wa Outubro wo 2014, Cishona)
Tinozvizivisa kudini kuti “mukuvo munomwe” unonangwa mu bhuku ra Danieli cipauko co 4 wakapera mugore ro 1914?
“Umambo hwaMwari Hwakatanga Kutonga Riini? (Divi 2)” (Murindiri No. 1 wa Novembro wo 2014, Cishona)
a Vonanyi musoro muviri jokupejisira jiri pa divi rinoti Zivanyi Zvimweni mucijijo ici.
