LECCIÓN 32

¡Irreinoj Dios goberna̱rojtoʼya!

XIKAKI PAN

Pan 1914 Irreinoj Dios tsi̱ntiʼ iga goberna̱roj pan el cielo. Pan inó̱n año tsi̱nti itamilis de ini̱nmej días, inó̱n kijto̱jneki iga na̱ʼya onoʼ iga los gobiernos mapoliwikan. ¿Kén tikmatij iní̱n? Pan iní̱n lección tikitas yej la Biblia kijtoj iga panowa̱ya, wan no̱ yej nemi panowa pan el mundo wan yej nemi kichi̱wa la gente desde ke tsi̱ntiʼ 1914.

1. ¿Te̱ kijtoj la Biblia iga panowa̱ya?

Pan libro yej kijkuiloj Daniel kijtowa iga Irreinoj Dios tsi̱ntiá iga goberna̱rowa̱ya kua̱ tamiá se̱ periodo yej moto̱ka̱wiá «siete tiempos» (Daniel 4:16, 17). Panoj miak años, Jesús tajtoj de ini̱nsan periodo kua̱ kijtoj «los tiempos yej kita̱lilijkej pai̱smej», wan kine̱xtij iga iní̱n periodo áya tamiá (Lucas 21:24, TNM). Nigaj tikitas iga los siete tiempos tamiʼ pan 1914.

2. ¿Te̱ nemi panowa pan el mundo wan te̱ nemi kichi̱wa la gente desde ke tsi̱nti 1914?

Idiscipulojmej Jesús kitajtankej: «¿Ké̱manya nokta yawi mochi̱wati yej tikijtoj? ¿Te̱ mo-itas kua̱ʼ tíwi̱ʼya, iwá̱n iga poliwílo̱jya nokta?» (Mateo 24:3). Jesús kijtoj komati tejté̱ yej panowa̱ya kua̱ yéj tsi̱ntiá iga gobernarowa̱ya pan el cielo ken Rey de Irreinoj Dios. Ken ejemplo, kijtoj iga onoya guerras, ta-a̱pistajtiás wan mo-olinas ta̱jli (xiktajto̱lti Mateo 24:7). La Biblia no̱ kijtoj yej la gente kichi̱was pan «itamilis de ini̱nmej días» wan iga iní̱n «amomatis te̱ yawi mochi̱wati» (2 Timoteo 3:1-5, TNM). Desde ke tsi̱nti 1914, nochi iní̱n némiya mochi̱wa.

3. ¿Té íga panotoʼya ma̱j yej aye̱kti desde ke tsi̱ntiʼ iga goberna̱roj Irreinoj Dios?

Kua̱ Jesús mochij Rey de Irreinoj Dios, tsi̱nti’ se̱ guerra pan el cielo, wan momagakej wan Satanás wan idemoniojmej. Satanás kipoloj inó̱n guerra, wan ken kijtowa la Biblia, «kipatantijkej talpan wan iyangelejmej» (Apocalipsis 12:9, 12). Satanás puxsan kuejkuesitoʼ iga kimati iga na̱ʼya onoʼ iga yawi poliwiti. Inó̱n iga kichi̱wa iga maono yej aye̱kti wan kiyo̱lmiktiá la gente. ¡Inó̱n iga panowa yej aye̱kti! Pero Irreinoj Dios kipolos nochi yej aye̱kti.

MATIMOMACHTI̱KAN MA̱J DE INÍ̱N TEMA

Matikitakan te̱ kine̱xtiá iga Irreinoj Dios tsi̱ntiʼ iga goberna̱roj pan 1914 wan matikitakan kén wel te̱pale̱wiá inó̱n.

4. Las profecías bíblicas kine̱xtiá iga tsi̱ntiʼ pan 1914

Xikitakan el VIDEO.

VIDEO: Irreinoj Dios tsi̱ntiʼ iga goberna̱roj pan 1914 (5:02)

Dios kichij iga Nabucodonosor, se̱ rey de Babilonia, makikochte̱miki tejté̱ yej panowa̱ya. Daniel kijtoj iga iní̱n yej kitemiʼ kijto̱jnekiá igobiernoj Nabucodonosor wan no̱ Irreinoj Dios (xiktajto̱ltikan Daniel 4:17). a

Xiktajto̱ltikan Daniel 4:20-26. Wan xikitakan el recuadro iga xiktajto̱lkuepakan ini̱nmej tajtanilismej:

A) ¿Te̱ kikochte̱miʼ Nabucodonosor? (Xikitakan los versículos 20 wan 21).
B) ¿Te̱ panowa̱ya wan inó̱n kuawiʼ? (Xikitakan el versículo 23).
C) ¿Te̱ panowa̱ya kua̱ matami los «siete tiempos»? (Xikitakan el versículo 26).

Weyi kuawiʼ yej kikochte̱miʼ wan Irreinoj Dios

PROFECÍA (Daniel 4:20-36)

Reinado

A) Se̱ weyi kuawiʼ

Ayagajo̱ goberna̱roj

B) «Xiktsontekikan inó̱n kuawiʼ» wan xikajte̱wakan «iga mapano siete tiempos»

Goberna̱roj seuʼ biáj

C) «Tikpiás seuʼ biáj morreinoj»

Achto cumplimiento:

D) ¿A̱ʼ yéj yawi kuawiʼ? (Xikitakan el versículo 22).
E) ¿Ke̱man kikajtej iga goberna̱roj? (Xiktajto̱ltikan Daniel 4:29-33).
F) ¿Te̱ panoj kua̱ tamiʼ los «siete tiempos»? (Xiktajto̱ltikan Daniel 4:34-36).

ACHTO CUMPLIMIENTO

Reinado

D) Nabucodonosor, rey de Babilonia

Ayagajo̱ goberna̱roj

E) Nabucodonosor locojtiaʼ después del año 606 a.e.c. b wan awel goberna̱roj siete años

Goberna̱roj seuʼ biáj

F) Nabucodonosor ye̱ʼtajla̱miki wan seu’ biáj goberna̱rowa

Yej o̱me cumplimiento:

G) ¿Aja̱ʼ yéj yawij ken kuawiʼ? (Xiktajto̱ltikan 1 Crónicas 29:23).
H) ¿Ke̱man kikajtejkej iga goberna̱rojkej? ¿Kén tikmatij iga ayá̱ goberna̱rojtoyaj kua̱ Jesús onoya pan Ta̱jli? (Xiktajto̱ltikan Lucas 21:24).
I) ¿Ka̱n wan ke̱man sej tsi̱ntiʼ iga goberna̱roj iní̱n gobiernoj?

YEJ O̱ME CUMPLIMIENTO

Reinado

G) Reyes israelitas yej Dios kita̱lij iga magoberna̱rokan

Ayagajo̱ goberna̱roj

H) Jerusalén kitatijkej pan el año 607 a.e.c.; panowa 2.520 años iga reyejmej israelitajmej ayá̱ goberna̱rowaj

Goberna̱roj seuʼ biáj

I) Jesús tsi̱nti’ iga goberna̱rowa pan el cielo ken Rey de Irreinoj Dios pan 1914

¿Ke̱ski años panoj pan los siete tiempos?

Sekin la̱j de la Biblia te̱pale̱wiá iga matikojasikan. Ken ejemplo, pan Apocalipsis kijtowa iga tres tiempos y medio yawi 1.260 días (Apocalipsis 12:6, 14). Siete tiempos yawi el doble, inó̱n iga yawi, 2.520 días. Sekin biáj, pan la Biblia, se̱ día kijto̱jneki se̱ año (Ezequiel 4:6). Iní̱n yej panowa wan los siete tiempos yej moijtowa pan ilibroj Daniel: kijto̱jneki 2.520 años.

5. Pan 1914 nochi mopata pan el mundo

Xikitakan el VIDEO.

VIDEO: Pan 1914 nochi mopata pan el mundo (1:10)

Jesús kijtoj te̱ panowa̱ya kua̱ tsi̱ntiá iga goberna̱rowa̱ya. Xiktajto̱ltikan Lucas 21:9-11, wan xitajto̱kan de iní̱n:

De yej moijtoj pan iní̱n profecía, ¿katiapa tikitaʼya o tikaguiʼ iga pano̱toʼya?

El apóstol Pablo kijtoj ken ya̱ya la gente pan itamilis ini̱nmej días. Xiktajto̱ltikan 2 Timoteo 3:1-5, wan xitajto̱kan de iní̱n:

De yej motajto̱ltij pan el texto, ¿katiapa tikita iga némiya mochi̱wa?

6. Te̱ wel tikchi̱waj iga Irreinoj Dios goberna̱rojtoʼya

Xiktajto̱ltikan Mateo 24:3, 14 wan xitajto̱kan de iní̱n:

¿Te̱ ye̱kti tekipano̱l kine̱xtiá iga Irreinoj Dios goberna̱rojtoʼya?
¿Kén wel no̱ titapale̱wiá iga mamochi̱wa inó̱n tekipano̱l?

Irreinoj Dios goberna̱rojtoʼya, wan áchisan poliwi iga magoberna̱ro no̱ya̱n la̱j. Xiktajto̱ltikan Hebreos 10:24, 25, wan xitajto̱kan de iní̱n:

¿Te̱ matikchi̱wakan «iga tikitaj iga na̱ʼya onoʼ el fin»?

Siga xikmati tejté̱ yej wel kipale̱wiá seuʼmej iga mamoma̱nawi̱kan, ¿te̱ tikchi̱waya?

YEJ SEKIN TATAJTANIJ: «¿Té íga yej tajto̱lmoya̱waj pux tajtowaj de 1914?».

¿Te̱ tikijtowa̱ya?

TE̱ TIMOMACHTIJ

Las profecías bíblicas wan nochi yej pano̱toʼ pan el mundo kine̱xtiá iga Irreinoj Dios goberna̱rojtoʼya. Wan tejeme̱n tikne̱xtiáj iga ticre̱rowaj kua̱ titajtowaj de inó̱n Reino wan kua̱ tasij pan tanechko̱lis.