LÉZIʼI 32
Léfouô Ssé né saʼa!
Léfouô Ssé la zhié lé saʼa tʉo lépwo na ngouʼ 1914. A ying ngouo fʉʼ yié mélaasé lièʼè laʼ mé lésaʼ wé pʉa mésong la zhiété. Pégé gʉo lékô ta nzsé? Pégé zsée ntchʉaté na ménkaʼa Biible, ta mboo na choum sié é né ntchʉaté ta fo 1914.
1. Ménkaʼa Biible laʼté kô?
Ŋwaʼné Ndaniè la laʼté ngié Léfouô Ssé lôôn gé zhiété lé saʼ fʉʼ yié tso métam wuié mé tong lé «métam sôôn mbʉa » né maga (Ndaniè 4:16, 17). Méngouʼ nkʉo la tchʉa, Yéeso ying toŋo wèe tam lé «yôb fʉʼ». A la ping nziʼi ngié yèe fʉʼ la gnié té mag (Loukasé 21:24). Paʼ pégé gé giè la, métam sôôn mbʉa la maga na ngouʼ 1914.
2. Akô né ntchʉaté tsèe njʉo ta fo 1914?
Mégaŋa kwo Yéeso la zaté yé ngié: «Chouŋo wég liŋé yié mé gé laʼ lôg zsé ngié o né ntoo, mboo yié a gé gʉo mé zsé ngié lièeʼ yié njʉo gé mag kououʼ» (Matio 24:3). Yéeso la waa tsôʼ, nkaʼ choum ta ngiôôn sié é gé gʉo tchʉaté fʉʼ yié a zhié lé saʼa tʉo lépwo paʼ Fouô Léfouô Ssé. Mé gôôn choum paʼ méntchou, nzhié, ngʉo tsétsaʼ lé tchʉʼʉ (toŋo Matio 24:7). Biible la ying nkaʼ ngié métsuié pʉa na «mélièʼè laʼ nzsonzém» gé laʼ gʉo léwô «kuiʼi ntʉ» (2 Timoté 3:1-5). Mé ping né ngiè sèe choum ta fo 1914.
3. Nti kô njʉo pouou né mbʉaga tèʼ ta fo fʉʼ yié Léfouô Ssé la zhiété lé saʼ?
Yéeso la wo ta ngouo Fouô Léfouô Ssé, ngouo lʉôʼ ntchou tʉo lépwo né Sata paa méssé tépong. Sata la té jʉo wèe ntchou. Biible gôôn ngié: «Mé léen nké ntsôʼô maa nou ngém ya laa pé métchʉôʼ, ndéen nké mbʉèe wôb ndoum ssé tsétsaʼ» (Ngia jʉʼ 12:9, 12). Long Sata né ngiaŋa tèʼ, nti noué a né nzsé ngié ngʉa mbʉa mé tchʉngté yé. Aa yèe ta a lôg méngégé laa méngôʼ njʉo ndoumo ssé tsétsaʼ ntsém. Ngouo a lé kʉʼʉ wégé paʼ njʉo pouou mbʉag nzuiŋôôn wô! Léfouô Ssé gé gʉo pou tʉôgô paa na mèe méngôʼ ntsém.
YING NKUIʼI NZIʼI
Giè mmo yié a gniè ngié Léfouô Ssé la zhié lé saʼ na ngouʼ 1914, mbing ngiè mmo yié a lôgô ndaʼté mbwo pégé.
4. Calcul yié a kuiété lé kouou na ngouʼ 1914
Ssé la gʉo Nabuchodonosor Fouô Mbabilonia lhié taʼ njʉoon ménkaʼa. Yèe njʉoon ŋwè mboo mmo yié a lôgô ngôôn, ayié Ndaniè la kièʼté, gniè ngié a poumté na lésaʼ Nabuchodonosor mboo na Léfouô Ssé (Toŋo Ndaniè 4:17). a
Toŋo Ndaniè 4:20-26, ndéen nké yousé tablo ndôg na mbʉè na môôn ménzaté:
-
(A) Nabuchodonosor la giè kô tsèe njʉoon wé? (lié ménkang 20 po 21).
-
(B) Akô lôôn gé tchʉaté na tʉoo? (lié nkang 23).
-
(C) «Méntam sôôn mbʉa» lôôn gé laʼ wo mag akô tchʉaté? (lié nkang 26).
Mmo yié tʉoo lôgô ndaʼté na Léfouô Ssé
NKAʼA (Ndaniè 4:20-36)
Lésaʼ
(A) Maamaa tʉoo
Mé zaʼa lésaʼ
(B) «Pi zaʼa tʉo» ngnié ta «métam sôôn mbʉa tchʉa»
Mé ying mbiŋé ntʉôg léfouô
(C) «Léfouô gé ying ping ta wo mbwo wou»
Aa na mvôg mvfo mboumté wôôn nkaʼa . . .
-
(D) Tʉoo lôôn ndaʼté wô? (lié nkang 22).
-
(E) Mé la ping nzaʼa wé lésaʼ lékô? (Toŋo Ndaniè 4:29-33).
-
(F) Kô la too na Nabuchodonosor fʉʼé «métam sôôn mbʉa» la mag? (Toŋo Ndaniè 4:34-36).
MVÔG MVFO MBOUMTÉ NKAʼA
Lésaʼ
(D) Nabuchodonosor Fouô Mbabilonia
Mé zaʼa lésaʼ
(E) Ngouʼ 606 ta mé zhié Yéeso la tchʉa, Nabuchodonosor tchʉʼʉ pʉa, a té ying nkouʼou lé saʼ wô ana méngouʼ sôôn mbʉa
Mé ying mbiŋé ntʉôg léfouô
(F) Léghié Nabuchodonosor ying nto, a ying nzhiété lé saʼ
Aa na mbôônté mboumté wôôn nkaʼa . . .
-
(G) Tʉoo lôgô ndaʼté wô? (Toŋo 1 Kronik 29:23).
-
(H) Mé la ping nzaʼa wèe lésaʼ lékô? Pégé gʉo lékô ta nzsé ngié a la ying ngouo po yé nzaaʼ fʉʼ yié Yéeso laa ndoumo ssé tsétsaʼ? (Toŋo Loukasé 21:24).
-
(I) Mé la ying mbiŋé ntʉôg sôôn léfouô siŋé? Anzôô?
MBÔÔNTÉ MBOUMTÉ NKAʼA
Lésaʼ
(G) Méfouô Israel pié é lôgô ndaʼté lésaʼ wé Ssé
Mé zaʼa lésaʼ
(H) Mé tchʉngté Yérosalém, ndôgô nzaʼa lésaʼ méfouô Israel ta méngouʼ 2 520 laʼ ntchʉa
Mé ying mbiŋé ntʉôg léfouô
(I) Yéeso zhié lé saʼa tʉo lépwo paʼ Fouô Léfouô Ssé
Ngouo mé calculé métam sôôn mbʉa lékô?
Tso ménkang Biible kuiété wégé lé jouʼ métso. Taʼ fʉʼ aa ngié, ŋwané Ngia jʉʼ gôôn ngié métam ménta né hap lôgô ngouoo mélièeʼ 1 260 (Ngia jʉʼ 12:6, 14). Métam sôôn mbʉa lôgô ngouo métam ménta né nstém ngʉa mbʉa, ndôgô ngouo mélièʼ 2 520. Aa tso fʉʼ Biible yousé taʼ lièʼè laʼ ndôg ndaʼté ta ngouʼ (Ézéchièl 4:6). Métam sôôn mbʉa mié ée tsèe ŋwaʼné Ndaniè wô pô pouʼou, é lôgô ndaʼté méngouʼ 2 520.
5. Njʉo la koubé ta fo 1914
Yéeso la kaʼ choum sié é gé gʉo tchʉaté tsèe njʉo fʉʼé a lôôn gé tchʉʼʉ Fouô. Toŋo Loukasé 21:9-11, mbing ngôôn no na yôôn nzaté:
-
A gʉa na sôôn choum, o gièe ngié sèe né mboumté?
Apootre Pôl la laʼté mmo yié pʉa gé tchʉʼʉ yèe na ménzso nzém lièʼè laʼ lésaʼ wé pʉa mésong. Toŋo 2 Timoté 3:1-5, mbing ngôôn no na yôôn nzaté:
-
Aa yèe tsuié yié o giè na pʉa lièʼôôn?
6. Lésaʼ Léfouô Ssé tsoté wégé lé gʉo tso mmo
Toŋo Matio 24:3, 14, mbing ngôôn no na môôn ménzaté:
-
Aa yèe faʼ tʉnzuing yié a gniè ngié Léfouô Ssé né saʼa?
-
Ngouo o gʉo lékô ta nnéng mou mbwo na yôôn faʼ?
Léfouô Ssé né saʼa fʉʼôôn, lièeʼ yié é gé pou saʼ ndoumo ssé tsétsaʼ ntsém né mbôônté. Toŋo Héber 10:24, 25, mbing ngôôn no na yôôn nzaté:
-
Léwô yié yèe «lièʼè laʼ né mbôônté» la, wôôwôô gwiée lé gʉo lékô?
O lôôn nziʼi tso mmo yié ngouo a kuiété ka ntsuiè tso pʉa wôô, mba o gwiée la gʉo lékô?
TSO PɄA GÔÔN NGIÉ: «Nti kô Pakuié Ntang Jéova gôôn no na 1914 tèʼ?»
-
Ngouo o tsôʼ ngié kô?
TA O ZIʼII KÔ?
Ménkaʼa Biible, ngʉo mmo yié a né ntchʉaté tsèe njʉo fʉʼôôn gniè ngié Léfouô Ssé né saʼa. Pégé gniè ngié pégé zuiŋé yèe no, ntchʉaté na lé chououng nkʉ no Léfouô Ssé mboo lé kou métchouʼté.
Ta o né nkimté?
-
Kô la tchʉaté fʉʼ yié métam sôôn mbʉa yié ŋwaʼné Ndaniè la kaʼ la mag?
-
Akô gʉo o zuing té mʉʼté ngié Léfouô Ssé la zhiété lé saʼ na 1914?
-
Ngouo o gniè lékô ngié o zuiing ngié Léfouô Ssé né saʼa fʉʼôôn?
KUIʼI FAʼ
Lié mmo yié paŋwéʼé pité paa tso pʉa gôôn na njʉo lé koubté ta fo 1914.
« Depuis quand ce déclin brutal ? » (Réveillez-vous !, avril 2007)
Nkaʼa wuié ée tsèe Matio 24:14 la koubé léwô tsoo mambaŋa.
« Jʼaimais le baseball plus que tout au monde ! » (La Tour de Garde no 3 2017)
Pégé gʉo lékô ta nzsé ngié nkaʼa wuié ée tsèe Ndaniè nkém 4 lôgô ndaʼté Léfouô Ssé?
Akô gniè ngié «métam sôôn mbʉa» mié Ndaniè nkém 4 gôôn no moo la maga na ngouʼ 1914?
a Lié mélaasé article mémbʉa mié ée na jʉʼ Kuiʼi faʼ tsaa sôôn léziʼi.
