THUTO 32

Gona Bjale Mmušo wa Modimo o a Buša!

BAPALA

Mmušo wa Modimo o thomile go buša legodimong ka 1914. Ka wona ngwaga woo go ile gwa thoma mehla ya bofelo, e lego nako yeo e bontšhago gore mebušo ya batho e kgauswi le go fedišwa. Re tseba seo bjang? A re kwe gore boporofeta bja ka Beibeleng, dilo tšeo di ilego tša direga mo lefaseng, le tsela yeo batho ba thomilego go phela ka yona, di re thuša bjang go tseba gore Mmušo wa Modimo o thomile go buša ka 1914.

1. Ke eng seo Beibele e se boletšego e sa le pele?

Puku ya Daniele e boletše e sa le pele gore Mmušo wa Modimo o be o tlo thoma go buša mafelelong a nako yeo e bitšwago “mabaka a šupago.” (Daniele 4:16, 17) Ka morago ga mengwaga e mentši, Jesu yena o ile a re nako yeo ke “dinako tše di beilwego tša ditšhaba,” e bile o ile a bolela gore nako yeo e be e sa tšwa e fela. (Luka 21:24) Thutong ye, re tlo kwa gore ke ka baka la eng re dumela gore mabaka ao a šupago a fedile ka 1914.

2. Ga e sa le go tloga ka 1914 go ile gwa direga eng mo lefaseng?

Barutiwa ba Jesu ba ile ba mmotšiša gore: “Pontšho ya go ba gona ga gago le ya bofelo bja tshepedišo ya dilo e tla ba eng?” (Mateo 24:3) Ge Jesu a be a ba araba, o ile a ba botša gore go be go tlo direga dilo tše dintši ge a thoma go buša legodimong e le Kgoši ya Mmušo wa Modimo. O ile a ba botša gore go be go tla ba le dintwa, go hlokega ga dijo, ditšhišinyego tša lefase le dilo tše dingwe tše dintši tšeo di sa kgahlišego. (Bala Mateo 24:7.) Le gona, Beibele e boletše e sa le pele gore tsela yeo batho ba bego ba tlo phela ka yona “mehleng ya bofelo,” e be e tlo dira gore bophelo bo be boima. (2 Timotheo 3:1-5) Dilo tšeo di ile tša thoma go bonagala kudu ga e sa le go tloga ka 1914.

3. Ke ka baka la eng mo lefaseng go ile gwa direga dilo tše mpe le go feta ga e sa le Jesu a thoma go buša?

Ka moragonyana ga gore Jesu a thome go buša legodimong, o ile a lwa le Sathane le batemona ba gagwe. O ile a fenya Sathane. Beibele e re: ‘Sathane o ile a lahlelwa lefaseng gomme barongwa ba gagwe ba lahlwa le yena.’ (Kutollo 12:9, 10, 12) Sathane o kwatile kudu ka gore o a tseba gore o kgauswi le go fedišwa. Ka gona, o baka mpherefere lefaseng ka moka ka go kweša batho bohloko. Ke ka baka leo lefaseng go se sa le bose. Eupša sa go thabiša ke gore Modimo o tlo fediša mathata a ka moka ao a bakilwego ke Sathane.

ITHUTE KA MO GO TSENELETŠEGO

Ekwa gore ke ka baka la eng re re Mmušo wa Modimo o thomile go buša ka 1914, le gore re ka bontšha bjang gore re a dumela gore Mmušo wa Modimo o a buša gona bjale.

4. Boporofeta bja Beibele bo bontšha gore Mmušo wa Modimo thomile go buša ka 1914

Bapala BIDIO ye.

BIDIO: Mmušo wa Modimo o Thomile go Buša ka 1914 (5:02)

Modimo o ile a dira gore Kgoši ya kua Babilona e lego Nebukadinetsara, e lore toro yeo e ilego ya mmontšha dilo tšeo di bego di sa tlo direga. Daniele o ile a hlalosa gore toro yeo e be e bolela ka mmušo wa Nebukadinetsara le Mmušo wa Modimo.—Balang Daniele 4:17. a

Balang Daniele 4:20-26, gomme le dirišeng tšhate ye go araba dipotšišo tše di latelago:

(A) Nebukadinetsara o ile a bona’ng torong ya gagwe?—Bona temana 20 le 21.
(B) Go be go tlo direga’ng ka sehlare seo a se lorilego?—Bona temana 23.
(C) Go be go tlo direga’ng ge “mabaka a šupago” a fela?—Bona temana 26.

Sehlare Seo Nebukadinetsara a se Lorilego se Tswalana Bjang le Mmušo wa Modimo?

BOPOROFETA (Daniele 4:20-36)

Mmušo

(A) Sehlare se se teleletelele

Mmušo ga o sa buša

(B) “Remang sehlare seo le se wiše . . . go fete mabaka a šupago”

Mmušo o thoma go buša gape

(C) ‘O tlo buša gape’

Ge boporofeta bjo bo be phethagala la mathomo . . .

(D) Sehlare se be se swantšhetša mang?—Bona temana 22.
(E) Nebukadinetsara o ile a tlogela go buša neng?—(Balang Daniele 4:29-33.)
(F) Go ile gwa direga’ng ka Nebukadinetsara ge go fela “mabaka a šupago”? (Balang Daniele 4:34-36.)

GE BOPOROFETA BJO BO PHETHAGALA LA MATHOMO

Mmušo

(D) Nebukadinetsara Kgoši ya Babilona

Mmušo ga o sa buša

(E) Ka morago ga ngwaga wa 606 B.C.E., Nebukadinetsara o ile a thoma go gafa gomme o ile a fetša mengwaga e šupa a sa buše

Mmušo o thoma go buša gape

(F) Nebukadinetsara o ile a fola gomme a thoma go buša gape

Ge boporofeta bjo bo phethagala la bobedi . . .

(G) Sehlare se be se swantšhetša mang?—Balang 1 Dikoronika 29:23.
(H) Dikgoši tšeo tša Isiraele di ile tša tlogela neng go buša? Re tseba bjang gore dikgoši tšeo di be di dutše di sa buše ge Jesu a be a le mo lefaseng?—Balang Luka 21:24.
(I) Mmušo wo o ile wa thoma go buša neng, le gona kae?

GE BOPOROFETA BO PHETHAGALA LA BOBEDI

Mmušo

(G) Dikgoši tša Baisiraele tšeo di emelago Pušo ya Modimo

Mmušo ga o sa buša

(H) Jerusalema e ile ya fedišwa, ke moka gwa feta mengwaga e 2 520 dikgoši tša Baisiraele di sa buše

Mmušo o thoma go buša gape

(I) Jesu o ile a thoma go buša legodimong e le Kgoši ya Mmušo wa Modimo

Mabaka a šupago ke mengwaga e mekae?

Ge re bala mangwalo a mangwe a ka Beibeleng, a re thuša gore re kwešiše mangwalo a mangwe. Ka mohlala, puku ya Kutollo e re dinako tše tharo le seripa (goba mengwaga), di lekana le matšatši a 1 260. (Kutollo 12:6, 14) Se se ra gore ka Beibeleng, ngwaga o lekana le matšatši a 360. Ka gona, go ra gore mabaka a šupago a lekana le matšatši a 2 520 (360×7). Ka dinako tše dingwe ka Beibeleng, letšatši le emela ngwaga. (Hesekiele 4:6) Bjale se se ra gore mabaka a šupago ao Daniele a boletšego ka wona, a emela mengwaga e 2 520.

5. Lefase le fetogile ga e sa le go tloga ka 1914

Bapalang BIDIO ye.

BIDIO: Ga e sa le go Tloga ka 1914 Bophelo bo Fetogile Kudu (1:10)

Jesu o ile a bolela e sa le pele ka dilo tšeo di bego di tla direga mo lefaseng ge a be a tlo thoma go buša legodimong. Balang Luka 21:9-11, gomme le boledišaneng ka potšišo e latelago:

Ke dilo dife tšeo o kilego wa di bona goba wa kwa ka tšona tšeo go bolelwago ka tšona mo lengwalong le?

Moapostola Paulo o ile a bolela gore batho ba be ba tlo ba bjang mehleng ya bofelo. Balang 2 Timotheo 3:1-5, gomme le boledišaneng ka potšišo e latelago:

Ke dilo dife tšeo o bonago batho ba di dira matšatši a, tšeo lengwalo le le bolelago ka tšona?

6. O ka bontšha bjang gore o a dumela gore Mmušo wa Modimo o a buša gona bjale?

Balang Mateo 24:3, 14, gomme le boledišaneng ka dipotšišo tše di latelago:

Ke mošomo ofe o bohlokwa wo o bontšhago gore Mmušo wa Modimo o a buša gona bjale?
Wena o ka dira’ng gore o dire mošomo wo?

Gona bjale Mmušo wa Modimo o buša legodimong, gomme e se kgale o tlo buša le mo lefaseng. Balang Baheberu 10:24, 25, gomme le boledišaneng ka potšišo e latelago:

Ka moka ga rena re swanetše go dira’ng ka ge re bona gore “letšatši le a batamela”?

O ka dira’ng ge e ba o tseba gore go na le selo seo se ka thušago batho ba bangwe le go phološa maphelo a bona?

MOTHO YO MONGWE A KA GO BOTŠIŠA GORE: “Ke ka baka la’ng Dihlatse tša Jehofa di re Jesu o thomile go buša ka 1914?”

O ka mo araba bjang?

O ITHUTILE ENG?

Boporofeta bja Beibele le dilo tšeo di diregago mo lefaseng, di bontšha gore Mmušo wa Modimo o a buša gona bjale. Ge re botša batho ka Mmušo wa Modimo e bile re eya dibokeng, re bontšha gore re a dumela gore Mmušo wa Modimo o a buša.

Dipotšišo

Go ile gwa direga’ng ge mabaka a šupago ao Daniele a ilego bolela ka wona a fela?
Ke ka baka la’ng o tshepa gore Mmušo wa Modimo o thomile go buša ka 1914?
O ka bontšha bjang gore o a dumela gore Mmušo wa Modimo o a buša gona bjale?

Re feditše go bala thuto ye ka di:

Seo o ka se dirago

Dira gore o swanelege go botša batho ditaba tše dibotse o na le phuthego.

Dilo tše dingwe:

Your other goal