PEꞌLA 32

Dxus Gobierno jxkaahn ũssa

TAKH

Dxus Gobierno jxkaajxaꞌ takhne cielute 1914, txãa paꞌka nmeh eensu fxiꞌzen ũsnetkhaꞌw. Nasa gobiernoꞌs Dxusyuꞌ pabayawana, ¿maꞌw yũuçxa jiikxthaꞌw? Txaꞌwẽy thegyaꞌ ãjaneꞌga Dxus eçaꞌ kĩh kik weꞌw nmeh eensu fxiꞌzen ũstewa.

1. ¿Dxus eçaꞌ kĩh kik weꞌw Dxus Gobiernote?

Daniel librute naꞌjĩꞌk: Dxus Gobierno jxkaajxaꞌ takhyaꞌwaꞌjna “siete tiempos” skhẽwteꞌ (Daniel 4:16, 17). Jesús weꞌwne txãa eenaꞌ nmehteyãꞌ yuuçna, nawa txãa eenyuꞌ pçuumeeyna (Lukas 21:24). Txãa siete tiempoyuꞌ 1914teꞌk pçuu.

2. ¿1914jũ nasa maꞌwta yũu?, ¿naa kiwa maꞌwka yuꞌptheꞌj?

Discipulosweꞌsxyuꞌ Jesusaꞌs paapẽyneꞌta: ¿Kĩh seenaꞌsa vxaakx nmeh een ãjaçte? (Mateo 24:3). Jesús pasçxa naꞌjĩꞌk: kĩhwa jxuka seenayuꞌ vxaana jĩk. “Wẽje enwa paꞌjana, wee seenaꞌsawa paꞌjana, ehdwa seenaꞌsa uꞌjwetxnamtee mteewa” (lẽeywe Mateo 24:7). Dxus yuwe naꞌwku weꞌwe: “Nmeh en yuuçteꞌ, en ewmeesa ũukhũukhsa paꞌjana” (2 Timoteo 3:1-5). 1914te ãçxhpkaçx seenaꞌ thẽysaçxa vxaan ũsna.

3. ¿1914 skhẽw ũste, kĩh yũuçxa txãa ewmeesaçxa vxaan ũsna?

Jesús Dxus Gobiernote jxkaajxaꞌ takhte cielute puiineꞌta Eçxthẽꞌj yakh demoniosweꞌsx yakh. Puiiniꞌsyuꞌ Eçxthẽꞌj nvxitne, Dxus yuwe naꞌjĩꞌk: “Txãa eçxthẽꞌj vxiteꞌ txãa yakh ũssa jxukaysatx naa kiwekhẽ wãataanitx yuu” (Apocalipsis 12:9, 10, 12). Eçxthẽꞌjyuꞌ seenaꞌ ũusaçxan ũsna, txãayuꞌ jiina Jeuwa pabayaꞌwatewa naa kiwete ewmeesaçxan ũsna eçxthẽꞌjpaꞌka. Nawa Dxus Gobierno naa kiwete jxuka pheuꞌjuna thẽysa fxiꞌzenisaꞌs.

WEJXKWEÇXA PIYAN UꞌJWEKA

Isateyuꞌ 1914teyuꞌ Dxus jxkaajxaꞌ takhne. Theguka, ¿maꞌw jiyukxthaꞌw? Txaꞌwẽy thegyaꞌ ãjanaꞌw, ¿kweꞌsxtxiꞌs maꞌw puꞌçxhiꞌk?

4. Dxus eçte weꞌwnisa jxũunuꞌk 1914te

Txãa VIDEUꞌS thegwe.

VIDEU: Txãa Dxus Gobiernoꞌ 1914 jxkaahya takhneꞌ (5:02)

Dxusyuꞌ Nabucodonosoraꞌs kaaksxaꞌwne, kĩh yũuyaꞌwatewa. Txãayuꞌ Babiloniate jxkaahsaꞌkyuꞌ. Txãa ksxaꞌwniꞌs Nabucodonosor gobiernoteꞌk weꞌwe. Txaꞌwẽy Dxus Gobiernoteꞌk weꞌwe (lẽeywe Daniel 4:17). a

Lẽeywe Daniel 4:20-26, txajuꞌ naa imagenweꞌsxtxiꞌs iijxũuwe, naa paapẽynisas paswaꞌj:

(1) ¿Nabucodonosor txãjx ksxaꞌwniꞌs kĩh kik uy? (Lẽeywe versículos 20 vxiteꞌ 21).
(2) ¿Fxtũ tasx kĩhka yũu? (Lẽeywe versículos 23).
(3) ¿Siete tiempos pçuuteyuꞌ kĩhka yũu? (Lẽeywe versículos 26).

Fxtũ tasxna ksxaꞌwnisa vxiteꞌ Dxus Gobiernon

DXUS EÇTE PROFECÍA (Daniel 4:20-36)

Gobierno

(1) Fxtũ tasx meh walasa

Gobierno txuhdeniꞌkyuꞌ

(2) Fxtũꞌs spẽꞌthçxa ũythãswaꞌjna

7 tiempo skhẽwte gobiernoꞌs kaasxwẽduꞌjne

(3) Kiꞌ gobernayyaꞌ ãjaneꞌga

Khwẽꞌy kxtey yuune:

(4) ¿Fxtũ tasxyuꞌ kimki? (Thegwe versículo 22).
(5) ¿Baaçxka jxkaahwaꞌjaꞌs nvxith? (Lẽeywe Daniel 4:29-33).
(6) Siete tiempos pçuuteyuꞌ, ¿Nabucodonosoraꞌs kĩhka yũu? (Lẽeywe Daniel 4:34-36).

KHWẼꞌY KXTEY YUUNE

Gobierno

(4) Nabucodonosor Babiloniate jxkaahsaꞌkyuꞌ

Gobierno txuhdeniꞌkyuꞌ

(5) Nabucodonosor 606 a.e.c. skhẽwteꞌ jxkaajxaꞌ ãjameeneꞌ wẽeçxpa yũu paꞌka

7 tiempo skhẽwte gobiernoꞌs kaasxwẽduꞌjne

(6) Nabucodonosor wẽeçxpamee yãꞌjçxa, kiꞌ jxkaajxaꞌ sxawẽdne

Jeꞌz kxtey yuunisa:

(7) ¿Txãa fxtũ tasxyuꞌ kimki? (Lẽeywe 1 Crónicas 29:23).
(8) ¿Txãaweꞌsxyuꞌ baaçxka jxkaahwaꞌjaꞌs nvxith? ¿Jesús naa kiwete ũsi jxkaahn ũsmeeneꞌ, maꞌwte jiikxthaꞌw? (Lẽeywe Lukas 21:24).
(9) ¿Mtee vxiteꞌ baaçx kik kiꞌ jxkaajxaꞌ takh?

JEꞌZ KXTEY YUUNISA

Gobierno

(7) Israelitasweꞌsxyuꞌ Dxus yaasete jxkaahaneꞌta

Gobierno txuhdeniꞌkyuꞌ

(8) Jerusalenaꞌ pçuune 607 a.e.c, açyu 2.520 años skhẽwuꞌjne israelitasweꞌsxyuꞌ jxkaajxaꞌ ãjameeneꞌta

7 tiempo skhẽwte gobiernoꞌs kaasxwẽduꞌjne

(9) Dxus Gobierno jxkaajxaꞌ takhne cielute 1914te

¿Siete tiempo makweka thẽeyuu?

Naa ejemplote wejxkwe jiyuyaꞌ puꞌçxhina Apocalipsisyuꞌ tekh tiempo pxãhtepkaçx kik weꞌwe, açyu txãa tekh tiempoyuꞌ 1.260 eençxana (Apocalipsis 12:6, 14). Açyu siete tiempoyuꞌ 2.520 eena. Dxus yuwe naꞌwku weꞌwe teeçx een jĩnisa, teeçx anxuna (Ezequiel 4:6). Txãa paꞌka Daniel libru 2.520 anxutek weꞌwe.

5. 1914 naa kiwete yuꞌptheꞌjne

Txãa VIDEUꞌS thegwe.

VIDEU: 1914te een ewmeesa paꞌjyãꞌte naa kiwete jxuka yuꞌptheꞌjne (1:10)

Jesusyuꞌ jxkaajxaꞌ takhne, kĩhçxa ptaꞌsxne naa kiwete maꞌw fxiꞌzen ũswatewa, lẽeywe Lukas 21:9-11, txajuꞌ naa paapẽynisatxis paswe:

Naa profeciate weꞌwnisa, ¿kĩhga uy?, ¿kĩhga wẽseꞌj?

Apostol Pabloyuꞌ fxiꞌjne nasaweꞌsxyuꞌ maꞌw fxiꞌzen ũsyaꞌwatewa, naa nmeh eensu. Lẽeywe 2 Timoteo 3:1-5, txajuꞌ naa paapẽynisatxis paswe:

¿Txãa texto weꞌwnisayuꞌ nasaweꞌsxyuꞌ maꞌw fxiꞌzen ũstxki?

6. Dxus Gobierno jxkaahn ũste, ¿idxyuꞌ kĩh yũuwaꞌj jiꞌphguigk?

Lẽeywe Mateo 24:3, 14, txajuꞌ naa paapẽynisatxis paswe:

Dxus Gobierno jxkaahn yãꞌj ũste, ¿kĩh kaavxaꞌjan ũski?
¿Idxaꞌ maꞌw puꞌçxhwaꞌj jiꞌphguigk?

Dxus Gobierno jxkaahn yãꞌj ũsna, walamee peejxna naa kiwete jxuka jxkaahwaꞌj. Lẽeywe Hebreos 10:24, 25, txajuꞌ naa paapẽynisatxis paswe:

¿Kweꞌsxyuꞌ kĩh yũuwaꞌj jiꞌphkxthaꞌw een ãjaçteꞌ?

Naa weꞌwnisa vxite nasatxiꞌs wala nweꞌwena, ¿idxyuꞌ kĩh yũuyaꞌ ãjaguigk?

MAII NASAWEꞌSXAꞌ NAꞌWNEꞌTA PAAPẼYĨ: “¿Kĩh yũuçxa kikh Jeuwa kaajiyuꞌjsaweꞌsxaꞌ 1914te weꞌwe?”

¿Idxyuꞌ maa jĩguigk?

¿AYTE PAꞌJ KĨHKXTHAꞌW PIYA?

Naa profecía naꞌwku weꞌwe: Dxus Gobiernoyuꞌ jxkaahn yãꞌj ũsna. Dxus Gobiernoꞌs kreĩthaꞌw, txãa paꞌka kweꞌsxyuꞌ txãꞌw kaajiyuꞌjuthaꞌw, Dxus yuweꞌs ptaꞌsxna kiꞌ txaꞌwẽy pkhakhena.