LECCIÓN 32
Taita Diosbu Gobiernoga ñami mandajun
1.914 huatabimi Diosbu Gobiernoga jahua cielobi mandai callarirca. Chai huatalladimi tucuri funchagunash callarirca, ¿imashinadi yachanchi? Cai leccionbiga Biblia ima nishcada, shinalladi huata 1.914-bi cai allpabi ima pasashcada, genteguna imashina comportarishcadashmi rricushun.
1. ¿Bibliaga ima pasanadadi huillarca?
Daniel librobiga Taita Diosbu Gobierno “siete tiempoguna” jipa mandai callarina gashcadami huillarca (Daniel 4:16, 17). Ashca huataguna jipaga, Jesusga chai tiempodami “cutishuj llactamunda gentegunabu señalashca tiempo” gashcada nirca, paiga cai tiempo narij fajtarishcadami yachachirca (Lucas 21:24). 1.914 huatabi cai siete tiempoguna tucurishcadami rricugrinchi.
2. ¿Cai allpabiga 1.914 huatamundaga imadi tucushca, shinalladi gentegunaga imashinadi comportarishca?
Jesusbu discipulogunaga cashnami tapurca: “¿Ima señalta rricushti can shamuna tiempo chayamushcada yachashun? ¿Ima horashi cashna cosasgunaga pasanga?” (Mateo 24:3). Jehová Diosbu Gobiernobi Jesús rey shina mandai callarishca jipa, cai allpabi ima pasana gashcadami huillarca. Por ejemplo, guerraguna, yarijai y terremotoguna tiyana gashcadami nirca (Mateo 24:7-da liyi). Bibliaga “tucuri funchagunabiga” gentegunabu comportamiento “llaqui y shinchi” gana gashcadami nirca (2 Timoteo 3:1-5). Huata 1.914-mundami, cai cosasgunaga clarito fajtarijushca.
3. ¿Imamundadi Taita Diosbu gobierno mandai callarishcamunda cai allpabiga ashtaun llaquiguna tiyan?
Jesús Diosbu Gobiernobi rey tucushca jipami, jahua cielobiga Satanás y paibu demoniogunaun peleanajurca. Satanasga perrdircami, chaimundami Bibliaga, “paida y paibu angelgunaundimi cai allpamun sitarca” nin (Apocalipsis 12:9, 10, 12). Satanás Diabloga paida tucuchina gashcada yachashcamundami demas colerashca gan. Chaimundami cai allpabi causaj gentegunadaga demas sufrichish llaquichijun. Chaimi cai allpabi causaiga na alli gan. Pero Jehová Diosbu Gobiernollami tucui problemagunada tucuchinga.
CAI TEMAMUNDA MÁS YACHASHUNCHI
Diosbu Gobierno 1.914 huatamunda mandai callarishcada yachash, shinalladi chai Gobierno ñucunchigunada imashina ayudajushcada rricushunchi.
4. Bibliabu profeciagunami 1.914 huatabi, Diosbu Gobierno mandai callarishcada rricuchin
Taita Diosga Babilonia llactamunda rey Nabucodonosormunmi, muscuibi shuj profeciada rricuchirca. Cai muscui ima nisha nishcadaga profeta Danielmi huillarca, chai profeciabiga Nabucodonosorbu gobiernomunda y Taita Diosbu Gobiernomundami parrlajurca (Daniel 4:17-da liyi). a
Daniel 4:20-26-da liyi. Jipaga recuadrobi tiyaj tapuigunada contestai:
-
A) ¿Nabucodonosor paibu muscuibiga imadadi rricurca? (Versículos 20 y 21-da rricui).
-
B) ¿Yuraunga imadi tucurca? (Versículo 23-da rricui).
-
C) ¿“Siete tiempoguna” pasashca jipaga imadi tucurca? (Versículo 26-da rricui).
Muscuibi rricushca yura y Diosbu Gobierno
PROFECÍA (Daniel 4:20-36)
Mandajushca tiempo
A) Shuj jatun yura
Mandana tucurishca tiempo
B) “Yurada fitish” “siete tiempoguna pasallun saquichi”
Callarishca tiempo
C) “Canbu gobiernoda cutindi japingui”
Punta fajtarishca:
-
D) ¿Yuraga pidadi rricuchirca? (Versículo 22-da rricui).
-
E) ¿Ima horadi mandanada saquirca? (Daniel 4:29-33-da liyi).
-
F) ¿“Siete tiempoguna” jipaga imadi pasarca? (Daniel 4:34-36-da liyi).
PUNTAGA NABUCODONOSORBIMI FAJTARIRCA
Mandajushca tiempo
D) Babilonia llactada, mandaj rey Nabucodonosor
Mandana tucurishca tiempo
E) Huata 606 a.e.c. b jipami Nabucodonosorga loco tucun, chaimundami siete huatagunada mandanada saquirca
Callarishca tiempo
F) Nabucodonosorga sanoyashmi cutindi mandai callarin
Jipa fajtarishca:
-
G) ¿Yuraga pigunadadi rricuchijurca? (1 Crónicas 29:23-da liyi).
-
H) ¿Ima horadi mandanada saquinajurca? ¿Jesús cai allpabi gajpi na mandanajushcadaga imashinadi yachanchi? (Lucas 21:24-da liyi).
-
I) ¿Maibi, ima horadi cai Gobiernoga mandai callarirca?
JIPAGA JEHOVÁ DIOSBU GOBIERNOBIMI FAJTARIRCA
Mandajushca tiempo
G) Israelmunda reygunaga Taita Diosbu Gobiernodami rricuchirca
Mandana tucurishca tiempo
H) 607 a.e.c. huatabimi Jerusalenga tucuchishca saquirirca; chaimundami Israelmunda reygunaga 2.520 huatagunada mandanada saquirca
Callarishca tiempo
I) 1.914 huatabimi Jesusga Taita Diosbu Gobiernobi rey shina mandai callarin
¿Siete tiempogunaga mashna tiempodi gan?
Bibliabu huaquin partegunaga cutishuj partegunadash intindillunmi ayudan. Por ejemplo, Apocalipsis librobiga quimsa huata chaupidaga 1.260 funchaguna gashcadami rricuchin (Apocalipsis 12:6, 14). Siete tiempoguna mashna gashcada yachangabuga 1.260 funchagunadami ishqui vuelta sumana ganchi. Biblia huaquinbiga shuj funchaga shuj huata gashcadami rricuchin (Ezequiel 4:6). Chaimundami Daniel librobiga siete tiempogunadaga: 2.520 huataguna gashcada rricuchin.
5. 1.914 huatabimi cai allpabi causaiga cambiai callarirca
Jesusga jahua cielobi mandai callarishca jipa, cai allpabi causai imashina gana gashcadami nirca. Lucas 21:9-11-da liyish, chaimunda parrlaichi:
-
Cai profeciagunamundaga ¿majinguna fajtarijushcada rricushcangui?
Apóstol Pabloga cai tucuri funchagunabi genteguna imashina gana gashcadami nirca. 2 Timoteo 3:1-5-da liyish, chaimunda parrlaichi:
-
Cai textogunabi rricushca shinaga cunun funchagunabi gentegunaga, ¿imashinadi comportarinajun?
6. Jehová Diosbu Gobierno ña mandajushcada yachashcamundami cutishujmun predicana ganchi
Mateo 24:3, 14-da liyish, chaimunda parrlaichi:
-
¿Taita Diosbu Gobierno ña mandajushcadaga imashinadi yachanchi?
-
¿Canbish imashinadi predicacionbi participai pudingui?
Jehová Diosbu Gobiernoga ñami jahua cielobi mandajun y cai allpadabish ñallami mandai callaringa. Hebreos 10:24, 25-da liyish, chaimunda parrlaichi:
-
¿“Diosbu funcha chayamujushcada” yachashaga imadadi rrurrana ganchi?
Can yachashcagunada cutishujgunamun compartish salvai pudishcada yachashaga, ¿imadadi rrurranguimun?
HUAQUINGUNAGA CASHNAMI TAPUN: “¿Testigo de Jehovagunaga imamundadi 1.914 huatamunda parrlan?”.
-
¿Shina tapujpiga imadadi ninguimun?
RESUMEN
Bibliabu profeciaguna y cai mundobi ima pasajushcagunada rricushmi Taita Diosbu Gobierno ña mandajushcada rricunchi. Caida crishcada rricuchingabuga Taita Diosbu Gobiernomundami predicanchi, shinalladi tandanajuigunamun rrinchi.
Repaso
-
¿Daniel librobi siete tiempogunamunda parrlashca jipaga imadi pasarca?
-
¿1.914 huatabi Taita Diosbu Gobierno mandai callarishcadaga, canga imamundadi cringui?
-
¿Taita Diosbu Gobierno ña mandajushcada tucui shungun crishcada rricuchingabuga imadadi rrurrana gangui?
ASHTAUN YACHAI
1.914 huatamunda cai mundo imashina cambiashcada huaquin estudiado genteguna ima nishcada rricui.
“La era en que los valores decayeron radicalmente” (¡Despertad!, abril de 2007)
Mateo 24:14-bi tiyaj profecía imashina cai jarida ayudashcada rricui.
¿Daniel capítulo 4-bi parrlashca profecía Diosbu Gobiernomunda parrlajushcadaga imashinadi yachanchi?
“¿Cuándo comenzó a gobernar el Reino de Dios? (Primera parte)” (La Atalaya, 1 de octubre de 2014)
Daniel capítulo 4-bi “siete tiempogunamunda” parrlashca profeciaga ¿imamundadi 1.914 huatabi fajtarirca?
“¿Cuándo comenzó a gobernar el Reino de Dios? (Segunda parte)” (La Atalaya, 1 de noviembre de 2014)
a Cai leccionbi “Ashtaun yachai” nishca partemunda tucuri ishqui partegunada liyi.
b a.e.c. Letragunaga antes de la era común nisha ninmi. Jesús cai allpamun narij shamushca huatagunadami rricuchin. Shinalladi e.c. letragunaga era común nisha ninmi. Jesús cai allpamun shamushca jipa huatagunadami rricuchin.
