32 YACHACHIKUY
¡Ñan kamachikushanña Diospa churasqan gobiernoqa!
Diospa churasqan gobiernoqa 1914 watamantapachan janaq pachapi kamachikushan. Chay watallapitaqmi kay pachapi tukukuy p’unchaykunapas qallarirqan. ¿Imaynapin chayta yachanchis? Bibliapin chaytaqa willashan, chaymantan kaypi yachasun. Yachallasuntaqmi imaynatas 1914 watamantapacha kay pachapi imayna kausaypas runakunapas cambiapurqan chaykunata.
1. ¿Imanirqanmi Biblia?
Bibliaq nisqan jina, Diospa churasqan gobiernoqa “qanchis tiempo” pasasqan qhepatan kamachikuyta qallarinan karqan (Daniel 4:16, 17). Chay qanchis tiempotan Jesusqa suticharqan “nacionkunapaq señalasqa tiempo” nispa. Jesuspa tiemponpiqa manaraqmi chay qanchis tiempoqa junt’akusqaraqchu (Lucas 21:24). Chay qanchis tiempoqa 1914 watapiñan junt’akurqan. Kunan chaymanta astawan yachasun.
2. ¿Imaynan kay pachapi kausay kashan 1914 watamantapacha?
Juj kutinmi discipulonkuna Jesusta tapurqanku: “¿Ima señalmi kanqa chayamusqayki tiempoña kashaqtin, kay tiempopas tukukapunanpaqña kashaqtin?”, nispa (Mateo 24:3). Jesusqa imaymanakuna pasanantan paykunaman willarqan, chaykunaqa kamachikuyta qallarisqan qhepamanmi pasanan karqan. Guerrakuna, yarqaykuna, terremotokuna kananmanta iman willarqan (leey Mateo 24:7). Chaymantapas Bibliaq nisqanman jinaqa “tukukuy p’unchaykunapi” runakunaqa millaytan kausananku karqan, “manchakuy sinchi sasa tiempokunan” kanan karqan (2 Timoteo 3:1-5). 1914 watamantapachan chhayna kausayqa astawanraq yapakushan.
3. ¿Imaraykun Diospa churasqan gobierno kamachikusqanmantapacha aswan millayman kausay tukupushan?
Jesús kamachikuyta qallariqtin jinan janaq pachapi guerra karqan, Jesusmi Satanaswan supaykunawan ima maqanakurqan. Chaypin Jesusqa paykunata atiparqan, jinan Satanasqa “jallp’a pachaman wijch’uykamusqa karqan, angelninkunapas paywan kuskan wijch’uykamusqa karqanku” (Apocalipsis 12:9, 10, 12). Satanaspas supayninkunapas sinchi phiñasqan kashanku. Paykunaqa yachankun pisillaña tiemponku kasqanta, chaymi kay pachapi millay kausayta q’oñirichishanku, chaywanmi llakikuypas nanaypas astawanraq yapakushan. Ichaqa Diospa gobiernonmi chaykunata chinkachipunqa.
ASTAWAN YACHASUNCHIS
¿1914 watapipunichu Diospa churasqan gobierno kamachikuyta qallarirqan? Chhaynataq chayqa, ¿imatan sapankanchis ruwananchis? Chaykunamanta astawan yachasun.
4. Bibliapiqa ñan willasqaña kasharqan 1914 watapi imakunachus pasasqanqa
Jehová Diosmi Babiloniapi kamachikuq rey Nabucodonosorman juj mosqoypi willarqan imachus jamuq tiempopi pasanan karqan chayta. Chay mosqokusqanqa paypa gobiernonmanta Diospa gobiernonmanta iman rimasharqan (leeychis Daniel 4:17). a
Leeychis Daniel 4:20-26 textota, jinaspa qatimuq willakuyniyoq dibujokunata qhawaspa jamuq tapuykunamanta parlariychis:
-
A) ¿Imatan rey Nabucodonosor mosqoyninpi rikurqan? (Qhawaychis Daniel 4:20, 21 textota).
-
B) ¿Iman chay jatunkaray sach’awan pasanan karqan? (Qhawaychis Daniel 4:23 textota).
-
C) ¿Iman pasanan karqan “qanchis tiempo” pasayta? (Qhaway Daniel 4:26 textota).
Chay jatunkaray sach’aqa Diospa gobiernonwanmi tupan
BIBLIAQ WILLASQAN (Daniel 4:20-36)
Gobiernasqan tiempo
A) Jatunkaray sach’a
Gobiernasqan sayapun
B) “Chay sach’ata wit’uychis”, “qanchis tiempon chhayna kanqa”
Jujmantan gobiernapun
C) “Jujmantan gobiernoykita chaskikapunki”
Bibliaq willasqan ñaupaq junt’akusqan:
-
D) ¿Pin karqan chay jatunkaray sach’a? (Qhawaychis Daniel 4:22 textota).
-
E) ¿Jayk’aqmi gobiernasqan sayapurqan? (Leeychis Daniel 4:29-33 textokunata).
-
F) ¿Iman rey Nabucodonosorwan pasarqan “qanchis tiempo” tukuyta? (Leeychis Daniel 4:34-36 textota).
BIBLIAQ WILLASQAN ÑAUPAQ JUNT’AKUSQAN
Gobiernasqan tiempo
D) Nabucodonosor Babiloniapi rey kasqan
Gobiernasqan sayapun
E) Nabucodonosor locoman tukupun, 606 (m.J.j) b wata qhepaman qanchis wata mana kamachikuyta atinchu
Jujmantan gobiernapun
F) Qanchis wata pasasqan qhepaman Nabucodonosor jujmanta rey kapun
Bibliaq willasqan iskay kaq kutipi junt’akusqan:
-
G) ¿Pikunan karqanku chay jatunkaray sach’a jina? (Leeychis 1 Crónicas 29:23).
-
H) ¿Jayk’aqkaman chay reykuna kamachikurqanku? ¿Kamachikusharqankuchu Jesuspa tiemponpi chay reykuna? (Leeychis Lucas 21:24).
-
I) ¿Jayk’aqñan Diospa churasqan rey kamachikuyta qallarirqan? ¿Maypin kamachikuyta qallarirqan?
BIBLIAQ WILLASQAN ISKAY KAQ KUTIPI JUNT’AKUSQAN
Gobiernasqan tiempo
G) Diospa churasqan Israel reykunaq kamachikusqan
Gobiernasqan sayapun
H) Jerusalén 607 watapi (m.J.j) thunisqa kapun. Diospa churasqan reykunaq kamachikusqan 2520 watakuna junt’akunankama sayapun
Jujmantan gobiernapun
I) Jesús 1914 watapi janaq pachapi kamachikuyta qallarin
¿Jayk’ataq qanchis tiempori?
Chayta allinta entiendenapaqqa Bibliapi kaq wakin textokunatan allinta t’aqwinanchis. Apocalipsis qelqapi nisqan jina, kinsa tiempo partenqa 1.260 p’unchaykunan (Apocalipsis 12:6, 14). Chhaynaqa qanchis tiempoqa 2.520 p’unchaykunan. Ichaqa, mayninqa Bibliapi juj p’unchaymanta rimaspaqa juj watamantan rimashan (Ezequiel 4:6). Chhaynan Daniel libropi willasqan “qanchis tiempowanpas”, chaypiqa 2.520 watakunamantan rimashan.
5. Tukuy imapas 1914 watamantapachan cambiapurqan
Jesús kamachikuyta qallariqtinqa imaymanakunan pasanan karqan. Leeychis Lucas 21:9-11 textota, jinaspa jamuq tapuykunaman jina parlariychis:
-
Qhawarisqaykiman jina, ¿chaypi willasqanmanta mayqenkunan junt’akushan? ¿Mayqenkunamantan rimaqta uyarirqanki?
Apóstol Pablopas willarqanmi imaynas kay tukukuy p’unchaykunapi runakuna kananku karqan chayta. Leeychis 2 Timoteo 3:1-5 textota, jinaspa jamuq tapuyman jina parlariychis:
-
Rikusqaykiman jina, ¿junt’akushanchu chay willasqan icha manachu?
6. Ñataq Diospa churasqan gobierno kamachikushanña chayqa, ¿imatan ruwananchis?
Leeychis Mateo 24:3, 14 textota, jinaspa jamuq tapuyman jina parlariychis:
-
¿Ima jatun llank’aytan Diospa gobiernon kay pachantinpi aparichishan?
-
¿Imatan ruwawaq chay llank’aypi yanapakunaykipaq?
Diospa churasqan gobiernoqa ñan janaq pachapiqa kamachikushanña, pisi tiempollamantan llapan kay pachatapas kamachimunqa. Leeychis Hebreos 10:24, 25 textota, jinaspa jamuq tapuyman jina parlariychis:
-
“Diospa p’unchaynin cercapiñataq kashan chayqa”, ¿imata ruwananchispaqmi kallpachakunanchis?
Bibliaq willasqanqa salvanmanmi runakunaq vidanta, chhaynaqa ¿imaynatan runamasiykikunata yanapawaq?
WAKIN RUNAKUNAN NINKU: “¿Imaraykun Jehová Diospa testigonkuna 1914 watamanta rimallankupuni?”, nispa.
-
¿Imaniwaqtaq chaymanta?
IMATAN YACHAMURQANCHIS
Diospa churasqan gobiernoqa ñan kamachikushanña, chaytan rikuchin Bibliapi askha profeciakuna. Chay gobiernota apoyananchispaqqa lliu runamanmi willamunanchis, chaymantapas manan juñunakuykunaman faltakunanchischu.
Yuyarisun
-
¿Imakunan pasarqan Danielpa willasqan “qanchis tiempo” junt’akuqtin?
-
Diospa gobiernonqa 1914 watapin kamachikuyta qallarirqan, ¿creenkichu chaypi? ¿Imarayku?
-
¿Imata ruwaspan apoyawaq Diospa gobiernonta?
ASTAWAN YACHANAYKIPAQ
Allin yachayniyoq runakunaq nisqanman jina, kay pachapi kausayqa 1914 watamantapachan nishutapuni cambiapurqan. Chaymanta astawan yachanaykipaq kay qelqata leey.
“Chay watamantapachan runaq vidanqa astawan waqllipurqan” (¡Rijch’ariy!, 2007 watapi abril killa)
¿Imatan juj runa ruwarqan Mateo 24:14 textopi willasqanmanta yachaspa? Chaymantan kay qelqapi yachanki.
“Nishutan gustawaq béisbol pujllay” (Qhawaq, 2017 watapi núm. 3)
Daniel libropi tawa capitulopi willasqan ¿Diospa gobiernonmantachu rimashan? Chaymantan kay qelqapi yachanki.
“¿Jayk’aqmi Diospa gobiernon kamachikuyta qallarirqan?” (juj parte) (Qhawaq, 2014 watapi 1 octubre)
¿1914 watapichu junt’akurqan Bibliaq willasqan “qanchis tiempo” nisqa? Chaymantan kay qelqapi yachanki.
b m.J.j letrakunaqa manaraq Jesús jamushaqtin ninantan nin; J.j.qh letrakunataq Jesuspa jamusqan qhepaman ninanta nin.
Astawan yachanaykipaq
SAPA KUTILLA TAPUKUSQANKU
¿Imaynatan Jehová Diospa testigonkuna Bibliamanta yachachinku?
Jehová Diospa testigonkunawan Bibliata estudiaspaqa, munasqayki Bibliawanmi estudiawaq. Chaymantapas llapa familiaykita amigoykikunata iman invitawaq. Chayqa manan qolqepaqchu.
