32 YACHANA PARTI
Diospa Gobiernoga ñami mandaun
1914 huataibi Diospa Gobierno cieloibi mandangahua callarira. Chi huatallaitami, runa gobierno tucurina punzhaguna callarira. Caitaga, imasata yachanchi. Punda, Biblia ima nishcata ricushun. Huasha, 1914 huatamanda cai munduibi ima tucushcata, runaguna imashina causashcata ricushun.
1. Bibliaga ima tucungaraushcatata nira
Daniel libroga rimarami, Diospa Gobierno “canzhis timpuguna” pasashca huasha mandangahua callaringaraushcata (Daniel 4:16, 17). Ashca huataguna huasha, Jesusca cai timpumanda rimasha, “mana Israel runaguna Jerusalen llactata binsisha paiguna mandana uras” man nira. Chasnallata, chi timpu mana tucurishcachu nishami yachachira (Lucas 21:24). Canzhis timpuga, 1914 huataibi tucurishcata ricushunchi.
2. 1914 huatamanda, cai munduibi imata tucushca. Runagunaga ima tunu causaitata charishcauna
Jesusta caticcuna paita tapunaura: ʻCai mundu tucuriushcai, can shamuna uras pactariupiga, ima tunuta ricuringaraunʼ (Mateo 24:3). Jesusca, Diospa Gobiernoibi mandangahua callarishcai, cai munduibi ima ricuringaraushcata rimara. Chigunaga, guerraguna, raicaiguna, terremotoguna manaun (Mateo 24:7ta leipai). Bibliaga rimarami, runaguna mana ali rashcamanda, “tucurina punzhagunai [...] yapa turmintarina tucunga” (2 Timoteo 3:1-5). 1914 huatamanda, cai munduibi causac runaguna, mana alita yuyasha, mana tunu causashcata pasacta ricushcanchi.
3. Diospa Gobierno mandangahua callarishcamanda imahuata cai munduibi yapa turmintu tiashca
Jesus, Diospa Gobiernoibi mandangahua callarishcai, cieloibi shuc guerra tiara. Chi guerraibi, Jesus, supaihuan demoniogunahuan macanacura. Biblia nishca shina, Jesusca supaita binsisha, ʻpaihua demoniogunandi, cai munduma shitaraʼ (Apocalipsis 12:9, 10, 12). Supaiga, Dios paita ñalla tucuchingaraushcata yachasha, yapa piñarishca maun. Paiga mundu intiruibi runagunata turmintachiun. Chiraicu, cai mundu mana ali aushcata ricunchi. Chasna ashahuas, Diospa Gobiernomi tucui cai turmintugunata tucuchinga.
CAIMANDA MASTA YACHAI
1914 huataibi Diospa Gobierno mandangahua callarishcamanda yachashun. Caiga, imasa ñucanchita yanapashcata ricushun.
4. Bibliamanda profeciaguna, Diospa Gobierno 1914 huataibi mandangahua callarishcata yachachin
Diosca callari timpu Babilonia llactaibi mandac rey Nabucodonosorta muscuchira. Chi muscuibi, Diosca shamuc punzhaibi ima tucungaraushcata ricuchira. Profeta Daniel intindichishca shina, cai muscuiga Nabucodonosorba gobiernomanda, Diospa Gobiernomandahuas rimashca mara (Daniel 4:17ta leichi). a
Daniel 4:20-26ta leichi. Huasha cai dibujugunata ricusha cai tapuigunamanda cuintanacuichi:
-
A) Nabucodonosorga paiba muscuibi imatata ricura (Versiculo 20 y 21ta ricuichi).
-
B) Ruyahuan imata tucuna ara (Versiculo 23ta ricuichi).
-
C) “Canzhis timpuguna” tucuricpiga imata tucuna ara (Versiculo 26ta ricuichi).
Muscuibi ricushca ruya, Diospa Gobiernohuas
PROFECIA (Daniel 4:20-36)
Mandana
A) Manacailla ahua ruya
Mandana saquichishca
B) “Ruyata pitichi” chasnallata “canzhis timpu pasachun” saquichi
Mandana cutillata callarishca
C) “Cutillata mandangui”
Profeciamanda punda pactarishca:
-
D) Cai profeciamanda ruyaga pi tara (Versiculo 22ta ricuichi).
-
E) Ima timpuibita mandanata saquira (Daniel 4:29-33ta leichi).
-
F) “Canzhis timpu huashaga” paiga imata tucura (Daniel 4:34-36ta leichi).
PROFECIAMANDA PUNDA PACTARISHCA
Mandana
D) Nabucodonosor, Babiloniamanda mandac rey
Mandana saquichishca
E) Nabucodonosorga 606 a.e.c. b huataibi nuspa tucura, canzhis huatatami mana mandanata ushara
Mandana cutillata callarishca
F) Nabucodonosorga aliyashca huasha, cutillata mandangahua callarira
Profeciamanda ishcai pactarishca:
-
G) Cai profeciamanda ruyaga piguna tanaura (1 Cronicas 29:23ta leichi).
-
H) Paigunaga ima timpuibita mandanata saquinaura. Jesus cai Allpaibi aushcai, cai mandaccuna ña mana mandaushcata, imasata yachanchi (Lucas 21:24ta leichi).
-
I) Cai gobiernoga maibita, ima uraspita mandangahua callarira
PROFECIAMANDA ISHCAI PACTARISHCA
Mandana
G) Israelita reyguna mandac manaura, mandangahua Dios churashca manaura
Mandana saquichishca
H) 607 a.e.c. huataibi, Jerusalen tucuchishca mara. 2.520 huatagunatami israelita reyguna mana tianaura
Mandana cutillata callarishca
I) Jesucristoga Diospa Gobiernoibi 1914 huataibimi cieloibi mandangahua callarira
Canzhis timpugunaga masna huataguna tan
Shuc partibi Biblia nishcaguna, shuc partibi Biblia nishcagunata intindingahua yanapaitucunchi. Apocalipisis libro nin, quimsa timpu chaupiga 1.260 punzhaguna man (Apocalipsis 12:6, 14). Chiraicu, canzhis timpugunaga 2.520 punzhaguna man. Bibliaga nin, shuc punzhaga shuc huata man nisha (Ezequiel 4:6). Daniel libroibi canzhis timpu rimashcaga 2.520 huataguna man.
5. 1914 huataibi cai mundu cambiara
Jesusca, pai mandangahua callarishcaibi, cai mundu ima tucungaraushcata nira. Lucas 21:9-11ta leichi, huasha cai tapuimanda cuintanacuichi:
-
Cai profeciamanda maican pactarishcatata ricushcangui.
Apostol Pabloga runa gobierno tucurina punzhagunaibi, runaguna imasa causana ashcata ricuchira. 2 Timoteo 3:1-5ta leichi, huasha cai tapuimanda cuintanacuichi:
-
Runaguna casna mana ali causashcatachu ricushcangui. Runaguna imasa tanaun.
6. Diospa Gobierno ña mandaushcata yachanaga alita causangahua yanapan
Mateo 24:3, 14ta leichi, huasha cai tapuigunamanda cuintanacuichi:
-
Ima balishca tarabaita, Diospa Gobierno ña mandaushcata ricuchin.
-
Canga imasata cai tarabanaibi yanapanata ushangui.
Diospa Gobiernoga ñami mandaun. Tucui cai Allpata mandachun ansallami pishin. Hebreos 10:24, 25ta leichi, huasha cai tapuimanda cuintanacuichi:
-
ʻDiospa punzha pactarimucta yachashagaʼ imatata rana anchi.
Canga shuc runata imasa quishpichina ushashcata yachasha imatata ranguima.
MAICANGUNAGA CASNAMI TAPUNAUN: “Imahuata testigo de Jehovagunaga 1914 huatamanda ashcata rimanaun”.
-
Canga imatata ninguima.
IMATA YACHASHCANGUI
Bibliamanda profeciaguna, chasnallata munduibi runaguna imasa causaushcaga, Diospa Reino ña mandaushcata ricuchin. Diospa Gobiernomanda predicasha, tandarinama rishaga chita quirishcata ricuchinchi.
Yachashcata cuintai
-
Daniel libroibi rimashca canzhis timpu tucurishca huasha imata tucura.
-
Diospa Gobierno 1914 huataibi mandangahua callarishcataga imahuata quiringui.
-
Diospa Gobierno ña mandaushcata yachashaga canga imatata rana angui.
CANLLATA MASTA YACHAI
1914 huatamanda cai mundu imasa cambiarishcata ashca estudiaccuna quillcashcata leipai.
“Chi timpumanda runaguna mana alita causangahua callarinaura” (¡Despertad!, abril de 2007)
Mateo 24:14 profecia imasa shuc runata yanapashcata ricui.
“Beisbol pugllanatami yapa gustahuac ara” (La Atalaya, num. 3 2017)
Daniel capitulo 4 nishca profeciaga Diospa Gobiernomandachu yachachin.
Daniel capitulo 4 “canzhis timpu” nishcaga 1914 huataibichu tucurira.
a Cai yachana partibi, “Canllata masta yachai” nishcai, tucuri ishcai quillcagunata leipai.
b a.e.c. nishcaga Jesus mana shamugllaita huataguna manaun. e.c. nishcaga Jesus shamushca huasha huataguna manaun.
