APII 32
Te Tutara Nei te Patireia o te Atua!
I te mataiti 1914, kua tutara te Patireia o te Atua i te rangi. Ko te tuatau openga te reira o te tutara anga a te tangata. Akapeea tatou i kite ei? Akamanako ana i te totou Pipiria, te au tupu anga e te au tu tei kiteaia, mei te 1914 mai.
1. Eaa ta te totou Pipiria e akakite ra?
Akakite te puka Pipiria o Daniela e kua akamata te Patireia o te Atua i te tutara i te tuatau openga, tei kapikiia ko te “itu ua atu tuatau.” (Daniela 4:16, 17) E anere tuma mataiti i muri mai, kua taiku a Iesu ko te ‘tuatau openga ïa o te etene,’ me kore pa enua e kua apii aia kare te reira i ope ake. (Luka 21:24) Mei ta tatou ka apii mai kua ope te itu ua atu tuatau, i te mataiti 1914.
2. Eaa te au tupu anga e te au tu tei kiteaia, mei te 1914 mai?
Kua ui ta Iesu au pipi kiaia: ‘E akakite mai i te akairo o toou aerenga mai, e te openga o teianei ao?’ (Mataio 24:3) Kua totou a Iesu i te au mea ka tupu me tutara aia i te rangi ei Ariki no te Patireia o te Atua. Ka tupu te tamaki, te onge, e te ngaruerue enua. (E tatau ia Mataio 24:7.) Kua totou katoa te Pipiria e ka “kino maata” te tu o te tangata i te “tuatau openga.” (2 Timoteo 3:1-5) Kua kiteaia teia au tupu anga e te au tu, mei te 1914 mai.
3. Mei te taime i tutara ai te Patireia o te Atua, eaa te au tupuanga e te au tu, i kino maata ei?
I muri ua ake te riro anga a Iesu ei Ariki no te Patireia o te Atua, kua tamaki atu aia ia Satani e tana au temoni, i te rangi. Kua ruti a Satani i te reira tamaki. Karanga te Pipiria kua “uriia aia ki vao ki runga i te enua nei, e tana au angela katoa, kua uri katoaia ki vao.” (Apokalupo 12:9, 10, 12) E riri maata to Satani, no te mea kua kite aia e ka takoreia aia. Te akatupu nei aia i te kino e te mamae i te enua nei. No reira teianei ao i kino ei! Ka takore te Patireia o te Atua i teia au manamanata.
KIMI OONU
Apii akapeea tatou e kite ei kua tutara te Patireia i te 1914, e eaa te aiteanga o te reira no tatou.
4. Te tou ra te papaanga Pipiria ki te 1914
Kua akatupu te Atua i tetai moemoea totou ki te Ariki ko Nebukanesa i Babulonia taito. Teia moemoea e te akamārama anga ta Daniela i oronga, no runga te reira i te tutara a Nebukanesa e te Patireia o te Atua.—E tatau ia Daniela 4:17. a
E tatau ia Daniela 4:20-26, e oti akara i te tutu no te pau i te au uianga ka aru mai:
-
(A) Eaa ta Nebukanesa i kite i roto i tana moemoea?—Akara i te irava 20 e te 21.
-
(E) Eaa te ka tupu ki te tumu rakau?—Akara i te irava 23.
-
(NG) Eaa te ka tupu i te openga o te “itu ua atu tuatau”?—Akara i te irava 26.
Te Moemoea Tumu Rakau e te Patireia o te Atua
TE TOTOU (Daniela 4:20-36)
Tutara
(A) Tumu rakau nui
Tamanataia te tutara
(E) ‘Tipu i te rakau ki raro,’ e ‘kia tae ki te itu ua atu tuatau’
Tutara akaou
(NG) ‘E riro noou akaou taua basileia ra’
I te tupuanga mua o teia totou . . .
-
(I) Eaa tei akatutu i te tumu rakau?—Akara i te irava 22.
-
(K) Akapeea tana tutara te tamanataia anga?—E tatau ia Daniela 4:29-33.
-
(M) Eaa tei tupu kia Nebukanesa i te openga o te “itu ua atu tuatau”?—E tatau ia Daniela 4:34-36.
TUPUANGA MUA
Tutara
(I) Nebukanesa, te Ariki o Babulonia
Tamanataia te tutara
(K) Muri ake i te 606 M.T.N., kua nenevaia a Nebukanesa e kare i tutara no tetai itu mataiti
Tutara akaou
(M) Meitaki a Nebukanesa e kua tutara akaou
I te tupuanga rua o teia totou . . .
-
(N) Eaa tei akatutu i te tumu rakau?—E tatau ia 1 Paraleipomeno 29:23.
-
(O) Akapeea ta ratou tutara te tamanataia anga? Akapeea tatou e kite ei kua tamanataia te reira ia Iesu i te enua nei?—E tatau ia Luka 21:24.
-
(P) I naea e kiea teia tutara, i akamata akaou ei?
TUPUANGA RUA
Tutara
(N) Te au ariki o Iseraela tei tutara no te Atua
Tamanataia te tutara
(O) Takoreia a Ierusalema, tamanataia te tutara o te au ariki o Iseraela e 2,520 mataiti
Tutara akaou
(P) Tutara a Iesu i te rangi ei Ariki no te Patireia o te Atua
Eaa te roa o te itu ua atu tuatau?
Ka mārama tatou i tetai tuanga o te Pipiria me akara tatou i tetai au tuanga ke. Ei akaraanga, te karanga ra a Apokalupo e kua aite te toru e te apa taime ki te 1,260 rā. (Apokalupo 12:6, 14) Me tareia teia numero e rua taime, ka aite te itu ua atu tuatau ki te 2,520 rā. E tare ana te Pipiria i te okotai rā e tai mataiti. (Ezekiela 4:6) Ko te itu ua atu tuatau tei taikuia i te puka a Daniela—e 2,520 mataiti.
5. Kua taui teianei ao mei te 1914 mai
Totou a Iesu e ka kiteaia te au tupu anga i teianei ao me tutara aia ei Ariki. E tatau ia Luka 21:9-11, e oti uriuri i teia uianga:
-
Eaa te au tupu anga taau i kite ana e i rongo ana?
Kua akataka te apotetoro ko Paulo i te tu o te tangata i te tuatau openga a te tutara anga tangata. E tatau ia 2 Timoteo 3:1-5, e oti uriuri i teia uianga:
-
Eaa te au tu o te tangata taau e kite ra i teia tuatau?
6. Ka akakeu to te Atua tutara anga Patireia ia tatou
E tatau ia Mataio 24:3, 14, e oti uriuri i teia au uianga:
-
Eaa te angaanga puapinga tei akapapu e te tutara nei te Patireia o te Atua?
-
Akapeea koe me piri atu ki teia angaanga?
Te tutara nei te Patireia o te Atua, kare e roa ka tutara te reira ki rungao i te enua. E tatau ia Ebera 10:24, 25, e oti uriuri i teia uianga:
-
Eaa ta tatou ka rave me ‘akara tatou i taua rā i te vaitata anga mai’?
Me ka riro taau i apii ei tauturu e te akaora i tetai ke, eaa taau ka rave?
ME UI MAI TE TANGATA: “Eaa te Au Kite o Iehova i tuatua ua ai i te 1914?”
-
Eaa taau pauanga?
APIIANGA
Te akapapu maira te totou Pipiria, te tuatua enua, e te au tupu anga o teianei ao e te tutara nei te Patireia o te Atua. Irinaki matou i teia na te tutu aere anga i te reira e te akaputuputu atu ki te au uipaanga.
Uriurianga
-
Eaa tei tupu i te openga o te itu ua atu tuatau tei totouia e Daniela?
-
Eaa koe ka irinaki ei e kua tutara te Patireia o te Atua i te 1914?
-
Akapeea koe me akaari e te irinaki ra koe, te tutara nei te Patireia?
KIMI KIMI
Akamanako i ta te aronga tata tuatua enua e tetai pae i tuatua no te au taui anga i teianei ao mei te 1914 mai.
“Te Kino Roa Atu Anga te Turanga no te Mea Tika e te Tarevake” (E Ara!, Aperira 2007)
Tatau akapeea te totou ia Mataio 24:14 te akakeu anga i tetai tangata.
“Ko te Baseball Taku Mea Reka Rava Atu!” (Te Punanga Tiaki Nu. 3 2017)
Akapeea tatou e kite ei kua totouia te Patireia o te Atua i roto ia Daniela pene 4?
Eaa te akakite maira kua ope te “itu ua atu tuatau” i te 1914, tei taikuia ia Daniela pene 4?
a Akara i te tuanga Kimi Kimi no teia nga atikara openga.