O Regato le Devlesco astardea te rail ando cerii ando bărș 1914. Sa ande codo bărș, astarde vi le palutne ghiesa anda o raimos le manușengo. Catar jianas cadai buchi? Ande cadai lecția va avela te dichas iech profeția biblico, hai vi sar parudea-pe i lumea hai o phiraimos le manușengo anda o bărș 1914 ji acana.

1. So phendea de mai anglal i Biblia?

Anda o lil biblico Daniel hachiaras că o Regato le Devlesco avelas te astarel te rail cana terminilas-pe iech perioada cai bușiol „efta timpuri”. (Daniel 4:16, 17) But bărșa pala codoia, o Isus phendea anda sa cadai perioada că si „le timpuri cai sas dine le națiunenghe” hai mai phendea că cadala ci terminisarde-pe încă. (Luca 21:24) Cadea sar va avela te dichas, le efta timpuri terminisarde-pe ando bărș 1914.

2. Sar parudea-pe i lumea hai o phiraimos le manușengo anda o bărș 1914?

Le discipoli pușle le Isusos: „Savo va avela o semno cai va sicavela chi prezența hai o phandaimos cadale sistemosco?”. (Matei 24:3) O Isus phendea lenghe că, pala soste va astarela te rail sar Rege ando Regato le Devlesco, va avena mai but buchia, sar avenas le marimata, o bochalimos hai le izdraimata phuveache. (Citisaren Matei 24:7.) Mai but, i Biblia phendea de mai anglal că, anda codoia că le manușa va phiravena-pe nasul, andel „ghiesa de palal” va avena timpuri phare, „cai phares va cărdiola lenghe fața”. (2 Timotei 3:1-5) Anda o bărș 1914, sea cadal buchia dichen-pe vi mai but.

3. Sostar si le buchia pi phuv sea mai nasul de cana o Regato le Devlesco rail?

Ca țâra timpo pala soste o Isus sas cărdo Rege ando Regato le Devlesco, vo phiradea iech marimos ando cerii contra o Beng hai lesche demoni. O Beng hasardea codo marimos. I Biblia phenel că „sas-lo șiudino pi phuv, hai lesche îngeri sas-le șiudine ande iech than leia”. (Revelația 12:9, 10, 12) Le Benghes siles iech bari holi, anda codoia că jianel că va avela mudardo. Cadea că, vo si codo cai cherel but nasulimos hai anel pe sea i phuv iech bari duch. Cadaia ajutil-ame te hachiaras sostar aghies andi lumea, le buchia jian cadea de nasul. O Regato le Devlesco va chosela pa i phuv sea cadal ducha.

 HACHIAR MAI MIȘTO

4. Cana înghinas le bărșa pala sar sicavel i Biblia, arăsas co bărș 1914

I iechto var cana pherdilea-pe i profeția . . .

• D) Con si o cașt? (Dich o verseto 22.)

• E) Sar sas așado lesco raimos? (Citisaren Daniel 4:29-33.)

• F) So sas le regeia Nebucadnețar cana nachle le „efta timpuri”? (Citisaren Daniel 4:34-36.)

I duito var cana pherdilea-pe i profeția . . .

• G) Con si o cașt? (Citisaren 1 Cronici 29:23.)

• H) Sar sas așado lengo raimos? Catar jianas că cado raimos sas așado vi cana o Isus sas-lo pi phuv? (Citisaren Luca 21:24.)

• I) Cana hai cai sas andino parpale cado raimos?

 6. O raimos le Regatosco le Devlesco trebulas te spidel-ame te cheras vareso

Citisaren Matei 24:3, 14 hai pala codoia den duma:

• So bari buchi cai cherel-pe aghies sicavel că o Regato le Devlesco rail?

• Sar daștis vi tu te cheres cadai buchi?

O Regato le Devlesco rail acana ando cerii hai na pa but timpo va raila vi opral sea i phuv. Citisaren Evrei 10:24, 25 hai pala codoia den duma:

• So trebulas te cherel fiesavo anda amende acana că dichas că „o ghies pașiol”?

 SO SICHILEAM

Cana înghinas le bărșa pala le profeții biblico hai dichas le buchia cai si andi lumea, jianas că o Regato rail. Sicavas că pachias cadaia, cana phenas i vestea lași hai jias ca le întruniri.

So dichleam

• So sas pala le efta timpuri anda save dea duma de mai anglal o lil biblico Daniel?

• Sostar pachias că o Regato le Devlesco rail anda o bărș 1914?

• Sar daștis te sicaves că pachias că o Regato le Devlesco rail aghies?