Лэ Дэвлэско Царство ля тэ правий по нэбо андо 1914 бэрш. Андэ кадэя жэ время залинэпэ и послидни деса важ и правительства, савэ пэ ԥув. Катар амэ када ӷанас? Роздиқаса дэсавэ пророчества анда Библия, ай кадяжэ кода, сар паруделэ и мануша и вся, со андэ люма лэ 1914 бэршэстар.

1. Со сыкавэн и библейски пророчества?

Андэ Даниила пистромэ, кай лэ Дэвлэско Царство трэбуй тэ лэл тэ правий тоди, кала кончияпэ и время, пэ сави ԥэнэн «семь времён» (Даниил 4:16, 17). Прожылэ бут викоря и о Иисусо ԥэндя, кай пэ кадэла семь времён инке ԥэнэн «и время, сави стоди важ и народоря» и вой инке на кончисайля (Луки 21:24). Амэ уӷанаса, кай и семь времён кончисайлэ андо 1914 бэрш.

2. Сар лэ 1914 бэршэстар вся паруделя?

И апостолоря пушлэ кай о Иисусо: «Со сыкавэла, кай ту упалэ паша амэндэ, и кала авэла конец кадэла времяти, андэ сави амэ жувас?» (Матфея 24:3). О Иисусо драго росԥэндя, со терэлапэ пэ ԥув, кала во лэла тэ правий по нэбо сар Царё андэ лэ Дэвлэско Царство. Во ԥэндя, кай авэна войны, боқалимос и землетрясении. (Адиносар Матфея 24:7.) Андэ Библия кадяжэ ԥэнэнпэ, кай «андэ послидни деса» и мануша андярэна пэс кадя, кай «авэла фартэ ԥари время» (2 Тимофею 3:1—5). Дицол, кай лэ 1914 бэршэстар фартэ вся паруделя.

3. Васо посли кода, сар ля тэ правий лэ Дэвлэско Царство, андэ люма вся ашэля май хужэ?

Важ кода кай о Сатана «сас сшуто пэ ԥув, и лэса слинэ сшутэ лэстирэ анӷелоря» (Откровение 12:9, 10, 12). О Иисусо када стердя, кала ашэля Царёса андэ лэ Дэвлэско Царство. Во ля тэ марэлпэ по нэбо лэ Сатанаса и лэ найвужэнца. О Сатана процэлдя кадэя война. Во ӷанэн, кай ӥто лэс умарэна, и важ када во фартэ холинако. Вижал, через када во камэл тэ терэл вся, кай лэ манушэнди тэ авэл май ԥарэс и май вэрыто. Када поможый амэнди тэ полас, васо и жызня кацави дэ ԥари. Но лэ Дэвлэско Царство вся када улэла.

 УӶАНАМ МАЙ БУТ

4. Па Библия дицол, кай и время сыкавэл по 1914 бэрш

Андэ время, кала пэрво разо стердяпэ кадэва пророчество

• 4. Со сыкавэлас и витка? (Диқэн о стихо 22.)

• 5. Сар о царё Навуходоносоро парашэля тэ правий? (Адиносарам Даниил 4:29—33.)

• 6. Со сас кадэлэ царёса, кала линэ тэ кончинпэ и семь времён? (Адиносарам Даниил 4:34—36.)

Андэ время, кала дуйто разо стердяпэ кадэва пророчество

• 7. Со сыкавэлас и витка? (Адиносарам 1 Летопись 29:23.)

• 8. Сар парашэлэ тэ правин кадэла царёря? Катар амэ ӷанас, кай вонэ на рисардэ пэстири правления, кала о Иисусо жувэлас пэ ԥув? (Адиносарам Луки 21:24.)

• 9. Кала и кай рисардэ и правления?

 6. Лэ Дэвлэско Царство ужэ правий. Тер варисо!

Адиносарам Матфея 24:3, 14 и подам дума пала вопросоря, савэ май тэлэ.

• Па сави дила адес дицол, кай лэ Дэвлэско Царство ужэ правий?

• Сар ту можэш тэ терэс кадэя жэ дила?

Лэ Дэвлэско Царство ужэ ля тэ правий и ӥто авэла кодэва дес, кала во правия всаворя ԥувьяса и вся лэла андэ пэстирэ вас. Адиносарам Евреям 10:24, 25 и подам дума пала вопросо, саво май тэлэ.

• Со ту трэбуй тэ терэс, кала диқэс, «кай пашол кодэва дес»?

 ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай и пророчества анда Библия и вся, со терэлпэ андэ люма, сыкавэн, кай лэ Дэвлэско Царство ужэ правий. Амэ сыкавас, кай патяс кадэлэсти, кала росԥэнас пала када аврэнди и кала ԥирас пэ собрания.

Сар ту гиндос?

• Со тердяпэ, кала кончисайлэ и семь времён, пала савэ сас ԥэндо андэ книӷа Даниила?

• Васо ту патяс, кай лэ Дэвлэско Царство ля тэ правий андо 1914 бэрш?

• Сар ту можэш тэ сыкавэс, кай патяс андэ кода, кай лэ Дэвлэско Царство акана правий?